Pwata Sia Moni Ew Na Engon

Ew me nein an Kot kewe annuk ina ach sipwe kamotiw ew na engon, minne ewe ew na engonun om mwoni tonong, ngeni An Mwichefen. Nupwen sia moni ew na engon, sia pwarano ach kinisou ngeni Kot ren ach kewe feioch. Sia pwarano pwe sia epinukunuk non ewe Samon me sia mochen ach sipwe anneasosich I non mettoch meinisin.

Sasing

aramas ra wato mettoch ngeni Melkisetek pwe mon ew ne engon

Melkisetek—Chon tumunu ewe Imwen Iseis, seni Clark Kelley Price

Ekkewe Afanfanen Testamen Noom

Noun Kot aramas ra monatiw ew na engon seni fansoun Testamen Noom. Awewe ren, Abraham a moni ew na engon (nengeni Genesis 14:18–20). Ewe annukun ew na engon a pwan wor afanafanan seni ekkewe soufosun noom, pachonong Moses me Malachi (nengeni Leviticus 27:30–34; Nehemiah 10:35–37; Malachi 3:10).

Non 1838, ewe Soufos Joseph Smith a eisini ewe Samon ifa ussun an chon ewe Mwichefen repwe monatiw ew na engon. An ewe Samon ponueni a makketiw non Doctrine and Covenants 119, ewe a apasa pwe chon mwichefen repwe wano ew na engonun ar tufich ngeni ewe Mwichefen (nengeni verse 4). Ekkewe sou emwenin Mwichefen ra osukuna pwe “interest” wewen mwoni tonong.

Sasing

aramas ra kapong fengen won pour nupwen emon a pasini ew futo ngeni ewe pwan emon

Sasing seni Jamie Dale Johnson

Ifa ussun Ach Monatiw Ew Na Engon

Sia tongeni monatiw ew na engon ren ach amasowa ewe taropwen fes won line ren donations.ChurchofJesusChrist.org. Are sia tongeni amasowa echo taropwe me ngeni emon chon ewe pisoprik ika presetensin pranch ewe moni. Meinisin ewe mwoni a titino ngeni ofesinapen Mwichefen, ikewe sou emweni Mwichefen (Aewin Presetensi, Mwichen Engon me Ruemon Aposel, me Chon Nemeni Mwichen Pisoprik) ra ekiek fiti iotek ifa ussun nounoun ewe mwoni.

Ewe Samon a pwon pwe ekkana ra moni ew na engon repwe feioch non pekin aion me non pekin ngun. Ew na engon a pwan efeiochu meinisin noun Kot semirit fiti ewe tufich ar repwe kaeo me marita non ewe kapas allim.

Sasing

Salt Lake Tempel

Ifa Ussun Nounoun Mwonien Ew Na Engon

Mwonien ew na engon a nounou ne oueta an ewe Samon Mwichefen won unusen fonufan. Ei a pachenong ekkewe imwen tempel me ekkoch imwen Fan, nenien fori pukefen me ekkoch pisek, awora mwonien sukunen ewe Mwichefen, me anisi uruon famini me angangen misineri.

Fan ew non ew ier, chon ewe Mwichefen ra churi nour pisop (ika presetenin pranch) ar repwe ureni pwe ir mi monatiw unusen ar ew na engon.