“32. Auliyak ac Toeni luhn Mempucr ke Alu Uh,” General Handbook: Kuhlwacnsap ke Alu luhn Jisus Kraist luhn Mwet Luhlahlfongi ke Lwen Sahflah (2020).

“32. Auliyak ac Toeni luhn Mempucr ke Alu Uh,” General Handbook.

Petsac

mukul se kuh muhtwacn se ma sruokyac paho

32.

Auliyak ac Toeni luhn Mempucr ke Alu Uh

32.0

Ikucslah

Inkaiyacn auliyak uh sikyak inmahsrlon mwet se, God, ac mwet ma puhlakihn elyah ke srihpen ma koluk luhn mwet se. Tuhsruhktuh, kuhtuh pacl uh prestuhn se ke alu uh enenuh in kahsruh mempucr ke alu uh ke auliyak lalos.

Ke elos kahsruh mempucr ke auliyak uh, prestuhn ma enenuh in oruh ke luhngse ac pahkomuhta. Elos ukwe srihkasrak luhn Mwet in Molwelah, suc sruhkwack kais sie mwet in forlah liki ma koluk ac for nuh sin God (liye Matthew 9:10–13; John 8:3–11).

Oacna ke tahklac ten inge, sapta se inge el tahkihnyucklac in pwen mwet kol ke sulaclah yohk lalos ac orekma fal in kahsruh sie mwet in auliyak ke ma koluk upac se ac in kahsruh karihngihn mwet sahyac.

Kunohkohn Luhn Alu Uh In Kahsruh Sie Mwet In Auliyak. Sacksrihn 32.1–32.4 el ahkuhtweyac ke mwe lutlut lal Leum ke auliyak ac nuhnak muhnahs. Sacksrihn inge ahkuhtweyac pac srihpac tolu ke ma tiac lwelah ma mempucr uh in oruh kuh in som liki. Weacng pacna, ma inge ahkuhtweyac ke kunohkohn luhn pisap ac stek prestuhn ke kahsruh nuh ke auliyak.
Nuhnkuh Acn In Kahsruh Mwet Se In Auliyak. Sacksrihn 32.5–32.7 use mwe kahsruh nuh ke sulaclah fin toeni luhn mempucr kuh in mwet se fanna kahsruh el fal nuh ke acn in kahsruh mwet se in auliyak.
Sang Kahs In Kahsruh Nuh Sin Sie Mwet. Sacksrihn 32.8 sang kolyuck nuh ke muhkwena sang kahs in kahsruh sin pisap se kuh stek prestuhn se. El oacyacpac ahkuhtweyac ke ma tiac lwelah mempucr ke alu uh in oruh.
Oruh Toeni Luhn mempucr Ke Alu Uh. Sacksrihn 32.9–32.14 ahkuhtweyac lah ma kunacn suc in oruh toeni luhn mempucr, in us fuhkah, ac sulaclah ma kuh. Ma sikyak ke sulaclah ingacn el oacyacpac ahkuhtweyucki.
Fohlohkohnwacng Suwohs Luhn mempucr. Sacksrihn 32.15–32.17 ahkuhtweyac kac lah suwohs luhn mempucr se ac fohlohkyang fuhkah ke auliyak.

Fin sihmlac siena, ma suhmuhslah luhn stek prestuhn el kuh pac in orekmakihnyuck sin misin prestuhn. Ma suhmuhslah kuh kolyuck nuh sin pisap el kuh pac in orekmakihnyuck sin prestuhn luhn pracns.

KUNOHKOHN LUHN ALU UH IN KAHSRUH SIE MWET IN AULIYAK

32.1

Auliyak ac Nuhnakmuhnahs

Leum el fahk lah “wacngihn ma fohkfohk kuh in usrui tohkohsrahi inkuhsrao;” (Alma 11:37; liye pac 3 Nephi 27:19). Ma koluk lasr oruhlac kuht fohkfohk—suhfal in muhta ye muhtuhn Pahpah tuhmasr Inkuhsrao. Elos use pac ahsor luhlahp nuh sesr ke moul se inge.

Masap lal God ke ma pwacye el enenuh sie ma tuhkuh ke kuht oraclah ma koluk se (liye Alma 42:14, 17–18). Tuhsruhktuh, plwacn luhlahp Lal nuh ke pahkomuhta, “kuh in ahkfalye mwe enenweyuck luhn nuhnuhnkuh suwohs, ac [kuhluhskuhtyak] ke langweyucklac” (Alma 34:16; liye pac Mosiah 15:9).

In ahkfahsryelah plwacn se Lal inge, Pahpah tuhmasr Inkuhsrao el suhpwacma Wen Kuloh sefanna Nahtuhl, Jisus Kraist, in elah ma koluk lasr (liye Alma 42:15). Jisus El kweok ke ma koluk inge ke srihpen ma inge ma masap ke ma pwacye El enenuh ke ma koluk lasr uh. (liye Doctrine and Covenants 19:15–19; liye pac Alma 42:24–25). Ke kihsackuhnlah se inge, Pahpah Ac Wen elos kwewa na oruh in kahlwem luhngse wacngihn sahflahiyac lalos nuh sesr (liye John 3:16).

Ke kuht oruh “luhlahlfongi in auliyak,” Pahpah tuhmasr Inkuhsrao El nuhnakmuhnahs nuh sesr, use pahkomuhta ke Kihsackuhnlah luhn Jisus Kraist (Alma 34:15; liye pac Alma 42:13). Ke kuht ahknwacsnwacsyeyucklac ac tuhlweyucklac liki ma koluk lasr, kuht kuh in eis tohkohsrahi luhn God (liye Isaiah 1:18; Doctrine and Covenants 58:42).

Auliyak el yohk liki na in ekuhllah elah. El pa forlah liki ma koluk ac for nuh sin Pahpah tuhmasr Inkuhsrao ac Jisus Kraist. El pwen kuht nuh ke eklac ke insiyac ac nuhnak (liye Mosiah 5:2; Alma 5:12–14; Helaman 15:7). Ke auliyak, kuht eklac nuh ke mwet sasuc, sifilpac weluhllah God (liye Luo Corinth 5:17–18; Mosiah 27:25–26).

Pacl wowo se in auliyak el sie mwe insewowo na yohk ma Pahpah tuhmasr Inkuhsrao El use nuh sesr ke mwe sang luhn Wen Nahtuhl.

32.2

Srihpac nuh ke Tiloki luhn Kuh luhn mempucr Se kuh Itucklac Ine Liki Alu Uh

Ke mwet se el pacptaislac uh, el ekihn ma ke “lohm sin God” (Ephesus 2:19). Sie olwelah ke ma oreklac ke pacl se pacptaislac uh pa olwelah in kampare moulkihn mwe lutlut lal Kraist ac masap lal. Ke mwet se puhtatlac uh, el orekmakihn luhlahlfongi lal ke Jisus Kraist ac auliyak, luhlahlfongi ke luhng kuhlwacng lal in ahkfokokoye ac nuhnak muhnahs nuh se.

