“Faaaogaina o le Sau, Muliumuli Mai ia te Au—Mo Tagata Taitoatasi ma Aiga,” Sau, Mulimuli Mai ia te Au—Mo Tagata Taitoatasi ma Aiga: Feagaiga Fou 2019 (2019)
“Faaaogaina o le Sau, Mulimuli Mai ia te Au—Mo Tagata Taitoatasi ma Aiga,” Sau, Mulimuli Mai ia te Au—Mo Tagata Taitoatasi ma Aiga: 2019
Faaaogaina o le Sau, Mulimuli Mai ia te Au—Mo Tagata Taitoatasi ma Aiga
“E Mo Ai Lenei Punaoa?”
O lenei punaoa e mo tagata taitoatasi uma ma aiga i le Ekalesia. Ua mamanuina e fesoasoani ia te oe e aoao le talalelei---pe na o oe pe o e i ai faatasi ma lou aiga. Afai e lei suesueina le talalelei e le aunoa i le taimi ua fano, ua mafai ona fesoasoani lenei punaoa ia te oe e amata. Afai ua i ai sau masani lelei o le suesueina o le talalelei, e mafai ona fesoasoani lenei punaoa ia e maua nisi mau aafiaga anoa.
E Faapefea Ona Ou Faaaogaina Lenei Punaoa?
Faaaoga lenei punaoa i soo se auala e fesoasoani ai ia te oe. E ono fesoasoani ia te oe o se taiala po o se fesoasoani mo suesuega faaletagata lava ia ma faaleaiga o tusitusiga paia. E mafai foi ona e faaaogaina mo afiafi faaleaiga. O otootoga ua faamamafa mai ai mataupu faavae taua o loo maua ile Feagaiga Fou, fautua mai ai manatu mo suesuega ma gaoioiga mo tagata taitoatasi ma aiga, ma maua ai foi avanoa e tusifaamaumau ai ou lagona uunai.
Atonu ua e faia ma lou aiga ni suesuega e le aunoa o le talalelei. E mafai ona fai sau sini e faitau le Tusi a Mamona. Pe atonu foi o loo e faitauina se isi tusi o tusitusiga paia mo se vasega o le seminare po o le inisitituti. Sau, Mulimuli Mai ia te Au e le faapea o le a suia ai pe faatautava foi ma mea lelei o loo e faia. Atonu e i ai ni auala e aoao ai mai le Feagaiga Fou e le aunoa ae faataunuuina foi lava isi au sini o le suesueina o isi tusitusiga paia. Mo se faataitaiga, e mafai ona faaauau pea lou faitauina o le Tusi a Mamona o au suesuega faaletagata lava ia ma faitau foi faatasi ma lou aiga le Feagaiga Fou (pe o le isi itu). Pe, a o e faitau i le Feagaiga Fou, e mafai ona e vaavaai i fuaitau o le Tusi a Mamona e toe faamautu ai mea o loo e aoaoina. Mulimuli i le taitaiga a le Agaga e iloa ai le auala e fai ai au lava suesuega o le upu a le Atua.
E Faia Faapefea Le Punaoa Lenei i Mea e Tutupu i le Ekalesia?
O le aotelega o le punaoa lenei ua faatulaga e tusa ai ma le faasologa faalevaiaso o lau faitaugatusi. O lesona e aoao i vasega o le Peraimeri ma le Aoga Sa e mulimuli i le faasologa lava lea e tasi. Ina ia lagolago au taumafaiga e aoao ma ola i le talalelei i le fale, o le a tuu atu e ou faiaoga ia avanoa e faasoa atu ai ou aafiaga, mafaufauga, ma fesili e uiga i mau sa e suesue ai i le vaiaso.
Sau, Mulimuli Mai ia te Au—Mo Le Peraimeri ma le Sau, Mulimuli mai ia te Au—Mo Le Aoga Sa e aofia ai otootoga mo vaiaso taitasi o le tausaga vagana ai mo le lua Aso Sa pe a fai le konafesi aoao. A leai ni sauniga Lotu masani e faia ona o konafesi faalesiteki po o se isi lava mafuaaga, e valaaulia oe e faaauau ona suesue i le Feagaiga Fou i le fale. Atonu e faamisi e au vasega i le Lotu ia lesona na faatulaga mo na aso pe tuufaatasi foi lesona e lua ina ia ogatusa ma le faasologa.
Pe Tatau Ona Ou Mulimuli i le Faasologa?
O le faasologa o le a faaogatusa ai oe ma anomea e aoao i vasega o le Aoga Sa, ae aua nei noatia ai oe; o le faasologa ua na o se taiala lava e fesoasoani ai e faatulaga ai oe lava. O le mea taua o le, o loo e aoaoina le talalelei e oe lava ma aoaoina foi o se aiga.