Fa’aro’o ia Iesu Mesia

Hōho’a

mau tamari’i ’e feiā ’āpī tei ha’aputuputu ’ati a’e i te hō’ē buka

E aha te Fa’aro’o ?

Te fa’aro’o ’o te hō’ē ïa ti’aturira’a ’aore rā, te ti’aturi pāpū i te hō’ē mea. Te roa’ara’a te fa’aro’o, o te tīa’ira’a ïa ’e te ti’aturira’a i te mau mea parau mau, noa atu ē, ’aita tātou e ’ite ra i te reira ’aore rā, ’aita e māramarama hope roa i te reira (hi’o Hebera 11:1 ; Alama 32:21).

Hōho’a

hōho’a nō Iesu Mesia

Fa’ata’ara’a nō roto mai i Te Mesia ’e te ha’apa’o ture tao’a rahi, nā Heinrich Hofmann

Fa’aro’o fa’atumuhia i ni’a ia Iesu Mesia

Nō te arata’i atu i te fa’aorara’a, e ti’a i tō tātou fa’aro’o ’ia fa’atumuhia i ni’a ia Iesu Mesia ’ei Faaora ’e ’ei Tāra’ehara nō tātou. Te roa’ara’a te fa’aro’o i te Mesia o te ti’aturira’a ïa iāna. Te aura’a ra, o te tūru’ira’a hope roa ïa i ni’a iāna—ma te ti’aturi i tōna mana, tōna māramarama, ’e tōna here. ’Oia ato’a te ti’aturira’a ’e te pe’era’a i tāna mau ha’api’ira’a.

Hōho’a

nā ta’ata faaipoipo e tuatāpapa ra i te mau pāpa’ira’a mo’a

Fa’arahira’a i tō tātou fa’aro’o

E hōro’a te fa’aro’o nō ’ō mai i te Atua ra, terā rā e ti’a ia tātou ’ia ’imi i te reira ’e ’ia ha’a nō te tāpe’a pūai noa i te reira. E nehenehe tātou e fa’arahi i tō tātou fa’aro’o nā roto i te purera’a ’e te tuatāpapara’a i te mau pāpa’ira’a mo’a ’e te mau ha’api’ira’a a te mau peropheta nō te mau mahana hope’a nei. E ha’apūai ato’a tātou i tō tātou fa’aro’o ’ia ora ana’e tātou ma te parau-ti’a ’e ’ia ha’apa’o ana’e i tā tātou mau fafaura’a.

’Ua hau atu te fa’aro’o i te ti’aturi-noa-ra’a. O te ’ohipara’a ïa i ni’a i te reira ti’aturira’a. E fa’a’ite tātou i tō tātou fa’aro’o i roto i te huru o tō tātou orara’a. E tūra’i te fa’aro’o ia Iesu Mesia ia tātou ’ia pe’e i tōna hi’ora’a maita’i roa. E arata’i tō tātou fa’aro’o ia tātou ’ia ha’apa’o i te mau fa’auera’a, ’ia tātarahapa i tā tātou mau hara, ’ia rave ’e ’ia ha’apa’o i te mau fafaura’a.

Hōho’a

Iesu e fa’aora nei i te hō’ē ta’ata matapō

E nehenehe te fa’aro’o e arata’i atu i te mau temeio ra

E hopoi mai te fa’aro’o mau i te mau temeio, ’oia ho’i te mau ’ōrama, te mau moemoea, te mau fa’aorara’a ma’i, ’e te tahi atu mau horo’a no ’ō mai i te Atua ra. Tē vai ra i roto i te mau pāpa’ira’a mo’a e rave rahi ’ā’amu nō te mau ta’ata tei fāri’i i te mau temeio nō ’ō mai i te Fatu ra nō tō rātou fa’aro’o iāna. Hi’o « Temeio » i roto i te Arata’i nō te mau pāpa’ira’a mo’a nō te tahi mau hi’ora’a.

E nehenehe te fa’aro’o i te Atua ’e i tāna fa’anahora’a nō te fa’aorara’a e ha’apūai ia tātou i roto i tō tātou mau tāmatara’a. E nehenehe te fa’aro’o e hōro’a mai ia tātou i te pūai nō te haere ti’a atu i mua e nō te fa’aruru i tō tātou mau fifi ma te itoito. Noa atu ē, e mea pāpū ’ore te ananahi, e nehenehe tō tātou fa’aro’o i te Fa’aora e hōro’a mai i te hau ia tātou.

Hōho’a

e metua tāne e tāpe’a ra i tāna tamari’i ’a hi’o ai rāua i te hōho’a pēni nō Iesu

E arata’i te fa’aro’o ia Iesu Mesia i tō tātou fa’aorara’a

E arata’i te fa’a’ohipara’a i te fa’aro’o i te Mesia i tō tātou fa’aorara’a. ’Ua fa’aineine te Mesia i te ’ē’a nō tātou nō te fāri’i i te ora mure ’ore. ’Ia ora ana’e tātou nā roto i tō tātou fa’aro’o iāna, e nehenehe tā tātou mau hara e fa’a’orehia ’e e ho’i fa’ahou e ora i pīha’i iho i te Atua.