Mired ngak’ Ni’ir

Rayog ni ngad mired ngak e Somoel u dakaen e fil ko machib Rok’, bay e mich rodad ngak’, kalngaen’uy, mel’eg nge fol fapi micheg, nge leak en e susun Rok’.

Muruwel nge magawon ko dowen ma pii’ e magof, woed rogon e pi’nen ko tafney, thamey, nge thothup. Ma somoel e ma pii’ ngodad e gapas Rok’, ni demtrug e pomed nikad feked.

E mat’ ir e talen nima tay udakaen l’agruw e gamanman ere ni ngar fek e pi’nen uta’abong, woed e talen ko milay’ fa wagon. Mat’ ney ni bay e ma’bil nib rean nga dakaen poerow e gamanman, nibe thilyeg e tomal riy.

Rayog ni ngad filed marunga’agen Yesus Kristus napan ni ngad filed e machib Rok’ nge susun Rok’—nge guy rogon e rayog rodad ni ngad fol ngorad.

Tofan rok’ Somoel ir e gapas Rok’, nima mocha’ nag e tafney nge ya’el rodad. Irma ayuwegdad ni ngad gelnag e gafgow ko feyleng nge pii ngodad e gelingin ko ya’el napan gadad ra thamiy e magof.

Mufek e mat’ rok’ Somoel bayip fan gadad ma m’agdad uta’abang ngak udakaen e pi’ m’ag. Bayip fan ni ngad pii’ urngin e gum’ircha’dad Ngak nge muruwel Rok’. Napan ni ngad rrin’ed biney, me bba’ud nag e magawon bachane Irbe ayuweg ngodad.