Бүү хүлээ. Хоньчид шиг бай,” Өсвөр үеийнхний бат бөх байдлын төлөө, 2022 оны 12-р сар.
Сар тутмын Өсвөр үеийнхний бат бөх байдлын төлөө сэтгүүлийн захиас, 2022 оны 12-р сар
Бүү хүлээ! Хоньчид шиг бай
Эрт урьд нэгэн амгалан шөнө хоньчид сүргээ сонор сэрэмжтэй хариулж байв.
Сүргээ бэлчээх, услах, аюулаас хамгаалах гээд хоньчид чухал ажилтай байлаа.
Гэнэт тэнгэр элч үзэгдэн,
“Бүү айгтун, харагтун, би бүх ард түмнийг үлэмж баярлуулах сайхан мэдээг та нарт авчирлаа. Аврагч Эзэн Христ та нарын төлөө мэндэллээ” гэв.
Тэнгэр элч нар “Тэжээлийн тэвшинд байх даавуунд өлгийдсөн нялх хүүхдийг та нар Бетлехемд олж харна” хэмээн хоньчдод хэлжээ.
Тэнгэрлэг дайчдын найрал дуу тэнгэрт цуурайтан, тэнгэр элчүүд нэгдэж, Бурханыг магтан дуулав.
“Дээр өндөрт алдар нь Бурханд байх болтугай, Доор газарт амар тайван нь Түүний тааллыг олсон хүмүүст байх болтугай.”
“Одоо шууд Бетлехемд очъё. Эзэний бидэнд мэдүүлсэн зүйл бүтсэнийг үзэцгээе гэлээ.”
Хоньчид хүлээсэнгүй. Энэ нь хойшлуулшгүй чухал зүйл байв. Хоньчид Бетлехем рүү “яаран яв[жээ].”
Тэнгэр элчийн хэлснээр, тэжээлийн тэвшин дотор даавуунд өлгийдүүлэн хэвтэх Есүсийг хоньчид харлаа.
Дэлхийн Аврагч, Гэтэлгэгч болж, бидэнд үнэн баяр баяслыг авчрахаар, амлагдсан Мессиа ийн ирсэн билээ.
Хоньчид баяр хөөртэй байв. Сонсож, үзсэн зүйлийнхээ талаар тэд хүмүүст хэлэв.
“Дэлхийн Аврагч мэндэллээ.”
“Мессиа эцэст нь ирлээ!”
Хоньчид Есүс рүү “яаран явж[ээ].” Та ч мөн яаран очиж болно.
Та Түүний талаар суралцах боломжтой.
Та бусдад үйлчилснээр Түүнд үйлчилж болно.
Та Түүнийг гэрчилж чадна.
© 2022 Intellectual Reserve, Inc. All rights reserved. АНУ-д хэвлэв. Англи хэлний зөвшөөрөл: 6/19. Орчуулгын зөвшөөрөл: 6/19. Monthly For the Strength of Youth Message, December 2022-ын орчуулга. Mongolian. 18318 363