Bukin Tera Ti Kabwaka te Kabwianibwai

Teuana mai ibuakon Ana tua te Atua bon kabwakaan te kabwianibwai, are teuana te katebubua man ara kareke mwane, nakon te Ekaretia. Ngkana ti kabwakaa ara kabwianibwai, ti kaota ara kakaitau nakon te Atua ibukin kakabwaiakira. Ti kaotia bwa ti katuka ara onimaki iaon te Uea ao ni kukurei n ongotaeka Nakoina ni bwaai ni kabane.

Tamnei

aomata a uotii bwaai nakon Merekitereka bwa kabwakaan aia kabwianibwai

Merekitereka—Te Tia Kawakina te Autinibwai, iroun Clark Kelley Price

Reirei man Te O Tetemanti

Ana aomata te Atua a kabwakaa te kabwianibwai n tain te O Tetemanti. Te katooto, Aberaam e kabwaka ana kabwianibwai (taraa Karikani Bwaai 14:18–20). Tuan te kabwianibwai e reiakinaki naba irouia burabeti ake rimoa, ni ikotaki ma Mote ao Maraki (taraa Nakoaia Ibonga 27:30–34; Neemia 10:35–37; Maraki 3:10).

N 1838, te Burabeti Iotebwa Timiti e titirakina te Uea bwa a na kanga membwa n te Ekaretia ni kabwakai aia kabwianibwai. Ana kaeka te Uea, e kuneaki n Reirei ao Berita aika Tabu 119, are e taekinaki bwa membwa a riai n anga teuana te katebubua man aia raka ni mwane nakon te Ekaretia (taraa te kibu 4). Taan kairiiri n te Ekaretia a reirei bwa “te raka ni mwane” e nanonaki bwa te kareke mwane.

Tamnei

aomata a kamauri ngke temanna e anga te tinaniku nakon are temanna

Tamnei iroun Jamie Dale Johnson

E Kanga Kabwakaan te Kabwianibwai

Ti kona ni kabwakaa te kabwianibwai man kanoaan te booma n angabwai iaonrain n donations.ChurchofJesusChrist.org. Ke ni kanoaa te booma ae te beeba ao anga te mwane nakon te membwa n te bitiobiriki ke te beretitentii n te mwaanga. Ni kabane mwaane a kanakoaki nakon ana etekuata te Ekaretia, ike taan kairiiri n te Ekaretia (te Moan Beretitentii, Kooram n Abotoro n te Tengaun ma Uoman, ao te Bitiobiriki n Tararua) a tataromwaaka ni baireia bwa e na kanga ni kabonganaaki.

Te Uea e berita bwa naake a kabwakai aia kabwianibwai a na kakabwaiaki ni maiun rabwataia ao tamneia. Te kabwianibwai e kakabwaiaia naba ni kabane natin te Atua n reken aia tai n reiakina Taekana ao n rikirake inanon te euangkerio.

Tamnei

Salt Lake Tembora

E Kanga ni Kaboonganaaki Mwanen te Kabwianibwai

Mwanen te kabwianibwai e kabonganaaki ni katea ana Ekaretia te Uea ni katobibia te aonaaba. Aio n raonaki ma katean taian tembora ao ana kateitei riki tabeua te Ekaretia, boretiakin booki aika tabu ao bokinreirei tabeua, mwanenakin reirei ake ana bwai te Ekaretia, ao ni buoka te mwakuri n rongorongon te utu ao te mwakuri ni mitinare.

Teuana te tai n te ririki, membwa n te Ekaretia a kaitibo ma aia bitiobi (ke beretitenti n te mwaanga) ni kaotia nakoina ngkana a bon kakabwaka te kabwianibwai ae bwanin.