Fin mempucr se oraclah ma koluk na upac se, pisap kuh stek prestuhn el kahsrwel in auliyak. In oacna ke ipin auliyak se inge uh, el enenuh in tulokihnyac kuhtuh kuh luhn mempucr se inge ke puhluhn pacl se. Ke kuhtuh pacl uh, el ac enenuh in eslah inen mwet se inge liki alu uh ke puhluhn pacl se.

In tulokihnyac kuh luhn mwet se kuh in eslah inel liki alu uh tiac ma orek in mwe sang kaiyuck nuh se. Tuhsruhk, mukwikwi inge el kuhtuh pacl uh enenweyuck in sang kahsruh mwet se in auliyak ac puhlakihn eklac pwacye luhn insiyac. Elos oacyacpac sang nuh sin mwet se pacl in ahkolah ke nguhn in sifil ahksasucye ac liyacacng olwelah lal.

Pisap se kuh stek prestuhn se el kuh in fahk kuhtuh ma mempucr se el tiac lwelah in oruh 32.5–32.14. Mukwikwi inge oasr ma weacng ke ip luhn auliyak uh. Ke mwet se el auliyak pwacye uh, el kuh in eis suwohs lal ke mempucrsrip lal in fohlohkyak.

Ke pacl fal in tilokuh suwohs luhn mempucr se kuh itucklac el liki alu uh, pisap kuh stek prestuhn el ukwe kolyuck luhn Nguhn Muhtahl ac mwe sap ke sapta se inge. El oruh ma el oruh uh ke nguhn in luhngse (liye 32.3).

Tulokihnyucki ke suwohs luhn mempucr se ma ke alu uh, tiac ke acn sel. Ma inge wakruh wal lal ke Alu uh muhkwena. (Liye Doctrine and Covenants 134:10.)

Srihpac tolu nuh ke tilokuh ke suwohs luhn mempucr se kuh in eisacllah liki alu uh pa ahkuhtweyucki ke ma ten inge.

32.2.1

Kahsruh Karihngihn Mwet Sahyac

Srihpac se met an pa in kahsruh karihngihn mwet sahyac. Kuhtuh pacl uh mwet se el mwe sensen se nuh ke mahno ac nguhn uh. Ahksahngweng, ahkngal, ohiyac sowac, koluk orekmakihnyacn ma, kikiacp, ac forlah liki ma pwacye pa kuhtuh inek ma se inge kuh in sikyak uh. Ke kolyuck, pisap se kuh stek prestuhn se el mukwikwi in karihngihn mwet sahyac ke pacl se ma mwet se el mwe sensen ke ma inge ac kuhtuh pac ma koluk upac sahyac. (liye Alma 5:59–60).

32.2.2

Kahsruh Mwet Se in Eis Kuh in Molwelah luhn Jisus Kraist ke Auliyak

Srihpac se ahkluo an pa in kahsruh mwet se in eis kuh in molwelah luhn Jisus Kraist ke auliyak. Ke ma se inge, el kuh in sifilpac eklac nwacsnwacs ac fal in eis nohfohn mwe insewowo lal God.

32.2.3

Karihngihn Inen Alu Uh

Srihpac se ahktolu an pa in karihngihn inen Alu uh. E kuh in ma enenuh se in tulokihnyac suwohs luhn mwet se kuh eslah inel liki alu uh fin mukwikwi lal uh ahkkolukye alu uh (liye Alma 39:11). Inen alu uh tiac karihngihnyuck ke ac ukunyucklac kuh ahksrihkyelah ma koluk uh—tuhsruhk ke ac ahkkahlwemyeyuck uh.

32.3

Kunohkohn luhn Mwet in Nuhnuhnkuh fin Acn Israel

Petsac

pisap el sramsram nuh sin mukul se

Pisap ac prestuhn luhn stek elos pahngonyuck ac srihsrihlac in ekihn mwet in nuhnuhnkuh fin acn Israel (liye Doctrine and Covenants 107:72–74). Elos sruok ki luhn pristut ac ahollah Leum in kahsruh mempucr ke Alu uh in auliyak (liye Doctrine and Covenants 13:1; 107:16–18).

Pisap ac stek prestuhn ah elos wi kahsruh ke auliyak ke kahs in kahsruh nuh sin mwet se ingacn. Kahsruh se inge kuh in oasr tulokihnyac ke kuhtuh ma mempucr se kuh in oruh ke puhluhn pacl se. (Liye 32.8.)

Nuh ke kuhtuh ma koluk upac, mwet kol uh kahsruh ke auliyak ke oruh sie toeni ah (liye 32.6 ac 32.9–32.14). Kahsruh se inge kuh in oasr tulokihnyac ke kuhtuh ma mempucr uh kuh in oruh kuh eslah inen mwet se ingacn liki alu uh ke puhluhn pacl se (liye 32.11.3 ac 32.11.4).

Pisap ac prestuhn luhn stek uh elos kahsruh mempucr ke alu uh in kahlwem kac lah God el luhngse tuhlihk Nahtuhl, finne elos oruh ma koluk. Ke srihpen el ke elos in engan ac eis mwe insewowo, El oacyacpac elyah yohk ke ahkostwen lalos.

Pisap ac prestuhn luhn stek uh elos ahkkahlwemye luhngse ac elyah lalos ke elos kahsruh mwet uh in auliyak uh. Mukwikwi luhn Mwet in Molwelah nuh sin muhtwacn se suc utuckyak ke srihpen kosro el mwe kol se (liye John 8:3–11). Finne El tiacna fahk muh ma koluk lal tuhlweyucklac, el tiac pacna ahkkolukyacl. Tuhsruhk, El fahk nuh sel in “tiac sifil oruh ma koluk”—in auliyak ac ekuhllah moul lal.

Mwet kol inge luti lah oasr “engan … inkuhsrao ke sie mwet el auliyak uh” (Luke 15:7). Elos muhtweng, kahsruh, ac nuhnkuh ke ma wo. Elos mokle finsrak. Elos luti ac fahkwack lah ke srihpen kihsackuhnlah luhn Mwet in Molwelah ke iwaclah lal, nohfohn na kuh in auliyak ac eklac nwacsnwacs.

Pisap ac stek prestuhn uh suk kolyuck sin Nguhn Muhtahl in etuh fuhkah in kahsruh kais sie mwet in auliyak. Ma koluk upac uh muhkwena Alu uh oraclah akwuck fal mwet kol in ukwe (liye 32.6 ac 32.11). Wacngihn ohiyac luo oacna sie. Kahs in kahsruh ma mwet kol sang ac fahsr luhn auliyak ma elos kahsruh enenuh in mokleyuck sin nguhn ac kuh in siena nuh sin kais sie mwet.

Leum El etuh ma sikyak luhn kais sie mwet, luhpah, ac kapwack luhn nguhn lal uh. Nguhn Muhtahl ac fah kahsruh mwet kol in nuhnkwaclah lah elos ac kahsruh fuhkah mempucr in oruh eklac ma fal elos in kuh in wolac ac ngwet liki mwe sruhf in sifil oruh ma koluk se.

