Manatu mo le Faamalosiauina o Suesuega Faaletagata Lava ia ma Faaleaiga

O ni nai manatu ia e fesoasoani ai ia te oe e faamalosiau i tagata o le vasega e suesue le upu a le Atua i le fale e le tagata lava ia ma faaleaiga. Ia mata’itu le mea moni e le o tagata uma o le vasega e mafai ona suesueina tusitusiga paia ma o latou aiga (mo se faataitaiga, o nisi tagata e nonofo na o i latou pe nonofo ma se aiga e le lolotu uma).

• Valaaulia ni tagata o le vasega e faasoa mai ni o latou aafiaga a o latou suesueina tusitusiga paia i le fale. Mo se faataitaiga, e mafai ona e fai atu ia i latou e faasoa mai se fuaiupu mai le faitauga o lenei vaiaso sa uunaia ai i latou ma faamalamalama mai pe aisea ua latou manatu ai e ‘anoa.

• Fesili i tagata o le vasega e aumai ni faataitaiga o mea o loo latou faia ia anoa ai a latou suesuega faaletagata lava ia ma faaleaiga o tusitusiga paia. (E mafai ona maua nisi manatu i le “Manatu e Faaleleia ai Lau Suesuega Patino o Tusitusiga Paia” ma le “Manatu e Faaleleia ai Le Suesuega o Tusitusiga Paia e Lou Aiga” i le Sau, Mulimuli Mai ia te Au---Mo Tagata Taitoatasi ma Aiga.)

• Valaaulia tagata o le vasega e faasoa mai pe na faapefea ona latou faatinoina uunaiga na latou maua i se vasega talu ai po ole taimi sa fai ai a latou lava suesuega o tusitusiga paia pe ma le aiga.

• Faaalu ni nai minute e faaali atu ai i le vasega ni nai punaoa ua saunia ele Ekalesia e fesoasoani ai i le au paia e suesue le talalelei, e pei o fesoasoani mo le suesueina o tusitusiga paia o loo maua i le scriptures.lds.org; “Scripture Stories” maua i le children.lds.org; anotusi e taulai i le autalavou i le youth.lds.org; tusi lesona o le seminare ma le inisitituti; ma vitio, lipine faalogologo, ma ata (tagai medialibrary.lds.org). O le tele o nei punaoa o loo maua foi i le Gospel Library app.

• Faaalu ni nai minute e faamalamalama ai le faaaogaina o le Gospel Library app e suesue ai tusitusiga paia, e aofia ai pe faapefea ona maka ia fuaiupu ma tusifaamaumau ia lagona uunai.

• Valaaulia se toatasi pe sili atu foi o le vasega e faasoa mai pe faapefea ona latou aoao atu ni mataupu faavae o le talalelei i o latou aiga.