“Cov Neeg uas Tuag Lawm Yuav Sawv ntawm Vajtswv Hauv Ntej,” Ntxiv Dag Zog rau cov Tub Hluas Ntxhais Hluas, Kaum Ob Hlis Ntuj 2023
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Kaum Ob Hlis Ntuj 2023
Cov Neeg uas Tuag Lawm Yuav Sawv ntawm Vajtswv Hauv Ntej
Nyob hauv kev tshwm sim uas nws txais, Yauhas tau pom Kev Txiav Txim Kawg.
Nws Rov Los Kom Tswj Kav, Los ntawm Mary Sauer
cov neeg uas tuag lawm, tsis hais tus hlob tus yau, sawv daws puav leej sawv ntawm [Vajtswv] hauv ntej
Lub hwj chim ntawm Yexus Khetos txoj Kev Sawv Rov Los ua rau txhua tus neeg nyob rau ntawm Vajtswv lub xub ntiag rau Nws txiav txim (saib Amas 11:42–44; 33:22; 40:21; Hilamas 14:15–17; Maumoos 9:13–14).
luag muab tej phau nawv los nthuav
Tej phau ntawv no yog cov ceev xwm txheej txog tej yam uas tib neeg ua hauv lub ntiaj teb kom coj raws li lawv tej kev khi lus (saib Lus Qhuab Qhia thiab Kev Khi Lus 128:7).
phau ntawv txheeb txoj sia
“Xav hais tias Phau Ntawv Txheeb txoj Sia yog kev sau qhov txhij txhua ntawm ib tug neeg tej kev xav thiab tej yam nws ua—yog kev ceev xwm txheej ntawm nws lub neej. Tiam sis, vaj lug kub kuj qhia hais tias cov nyob saum ntuj ceev xwm txheej txog cov uas rau siab ntseeg, tsis hais lawv lub npe thiab tej zaj txog tej yam ncaj ncees lawv ua los yog” (Phau Qhia txog Txoj Moo Zoo, “Phau Ntawv Txheeb txoj Sia,” scriptures.ChurchofJesusChrist.org).
txiav txim
Yuav ua txoj Kev Txiv Txim Zaum Kawg tom qab tib neeg sawv rov los. Yexus Khetos yuav txiav txim rau txhua tus neeg. Kev txiav txim no yuav ua rau txhua tus neeg paub tias nws yuav txais lub yeeb koob mus ib txhis li theem twg. (Saib Phau Qhia txog Vaj Lug Kub, “Txiav Txim Kawg, Kev,” scriptures.ChurchofJesusChrist.org; Amas 41:3–5; Lus Qhuab Qhia thiab Kev Khi Lus 88:26–32.)
raws li lawv tes hauj lwm
Yuav txiav txim rau txhua tus neeg raws li tej yam uas lawv tau ua thiab tej yam uas lawv xav tau (saib Lus Qhuab Qhia thiab Kev Khi Lus 137:9). Yuav txiav txim seb lawv puas tau ua raws li Vajtswv cov lus txib thiab ua raws nraim li txoj kev kaj thiab qhov tseeb uas lawv tau txais nyob hauv lub neej no.
© 2023 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, December 2023. Language. 19049 295