“13–19 Ianuari. 1 Nifae 8–10: ‘O Mai ma Aai i le Fua,’” Sau, Mulimuli Mai ia te Au—Mo Tagata Taitoatasi ma Aiga: Tusi a Mamona 2020 (2020)
“13–19 Ianuari. 1 Nifae 8–10,” Sau, Mulimuli Mai ia te Au—Mo Tagata Taitoatasi ma Aiga: 2020
Miti a Liae, saunia e Steven Lloyd Neal
13–19 Ianuari
1 Nifae 8–10
“O Mai ma Aai i le Fua”
A o e faitau i le 1 Nifae 8–10, mafaufau po o a ni savali mai le faaaliga ia Liae e faatatau foi ia te oe. Tusifaamaumau ou lagona uunai e te mauaina i au tusitusiga paia, se api mo tusigamanatu, po o le punaoa lenei.
Tusifaamaumau Ou Lagona Uunai
O le miti a Liae—ma lona ai u’amea, puao pogisa, fale tele ateatea, ma le laau ma ona “fua sili ona suamalie—”o se valaaulia musuia ia maua faamanuiaga o le alofa o le Faaola ma le taulaga togiola. Peitai, mo Liae, o lenei faaaliga sa faatatau foi i lona aiga: “Ona o le mea sa ou vaai i ai, ua ia te au se pogai ou te olioli ai i le Alii ona o Nifae ma Sama foi. … Ae faauta, Lamana ma Lemuelu, ua ou fefe tele ona o oulua” (1 Nifae 8:3–4). Ina ua uma ona faamatala e Liae lana faaaliga, sa ia aioi atu ia Lamana ma Lemuelu ina “ia laua faalogologo mai i ana upu, atonu e alofa mutimutivale ai le Alii ia te i laua” (1 Nifae 8:37). Tusa lava pe na faatele ona e suesueina le faaaliga a Nifae, ae o le taimi lenei ia e mafaufau ai i le ala na mafaufau ai i ai Liae—mafaufau i se tasi e te alofa i ai A o e faia lena mea, le saogalemu o le ai u’amea, o le mata’utia o le fale tele ma le ateatea, ma le suamalie o le fua o le a i ai se uiga fou. Ma o le a loloto atili lou malamalama i “lagona o [le] matua alofa” o le sa mauaina lenei faaaliga ofoofogia.
Manatu mo Suesuega Faaletagata Lava Ia o Tusitusiga Paia
O le afioga a le Atua, e taitai atu ai au i le Faaola ma fesoasoani ia ou lagonaina ai Lona alofa.
O le faaaliga a Liae ua aumaia ai se valaaulia e tomanatu ai po o fea o e i ai—ma pe o fea foi o loo e agai i ai—i lau malaga patino ia iloa le Faaola ma lagonaina Lona alofa. Na aoao mai Boyd K. Packer: “Atonu e te manatu o le miti a Liae po o le faaaliga e leai sona uiga faapitoa mo oe, ae e i ai. O loo e i ai i totonu; o loo tatou i ai uma lava i totonu (tagai 1 Nifae 19:23). O le miti a Liae po o le faaaliga i le ai uamea o loo i ai mea uma … e manaomia e se Au Paia o Aso e Gata Ai e malamalama ai i le suega o le olaga” (“Lehi’s Dream and You,” New Era, Jan. 2015, 2).
O se tasi auala e suesue ai le 1 Nifae 8 o le faatumu lea o se siata e pei o le siata o loo faaali atu i i. Ina ia malamalama i le uiga o faatusa, e aoga le tagai i le faaaliga sa maua e Nifae ina ua ia tatalo ia malamalama i le faaaliga a lona tama—aemaise o le 1 Nifae 11:4–25, 32–36; 12:16–18; ma le 15:21–33, 36. A o e suesueina le faaaliga a Liae, mafaufau po o le a le mea e finagalo le Alii e te aoaoina.
|
Faatusa mai le miti a Liae |
O faauigaga |
O fesili e manatunatu loloto i ai |
|---|---|---|
Faatusa mai le miti a Liae Laau ma ona fua (1 Nifae 8:10–12) | O faauigaga | O fesili e manatunatu loloto i ai O le a sa’u mea o fai e valaaulia ai isi e aai i le alofa o le Atua? |
Faatusa mai le miti a Liae Vaitafe (1 Nifae 8:13) | O faauigaga | O fesili e manatunatu loloto i ai |
Faatusa mai le miti a Liae Ai u’amea (1 Nifae 8:19–20 30) | O faauigaga | O fesili e manatunatu loloto i ai |
Faatusa mai le miti a Liae Le puao pogisa (1 Nifae 8:23) | O faauigaga | O fesili e manatunatu loloto i ai |
Faatusa mai le miti a Liae Fale tele ma le ateatea (1 Nifae 8:26–27, 33) | O faauigaga | O fesili e manatunatu loloto i ai |
Faatusa mai le miti a Liae | O faauigaga | O fesili e manatunatu loloto i ai |
Tagai foi David A. Bednar,”Miti a Liae: Piimau Pea i le Ai Uamea,” Ensign po o le Liahona, Oke. 2011, 32–37.
Ua ‘ai Liae i le fua o le laau o le ola. Laau o le Ola, saunia e Marcus Alan Vincent
Aisea na faia ai e Nifae ni seti se lua o papatusi?