Kahsruh sie mwet auliyak, sifil foracng nuh sin God, ac onweyucklac ke Iwaclah luhn Jisus Kraist pa sie ma engan yohk ma mwet se kuh in puhlakihn. Doctrine and Covenants 18:10–13 ahkuhtweyac:

Esam lah sacohk moul luhn mwet uh ye muhtahl God;

Tuh, liye, Leum suc pa Mwet in Iwaclah lom el kweok ke misac in moul; tuh el kweok ke ngal luhn mwet nuhkwewa, tuh mwet nuhkwewa in auliyak ac fahsr nuh yohrohl.

Ac el otyak liki misac, tuh elan kuh in use nohfohn mwet uh nuh yohrohl, ke auliyak.

Ac fuhkah luhpan yohkiyacn engan lal ke mwet suc auliyak uh!

32.4

Fahkwack Ke Ma Koluk, Lukmac, Ac Fahkwack Nuh Sin Mwet Oasr Kuh La Ke Kafucrmacn

32.4.1

Fahkwack Ke Ma Koluk

Auliyak el enenuh in fahkwack ke ma koluk nuh in Pahpah tuhmasr Inkuhsrao. Jisus Kraist el fahk, “Ke ma inge kom kuh in etuh lah mwet se el auliyak liki ma koluk lal—liye, el ac fah fahkwack ke ma koluk lal ac fahsr liki ma koluk inge” (Liye Doctrine and Covenants 58:43; liye pac Mosiah 26:29).

Ke mempucr ke alu uh elos oraclah ma koluk upac, auliyak lalos uh enenuh in ma nuh sin pisap lalos kuh prestuhn luhn stek. Fin el fahkwack ma koluk lal nuh selos el fah kuh in orekmakihn ki ke alu uh nuh ke auliyak ke fahk lalos (liye Doctrine and Covenants 13:1; 84:26–27; 107:18, 20). Ma se inge kahsrwelos in onweyucklac ac fohlohkoh nuh ke inkacnek luhn alu ke kuh ke Iwaclah luhn Mwet in Molwelah.

Srihpen fahkwack ke ma koluk la pa in pahtok mempucr in ahkmuhlahlahyeaclos sifacna elos in muh kuh in suk kahsruh luhn Leum in eklac ac wolac. Oraclah sie “inse muhsahl ac toasr in nguhn” el ma tuhkuh ke fahkwack ma koluk la (2 Nephi 2:7). Sifacna fahkwack ma koluk la el ahkkahlwemye lah el mwet se suc kena in auliyak.

Ke mempucr se ac fahkwack ma koluk lal uh, pisap kuh prestuhn luhn stek ukwe ma oreklac nuh ke kahs in kahsruh ke 32.8. El pruhe siyuck kolyuck ke ohiyac fal in kahsruh mempucr se ingacn in auliyak (liye 32.5). El nuhnkuh lah toeni in kahsruh mempucrlac se ac kuh in kahsruh. Fin masap luhn Alu uh enenuh in oasr sie toeni in kahsruh mempucrlac ah, el ahkuhtweyac ma se inge (liye 32.6 ac 32.10).

Kuhtuh pacl uh mempucr se ac oraclah ma koluk se nuh sin mukul tuhmwac kuh muhtwacn kiyac kuh sie pacna mwet mahtuh sahyac. Ipin auliyak uh, el enenuh in fahkuhlwack nuh sin mwet ma el oraclah ma koluk se inge nuh se uh ac suk nuhnakmuhnahs. Sie mwet fuhsr ma oraclah ma koluk upac se pahtokyuck el in sramsram nuh sin ninac ac pahpah tuhmwacl.

32.4.2

Ma Koluk Upac Ma Tiacna Fahkyuckyak Kuh Lahfwekihnyuck

Pisap se kuh stek prestuhn se elac etwacack ke ma koluk upac se inge ke fahkwack luhn mwet se kuh sin mwet sahyac. El kuh pac in eis kolyuck ke ma koluk se sin Nguhn Muhtahl. Fin el mokleyuck sin Nguhn Muhtahl muh oasr mwet tikuclkucl ke ma koluk se, el kuh in oraclah sie intucrfiyu ah. Ke intucrfiyu se, el akacsruhi elyah lal ke atac wowo ac suhnak se. El kahingkihn oacna sie puhsra in ahkkoluk.

Fin mempucr se lahfwekihn oruh ma koluk se ma pisap se kuh stek prestuhn se kuh in ahkpwacyei, ac kuh in oasr toeni in kahsruh mempucrlac se. Tuhsruhktuh, kolyuck luhn nguhn muhkwena el suhfallac in sang oruh sie toeni ah (liye Doctrine and Covenants 10:37). Mwet kol se kuh in orwacni kuhtuh ma in sang kahsruh fin enenweyuck. El ukwe ma sihmlac ke 32.4.3 ac 32.10.2.

32.4.3

Orwacni Mwe Etuh

Met liki orek sie toeni luhn mempucr ah, pisap kuh prestuhn luhn stek se el orwacni ma el enenuh in etuh in puhkantwen. Ma fwackyuck ke fahkwack luhn mempucr se el wacna fal. Mwe etuh kuh pac in tuhkuh sin sucu se, sie pacna mwet kol ke alu uh, mwet se ma ongaiyac ke ma koluk se, kuh mwet se ma wi oruh ma koluk se inge.

Ke pacl se ma orekweni mwe etuh uh, pisap kuh prestuhn luhn stek enenuh in orekmakihn ohiyac fal nuh sin mwet kol se ma oasr pristut la. El tiacna enenuh in tunni lohm sin mwet se kuh sihmihs ma kacl fin wacngihn lwelah luhn mwet se ingacn. Enenuh elan tiac pac orekmakihn ohiyac ma ac lain masap uh.

Ahkkoluk kikiacp suhkwac sikyak tuh kuh in sikyak. Mwet kol ma oasr pristut la enenuh in sensenkihn fin suhpuhs ma in sang ahkpwacyei ma se ingacn sahyacn kahs luhn mwet se ingacn. In oruh sie srihkasrak ah, mempucr se ma ahkkolukyeyuck ke kosro kuh in lahfwekihn. Ma suhmuhslah ahkuhtweyac lah kahs nuhkwewa ac tuhfah oreklac in lainuhl sin mwet loh luo ke alu uh (liye Doctrine and Covenants 42:80). Kalmacn mwet lohoh luo pa mwe etuh inge tuhkuh sin mwet luo tiacna mwet se fanna. Ma se inge kuh in pa etuh luhn mwet se ma wi oruh ma koluk sacn ac sie pac mwet ma kuh in luhlahlfongiyuck. Kuhtuh pacl uh mwet kol se ma oasr pristut la enenuh in sano in yohkwelihk etuh lal kac fah el mukwilac ke ma elac oruh uh.

