2 Nephi 1–2

Sa 2 Nephi 1:13–29, bantayi ang mga pulong nga gigamit ni Lehi sa paghulagway sa espirituhanon nga kahimtang ni Laman ug Lemuel. Unsa ang makatabang ninyo nga mahigmata gikan sa usa ka espirituhanon nga “lawom nga pagkatulog”? Unsa ang makatabang ninyo sa pagbadbad sa espirituhanon nga mga “kadena” sa inyong kinabuhi? Paghunahuna mahitungod sa pagpamatuod ni Lehi diha sa bersikulo 15 ug sa iyang imbitasyon diha sa bersikulo 23. Unsa ang mensahe sa Langitnong Amahan nga alang kaninyo niining mga bersikulo?

Imahe

icon sa seminary

2 Nephi 2

Tungod ni Jesukristo, ako “gawasnon sa pagpili sa kalingkawasan ug sa kinabuhi nga dayon.”

Ang pamilya ni Lehi diha na sa bag-ong yuta, puno sa bag-ong mga posibilidad. Ang mga kausaban nga ilang gihimo niining bag-o nga dapit mahimong importante alang sa ilang kalamposan ug kalipay. Tingali mao kini hinungdan nganong si Lehi mitudlo sa iyang anak nga si Jacob mahitungod sa kabubut-on, o ang abilidad sa paghimo og mga pagpili, diha sa 2 Nephi 2. Samtang magtuon ka sa mga bersikulo 11–30, isulat ang posible nga mga tubag niining mga pangutana:

• Nganong ang kabubut-on importante kaayo ngadto sa Langitnong Amahan, bisan tuod og ang pipila ka mga tawo mogamit niini sa makapasakit nga paagi?

• Sa unsang paagi nga ang kaaway mosulay sa pagpahuyang o pagguba sa inyong kabubut-on?

• Sa unsang paagi ang Manluluwas motabang kaninyo “sa pagpili sa kalingkawasan ug kinabuhi nga dayon” (bersikulo 27)?

Ania ang laing paagi sa pagkat-on mahitungod sa kabubut-on diha sa 2 Nephi 2: Pangitaa ang mga butang nga mahinungdanon alang kanato nga makaangkon sa kabubut-on ug sa pagkab-ot sa atong balaan nga potensiyal. Pananglitan:

• 2 Nephi 2:5: Usa ka kahibalo sa maayo ug daotan; usa ka balaod

• 2 Nephi 2:11, 16:

  Maghimo og usa ka Pahinumdom

• 2 Nephi 2:16:

  Maghimo og usa ka Pahinumdom

• 2 Nephi 2:21:

  Maghimo og usa ka Pahinumdom

• 2 Nephi 2:6–9, 26–28:

  Maghimo og usa ka Pahinumdom

Unsay mahitabo sa atong kabubut-on kon ang usa o daghan pa niini nga mga butang nawala?

Ang matag usa sa unom ka mga seksiyon sa Alang sa Kalig-on sa mga Kabatan-onan: Usa ka Giya sa Paghimo og mga Pagpili naglangkob og “mga Imbitasyon” ug “Gisaad nga mga Panalangin.” Tan-awa ang usa o daghan pa niini nga mga seksiyon, ug pagpili og usa ka gisaad nga panalangin nga inyong gilaoman sa inyong kinabuhi. Unsa nga imbitasyon ang inyong gikinahanglang buhaton aron makadawat niini nga panalangin? Ikonsiderar ang pagpakigbahin ngadto sa usa ka tawo sa mga panalangin nga inyong nadawat gikan sa pagsunod niining mga imbitasyon.

Tan-awa usab sa Gospel Library; “Hibaloi, Nga ang Kalag May Kagawasan,” Mga Himno, nu. 147.

Nasayod si Lehi nga ang iyang batan-ong anak nga lalaki nga si Jacob miantos og “mga kasakit,” ug “hilabihan nga kasubo” atol sa iyang pagkabata (2 Nephi 2:1). Ngano kaha nga ang pagpamatuod ni Lehi diha sa 2 Nephi 2:1–3, 6–25 mao ang bililhon ngadto ni Jacob? Nganong bililhon kini nganha kaninyo? Pangita og mga pulong ug hupong sa mga pulong nga para ninyo makapatandog kaayo. Sa unsang paagi ang Dios mipahinungod sa inyong mga kasakit alang sa inyong kaayohan? (Tan-awa sa 2 Nephi 2:2.)

Tan-awa usab sa Mga Taga-Roma 8:28; Dale G. Renlund, “Makapungot nga Pagkadili Makiangayon,” Liahona, Mayo 2021, 41–45.

