Христийг дахин ирэхээс өмнө Түүнд итгэх

“Хэн боловч Христ ирэх ёстой гэдэгт итгэж, мөнхүү тэд нүглүүдийнхээ ангижралыг хүлээн авч, мөн бүр Тэрээр аль хэдийн тэдний дунд ирсэн мэт тийм үлэмж агуу баяслаар баярлах болно” (Мозая 3:13; тодотгол нэмсэн).

“Мөн тэгтэл нэгэн дуу хоолой надад ирж, өгүүлсэн нь: Инос нүглүүд чинь өршөөгдсөн, … Иймийн тул, миний гэм зайлуулагдсан бөлгөө. Мөн би хэлэв: Их Эзэн, энэ хэрхэн бүтэв? Мөн тэрээр надад хэлэв: Чи урьд нь хэзээ ч сонсож бас хараагүй, Христэд итгэлтэйн чинь учир буюу. Мөн тэрээр өөрийгөө бие махбодод үзүүлэхээс өмнө олон жил улирч одно; … итгэл чинь чамайг эдгээлээ” (Инос 1:5–8; тодотгол нэмсэн).

“Бид Христийг мэдсэн, мөн түүнийг ирэхээс олон зуун жилийн өмнө түүний сүр жавхланг хүлээн авах найдлага бидэнд байсан … Үүний хэрээр бид Есүсийн нэрээр зарлиглаж чадаад мөн модод, бас уулс, бас далайн давлагаа бидэнд дуулгавартай байв” (Иаков 4:4, 6; тодотгол нэмсэн).

“Гивлүүрийн гадна хадгалагдаж чадахааргүй тэд, харин … өөрсдийн нүдээр үнэхээр хараад … итгэл нь тийм үлэмж хүчирхэг байсан тэд бүр Христийг ирэхээс өмнө ч олон байв” (Ифер 12:19; тодотгол нэмсэн).

Бид гэрээнүүдээ сахихыг хичээснээр селестиел хаант улсад амьдрахад бэлтгэж байдаг. “Учир нь болгоогтун, энэ амьдрал бол хүмүүн Бурхантай уулзахаар бэлтгэх үе; тийм ээ, болгоогтун, энэ амьдралын өдөр бол хүмүүн өөрсдийн хөдөлмөрийг гүйцэтгэх өдөр юм” (Алма 34:32).

Ерөнхийлөгч Рассэлл М.Нэлсон биднийг “дэлхий дээрх хамгийн агуу ажил” буюу Израилыг цуглуулах ажлын нэг хэсэг байхад урьсан. “Тэнгэрлэг Эцэг маань Өөрийн хамгийн нэр төртэй суутнуудаас олныг буюу хамгийн шилдэг багаа энэхүү сүүлчийн үед зориулан бэлтгэсэн. Тэдгээр нэр төртэй суутан, шилдэг тоглогч, баатрууд бол та нар!”¹ гэж тэр хэлжээ.

Аврагчийг дахин ирэхэд зөв шударга хүмүүс амар амгалан амьдрах болно. Аврагч засаглаж, шударга бус байдал засагдах болно. “Учир нь Их Эзэн тэдний дунд байх болно, мөн түүний алдар суу тэдний дээр байх болно, мөн тэрбээр тэдний хаан хийгээд тэдний хууль тогтоогч байх болно” (Сургаал ба Гэрээ 45:59).

Бүх хүн төрөлхтөн амилуулагдана. Бид төгс, үхэшгүй бие махбодтой болох болно. Бид нас барсан хайртай хүмүүстэйгээ дахин уулзаж чадна. “Сүнс мөн бие төгс хэлбэрээрээ дахин нэгдэх болно; бид одоо энэ цагт байгаа шигээ үе болон мөч аль аль нь зохих байдалдаа сэргээгдэх болно” (Алма 11:43).