“Mma Nntweɔn! Yɛ Dɛ Nguanhwɛfo no,” Ma Mbabun Enya Ahoɔdzen, Mumu 2022.
Bosoom bosoom Ma Mbabun Enya Ahoɔdzen Amandzɛɛbɔ, Mumu 2022
Mma Nntweɔn! Yɛ Dɛ Nguanhwɛfo no
Anago komm mbertsentsen bi a ɔabasen kɔ no, nguanhwɛfo dze enyimia roweɔn hɔn nguankuw.
Nna nguanhwɛfo no wɔ edwuma bi a ohia. Nna nguan no hia edziban, nsu, na bambɔ fi esian ho.
Awerɛfir mu ara, ɔbɔfo bi puei!
“Mma hom nnsuro, na hwɛ, mebrɛ hom nsɛmpa a ɔyɛ dɛw kɛse. … Na ndɛ wɔawo Agyenkwa ama hom … ɔno nye Christ Ewuradze.”
Ɔbɔfo no see nguanhwɛfo no dɛ wobohu abofra no dɛ ɔkyekyer adasoe mu, da mbowa edzidzidaka mu wɔ Bethlehem.
Abɔfo adwontokuw bi hyɛɛ wimu mã na wɔbɛkãa ɔbɔfo no ho yii Nyankopɔn ayɛw.
“Enyimnyam wɔ sorsor ma Nyankopɔn, na asomdwee nkã nyimpa a wɔsɔ n’enyi wɔ asaase do.’’
“Hom mma yɛnkɔ Bethlehem nkɔhwɛ dza ɔaba a Ewuradze eyi akyerɛ hɛn yi.’’
Nguanhwɛfo no anntweɔn. Nna iyi hia dodow! Wɔbaa Bethlehem “ntsɛntsɛm” ara.
Nguanhwɛfo no bohun Jesus dɛ ɔkyekyer adasoe mu da mbowa edzidzidaka mu, dɛmara dɛ ɔbɔfo no kãe no.
Nna iyi nye Messiah no a wɔbɔɔ no ho anohoba dɛ ɔbɛyɛ wiadze Agyenkwa na Pomfo na Ɔdze nokwar dɛwdzi abrɛ hɛn!
Nguanhwɛfo no enyi gyee dodoodow! Wɔkãa dza wɔtsee na wohunii
“Wɔawo wiadze Agyenkwa no!’’
“Messiah no enya aba koraa!’’
Nguanhwɛfo no baa Jesus hɔ “ntsɛntsɛm’’ ara. Woso botum!
Ibotum esũa No ho asɛm.
Ibotum asom binom dze asom No.
Ibotum agye No ho dase.
© 2022 odzi wɔ Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. For the Strength of Youth Message, December 2022ne Nkyerɛasee. Fante. 18318 502