පාස්කුව

මෙම සතියේ ගැලවුම්කරුවාණන්ගේ වන්දිගෙවීමේ ආශිර්වාද වෙත අවධානය යොමුකිරීමට හැකි ක්‍රමයක් වන්නේ යේසුස්වහන්සේගේ ජීවිතයේ අවසාන සතිය පිළිබඳව සෑම දවසකම කියවීමට කාලය යොමුකිරීමයි (කියවිය හැකි කාලසටහනක් පහත දැක්වේ). ගැලවුම්කරුවාණන්ගේ ප්‍රේමය හැඟීමට ඔබට උපකාර කළහැකි මෙම පරිච්ඡේද වලින් ඔබට සොයාගත හැකි දේවල් මොනවාද? පාපයෙන්, මරණයෙන්, පීඩා වලින්, සහ දුර්වලකම් වලින් උන්වහන්සේ ඔබව ගලවා ගන්නේ කෙසේද යන්න පිළිබඳව මෙම පරිච්ඡේද ඔබට උගන්වන දේ ගැන මෙනෙහි කරන්න. උන්වහන්සේගේ ගලවාගැනීමේ බලය මත ඔබේ ඇදහිල්ල ඔබ ක්‍රියාවට නංවන්නේ කෙසේද?

• ඉරිදා: යෙරුසලමට උත්සවාකාර පිවිසුම (මතෙව් 21:6–11)

• සඳුදා: දේවමාළිගාව පවිත්‍ර කිරීම (මතෙව් 21:12–16)

• අඟහරුවාදා: යෙරුසලමේ ඉගැන්වීම (මතෙව් 21–23)

• බදාදා: ඉගැන්වීම තවදුරටත් කරගෙන යෑම (මතෙව් 24–25)

• බ්‍රහස්පතින්දා: පාස්කුව සහ ගෙත්සෙමනි උයනේ ක්‍රිස්තුස්වහන්සේගේ වන්දිගෙවීම (මතෙව් 26)

• සිකුරාදා: පීඩාව, කුරුසියේ ඇණ ගැසීම, සහ භූමදානය (මතෙව් 27:1–61)

• සෙනසුරාදා: ක්‍රිස්තුස්වහන්සේගේ ශරීරය සොයොන්ගෙය තුල වැතිර සිටින අතරතුර (මතෙව් 27:62–66) උන්වහන්සේ ආත්මික ලෝකයේ දේවසේවයේ කිරීම (දහම සහ ගිවිසුම් 138)

• ඉරිදා: යේසුස් ක්‍රිස්තුස්වහන්සේගේ මරණයෙන් නැවත නැගිටීම සහ උන්වහන්සේගේ ගෝලයන්ට පෙනී සිටීම (මතෙව් 28:1–10)

තවත් බලන්න Easter.ComeuntoChrist.org.

රූපය

යේසුස්වහන්සේ කුරුසිය මත

යේසුස්වහන්සේව සමච්චලයට ලක්කිරීම, හිරිහැරකිරීම, සහ කුරුසියේ ඇණගසනු දැකීම ගෝලයන්ට දැණුනේ කෙසේදැයි සිතාබලන්න. ඔවුන් උන්වහන්සේගේ බලයේ සාක්ශිකරුවන් වූහ, උන්වහන්සේගේ ඉගැන්වීම් වල සත්‍යතාව දැන සිටියහ, එමෙන්ම උන්වහන්සේ දෙවියන්වහන්සේගේ පුත්‍රයාණන් බවට ඇදහිල්ලක් ඔවුන්ට තිබුණේය. උන්වහන්සේගේ මරණය දැකීමෙන් උන්වහන්සේගේ ගෝලයන්ට ශෝකය සහ ව්‍යාකූලත්වය දැනෙන්නට ඇත. නමුත් වැඩිකල් නොගොස් ඔවුන් උන්වහන්සේගේ නැවත නැගිටීමේ මහා ප්‍රාතිහාර්යයේ සාක්ෂිකරුවන් බවට පත්වූහ.

