Mateu 10–12; Marku 2; Lluka 7; 11

Përmblidheni Mateun 10:1–10 me fjalë të thjeshta. (Shih figurën Krishti Shuguron Apostujt, Libri i Figurave Artistike të Ungjillit, nr. 38.) Shpjegoni se Jezusi i thërret Apostujt që ta ndihmojnë Atë për të ndërtuar Kishën e Tij.

Lërini fëmijët t’i numërojnë Apostujt në figurën Krishti Shuguron Apostujt (Libri i Figurave Artistike të Ungjillit, nr. 38) dhe në një figurë të Kuorumit të Dymbëdhjetë Apostujve të tanishëm (shih LDS.org ose një botim të konferencës së përgjithshme në Ensign ose Liahona). Shpjegoni se ne sot kemi dymbëdhjetë Apostuj, ashtu si në kohën e Jezusit.

Fshihini figurat e Apostujve të sotëm përqark dhomës (për figura, shih një botim të konferencës më të fundit të përgjithshme të revistave Ensign ose Liahona). Ftojini fëmijët që t’i gjejnë figurat dhe tregojuni atyre pak rreth çdo Apostulli (shih pjesën “Meet Today’s Prophets and Apostles” [“Takohuni me Profetët dhe Apostujt e Sotëm”] në LDS.org).

Ftojeni një fëmijë të mbajë lart një figurë të Presidencës së Parë dhe një figurë të Kuorumit të Dymbëdhjetë Apostujve. Kërkojini fëmijës që t’i udhëheqë fëmijët e tjerë përreth dhomës drejt një figure të Jezusit. Dëshmoni se profetët dhe apostujt na udhëheqin drejt Jezu Krishtit.

Jepni dëshminë tuaj për Apostujt e Zotit.

Lexojeni Mateun 11:28–30 dhe tregoni figurën e një pende qesh nën zgjedhë te përvijimi i mësimit të kësaj jave në Eja, Më Ndiq – Për Individët dhe Familjet. Vini në dukje se qetë nën zgjedhë mund të tërheqin më shumë peshë së bashku sesa kur tërheqin më vete. Dëshmoni se kur ndihemi të trishtuar, të shqetësuar apo të frikësuar, ne mund ta kërkojmë Jezusin dhe Ai do të na ndihmojë.

Kërkojini një fëmije të ngrejë një send të rëndë. Kur ai ose ajo has vështirësi, ofrojini ndihmën tuaj. Si na ndihmon Jezusi të bëjmë gjëra të vështira? A e kanë ndier ndonjëherë fëmijët ndihmën e Tij?

Lexojeni Mateun 12:10–13 me zë të lartë. Ftojini fëmijët të ngrihen në këmbë dhe të ulen sa herë që ju thoni “Shabat” dhe përsëriteni me ta frazën “Është … [mirë] të bësh të mirën të shtunën” (Mateu 12:12). Çfarë mendojnë ata se do të thotë kjo?

Tregojuni fëmijëve një kalendar dhe vëreni theksin te dita e Shabatit. Çfarë bëjmë ditët e tjera të javës? Çfarë mund të bëjmë në Shabat për ta bërë të ndryshme nga ditët e tjera? (shih Isaia 58:13–14).

Kërkojuni fëmijëve të vizatojnë gjëra të mira që mund të bëjnë në ditën e Shabatit (shih faqen e veprimtarisë së kësaj jave).

Ftojini fëmijët të mendojnë për veprime të cilat do t’i ndihmojnë ata të bëhen gati për Shabatin ndërsa këndojnë këngën “Saturday” [“E Shtuna”], Children’s Songbook [Libri i Këngëve të Fëmijëve], f. 196.

Vizatoni një palë sy, një palë veshë, një gojë dhe duar në tabelë. Kërkojuni fëmijëve t’ju tregojnë atë që mund të bëjë secila prej këtyre pjesëve të trupit tonë për ta mbajtur të shenjtë ditën e Shabatit.

Paraqitni figura të Apostujve në kohën e Jezusit dhe në kohën tonë (shih figurën Krishti Shuguron Apostujt, Libri i Figurave Artistike të Ungjillit, nr. 38, dhe një botim të një konference të fundit në revistat e Kishës). Kërkojuni fëmijëve të lexojnë Mateun 10:1–10 dhe Markun 3:14–15 për të zbuluar se çfarë bëjnë Apostujt.

Ftojini disa fëmijë që të vijnë të përgatitur për të rrëfyer një histori të treguar nga një prej Apostujve të gjallë. Si po na ndihmojnë Apostujt e gjallë që të bëhemi më shumë si Shpëtimtari?

Shkruajini emrat e Apostujve bashkëkohorë në copa letrash. Ftojini fëmijët ta lidhin emrin e çdo Apostulli me figurën e tij (LDS.org). Kjo veprimtari mund të përsëritet disa herë.

Tregojuni fëmijëve disa shembuj të dëshmive të Apostujve bashkëkohorë për Krishtin (shih mesazhet e konferencës më të fundit të përgjithshme ose “Krishti i Gjallë: Dëshmia e Apostujve”, Ensign ose Liahona, prill 2000, f. 2).

Ndihmojini fëmijët të mësojnë përmendsh dhe të kuptojnë Nenet e Besimit 1:6.

Ftojini fëmijët të tregojnë një rast kur ata ishin të shqetësuar apo në ankth për diçka. Ftojini ata të kërkojnë te Mateu 11:28–30 një këshillë që mund t’i ndihmojë në rrethana të ngjashme.

Ftojini fëmijët të vizatojnë figura të asaj që po bëjnë për të ardhur te Jezusi dhe për të mësuar prej Tij. Neni i katërt i besimit mund t’u japë atyre ide.

Ftojeni një fëmijë të interpretojë rolin e burrit, dora e të cilit u shërua nga Shpëtimtari (shih Mateu 12:10–13). Një fëmijë tjetër mund ta intervistojë atë rreth përvojës.

Lexojeni së bashku Mateun 12:12. Cilat janë disa nga gjërat e mira që mund të bëjmë në Shabat? Lërini fëmijët t’i vizatojnë idetë e tyre në faqen e veprimtarive të kësaj jave, t’i presin copat dhe t’i vendosin me radhë së bashku copat e figurëformueseve të njëri-tjetrit.

Fshihini disa nga figurat e njerëzve që po bëjnë gjëra në ditën e Shabatit, të cilat tregojnë dashuri për Atin Qiellor. Kërkojuni fëmijëve t’i gjejnë figurat dhe të tregojnë se si bërja e gjërave [që shihen] në figura tregojnë dashurinë tonë për Perëndinë.

Jepini çdo fëmije një çantë që ta mbushë me ide të gjërave të mira që bëhen në Shabat. Ata mund t’i gjejnë disa ide te “Respektimi i Ditës së Shabatit” në broshurën Për Forcën e Rinisë, f. 30–31.