Ke mwet kol ke alu uh el eis mwe etuh la nuh ke toeni in kahsruh mempucrlac uh, el enenuh in silahklahk na tui fin el etwacack muh polismacn ah elos infacstiketi mempucr se inge. Ma se inge orek in kahingkihn ma ac fwack kacn mwet kol se inge muh el tulokihn ma pwacye. Kain ohiyac se inge ke sikyak fin acn Macrike ac Kacnuhta, stek prestuhn el sruok ohfuhs luhn Alu ke General Counsel:

1-800-453-3860, tuhtahf 2-6301

1-801-240-6301

Lihkihn acn Macrike ac Kacnuhta, prestuhn luhn stek el sruok area legal counsel ke ohfuhs luhn eria.

Pwacyeiyac ah wacngihn toeni in kahsruh mempucrlac orek in nuhnkuh ke kriminuhl traiuhl nuh ke na kohrt oraclah nuhnuhnkuh sahflah lalos kac. Ke kuhtuh kes ac fal in kohkohlah toeni in kahsruh mempucrlac nuh ke na pacl se ma tari kes se.

32.4.4

Ma Lukmac

Pisap, prestuhn luhn stek, ac mwet in kahsruh lalos oasr kunohkohn muhtahl la in karihngihn nohfohn mwe etuh lukmac ma akacsruhi yohrohlos. Ma inge kuh in tuhkuh ke intuhrfiyu, sramsram inmahsrlon mwet se, ac ke fahkwack ma koluk. Kunohkohn se inge el ma pac nuh sin nohfohn mwet ma wi toeni luhn mempucr se ke el fahkwack ma koluk lal. Ma lukmac enenweyuck in tiac sruhmuhnyuck ma mempucr uh fahkwack ke ma koluk lalos kuh suk kolyuck fin ma elos sruhmuhn inge ac tiacna an na nuh sin mwet se na ngwacn. Kuhnahoslah ma lukmac se el ahklahlfonye luhlahlfongi luhn mempucr se ac oruh in wacngihnlac nuhnak fokoko laltahl ke mwet kol lalos.

In fahsr fal nuh ke ma kunaclos, pisap se, prestuhn luhn stek, kuh mwet kahsruh lalos kuh in akacsruhi ke ma inge muhkwena fin ohinge:

Elos enenuh in sramsram sin prestuhn luhn stek ke mempucr se, prestuhn luhn misin, kuh pisap in oruh sie toeni kuh ohiyac ma kuhpahsr nuh kac uh. Prestuhn luhn stek se el kuh pac in sramsram nuh sin Mwet Itngucul luhn Eria se ma kuneyucki lal uh. Fin enenweyuck, Mwet Itngucul luhn Eria elac suhpwacllah prestuhn luhn stek nuh yohrohl Prestuhnsi luhn Eria. Tuhsruhktuh, prestuhn luhn stek na pa ac sulaclah lah ac orek sie toeni in fahkwack ke ma se inge.
Mwet se inge el som nuh ke ward sasuc se (kuh mwet kol luhn pristut el fihliyucklac liki pahng se) ke pacl se ma orekma upac kuh kuhtuh elyah yohk srwack liyeyuck. Ke srihpac se inge, mwet kol se el fahk nuh sin pisap sasuc se kuh prestuhn luhn stek se ke elyah kuh ma sonna oreklac (liye 32.14.7). El oacyacpac kuh in fahk nuh sin mwet kol se lah mempucr se inge el sensen nuh sin mwet sahyac.
Pisap se kuh prestuhn luhn stek se etwaclah lah mempucr se ma muhta lihkihn ward se kuh stek se kuh in oasr ke ma koluk na upac se. Ke pacl se ingacn, el sruok pisap luhn mempucr se ngwacn muhkwena in sramsram sel.
Ma enenuh se in fahkwack ke ma ingacn ke pacl se ma toeni se ingacn orek uh. Nohfohn na ma ma orekweni ac sruhmuhnyuck ke toeni se ingacn enenuh in tiac sruhmuhnyuck sahyac.
Mempucr se el sulaclah in sang lwelah nuh sin mwet kol se in sruhmuhn ke ma ingacn nuh sin mwet. Ninac kuh pahpah ma kuh in wi, mwet kol ke Alu, kuh mwet sahyac ma ac kuh in sang kahsruh nuh sin mwet se inge. Mwet kol se inge el tiacna sruhmuhn ma inge nuh sin mwet ma mempucr se tiac lwelah el in sruhmuhn nuh se.
Ac kuh in enenweyuck in sruhmuhnyuck ma na srihsrihk ke sulaclah luhn mwet ke miting kuh toeni sac (liye 32.12.2).

Ke ohiyac nuhkwewa sahyac, mwet kol se enenuh in liye 32.4.5. Ma inge kuh in oasr ke pacl se ma masap uh enenuh in fwackyuck, kain se ke acnwuck tuhlihk, nuh sin mwet orekma luhn kafucrmacn.

In kahsruh mwet kol in karihngihn mwet sahyac ac fahsr fal nuh ke masap, Alu uh sang mwet profacsrihnuhl in kahsruh. In eis kolyuck, mwet kol uh silahklahk pahngon lain in kahsruh nuh ke acnwuck ke yen ma oasr we (liye 32.4.5 ac 38.6.2.1). Ke yen ma wacngihn we, prestuhn luhn stek el sruok area legal counsel ke ohfuhs luhn eria.

Ke ohiyac se fanna pisap se kuh prestuhn luhn stek se el enenuh in in sruhmuhn ke ma lukmac inge ac tiac suk met kolyuck. Pacl se inge pa pacl ma inge el fal in sang tulokihn ongaiyac upac ac wacngihn pacl in suk kolyuck. Ke kain ohiyac inge, kunohkohn in karihngihn mwet sahyac el yohk srihpac liki na kunohkohn in tiac sruhmuhn ma nuh sin mwet sahyac. Mwet kol uh enenuh in silahklahk na sruokyac polismacn ah.

Fin mwet kol uh sihmihs kuh sramsram nuh sin sie sin sie ke ohiyac luhn electronically, elos ac karihngihn wo ma inge. Ke elos tilac enenuh ma inge uh elos ac elah kuh kuhnahoslah ma inge. Elos tiacna sruhmuhn ke ma luhn mempucr inge kena wacngihn.

Polismacn ah kuh in oruh in upac nuh sin mwet kol suc oasr pristut se ohiyac luhn tiac sruhmuhn ma mwet uh tiac enenuh in etuh uh. Kain ohiyac se inge ke sikyak fin acn Macrike ac Kacnuhta, prestuhn luhn stek el sruok kahsruh ke ohfuhs luhn Alu ke General Counsel:

1-800-453-3860, tuhtahf 2-6301

1-801-240-6301

Lihkihn acn Macrike ac Kacnuhta, prestuhn luhn stek el sruok area legal counsel ke ohfuhs luhn eria.