මරණයෙන් නැවත නැගිටි ගැලවුම්කරුවාණන්ව දුටු අයගේ වාර්තා වලින් ඔබට කුමක් ඉගෙනගත හැකිද? මතෙව් 28:1–10; ලූක් 24:13–35; යොහාන් 20:19–29; සහ 1 කොරින්ති 15:1–8, 55 හි එක් එක්කෙනාගේ අත්දැකීම් ලකුණු කරන්න නැතිනම් සටහන් කරන්න. (ක්‍රිස්තුස්වහන්සේගේ මරණයෙන් නැවත නැගිටීමේ අනෙකුත් සාක්ශිකාරයින්ව 3 නෙපි 11; මොර්මොන් 1:15; ඊතර් 12:38–39; දහම සහ ගිවිසුම් 76:19–24; 110:1–10 සහ ජෝසෆ් ස්මිත්—ඉතිහාසය 1:15–17 හි සොයාගත හැකිය.) මෙම සාක්‍ෂිකරුවන්ගේ සාක්‍ෂි ගැන ඔබ සිත්ගත් දේ කුමක්ද? ගැලවුම්කරුවාණන්ගේ මරණයෙන් නැවත නැගිටීමෙන් පසු, තවත් අය මරණයෙන් නැවත නැගිට බොහෝ දෙනෙකුට දර්ශනය වී ඇත (බලන්න මතෙව් 27:52–53; 3 නෙපි 23:9). ගැලවුම්කරුවාණන් කෙරෙහි ඔබේ ඇදහිල්ල සහ මරණයෙන් නැවත නැගිටීමේ පොරොන්දුව ඔබ ජීවත් වන ආකාරය කෙරෙහි බලපාන්නේ කෙසේද?

1 පේත්‍රැස් 1:3–11 හි යේසුස් ක්‍රිස්තුස්වහන්සේ නිසා ඔබට බලාපොරොත්තුවක් ලබාදෙන වචන සහ වාක්‍ය ඛණ්ඩ මොනවාද? එම බලාපොරොත්තුව ඔබට දැනී ඇත්තේ කවදාද?

වැඩිහිටි ගැරිට් ඩබ්. ගොන්ග් මෙසේ සාක්ෂි දැරීය, මරණයෙන් නැවත නැගිටීම “අත් පා අහිමි වූ, දැකීමට, ඇසීමට, හෝ ඇවිදීමට හැකියාව නැති වූ, හෝ නිර්දය රෝග, මානසික රෝග, හෝ වෙනත් අඩුවූ ධාරිතාවයක් හේතුවෙන් අහිමි සිතුවිලි නිසා පෙළෙන අයට බලාපොරොත්තුවක් ලබාදෙයි. උන්වහන්සේ අපව සොයාගනියි. උන්වහන්සේ අපව සම්පූර්ණ කරයි. [එසේම,] ‘දෙවියන්වහන්සේම ලෝකයේ පාප උදෙසා වන්දිගෙවූ’ නිසා [ඇල්මා 42:15], … උන්වහන්සේට දයාවෙන්, අපගේ දුර්වලතා අනුව අපට උපකාර කළ හැකිය. … අපි පසුතැවිලි වී අපට හැකි සෑමදෙයක්ම කරමු. උන්වහන්සේ අපව ‘උන්වහන්සේගේ ප්‍රේමයේ දෑතින්’ සදාකාලිකව වට කරගන්නා සේක [2 නෙපි 1:15]” (“හෝසන්නා සහ හාලේලූයියා—ජීවමාන යේසුස් ක්‍රිස්තුස්වහන්සේ: නැවත පිහිටුවීමේ හා පාස්කුවේ හදවත,” ලියහෝනා, මැයි 2020, 54).

තවත් බලන්න ඇල්මා 27:28; 36:1–24; 3 නෙපි 9:11–17; මොරෝනි 7:40–41.