Алма 13–16

Алма 12-т Алма Бурханы гэтэлгэлийн төлөвлөгөөний талаар заасныг та санаж байгаа байх (Алма 12:24–27-г үзнэ үү). 13-р бүлэгт “хүмүүст эдгээр зүйлийг заах[аар]” (Алма 13:1) Бурханы томилсон санваартнуудын талаар тэр өгүүлсэн. Алмагийн үгс санваарын талаар олон хүчирхэг үнэнийг илчилдэг. Алма 13:1–9 дэх шүлэг бүрээс та ядаж нэг үнэнийг тодорхойлох гэж үзэж болно. Эхлэхэд тань туслах хэдэн санааг харуулав. Үүнд:

1-р шүлэгСанваарыг “[Бурханы] Хүүгийн жаяг” хэмээн түүнчлэн нэрлэдэг ( С ба Г 107:1–4-ийг үзнэ үү).

2-р шүлэгХүмүүсийг гэтэлгэгдэхийн тулд Түүний Хүү рүү харахад тэдэнд туслахын тулд Бурхан санваартнуудыг томилдог.

3-р шүлэг:Санваартнууд “дэлхийн үүслээс эхлэн” өөрсдийн үүрэгт бэлтгэгдсэн.

Та өөр юу олсон бэ? Эдгээр үнэний талаар тунгаан бодоход танд санваарын талаар ямар мэдрэмж төрж байна вэ? Санваарын ёслолууд таныг гэтэлгэгдэхийн тулд Христ рүү харахад хэрхэн тусалсан бэ?

Аммонайха дахь олон хүн Нихорын дагалдагчид байсныг ажиглах нь сонирхолтой (Алма 14:18; 15:15-ыг үзнэ үү). Нихорын жаягийн санваартнууд (Алма 1:3–6-г үзнэ үү) Алмагийн өгүүлсэн “Бурханы Хүүгийн жаягийн дагуу” (С ба Г 107:3) томилогдсон санваартнуудаас юугаараа ялгаатай байсан бэ? (Алма 13:1–19-ийг үзнэ үү).

Түүнчлэн Дэйл Г.Рэнланд, “Санваар ба Аврагчийн цагаатгагч хүч,” Ensign, Nov. 2017, 64–67 эсвэл 2017 оны 10-р сарын Ерөнхий чуулган, 60–63.

Зураг

Ариун ёслолын ширээний дэргэд байгаа залуу эрэгтэй

Алма 13:3 дахь Алмагийн заасан зүйлст зөвхөн санваартнуудыг өгүүлсэн байсан. Гэвч хувь хүмүүс “дэлхийн үүслээс эхлэн” үүрэг даалгавар хүлээн авч, тэдгээрийг хийж гүйцэтгэхэд бэлтгэгдсэн хэмээн түүний заасан зарчим бидний хүн нэг бүрд хамаатай. Ерөнхийлөгч Спэнсэр В.Кимбалл “Биднийг энд ирэхээс өмнө өмнөх дэлхийд итгэлтэй эмэгтэйчүүдэд тодорхой даалгаврууд өгөгдөж, итгэлтэй эрэгтэйчүүд санваарын тодорхой үүргүүдэд урьдчилан томилогдсон юм. Бид эдүгээ нарийн ширийн зүйлийг нь санадаггүй ч энэ нь тэр үед бидний зөвшөөрсөн зүйлийн агуу бодит үнэнийг өөрчлөхгүй” хэмээн хэлжээ (Teachings of Presidents of the Church: Spencer W. Kimball [2006], 215–216; мөн СГ 138:55–56-г үзнэ үү).

Алма 14-т шашин шүтлэгийнхээ улмаас зовж, бүр амиа өгсөн хүмүүсийн талаар өгүүлдэг. Та бусдын адил яагаад зөв шударга амьдрахыг хичээж байгаа хүмүүст муу зүйлс тохиолддог юм бол гэж бодож байсан байх. Та Алма 14-өөс энэхүү хэцүү асуултын бүх хариултыг олохгүй байж болох ч Алма, Амюлек хоёрын тулгарсан нөхцөл байдалдаа хэрхэн хандсан байдлаас олон зүйлийг суралцах боломжтой. Тэдний үг, үйлдэл Их Эзэн заримдаа зөв шударга хүмүүст зовлон зүдгүүр үүрүүлэхийг зөвшөөрдөг шалтгааны талаар танд юу зааж байна вэ? Та тэднээс хавчлагыг даван гарах талаар юу сурсан бэ?

Түүнчлэн Матай 5:43–44; Марк 14:55–65; Ром 8:35–39; 1 Петр 4:12–14; Сургаал ба Гэрээ 122:5–9-ийг үзнэ үү.

Сайн мэдээг хүлээн авахын тулд Амюлекийн золиосолсон зүйлсийг жагсааж бичээд (Алма 10:4–5; 15:16-г үзнэ үү), түүний олж авсан зүйлүүдтэй харьцуулбал сонирхолтой байж болно (Алма 15:18; 16:13–15; 34:8-ыг үзнэ үү). Та илүү итгэлтэй шавь байхын тулд ямар золиослол гаргахад бэлэн байна вэ?

Алма 13 дээр “амрах” гэсэн үг гарах болгонд бичиж тэмдэглэх нь гэр бүлийнхэнд тань тустай байж болно. Үүнтэй хамт өөр ямар үгс болон санаа гарч ирж байна вэ? Энэ нь “Их Эзэний амралт” гэдэг нь ямар утгатай болохыг ойлгоход бидэнд хэрхэн тусалж байна вэ? Энэ нь биеэрээ амрахаас юугаараа ялгаатай вэ?

Эдгээр шүлэг юу зааж байгааг төсөөлөн бодоход нь гэр бүлийнхэндээ туслахын тулд та тэдэнтэй хамт цагаан хувцас гэх мэт зүйлсийг угааж болно. Халтар, хиртэй байхад бидэнд ямар санагддаг вэ? Дахин цэвэрхэн болоход бидэнд ямар санагддаг вэ? Эдгээр мэдрэмж нь нүгэл үйлдэн, дараа нь наманчилж, Аврагчийн Цагаатгалаар дамжуулан цэвэршихтэй юугаараа адилхан бэ?

Алдаа гаргасан байсан ч Их Эзэний хүч биднийг хүчирхэгжүүлж, эдгээдэг талаар Зиезромын туршлагаас бид юу сурч болох вэ? Биднийг Түүнээс хүч, эдгэрэл хүлээн авахад санваар ямар үүрэг гүйцэтгэдэг вэ?

Та эдгээр шүлгийг уншсаны дараа Алма 9:4-ийг уншиж болно. Бид бошиглогчдын үгсийн талаарх Зорамын бодлыг Аммонайха дахь хүмүүсийнхтэй харьцуулснаар юу сурч мэдэх боломжтой вэ? Бид амьд бошиглогчдын үгсэд итгэлтэй байхын тулд юу хийж байгаа вэ?