“Yexus Khetos lub Koom Txoos Muaj cov Thawj Coj Zoo Li Cas,” Liyahaunas, Kaum Hli Ntuj 2023.
Zaj Lus hauv Liyahaunas Txhua Hli, Kaum Hli Ntuj 2023
Yexus Khetos lub Koom Txoos Muaj cov Thawj Coj Zoo Li Cas
Tus Tswv Yexus Khetos, los ntawm Del Parson
Yexus Khetos yog tus thawj ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg. Nws tshoov cov yaj saub thiab cov thwj tim lub siab kom coj lub Koom Txoos niaj hnub no, ib yam li Nws ua hauv Phau Tshiab. Muaj lwm tus thawj coj hauv lub Koom Txoos uas pab lawv.
Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg yog tus Cawm Seej lub Koom Txoos. Twb “los ua rau saum lub qua tsev uas cov [thwj tim] thiab cov [yaj saub] twb ncaws tau cia lawm. Tus ncej tas ntawd yog Yexus Khetos ntag” (Efexus 2:20). Qhov no txhais tias Nws yog tus tseem ceeb tshaj plaws ntawm lub hauv paus. Nws coj lub Koom Txoos no dhau los ntawm cov yaj saub thiab cov thwj tim uas Nws tau xaiv los ua cov thawj coj.
Thawj Pawg Thawj Tswj Hwm
Tus Thawj Tswj Hwm ntawm lub Koom Txoos yog Vajtswv tus yaj saub hauv lub ntiaj teb niaj hnub no. Nws yog tus Thwj Tim uas nyob ntev tshaj thiab tib tug neeg nyob hauv lub ntiaj teb uas txais kev tshwm sim kom coj tau tag nrho lub Koom Txoos. Tus Tswv tshoov nws lub siab kom paub hu ob tug Thwj Tim twg ua hauj lwm ua nws ob tug pab cuam. Lawv yog Thawj Pawg Thawj Tswj Hwm. Lawv peb leeg yog yaj saub, cov pom tau, thiab cov txais kev tshwm sim.
Pawg Kaum Ob tug Thwj Tim
Cov txiv neej hauv Pawg Kaum Ob tug Thwj Tim kuj yog cov yaj saub, cov pom tau, thiab cov txais kev tshwm sim. Vajtswv hu lawv ua cov tim khawv tshwj xeeb txog Yexus Khetos. Lawv mus thoob plaws lub ntiaj teb qhia thiab ua tim khawv txog Nws. (Saib Lus Qhuab Qhia thiab Kev Khi Lus 107:23, 33.)
Tej Pawg Xya Caum
Cov neeg hauv tej Pawg Xya Caum los Vajtswv kuj hu lawv ua tim khawv txog Yexus Khetos (saib Lus Qhuab Qhia thiab Kev Khi Lus 107:25). Lawv pab Pawg Kaum Ob tug Thwj Tim qhia txog txoj moo zoo thiab txhim tsa lub Koom Txoos nyob thoob plaws lub ntiaj teb.
Daim duab los ntawm Machiko Horii
Cov Thawj Coj hauv Zej Zog
Vajtswv kuj tau hu koj ceg txheem ntseeg los yog koog chaw pawg thawj tswj hwm, pawg npisov los yog ceg ntseeg pawg thawj tswj hwm, thiab pawg txwj laug thiab lub Koom Haum Niam Tsev pawg thawj tswj hwm. Lawv pab tau koj kawm thiab ua raws li txoj moo zoo ntxiv. Koj kawm tau txog tej kev hu no ib txhia nyob hauv lub Peb Hlis Ntuj 2022 Tej lub Ntsiab Cai ntawm Txoj Moo Zoo zaj lus, “Kev Ua Hauj Lwm hauv lub Koom Txoos.”
© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Liahona Message, October 2023. Language. 19048 295