Ewufo no Begyina Nyankopɔn Enyim

Jesus Christ No wusoɛr tum no dze nkorɔfo nyinara ba Nyankopɔn enyim dɛ worubobua hɔn atsɛn (hwɛ Alma 11:42–44; 33:22; 40:21; Helaman 14:15–17; Mormon 9:13–14).

Nwoma yinom gyina hɔ ma nkyerɛwee no a wɔdze sie wɔ asaase do wɔ dza nkorɔfo a wɔwɔ asaase do yɛe dze dzii ahyɛmu anamɔn kwan no do (hwɛ Nkyerɛkyerɛ na Ahyɛmudzi 128:7).

“Adwenkyerɛ bi mu no, Nkwa Nwoma no nye nyimpa no n’adwendwen na ndzeyɛɛ nyinara a ɔbɔ mu—n’abrabɔ ho nkyerɛwee nsɛm. Mbom, kyerɛwsɛm no so kyerɛ dɛ wɔdze sor nkyerɛwee sie ma agyedzifo, a hɔn edzin na hɔn ndzeyɛɛ tseneenee ho nsɛm a wɔakyerɛw ka ho” (Kyerɛwsɛm no Kwankyerɛ, “Nkwa Nwoma,” scriptures.ChurchofJesusChrist.org).

Atsɛmbu a Odzi Ewiei no ba do ber a nkorɔfo enya wusoɛr ekyir no. Jesus Christ bɛyɛ nyimpa kor biara no Ɔtsɛmbuafo. Atsɛmbu yi bɛkyerɛ onnyiewiei enyimnyam a nyimpa kor biara benya. (Hwɛ Kyerɛwsɛm no Kwankyerɛ, “Atsɛmbu, Odzi Ewiei,” scriptures.ChurchofJesusChrist.org; Alma 41:3–5; Nkyerɛkyerɛ na Ahyɛmudzi 88:26–32.)

Nyimpa kor biara no wobobua no wɔ dza ɔyɛɛ na dza ɔpɛɛ dɛ ɔbɛyɛ ho (hwɛ Nkyerɛkyerɛ na Ahyɛmudzi 137:9). Mbrɛ wosii yɛɛ setsie maa Nyankopɔn ne mbrasɛm na hɔn ndzeyɛɛ nye kan na nokwar biara a wonyaa no abrabɔ yi mu no saa na wɔdze bobua hɔn atsɛn.