Mboa horow ma Mbabun na Mbofra

Mfonyin

Primary mbofra

Mfonyin a Ben Johnson twae

Primary

Primary yɛ Asɔr no kuw ma mbofra a woedzi abosoom 18 dze kesi mfe 11. Primary mu no, mbofra dua nkyerɛkyerɛ, ndwom, na dwumadzi horow do sũa Jesus Christ na N’asɛmpa ho asɛm. Primary botum aboa mbofra ma wɔatse Nyankpɔn no dɔ ma hɔn ne nkã.

Afe a mbofra bedzi 12 mu ne Sanda bosoom mu no, mbofra fi Primary kɔ Aaron Asɔfodzi quorum horow mu (ma mbanyimba) anaa Young Women Adzesũa mbea horow mu (ma mbasiamba). Hɔn quorum na adzesũa mbea horow mu no, mbabun kɔ do hyɛ hɔn dasee dzen na wɔsom binom.

Mfonyin

nsa a ɔrodrɔw mfonyin bi

Mbofra na Mbabun Nhyehyɛɛ

Ne mbabun ber mu no, Jesus Christ nyinii “wɔ nyansa nye tsipɛn mu, na Nyankopɔn nye nyimpa hɔ enyimpa mu” (Luke 2:52). Mbofra na Mbabun nhyehyɛɛ no boa Asɔr mba nkumaa ma wodzi Christ ne fasusu do. Wosũa adze na wonyin wɔ hɔn bra ne fã biara mu—sunsum mu, nyimpa mu nkitahodzi mu, honandua mu, na nyansa mu.

Asɔr dawurbɔ krataa ma mbofra nye Friend (Nyɛnko) dawurbɔ krataa no. For the Strength of Youth (Ma Mbabun Enya Ahoɔdzen) nye dawurbɔ krataa ma mbabun. Dɛm dawurbɔ nkrataa yinom wɔ nsɛm, nkyerɛkyerɛ, na dwumadzi horow a wɔakyerɛw no pɔkyee ama mbofra na mbabun.

Mfonyin

akwankyerɛ buukuu n’ekyir wɔ Spain kasa mu

For the Strength of Youth Akwankyerɛ buukuu

For the Strength of Youth: A Guide for Making Choices (Ma Mbabun Enya Ahoɔdzen: Akwankyerɛ ma Nsanmuyi) kyerɛkyerɛ mbabun asɛmpa nokwar horow ho nsɛm. Ɔkyerɛkyerɛ hɔn mbrɛ wobesi bɔbɔ adwenpɔw horow a ɔbɔboa hɔn ma wɔaka Jesus Christ do. Nyiano ma nsɛmbisa a mbabun bɔwɔ fa mbrɛ wobesi edzi asɛmpa no do so kã ho bi.

Asɛmpa Nwoma Korabea wɔ internet do mboa horow pii a, video horow, ndwom, kyerɛwsɛm nsɛm, na dwumadzi horow kã ho. Mboa horow a ɔboa awofo na baanodzifo ma wɔkyerɛkyerɛ asɛmpa fapem horow so kã ho bi. Ibohu dɛm mboa horow yinom wɔ Asɛmpa Nwoma Korabea mu wɔ ChurchofJesusChrist.org nna wɔ Asɛmpa Nwoma Korabea app no mu.

Afe a wobedzi 14 wɔ mu n’ahyɛse no, mbabun nya nsato dɛ wɔbɔkɔ For the Strength of Youth (FSY) ehyiadzi horow. Nhyiamu yinom wɔ dwumadzi horow na adzesũa horow a ɔboa hyɛ gyedzi wɔ Jesus Christ mu dzen na ɔboa mbabun ma wonyin sunsum mu, nyimpa mu nkitahodzi mu, honandua mu, na nyansa mu.