Klaumerang er a Jesus Kristo.

siasing/Llecheklel

rengalek me a rengeasek el meliuekl er a hong

Ngera Klaumerang?

A klaumerang a sel mesisiich el oumerang er tekoi. Sel ngar er ngii a klaumerang er kid eng sel oureng ma klaumerang er a tekoi el merang, omko ng diak el sebched el mes malechub kede omtab (mesa Hebrews 11:1; Alma 32:21).

siasing/Llecheklel

llecheklel a Jesus Kristo

Cholechotel el ngara Kristo me a Merau el Ngeasek el Mengederedelmlara Heinrich Hofmann

Klaumerang er a Jesus Kristo

Sel omerael bedul a mo suobel, ea klaumerang er kid a kirel oltirakl er a Jesus Kristo el Osebeled. Sel ngar er ngii a klaumerang er kid er a Kristo belkul a kmo kede oumerang er Ngii. Kede ultuil er Ngii—oumerang er a Klisichel, llemesel, me a beltkil a rengul. Ng dirrek el uldimukl er a oumerang e oltirakl a Osisecheklel.

siasing/Llecheklel

obekel el mesuub a chedaol llechukl

Mo klou a Klaumerang er Kid

A klaumerang a sengk el mlara Dios, engdi ng kired el sikii e oureor melisiich er ngii. Ng sebched el melisiich er a klaumerang er kid lokiu a nglunguuch ma omesuubel a chedaol llechukl ma osischeklel a re profet ra uriul-klebesei. Kede dirrek el melisiich er a klaumerang er kid sel doruul a ungil e oltirakl aikel telbiled.

A klaumerang a lmuut el dmolech a belkul er a di oumerang. Ng belkul a kmo ke mo meruul aikal moumerang. Kede ochotii a klaumerang er kid er sel teteled el chad. A klaumerang er a Jesus Kristo a rulid el mo soad el oltirakl er Ngii. A klaumerang er kid a rulid el mo oltirakl a llechul, mo ouuchel a rengud er a kengtid, e mo meruul e oltirakl a telbiled.

siasing/Llecheklel

Jesus el okeubs er a euikeu el sechal

Klaumerang a Otireklid el mo er a Mengasireng

A meral klaumerang a ocholt a mengasireng el tekoi, el sebechel ues, berrous, omekungil, malechunb eng bebil er a teletael mlara Dios. A chedaol llechukl a ngar er ngii a betok el cheldecheduch er a rechad el mla ngmai a mengasireng el tekoi mla er a Rubak el klaumerang er tir a uchul. Mesa “Mengasireng” ma bebil er a omsodel er a Guide to the Scriputres. .

Sele ngarngii a klaumerang er kid er a Dios me auldasu er a mo suobel a sebechel melisiich er kid er a temel a cherarou. A klaumerang a sebchel meskid a klisiched el merael bedul uchei e mo chemau aikel ringel loba klisiich. Mesel sekum a ngar medad el taem a kora rrau a rengud el kirel, ea klaumerang er kid er a Osobel a sebchel meskid a budech.

siasing/Llecheklel

chedam lorreked er a ngelekel e tomes er a siasing er a Jesus

Klaumerang er a Jesus Kristo a Otireklid el mo Suobel

Sel doruula ikel kirel a klaumerang er kid er a Kristo eng otireklid el mo suobel. A Kristo mla rulii a rael el sebched el ngar er ngii e mo nguu a diak a ulebengelel klengar. Sel de kiei loltirakl er a klaumerang er kid er Ngii, eng sebched el mousubes a kengtid e lmuut el mo kiei lobengkel a Dios.