O le “faamoemoega poto” o le Alii ia faia e Nifae ni talafaamaumau se lua sa oo ina manino mai i seneturi mulimuli ane. Ina ua uma ona faaliliu e Iosefa Samita ia itulau e 116 o le Tusi a Mamona, sa ia avatu ia itulau ia Matini Harisi, o le na leiloloa ai (tagai MFF 10:1–23). Ae o le seti lona lua o papatusi a Nifae o loo aofia ai le vaitau lava lea e tasi, ma sa poloaiina ia Iosefa Samita e le Alii e faaliliu papatusi nei nai lo le toe faaliliuina o mea ua leiloloa (tagai MFF 10:38–45).
Mo nisi faamatalaga e uiga i papatusi o loo ta’ua i le 1 Nifae 9, tagai “O Se Faamalamalamaga Puupuu i le Tusi a Mamona”; 1 Nifae 19:1–5; 2 Nifae 5:29–32; ma le Upu a Mamona 1:3–9.
Sa silafia e perofeta anamua e uiga i le misiona a Iesu Keriso ma sa latou molimau atu e uiga ia te Ia.
O le tala i le faaaliga a Liae ua faia moni ai lava se uunaiga i luga o lona aiga, ae sa i ai foi ia te ia isi upumoni e faavavau e aoao atu ia te i latou e uiga i le misiona a le Faaola. A o e faitauina le 1 Nifae 10:2–16, mafaufau e uiga i le pogai e finagalo ai le Alii i le aiga o Liae—ma i tatou uma—ia iloa nei upumoni. Mafaufau po o le a se mea e mafai ona e faamatala i e pele ia te oe e valaaulia ai i latou e liliu atu i le Faaola. A uma ona suesue le faaaliga ma aoaoga a Liae, o le a se mea o le a musuia ai oe, e pei o Nifae, e aoao “e ala i le mana o le Agaga Paia”? (1 Nifae 10:17).
O le a faaalia e le Atua le upumoni ia te au pe afai ou te sailia ma le filiga.
E faapefea ona e tali atu pe a e tau i se aoaoga faavae o le talalelei e te le malamalama ai? Matau ia eseesega i le va o le ala na tali atu ai Nifae i le faaaliga a Liae (tagai 1 Nifae 10:17–19; 11:1) ma le ala na tali atu ai Lamana ma Lemuelu (tagai 1 Nifae 15:1–10). Aisea na latou tali atu ai faapena, ae o a foi taunuuga o a latou tali?
Mafaufau e tusi e uiga i se taimi na e manao ai ia iloa pe sa’o se aoaoga o le talalelei. Na faapefea le faagasologa na e mulimulita’ia pe a faatusatusa i le mea na faia e Nifae?
Tagai foi 1 Nifae 2:11–19; Mataupu Faavae ma Feagaiga 8:1–3.
Manatu mo Suesuega Faaleaiga o Tusitusiga Paia ma Afiafi Faaleaiga
A o e faitauina ma lou aiga ia tusitusiga paia, e mafai e le Agaga ona fesoasoani ia te oe ia iloa po o a mataupu faavae e faamamafa ma talanoaina ina ia taulimaina ai manaoga o lou aiga. O ni nai manatu nei.
1 Nifae 8
Atonu e fiafia tagata o lou aiga e faatino le faaaliga a Liae pe tusia foi ni ata ma faaaoga a latou atatusi e faamatala ai. Pe e mafai foi ona e faaali atu i ai le ata a le tusiata o le faaaliga a Liae o loo avatu i lenei lesona ma valaaulia tagata o le aiga e faasino mai faamatalaga ma vaavaai mo mau o loo faamatalatala mai ai po o a mea o faatusa i ai. O le viiga “The Iron Rod” (Hymns, no. 274) e fetaui lelei lava ma le mataupu lea. E mafai foi ona outou matamata i se vitio o loo faaalia ai le faaaliga a Liae (tagai i le aofaiga o Vitio o le Tusi a Mamona i luga o le ChurchofJesusChrist.org po o le Gospel Library app).
1 Nifae 8:10–16
O ai e mafai na tatou valaaulia e o mai atili ia Iesu Keriso ma lagonaina le matagofie o Lona alofa? O le a se mea e mafai ona tatou faia e “[talo] atu ai ia te i latou”?
1 Nifae 9:5–6
O anafea na tatou mulimuli ai i se poloaiga e aunoa ma se malamalama atoatoa i mafuaaga e fai ai? Na faapefea ona faamanuiaina i latou?
1 Nifae 10:20–22
E talitutusa faapefea le le mama faaletino ma le le mama faaleagaga? O a ni mea e mafai ona tatou faia ina ia mautinoa ai o loo tumau pea lo tatou mama faaleagaga?
Mo nisi manatu mo le aoaoina o fanau, tagai i le otootoga o le vaiaso lenei i le Sau, Mulimuli Mai ia te Au—Mo le Peraimeri.
Faaleleia o Lo Tatou Aoao Atu
E faapefea ona faatatau tusitusiga paia i o tatou olaga? A uma ona faitau se fuaitau o se mau, valaaulia tagata o le aiga e faasoa mai pe faapefea ona faatatau le fuaitau ia i latou. Mo se faataitaiga, a faitau e tagata o le tou aiga le 1 Nifafe 8:33, e mafai ona latou talanoa pe faapefea ona aua nei ua’i atu ia i latou o e “tusitusi mai tamailima o le faatauemu.”
O Le Laau o le Ola, saunia e Avon Oakeson