Ahodan Hyɛ Hɛn Dzen

Yɛreyɛ ahodan no hia nwomasũa, setsie, na edwuma dzen. Yɛyɛ dza hɛnara yebotum ayɛ dze hwɛ hɛnho, na yebotum ebisa binom hɔ mboa sɛ okehia a. Naaso, yɛbɛyɛ ahodan nokwar mu no, otwar dɛ yesũa so nya gyedzi wɔ Jesus Christ mu. Nkyii ber a yɛyɛ edwuma dze boa hɛnankasa hɛn ho no, Ɔbɛhyɛ hɛn dzen.

Mfonyin

nsa ebien a wɔabobɔw

Sunsum mu Ahodan

Yebotum akyekyer hɛn sunsum mu ahodan ber a yɛreyɛ edwuma dze ahyɛ hɛn gyedzi dzen wɔ Jesus Christ mu. Yɛyɛ iyi ber a yɛbɔ mpaa, yesũa kyerɛwsɛm no, yɛkɔ asɔr, yɛyɛ mbrasɛm ho setsie, na yɛyɛ ndzɛmba nkaa no a ɔtwe hɛn ba Christ hɔ yie no. Yenyim dɛ Ɔwɔ pɛ dɛ Ɔbɔboa hɛn no bɛma hɛn gyedzi ma yegyina dzen mpo sɛ abrabɔ yɛ dzen a.

Yebotum ahwɛ hɛnankasa na hɛn ebusua honandua mu ehiadze ka honandua mu ahodan ho. Edziban, fie, apɔwmudzen, na ehiadze binom ka iyinom ho. Yɛyɛ iyi ber a yerenya nwomasũa pa, yerusũa anaa yɛretserɛw hɛn nsaano dwuma mu, yɛreyɛ edwuma dzen, yɛdze hɛn mber ridzi dwuma nyansa mu ara, na yɛrehwɛ hɛn sika do yie.

Mfonyin

mbaa baasa a wɔbɔ mu renantsew

Nkã-tse mu Ahodan

Nkã-tse mu ahodan nye ahom dɛ ibotum dze akokodur na gyedzi egyina nkã-tse mu ɔhaw ano. Hɛn nyina yɛwɔ ɔhaw na akwansidze horow. Yɛdze ndaase ma asɛmpa no, yenyim dɛ yebotum asan mu eyi mbrɛ yebesi benya ho mbuae. Yɛdze gyedzi rubua no ma hɛn ahoɔdzen nyin dɛ yɛdze enyidado yie begyina nkõdzen binom so enyim.

Ɔwɔ dɛ yesũa adze aber nyina. Nyankopɔn pɛ dɛ yɛtsetse hɛn adwen na yetu hɛn nsaano dwuma mpon wɔ abrabɔ yi nyina mu na yɛdze kɔ dza odzi do no mu. Mpɛn dodow a yesũa adze no, mpɛn dodow a yebotum enya papa ho nhyɛdo na yɛahwɛ hɛnho, hɛn ebusua, na hɔnnom a wohia no.

Mfonyin

aberantsɛba a ɔsoa kotokuba

Yɛreyɛ Ahodan ho Nhyira

Nkɔnhyɛfo no akyerɛkyerɛ dɛ sɛ yetu hɛn ahodan mpon a, wɔdze enyidado na asomdwee kɛse behyira hɛn. Yebotum aboa hɛn ebusua ebusua na binom a wɔwɔ hia mu. Na wɔdze akwan horow na ahoɔdzen dɛ yɛbɔkɔdo akɔ kan yie behyira hɛn.

Ebia wo stake benya ahodan ekuwekuw Iyinom botum akyerɛkyerɛ wo ahodan fapem horow na nsaano dwuma tse dɛ erohwɛ wo sika do yie anaa erohwehwɛ edwuma papa. Ibotum enya mboa ndzɛmba horow a ɔfa ho wɔ Asɛmpa Nwoma Korabea mu. Yi “Mbuukuu na Adzesũadze’’ na nkyii “Ahodan.’’