“iKuri ni iVurevure,” Lako Mai, Mo Muri Au—Me Baleta na Matawilivola ni Siga Tabu: Veiyalayalati Vou 2019 (2019)
“iKuri ni iVurevure,” Lako Mai, Mo Muri Au—Me Baleta na Matawilivola ni Siga Tabu: 2019
iKuri ni iVurevure
E vuqa na ivurevure oqo era na kune ena app ni Gospel Library vakakina ena LDS.org.
Lako Mai, Mo Muri Au—Me Baleta na Tamata Yadua kei na Matavuvale
Sa rawa mo cakava e dua ga na itaviqaravi mai na ivurevure oqo me vakayagataki ena nomu kalasi ni Matawilivola ni Siga Tabu. Kevaka era vakayagataka na lewe ni kalasi na itaviqaravi oqo ena nodra vulica vakayadua se vakamatavuvale na ivolanikalou, vakayaloqaqataki ira mera wasea na veika era sotava kei na veivakararamataki ni nodra nanuma.
Mekasini ni Lotu
Na mekasini New Era, Ensign, kei na Liaona ena vakarautaka na itukutuku kei na ituvatuva e rawa ni tokona na ivakavuvuli o vakavulica tiko mai na Lako Mai, Mo Muri Au—Me Baleta na Matawilivola ni Siga Tabu.
Serenilotu kei na Nodra Sere na Lalai
Na sere ivakatagi tabu ena sureta na Yalotabu ka vakavulica na vunau ena dua na iwalewale me daunanumi tikoga. Me ikuri ni Serenilotu sa tabaki tu vakaivola kei na Nodra Sere na Lalai, sa rawa mo raica na katokatoni ni vuqa na serenilotu kei na nodra sere na lalai ena music.lds.org vakakina ena LDS Music app.
Laibari ni iTukutuku Raraba
Sa rawa ni veivuke na droini, vidio, kei na itukutuku raraba tale eso vei ira o vakavulica mera raitayaloyalotaka na vunau kei na italanoa e tiko ena Veiyalayalati Vou. Sikova na medialibrary.lds.org mo raica na iwiliwili ni ivurevure ni itukutuku raraba ni Lotu, oka kina na Vidio mai na iVola Tabu, e tukuna tiko na italanoa mai na Veiyalayalati Vou.
iVolavakarau ni Semineri kei na Inisitute
E vakarautaka na ivolavakarau ni semineri kei na inisitute na itukutuku yavu kei na ivakamacala vakaivunau ni ivakavuvuli ena ivolanikalou. Era tiko talega kina na vei vakasama eso ni veivakavulici mena caka me baleta na kalasi ni Matawilivola ni Siga Tabu.
Veiulutaga va-Kosipeli
Sa rawa mo kunea ena topics.lds.org na itukutuku matailalai me baleta na veiulutaga ni kosipeli, vata kei na isema ki na ivurevure ni veivukei, me vaka na vosa mai na koniferedi raraba, itukutuku, ivolanikalou, kei na vidio. Ena rawa talega ni ko na kunea na Gospel Topics Essays, e tiko kina na isaunitaro titobu ki na taro vakosipeli.
Tudei ena Vakabauta
Na ivurevure oqo e vakarautaka na ivakamacala rawarawa ni ulutaga ni kosipeli, e tuvai vakaalifabeti.
Vunautaka na Noqu Kosipeli
Na ivola idusidusi oqo ni daukaulotu e vakarautaka tiko e dua na rai baleta na ivakavuvuli taumada ni kosipeli.
Me iSakisaki ni iTabagone
Na ivurevure oqo e tuvanaki kina na ivakatagedegede ni Lotu ena rawa ni vukei keda meda bula kilikili tiko meda rawata na veivakalougatataki ni Turaga. Mo na rai tiko kina vakawasoma, vakabibi ke o vakavulici ira tiko na itabagone.
Veivakavulici ena iVakarau ni iVakabula
Ena rawa ni vukei iko na ivurevure oqo mo vulica ka vakayagataka na ivakavuvuli ni veivakavulici Vakarisito. Era na veivosakitaki ka vakayacori na vei ivakavuvuli oqo ena soqoni ni matabose ni qasenivuli.