Na Vuna Eda Saumi iKatini Kina

E dua na ivakaro ni Kalou sai koya me da sauma na ikatini, ka dua na ikatini ni keda isau, ki na Nona Lotu. Ni da sauma na ikatini, eda vakaraitaka na noda vakavinavinaka vua na Kalou me baleta na noda veivakalougatataki. Eda vakaraitaka ni da nuitaka na Turaga ka sa lomada meda talairawarawa Vua ena ka kecega.

iVakatakilakila

na tamata era kauta mai na veika vinaka vei Melikiseteki me saumi ikatini

Melikiseteki—iVakatawa ni Lololo, mai vei Clark Kelley Price

iVakavuvuli Eso ni Veiyalayalati Makawa

Era sa saumi ikatini tu na tamata ni Kalou mai na gauna ni Veiyalayalati Makawa. Me kena ivakaraitaki, a sauma o Eparama na ikatini (raica Nai Vakatekivu 14:18–20). Na lawa ni ikatini era a vakatavulica talega na parofita ni gauna makawa, oka kina o Mosese kei Malakai (raica na Vunau ni Soro 27:30–34; Niemaia 10:35–37; Malakai 3:10).

Ena 1838, a taroga o Josefa Simici na Parofita vua na Turaga na sala me ra sauma kina na ikatini na lewe ni Lotu. Na kena isau mai vua na Turaga e volai tu ena Vunau kei na Veiyalayalati 119, ka kaya ni dodonu vei ira na lewenilotu me ra solia e dua na ikatini ni ka era rawata ki na Lotu (raica na tikina e 4). Era sa vakatavulica na iliuliu ni Lotu ni ibalebale ni ka era “rawata” oya na ilavo.

iVakatakilakila

era lululu na tamata ni dua e solia tiko e dua na waqanivola ki na dua tale

iTaba mai vei Jamie Dale Johnson

Na iVakarau ni Saumi iKatini

E rawa ni da saumi ikatini ena noda vakalewena na fomu ni cau ena initaneti donations.ChurchofJesusChrist.org. Se rawa ni da vakalewena e dua na fomu pepa ka solia na ilavo vua e dua na lewe ni matabisopi se mataveiliutaki ni tabana. Na ilavo kece e vakau ki na itikotiko liu ni Lotu, ka ra na vakatulewa kina ena masumasu na iliuliu ni Lotu (na Mataveiliutaki Taumada, Kuoramu ni iApositolo Le Tinikarua, kei na Matabisopi Vakatulewa) na ivakarau me vakayagataki kina.

Sa yalataka na Turaga ni o ira era saumi ikatini era na vakalougatataki vakayago ka vakayalo. Na ikatini e vakalougatataki ira talega na luvena kece na Kalou ena madigi me ra vuli mai Vua ka tubu ena kosipeli.

iVakatakilakila

Valetabu e Salt Lake

Na iVakarau e Vakayagataki Kina na iLavo ni iKatini

E dau vakayagataki na ikatini me tarai cake kina na Lotu ni Turaga e vuravura raraba. Oqo e oka kina na tara ni valetabu kei na veivale tale eso ni Lotu, tabaki ni ivolanikalou kei na ivola tale eso, vakailavotaki ni koronivuli ni Lotu, kei na veivuke ena cakacaka ni tuva kawa kei na kaulotu.

Ni oti e dua na yabaki, era dau sota na lewe ni Lotu kei na nodra bisopi (se peresitedi ni tabana) me ra tukuna vua kevaka era sa saumi ikatini vakataucoko tiko.