“O Se Mamanu mo le Aoao Atu,” Sau, Mulimuli Mai ia te Au—Mo le Aoga Sa: Tusi a Mamona 2020 (2020)
“O Se Mamanu mo le Aoao Atu,” Sau, Mulimuli Mai ia te Au—Mo Le Aoga Sa: 2020
O Se Mamanu mo le Aoao Atu
I le punaoa lea, o le a e maua ai le mamanu lea o fai faafia i otootoga taitasi: valaaulia e faasoa, aoao atu aoaoga faavae, ma faamalosia le aoaoina i le aiga. A o e aoao atu, o elemene o lenei mamanu e ono fesopoa’i pe tulai mai foi i se faasologa e ese. Mo se faataitaiga, mafaufau o le fefaasoaai o se avanoa lea e aoao atu ai le aoaoga faavae, ma o le aoaoina atu o le aoaoga faavae e tatau ona aofia ai le valaaulia e faasoa. E faapena foi, o le fautuaina o le aoaoina i le fale e mafai ona fai i le gasologa atoa o se talanoaga a le vasega. Faataga le toe faatulagaina i lenei mamanu o se mea masani, i le mulimuli i uunaiga a le Agaga e taulima ai manaoga o tagata o loo e faiaoga ai.
Valaaulia le Fefaasoaai
E avea o se vaega o vasega taitasi, valaaulia tagata o le vasega e faasoa mai malamalamaaga ma aafiaga sa latou maua i le vaiaso ua mavae a o latou suesue i tusitusiga paia na o i latou, ma faatasi ai ma o latou aiga ma faaaoga mea sa latou aoaoina. Fesoasoani i le vasega ia iloa e taua a latou lava suesuega patino i fafo atu o le vasega. O lo latou lava liua patino o le a le gata ina oo mai i le aoaoina mai le Aso Sa, ae faapea foi i o latou aafiaga i aso taitasi. A oo ina faalogo tagata o le vasega i aafiga o isi, o le a tele lava ina musuia ai i latou e sailia foi ia lava aafiaga e i latou lava.
E le o tagata uma o le a faitauina mataupu mo lesona taitasi, e oo foi i nisi sa faitauina e ono le maua le lagona lelei e faasoa mai ai. Ia mautinoa e lagona e tagata uma o le vasega o ia o se vaega taua o le vasega, pe i ai pe leai foi se mea e faasoa mai.
Aoao atu Aoaoga Faavae
E tatau ia te oe ma tagata o lau vasega ona taulai atu i le aoaoga faavae—o upumoni faavavau o le talalelei—o loo maua i fuaitau o mau e atofa atu. A o e talanoaina aoaoga faavae mai mau, o a fuaiupu, upusii, aafiaga, fesili, ma punaoa faaopoopo atonu e te faasoa atu? E faapefea ona e faaaogaina nei punaoa e fesoasoani ai i le vasega ia iloa ma malamalama i mataupu faavae o le talalelei? E mafai faapefea ona e faamalosiauina tagata o le vasega e tusi faamaumau ma galue i mafaufauga ma lagona uunai latou te maua?
Fautuaina le Aoaoina i le Aiga
I le faaiuga o le lesona, faaaoga sina taimi e mua’i iloilo ai le talanoaga mo le vaiaso a sau. Mafaufau pe faapefea ona musuia tagata o le vasega e faaauau ona aoao mai le Tusi a Mamona i le fale, e le gata i le tagata lava ia ae faapea foi ma o latou aiga.