32.4.5

Fahk nuh sin Mwet luhn Kafucrmacn kain se ke Polismacn ah

Auliyak ke kuhtuh ma koluk uh el enenuh mwet se in fahk nuh sin polismacn ah fin el kuhnahoslah sie masap luhn acn se. Pisap ac prestuhn luhn stek ma pahtok mempucr uh in ukwe masap uh ac fahk ke kain ohiyac inge. Elos oacyacpac sang kahs in kahsruh nuh sin mempucr in eis kahsruh fal ke elos fahkwack ma sikyak nuh sin mwet ma karihngihn masap uh. Akwuck luhn Alu uh pa in ukwe masap luhn acn uh.

Ke acn puhkantwen, mwet kol ma oasr pristut se elos enenweyuck in fahk ke mukwikwi suhfal ma elos etwacack kac. Sie srihkasrak an pa, kuhtuh stet ac muhtuhnfacl uh enenuh tuh in fwack nuh sin polismacn ah ke acnwuck luhn tuhlihk srihsrihk.

Ke muhtuhnfacl ma tiac oasr lain in kahsruh se inge, pisap se ma etwacack ke ahkngal enenuh in pahngon prestuhn luhn stek lal, suc enenuh in sokwack kahsruh yurin legal counsel ke eria ke ohfuhs luhn eria. Mwet kol inge enenuh in silahklahk pahngon lain in fahk ke ohiyac nuhkwewa ma mwet se kuh in puhtatyang nuh ke ahkngalyeyuck—kuh sensenkihnyuck in oasr ke ahkngal (liye 38.6.2.1). Ma se inge oasr ke ao 24 ke lwen se, lwen 7 ke wik se.

Nuh ke kuhtuh pac mwe etwacack ke fahkwack ke acnwuck, liye 38.6.2.1 ac 38.6.2.7.

NUHNKUH KE MWE KAHSRUH NUH SIN MWET SE IN AULIYAK

32.5

Mwe Kahsruh nuh sin Mwet se in Auliyak

Tukun pisap se kuh prestuhn luhn stek se el akihlenwack muh mempucr se el oraclah ma koluk na upac se, elos eis step in karihngihn mwet sahyac. El suk pac kolyuck luhn Nguhn Muhtahl in nuhnuhnkuh ke acn fal in kahsruh mwet se auliyak ac fahsr fototo nuh sin Mwet in Molwelah.

32.5.1

Ma Sang Ahkuhtweyac ke Mwe Kahsruh

Ma se inge el tahkuhnlah kahsruh tolu in kahsruh sie mwet in auliyak. El oacyacpac ahkfototoyelah kuhtuh nuhnak luhn mwet kol ke pacl se ma elos sule lah piac kac kahsruh in orekmakihn uh.

Mwe Kahsruh nuh sin Mwet se in Auliyak

Mwe Kahsruh	Kuhtuh Nuhnak (liye pac 32.7)
Mwe Kahsruh Toeni luhn Mempucrsrip ke Stek	Kuhtuh Nuhnak (liye pac 32.7) Nuh sin mempucr ma eis akwuck nuh ke tempuhl lalos uh. Enenuh mukul se kuh muhtwacn se ma eis akwuck lun tempuhl lal ac kuh pacna in itucklac mempucrsrip lal fin el puhtatyang nuh ke oacna sie sin ma koluk upac ma fwackyuck ke 32.6.1, 32.6.2, kuh 32.6.3.
Mwe Kahsruh Toeni luhn Mempucrsrip ke Ward	Kuhtuh Nuhnak (liye pac 32.7) Nuh sin oacna sie mempucr. Enenuh nuh ke ma koluk upac ma fwackyuck ke 32.6.1. Kuh in enenuh nuh ke ma koluk upac ac orekma suhfal ma fwackyuck ke 32.6.2 ac 32.6.3. Tiac enenuh fin mukul se kuh muhtwacn se ma eis akwuck lun tempuhl lal ac kuh pacna in itucklac mempucrsrip lal fin el puhtatyang nuh ke oacna sie sin ma koluk upac ma fwackyuck ke 32.6.1, 32.6.2, kuh 32.6.3.
Mwe Kahsruh Kahs in kahsruh nuh sin mwet ngwacn sifacna (liye 32.8)	Kuhtuh Nuhnak (liye pac 32.7) Nuh sin oacna sie mempucr. Kuh in oasr ma tulokihnyuck sin mempucr se. Kuh in tiac enenuh nuh ke ma koluk upac kuh orekma suhfal nuh ke toeni kuh miting luhn mempucrsrip ma ac kahsruh fahsr luhn auliyak se (liye 32.6.2 ac 32.6.3). El tiac enenuh nuh ke ma koluk upac ma enenuh mempucrsrip toeni kuh miting se (liye 32.6.1). Tiac enenuh fin mukul se kuh muhtwacn se ma eis akwuck lun tempuhl lal ac kuh pacna in itucklac mempucrsrip lal fin el puhtatyang nuh ke oacna sie sin ma koluk upac ma fwackyuck ke 32.6.1, 32.6.2, kuh 32.6.3.

Sang kahs in kahsruh nuh sin mwet se sifacna ac tiac lwelah luhn pisap kuh prestuhn luhn stek uh kuhtuh pacl uh tiac fal in kahsruh mwet se in auliyak ke ma koluk upac. Leum El sang toeni kuh miting luhn mempucrsrip in kahsruh mwet in nuhnuhnkuh se fin acn Israel ke kain in ohiyac inge. (Liye Exodus 18:12–27; Mosiah 26:29–36; Doctrine and Covenants 42:80–83; 102.) Nuh ke kuhtuh ma koluk upac, toeni kuh miting se enenuh in orek in ukwe masap luhn Alu uh (liye 32.6.1). Kuhnahoslah luhn akwuck luhn tempuhl el ahkyohkyelihk in oasr enenweyacn toeni kuh miting luhn mempucrsrip (liye 32.7.4).

Ke ward se, mwet in kahsruh luhn pisap se el kahsruh toeni kuh miting luhn mempucrsrip. Ke stek se, mwet in kahsruh luhn prestuhn luhn stek se kahsruh. Ke kuhtuh toeni kuh miting luhn stek mempucrsrip, kahsruh fuhlwact elos wi pac (liye 32.9.2). Ke toeni kuh miting luhn mempucrsrip se, pisraprik kuh prestuhnsi ke stek ohsun nuh sin mwet se ke nguhn in luhngse.

32.5.2

Nuhnkuh Mwe Kahsruh ac Pacl

Ke pacl se ma mwet kol uh sulaclah piyac kac mwe kahsruh ma ac fal emet in kahsruh mwet se in auliyak uh, elos suk kolyuck luhn Nguhn Muhtahl. Elos nuhnkuh pac ke ma inge:

Upaciyacn ma koluk se ac masap luhn Alu kac lah enenuh in oraclah toeni kuh miting se (liye 32.6)
Ma sikyak nuh sin mwet se inge (liye 32.7)

Pisap se el sramsram nuh sin prestuhn luhn stek se ke kuhtuh ohiyac. El enenuh in eis lwelah sin prestuhn luhn stek met liki el oruh sie toeni kuh miting luhn mempucrsrip ah.

