I Momourki Duen Mour en Popohl?

Kilel

me pwulopwul

Mahlenda sang Alyssa Gonzalez

Mwurinte arail torohrla sang mehn Leimen kan, Nihpai nda me ah peneinei momourki duen mour en popohl (2 Nephi 5:27). Ma ke pahn kamedewe ah mie ehu pwihn en aramas me men kemeiraila (see 2 Nephi 5:1–6, 14), me pil kopwuriamwei. Ia mwomwen aramas ah kak perenki soangen irair pwukat?

Mwohn mehkoaros, taman me ah nda me re kin momourki duen mour en popohl sohte wewehki “me mehn Nipahi koaros kin peren 24/7 de nan awa koaros en nan rahn koaros.” E wewehki me re momourki soangen mour ehu, oh pil wia soangen mwekid kei, me kin kalapw kahluwa irail ong peren. Mendahte arail kahpwal kan, e wia ansou popohl ehu.

Eri dahkot “duen mour en popohl”? Ia mwomwen atail kak alasang mepwukat nan atail mour, mehndahte ma pil mie kasongsong? Kitail kilang!

• Peik. “Se nantiheng kolokol Sapwellimen Kauno … kosonned akan” (2 Nephi 5:10).

  Keiou, iei momourki rongamwahuo. Ke kak ekis peren ni ahmw mihmi nan dihp, ahpw e sohte pahn werei. Ni mehlel sapeik ong Koht kaidehn “duen mour en popohl” (kilang Alma 41:10).

• Rapahki nan pwuhk sarawi kan. “Oh Ngehi, Nihpai, … pil wahdo rekohd kan me ntingdier pohn pileit prahs kan;” (2 Nephi 5:12). “Se … rapahkier nan kosonned pwukat oh diarada me re kesempwal; mehlel, kesempwal ong kiht,” (1 Nephi 5:21) .

  Nein Nipahi aramas akan mie neirail pwuhk sarawi. Oh re sohte nainikihte pwuhk ko—irail kin wadek pwuhk ko.

• Rong kaweid en sounkaweid mwahu kan. “Ngehi, Nihpai, kasarawihla Seikop oh Sosep, pwe ira en wiahla samworou oh soun padahk ong … nei aramas akan” (2 Nephi 5:26).

  Sounpadahk pwukat kin doadoahngki pwuhk sarawi en wia arail mehn kaweid (see 2 Nephi 4:15; 6:4).

• Kohla ni tehnpas sarawi (oh wasa sarawi teikan). “Ngehi, Nipahi, kawadahr tehnpas sarawi ieu” (2 Nephi 5:16).

  E kesempwal en mie wasa sarawi me duwehte imwen sarawih kan, oh tehnpas sarawi pwe en wia wasa me Sapwellime kan pahn kin ehupene oh kaudok. (Kitail kak duwehte mehn Nipahi kan re sohte ahnikihte tehnpas sarawi—ahpw irail kin doadoahngki. Ma ke sohte kak kohla tehnpas sarawi, ke kak pil wia doadoahk en family history.

• Anahne koahiekla “I padahkiong nei aramas akan en kauwada ihmw kan, oh ren doadoahk … [I] wiahda pwe nei aramas akan en wia soun doadoahk koahiek, oh ren kin doadoahngki pehrail kan” (2 Nephi 5:15, 17).

  Kisehn “dahme kitail pahn pereperen ki mwurin dahme wiawihier” iei mie mehkot me kitail anahne wia. Kapwukoah kan, doadoahk, pwukoah—mehkot me pahn karehda ahmw nsenohki kahrepe (ansou mwahu en koamoal, ei). E sohte mengei ken peren ma ke sangat ansou koaros.

Ke kak nda me ke momourki duen mour en popohl? Ma soh, mwein ahn Nipahi karasaras kak kiong uhk ekei madamadau en ia mwomwen ahmw pahn mwahula.