Sebechel Di Kid a Smisichid

A mo sebechel di ngii a kirel ngarngii a skulel, e olngesenges, e blak a rengul er a urerel. Ng mo blak a rengud el mengedmokl er kid, e sebeched lolengit a ngeseu er a rebebil er a ikel dousbech. Sel meral mo sebechel di kid, a uasei, ng kired el dirrek el mesuub el mo ngarngii a klaumerang er kid er a Jesus Kristo. Me sel doureor lolngeseu er kid, e Ngii a mo smisichid.

siasing/Llecheklel

teblo el chim el deleu

Chedaol Sebechel Di Ngii

Ng sebeched el toketek a chedaol teletael er a sebechel di kid sel doureor el melisiich a olechotel a klaumera er kid er a Jesus Kristo. Kede meruul er tiang sel doluluuch, mesuub a chedaol llechukl, mo er a ikelesia, oltirakl a llach, e meruul a bebil er a tekoi el ngii a olekeed er kid el mo er a Kristo. Kede medengei el kmo Ngii a ngarngii a rengul el mo olngeseu er kid meng rullii a klaumera er kid el mo mesisiich me a leringel a klengar.

Sebechel di ngii er a tekoi er a klechad a uldimukl sel sebechem el kudmokl a ikel mousbech er a tech el kired me a telungalek er kid. Tiang a uldimukl a kall, blai, omengedmeklel a bedenged, me a bebil er a usbechall. Kede meruul er tiang sel bol ngarngii a ungil skuled, mesuub e melechel a klubeled, blak a rengud loureor, ungil lousbech a temed, e ungil mengedmokl a ududed.

siasing/Llecheklel

tedei el redil el dmak el merael

Reng el Sebechel Di Ngii

Reng el sebechel di ngii a sel klisiich el merderodel a olasm el domelchesiu er a rengud loba blakerreng me a klaumerang. Kid rokui a chemau a omelasm me a olibesongel. Kede mereng a sulel a ebangkelio, e le kede medengei el kmo ngmekerang a bo do nger el kirel. Onger loba klaumerang er a Rubak a dochelii a klisiched sel bo dechau a bebil ra ringel el ngarngii a urunguled.

Ng kired el blechoel di mesuub. A Dios a soal kid a bo lemellomes a rengud e dolasm el mo ungil a ikel demeduch er ngii tekoi er a chelsel a klengar er kid er chelechang el mo lmuut er sel tara klengar. Me sel de blechoel melai a klubeled, eng uchul eng sebeched el mo olechotel a ungil teletael e mesiou er kid, telungalek er kid, me a tirkel lousbech a ngeseu.

siasing/Llecheklel

ngeasek el sechal loba tutuu

Klengeltengat er a Sebechel Di Ngii

A re profet a mla olsisechakl el kmo sel dorael mo ungil el sebechel di kid, e kede mo mukngeltengat loba klou el urunguled ma budech. Ng mo sebeched el ngosuterir a retelungalek er kid me a rebebil lousbech a ngeseu. E kede mo mukngeltengat ra lmuut el betok el techall me a klisich el melemolem el merael el mo ungil.

A stake er kau a locha ngarngii a cheldebechel er a sebechel di ngii. A ikang a sebechel losisecheklau a osisecheklel a sebechel di ngii el uai a omengedmeklel a ududem a lechub osiik er a ungil lureor. Ng sebechem el metik a ikel kora osisiu el klekedall el ngara Gospel Library. Mngiltii “Hong me a Suobel” e okor eng “Self-Reliance[Sebechel di Ngii].”