Ke ohiyac ma upac, prestuhn luhn stek se el kuh in suk kahs in kahsruh sin Mwet Itngucul ke Eria lal uh. Prestuhn luhn stek se el enenuh in sramsram nuh sin Prestuhn luhn Eria ke ma muh sihmlac ke 32.6.3. Tuhsruhktuh, prestuhn luhn stek sefanna pa ac sulaclah lah ac orek sie toeni in fahkwack ke ma se inge. Fin toeni se orek, prestuhn luhn stek se kuh pisap se el sulaclah lah meac ac tuhkuh tok.

Fin pisap se kuh prestuhn luhn stek se nuhnkwaclah tuh enenuh in sramsram na nuh sin mwet se ngwacn muhkwena, el ukwe ma sihmlac ke 32.8. Fin el nuhnkwelah tuh enenuh in oasr toeni kuh miting luhn mempucrsrip, kuh fin masap luhn Alu uh enenuh in oasr toeni se, mwet se ma ahkfahsrye uh enenuh in ukwe step ke 32.9–32.14.

Met liki toeni kuh miting se ngwacn orek uh, pisap se kuh prestuhn luhn stek se kuh in nuhnkwaclah lah ac oasr ma tiac lwelah mempucr se in oruh ke puhluhn pacl se. El oruh toeni se inge ke pacl se ma ac pahtokyuck auliyak pwacye luhn mempucr inge. Tuhsruhktuh, el enenuh in tiac kohllah toeni se fin fal in karihngihn mwet sahyac.

32.6

Upaciyacn Ma Koluk se ac Masap luhn Alu

Upaciyacn ma koluk se el yohk srihpac in nuhnkuh nuh ke konwacack luhn mwe kahsruh ma ac (1) kahsruh karihngihn mwet sahyac ac (2) kahsruh mwet se in auliyak. Leum El tuh fahk lah El tiac kuh in liye ma koluk uh ac lwelah finne ma na srisrihk se (Liye Doctrine and Covenants 1:31; liye pac Mosiah 26:29). Mwet kuhlwacnsap lal enenuh in tiac pihlesruh ma etweyuck ke ma koluk upac se inge.

Ma koluk upac uh elyah ac ahkkoluk na yohk ma lain masap luhn God. Kuhtuh kain in ma koluk upac ma sihmlac ten inge.

Mukwikwi upac ac Ahkngal (liye 32.6.1.1 ac 32.6.2.1)
Ohiyacn kosro (liye 32.6.1.2 ac 32.6.2.2)
Orekma kikiacp (liye 32.6.1.3 ac 32.6.2.3)
Kuhnahoslah luhn luhlahlfongi (liye 32.6.1.4 ac 32.6.2.4)
Kuhtuh mukwikwi sahyac (liye 32.6.1.5 ac 32.6.2.5)

Sacksrihn inge ahkuhtweyac ke pacl se ma toeni kuh miting luhn mempucrsrip uh enenweyuck, ngac ac fal uh, ac ngac tiac na fal uh.

32.6.1

Ke pacl se ma Enenuh kuh Fal Mempucr uh in Toeni

Pisap kuh prestuhn luhn stek se enenuh in oruh sie toeni kuh miting luhn mempucrsrip ah ke pacl se ma elos etuh l lah mempucr se el oraclah oacna sie sin ma koluk ma ahkkahlwemyeyuck ke sacksrihn se inge uh. Nuh ke ma koluk inge, toeni kuh miting se enenweyuck finne kapwack ke nguhn luhn mempucr se yohk kuh kahlwem lal ke alu uh.

Liye 32.11 nuh ke ma muh kuh in tuhkuh ke toeni kuh miting oreklac nuh ke ma koluk sihmlac ke sacksrihn se inge. Tulokihnyuck luhn mempucrsrip el tiac ma ac orek ke toeni kuh miting inge.

32.6.1.1

Mukwikwi Upac Ac Ahkngal

Ahkmas. Toeni kuh miting luhn mempucrsrip enenuh in orek fin mempucr se uniyac mwet se. Ke orekmakihnyuck inse uh, ahkmas pa in eslah moul luhn mwet ke srihpac tiac suwohs. Enenuh in itucklac mempucrsrip luhn mwet se ingacn.

Uniyac mwet el tiac oasr ke orekma luhn polis kuh solse ma muhta ke kunohkohn lalos. Sislah luhn ahwowo se insiyacn ninac se tiac ahkuhtweyucki ke mwe sihm inge muh ahkmas se. Fin misac se ma sikyak ke srihpen tahfonglac se kuh ma ke srihpen mwet se sifacna langwelah kuh lango mwet sahyac, eslah l moul luhn mwet se kuh in tiac ahkuhtweyucki muh ahkmas se. Ma se inge kuh pac in pwacye ke ohiyac sahyac, pa nuh ke pacl se ma mwet se el tiac arlac wo mwe nuhnak lal uh.

Rep. Toeni kuh miting luhn mempucrsrip enenuh in orek nuh ke rep. Ke orekmakihnyuck inse uh, rep pa ahko nuh sin mwet se ma tiac luhngse kuh ahko nuh sin sie mwet ma tiac wo mwe nuhnak la kuh muhnahs ke mahno. Ke orekmakihnyuck inse uh, rep el tiacna oasr ke ahko inmahsrlon tuhlihk srihk ke matwac suc fototo ke matwaclos.

Ahkkolukye ke Ohiyac luhn Kosro. Toeni kuh miting luhn mempucrsrip enenuh in orek fin mempucr se el ahkkolukyeyuck ke ohiyac luhn kosro.

Ahkngalye Tuhlihk Srihsrihk kuh Mwet fuhsr. Toeni kuh miting luhn mempucrsrip enenuh in orek fin mwet se uni tuhlihk srihsrihk se kuh mwet fuhsr se oacna ke ahkuhtweyucki ke 38.6.2.3.

Ahkngalye Mukul Tuhmwac kuh Muhtwacn Kiyac kuh Sie Pacna Mwet Mahtuh Sahyac. Oasr luhpah nuh ke upaciyacn mukwikwi in ahkngal. Liye 38.6.2.4 nuh ke pacl se ma enenuh toeni kuh miting luhn mempucrsrip nuh ke ahkngalye mukul tuhmwac kuh muhtwacn kiyac kuh sie pacna mwet mahtuh sahyac.

Elah Koluk. Toeni kuh miting luhn mempucrsrip enenuh in orek fin mwet mahtuh se el kalweni na in ahkngalye mwet ke elah koluk lal ac el mwe sensen nuh sin mwet sahyac.

32.6.1.2

Ohiyac Suhfal

Luhngse Inmahsrlon Mwet Luo ma Fototo Kuhpahsr ke Sucu Lalos Pwacnwacng Tiac Fal Elos in Pahyuck kuh Lain Facsin Lalos. Toeni kuh miting luhn mempucrsrip enenuh in orek ke kain luhngse inmahsrlon mwet luo ma arlac fototo kuhpahsr ke sucu lalos uh pwacnwacng tiac fal elos in pahyuck kuh lain facsin lalos oacna ke ahkuhtweyucki ke 38.6.10. Apkuhran in enenuh in itucklac mempucrsrip luhn mwet se ingacn.

