Hom Mbra No Hɔ

Yerusũa N’asɛmpa, renya gyedzi wɔ No mu, runu hɛnho, yeridzi na yerisie ahyɛmu horow, na yeridzi Ne fasusu do no, yebotum aba Agyenkwa No hɔ.

Honandua mu edwumayɛ a ɔyɛ berɛ na adzesoadze a ɔyɛ dur botum ama yɛaatɔ bahaw, na dɛmara so na adwen, nkã-tse, na sunsum mu dze botum ayɛ. Agyenkwa no dze N’asomdwee ma hɛn, adzesoadze horow biara a bia yɛsoa no mmfa ho.

Kɔndua yɛ edwindadze a ɔkã mbowa ebien bɔmu ama woeetum aabɔmu aatwe adze, tse dɛ funtumdadze anaa hwiir a mbowa twe. Kɔndua no taa yɛ dua mpuna a ɔda abowa kor biara ne krado nam no do, a ɔkyɛ adze no dur no mu.

Yerusũa Ne nkyerɛkyerɛ na Ne fasusu no yebotum esũa Jesus Christ ho nsɛm—na yɛabɔ mbɔdzen aka No do.

Agyenkwa no N’ahomgye nye N’asomdwee a, ɔdwedwe hɛn adwen na hɛn akra. Ɔboa hɛn ma yedzi wiadze akadwen do konyim na ɔma hɛn sunsum mu ahoɔdzen ber a yɛayɛ mberɛw no.

Yɛdze Agyenkwa no No kɔndua roto hɛn do kyerɛ dɛ yerudua ahyɛmudzi mu dze hɛnho akyekyer No. Iyi kyerɛ dɛ yɛdze hɛn akoma rema No na N’edwuma. Sɛ yɛyɛ iyi a, yɛtse dɛ hɛn adzesoadze ayɛ har, osiandɛ nna Ɔroboa hɛn.