Daghang tawo ang nagtuo nga ang Pagkapukan usa lamang ka trahedya ug nga si Eva ug Adan nakahimo og permanenting kasaypanan sa dihang sila mipili sa pagkaon sa bunga. Sa 2 Nephi 2:15–28, si Lehi nagtudlo og dugang nga kamatuoran mahitungod sa Pagkapukan—ug mahitungod sa pagtubos pinaagi ni Kristo. Samtang inyong gisiksik kining mga bersikulo, paghimo og lista sa mga kamatuoran mahitungod sa unsay nahitabo didto sa Tanaman sa Eden. Ang mga pangutana nga sama niini makatabang:

• Ngano nga ang Pagkapukan gikinahanglan?

• Unsa ang tahas ni Jesukristo sa pagbuntog sa mga epekto sa Pagkapukan?

• Sa unsang paagi nga ang hustong pagsabot sa Pagkapukan mas makatabang kanato nga mas masabtan ang atong panginahanglan kang Jesukristo?

Tan-awa usab sa Dallin H. Oaks, “The Great Plan of Happiness,” Ensign, Nob. 1993, 72–75.

Imahe

Jesukristo

• Aron matabangan ang inyong mga anak nga makasabot sa imbitasyon ni Lehi nga “iyabyab ang mga kadena” sa sala, tingali magtinabangay kamo sa paghimo og kadena gikan sa mga gilis sa papel. Diha sa mga gilis, ang inyong mga anak makatabang ninyo sa pagsulat og pipila ka mga butang nga si Satanas motintal kanato sa pagbuhat. Dayon mahimong mag-uban kamo sa pagbasa sa 2 Nephi 1:13, 15, 23 samtang ilang idrama-drama ang mga hugpong sa mga pulong niining mga bersikulo—lakip sa pagyabyab sa kadena nga papel. Sa unsa nga paagi ang sala sama sa kadena? Sa unsang paagi si Jesus motabang kanato nga “iyabyab ang mga kadena” sa sala?

• Makatabang ba sa inyong mga anak ang pagtandi sa mga sugo sa Dios ngadto sa sapatos, mga kalo, mga gwantes, o sa ubang mga butang nga makapanalipod kanato? Tingali mahimong ipasulay ninyo kanila ang pipila samtang kamo maghisgot mahitungod kon sa unsang paagi ang mga sugo makapanalipod kanato. Dayon mahimo ninyong basahon ang 2 Nephi 1:20, maghatag og gibug-aton nga kita “mouswag” (panalanginan o gipanalipdan) kon kita motuman sa mga sugo. Ipakigbahin ang usa ka kasinatian sa dihang kamo napanalanginan o napanalipdan pinaagi sa pagsunod sa mga sugo.

• Sa paghulagway sa kalainan tali sa pag-uswag ug pagpahimulag gikan sa Dios (tan-awa sa 2 Nephi 1:20), kamo ug ang inyong mga anak makatan-aw sa usa ka himsog nga tanom ug sa usa ka dahon o sanga nga giputol gikan sa tanom. Dayon ang inyong mga anak makarebyo sa mga pagpili nga gihimo ni Nephi ug sa iyang mga igsoong lalaki (tan-awa sa 1 Nephi 2:11–16; 3:5–7; 18:9–11). Unsa ang mga resulta niining mga pagpili? Unsa nga mga pagpili ang nagtabang kanato nga magpabilin nga nakakonektar ngadto sa Dios?

• Aron matabangan ang inyong mga anak nga masabtan unsa ang gitudlo ni Lehi mahitungod sa mga sukwahi ug paghimo og mga pagpili, mahimo ninyong dulaon ang usa ka dula diin kamo mosulti og usa ka pulong (sama sa kahayag) ug ang inyong mga anak mosulti sa sukwahi (kangitngit). Tabangi sila nga makakat-on kon nganong ang mga sukwahi kabahin sa plano sa Dios samtang mag-uban kamo sa pagbasa sa 2 Nephi 2:11, 16. Dayon mahimo ka nga mopakigbahin og mga sugilanon mahitungod sa usa ka bata kinsa gitintal sa paghimo og sayop nga pagpili. Ang inyong mga anak mahimong mopakigbahin kon unsa ang sukwahi sa sayop nga pagpili ug dramahon kini.

• Aron makat-on kabahin sa kalainan sa “kalingkawasan” ug “pagkabihag” (2 Nephi 2:27), ang inyong mga anak mahimong magdrowing og mga hulagway sa usa ka hayop nga anaa sulod sa tangkal ug sa usa ka hayop nga anaa sa natural nga palibot niini. Hain nga hayop ang gawasnon? Dapita ang mga anak sa pagtudlo sa husto nga hulagway kon inyong mabasa ang pulong nga “gawasnon” diha sa 2 Nephi 2:27. Ipamatuod nga si Jesukristo makapahimo kanato nga gawasnon.

• Magdungan sa pagpanganta og awit sama sa “Pilia ang Matarong” (Mga Himno, nu 146). Unsa ang atong nakat-onan gikan sa awit mahitungod sa paghimo og mga pagpili?