Petsac Koluk ke Tuhlihk Srihsrihk. Toeni kuh miting luhn mempucrsrip enenuh in orek fin mwet se el oruh petsac koluk ke tuhlihk srihsrihk oacna ke sihmlac ke 38.6.6.

Pahyuck Puhkantwen. Toeni kuh miting luhn mempucrsrip enenuh in orek fin mwet se pahyuck nuh sin mwet puhkantwen. Kuhtuh pahyuck puhkantwen inge kuh in sikyak in lukmac, suc pa muhtwacn kiyac an tiac etuh ke sie kuh luo muhtwacn kiacn mukul sacn sahyac. Enenuh in itucklac mempucrsrip luhn mwet se ingacn fin el etuh el oruh pahyuck puhkantwen.

Ohiyac Suhfal. Toeni kuh miting luhn mempucrsrip enenuh in orek fin mwet mahtuh se el kalweni na in ahkngalye mwet ke elah koluk lal ac el mwe sensen nuh sin mwet sahyac.

32.6.1.3

Orekma Kikiacp

Ohiyac Suhfal ke Mani. Toeni kuh miting luhn mempucrsrip enenuh in orek fin mwet mahtuh se el kalweni na in ahkngalye mwet ke ohiyac suhfal ke mani ac el mwe sensen nuh sin mwet sahyac (liye 38.6.2.4). Ma se inge oasr ke kain se ke orek mani kikiacp ac mukwikwi ma oacna ma se inge. Wacngihnlac luhn mani ke srihpen ohiyac in sruh mani tiac ma ke kikiacp. Fin oasr litigation, mwet kol ma oasr pristut lal kuh in sano in sulaclah nuh ke ma sikyak uh sahflah.

32.6.1.4

Kuhnahoslah luhn Luhlahlfongi

Oasr Kunohkohn ke Alu uh Kom Oraclah Ma Koluk Upac se. Toeni kuh miting luhn mempucrsrip enenuh in orek fin mempucr se el oraclah ma koluk upac se ke pacl se ma oasr pahng lal ke alu uh. Ma se inge pa nuh ke General Authority, General Church Officer nuh ke Alu, Mwet Itngucul luhn Eria, prestuhn luhn tempuhl kuh mahtrohn, prestuhn luhn misin kuh mwet se ma weluhl, prestuhn luhn stek , patriarch, kuh pisap. Ma se inge tiac ma nuh sin pracns prestuhn. Tuhsruhktuh, sukohsohk luhn pracns prestuhn se kuh in tulokihnyuck kuh itucklac oacna ke mempucr pac sahyac uh.

32.6.1.5

Kuhtuh Orekma Sahyac

Utuckyak ke Ma koluk Upac. Toeni kuh miting luhn mempucrsrip enenuh na in orek ke puhs kain ohiyac ma fin mwet se el utuckyak ke ma koluk na upac.

32.6.2

Ke Pacl Se Ma Enenuh Kuh Fal Mempucr Uh In Toeni

Ac kuh in enenuh in oasr toeni fin sikyak ma inge.

32.6.2.1

Mukwikwi Upac Ac Ahkngal

Leum El sapkihn, “Kom ac fah tiac … uniyac, kuh oruh kuhtwena ma suc oacna” (liye Doctrine and Covenants 59:6; italics ituckyang in wi). Mukwikwi upac ac ahkngal ma toeni kuh miting luhn mempucrsrip ac kuh in enenuh in orek (tuh tiac tulokihnyuck nuh) ke ma sihmlac ten inge.

Srihke in Uniyac Mwet. Sulaclah in srihke in uniyac sie mwet.

Ahkngal ke Ohiyac Suhfal, Kain Se ke Ahkkoluk ac Rek Kekei. Ahkngal ke ohiyac suhfal el oasr ke kain in ma puhkantwen (liye 38.6.18). Toeni kuh miting luhn mempucrsrip ac kuh in enenuh in orek luhn mwet se fin el oruh ohiyac suhfal kuh ahkngalye sie mwet. Liye 38.6.18.3 nuh ke pacl ma toeni kuh miting enenweyuck.

Ahkngalye Mukul Tuhmwac kuh Muhtwacn Kiyac kuh Sie Pacna Mwet Mahtuh Sahyac. Oasr luhpah nuh ke upaciyacn mukwikwi in ahkngal (liye 38.6.2.4). Toeni kuh miting luhn mempucrsrip ac kuh in enenuh in orek luhn mwet se fin el oruh ohiyac suhfal kuh ahkngalye sie mwet. Liye 38.6.2.4 nuh ke pacl ma toeni kuh miting enenweyuck.

32.6.2.2

Ohiyac Suhfal

Masap luhn Leum nuh ke chastity pa in tiac oruh ahko nuh sin mwet ma tiac pahyuck nuh sum in fal nuh ke masap lal God. (liye Exodus 20:14; Doctrine and Covenants 63:16). Toeni kuh miting luhn mempucrsrip ac kuh in enenuh nuh ke fohkfohk luhn mahno oacna ke ahkuhtweyucki ke 38.6.5. Liye 32.6.1.2 nuh ke pacl ma toeni kuh miting enenweyuck.

32.6.2.3

Orekma Kikiacp

Masap singucul ah luti, “Kom ac fah tiacna pihsrapasr” kuh “fahkwack ke ma kikiacp” (Exodus 20:15–16). Toeni kuh miting luhn mempucrsrip ac kuh in enenuh nuh ke mukwikwi kain se ke pihsrapasr, orekmakihn ma tiac la, ac fuhlahk kikiacp. Liye 32.6.1.3 nuh ke pacl ma toeni kuh miting enenweyuck nuh ke orekma kikiacp.

32.6.2.4

Kuhnahoslah luhn Luhlahlfongi

Ac kuh in enenuh in oasr toeni fin mempucr se el:

Oasr wal la ke Alu kuh ke mura lom ac kom oraclah ma koluk upac se.
Ma koluk upac se ma etweyuck ke acn nuhkwewa.

Liye 32.6.1.4 nuh ke pacl ma toeni kuh miting enenweyuck.

32.6.2.5

Kuhtuh Orekma Sahyac

Tohkohsrah Benjamin el luti, “Nga tiac kuh in sruhmuhn nuh suwos ke ma nuhkwewa ma kowos ac muh oraclah ma koluk; tuh oasr kain in inkacnek ac ohiyac, finne puhkantwen pwacnwacng nga tiac kuh in oacklah nohfohn” (Mosiah 4:29). Ac kuh in enenuh in oasr toeni fin mempucr se el:

Ahkkahlwemye pactuhn nuh ke oruh ma koluk upac (liye Doctrine and Covenants 82:7).
Sislah ma kunac ke sucu, oacna ke tiacna moli in kahsruh tuhlihk.
Kuhkwackihn ono ma masap fin acn uh tiacna lwelah in kuhkwackihn.
Ohiyac koluk pac sahyac.

Toeni kuh miting luhn mempucrsrip ac kuh in enenweyuck fin mempucr se el insese nuh kac, oruh, ahkolah nuh kac, moli, kuh pahtok in sislah tuhlihk se ma srwackna an lun insiyacn ninac se. Liye 38.6.1 nuh ke mwe ahkuhtweyac.

Ke Pacl Se Ma Enenuh Kuh Fal mempucr Uh In Toeni

Kain In Ma Koluk	Toeni Luhn mempucr El Enenweyuck (liye 32.6.1)	Toeni Luhn mempucr Kuh In Fal (liye 32.6.2)
Kain In Ma Koluk Mukwikwi Upac Ac Ahkngal	Toeni Luhn mempucr El Enenweyuck (liye 32.6.1) Ahkmas Rep Ahkkolukye Ke Ohiyac Suhfal Ahkngalye tuhlihk srihsrihk kuh mwet fuhsr Elah koluk	Toeni Luhn mempucr Kuh In Fal (liye 32.6.2) Srihke in uniyac mwet Ohiyac suhfal, weacng pac ahkfohs ac ahkkoluk (liye 38.6.18 nuh ke pacl ma toeni se el enenweyuck) Ahkngalye muhtwacn kiom kuh mukul tomom kuh sie pac mwet mahtuh sahyac (liye 38.6.2.4 nuh ke pacl ma toeni se el enenweyuck)
Kain In Ma Koluk Ohiyac suhfal	Toeni Luhn mempucr El Enenweyuck (liye 32.6.1) Luhngse inmahsrlon mwet luo ma fototo ke sucu lalos pwacnwacng tiac fal elos in pahyuck kuh lain facsin lalos Petsac koluk ke tuhlihk srihsrihk. Pahyuck puhkantwen Ohiyac suhfal	Toeni Luhn mempucr Kuh In Fal (liye 32.6.2) Kosro, ac mukul ahko nuh sin mukul kuh muhtwacn ahko nuh sin muhtwacn Tiacna pahyuck ac tuhkweni muhta, tuhkweni, ac mukul pahyuck sin mukul kuh muhtwacn pahyuck sin muhtwacn. Orekmakihn yohk kuh ahkkohs ke petsac koluk ma oraclah ongaiyac nuh ke sie pahyuck luhn mempucr kuh sucu
Kain In Ma Koluk Orekma Kikiacp	Toeni Luhn mempucr El Enenweyuck (liye 32.6.1) Elyah ke mani, oacna ke kikiacp ac orekma oacna	Toeni Luhn mempucr Kuh In Fal (liye 32.6.2) Pihsrapasr Olwelah in fahk ma pwacye ac fahkwack ke ma kikiacp
Kain In Ma Koluk Kuhnahoslah luhn Luhlahlfongi	Toeni Luhn mempucr El Enenweyuck (liye 32.6.1) Oasr kunohkohn ke Alu ac kom oraclah ma koluk upac se	Toeni Luhn mempucr Kuh In Fal (liye 32.6.2) Oasr wal lom ke Alu kuh ke mura lom a kom oraclah ma koluk upac se Ma koluk upac se ma etweyuck ke acn nuhkwewa
Kain In Ma Koluk Kuhtuh Orekma Sahyac	Toeni Luhn mempucr El Enenweyuck (liye 32.6.1) Ma koluk na upac	Toeni Luhn mempucr Kuh In Fal (liye 32.6.2) Uniyac tuhlihk ke srwackna an insiyacn ninac se Pactuhn ke ma koluk upac Sislah ma kunac ke sucu, oacna ke tiacna moli in kahsruh tuhlihk. Kuhkwackihnlah truhks tiac lwelah in kuhkwackihnyuck Ohiyac koluk pac sahyac

32.6.3

Ke Un Counsel luhn Prestuhn luhn Stek el sang kahs in kahsruh nuh sin Prestuhnsi luhn Eria lah Toeni luhn mempucr kuh Mukwikwi Sahyac el Enenweyuck

Kuhtuh ohiyac enenuh lohacng yohk ac kolyuck. In etuh lah ac fuhkah kahsruh wo na pwacye, prestuhn luhn stek se el enenuh in sramsram nuh sin Prestuhnsi luhn Eria se ke ohiyac ke sacksrihn se inge. Tuhsruhktuh, prestuhn luhn stek na pa ac sulaclah lah ac orek sie toeni in fahkwack ke ma se inge. Fin toeni se orek, prestuhn luhn stek se kuh pisap se el sulaclah lah meac ac tuhkuh tok.

Fin toeni se orek ke srihpen sie srihpac ma sihmlac ke ip se inge, sulaclah luhn mwet ke toeni se inge enenuh in pa “oasr na ke ohiyac wo,” “masap upac luhn mempucrsrip,” “tulokihnyuck luhn mempucrsrip.” Enenuh lwelah luhn Prestuhnsi Se Met in pa eslah tulokihnyuck se ingacn kuh in sifilpac eis mwet se ingacn nuh ke Alu uh (liye 32.16.1, nacmpuh 9).

32.6.3.1

Orekma Sahyac

Fin wacngihn toeni se oreklac sin mempucr, kuhtuh ma sahyac ma kuh in orek uh pa:

Ma tiac lwelah mempucr se in oruh (liye 32.8.3).
Ma sihmlac kacn mempucr (liye 32.14.5).
Ma akwuck tiac lwelah, suc tulokihn mwet se in tiac eis kuh orekmakihn pristut kuh eis kuh orekmakihn tempuhl rackuhmacn.

Stek prestuhn se el sramsram nuh sin Prestuhnsi luhn Eria se met liki sie sin ma inge ahkfasrfasryeyucklac.

32.6.3.2

Forlah Liki Ma Pwacye

Elyah ke forlah liki ma pwacye kwacna oasr mwacta kac suc maelihk ahluhkwelah mahsrol ke ward kuh stek se. Ma inge enenuh in silahklahk na ahkkahlwemyeyuck in kuh in karihngihn mwet sahyac.

Pisap se el sramsram nuh sin stek prestuhn el fin puhla muh mukwikwi luhn mempucr se ac kuh in oraclah forlah liki ma pwacye. Pisap se kuh stek prestuhn se el kuh in akiyac ma mempucr se el tiac lwelah in oruh (liye 32.8.3). Stek prestuhn el enenuh in silahklahk na sramsram nuh sin Prestuhnsi ke Eria. Tuhsruhktuh, stek prestuhn muhkwena ac sulaclah lah enenuh in oasr toeni in kahsruh ke ip luhn mempucrlac se kuh fin kuhtuh pac mukwikwi sahyac enenweyuck.

Oacna ke orekmakihnyuck inse inge, forlah liki ma pwacye uh pa fin mempucr se el oruh kuhtwena sin ma tahklac inge:

Kalweni in mukwikwi lain Alu uh, luti la, masap la, kuh mwet kol luhn alu uh
Sikalweni in luti mwe lutlut ma tiacna fal nuh ke mwe luti luhn Alu uh finne tukun el ahkpwacyeiyucklac sin pisap kuh stek prestuhn
Ahkkahlwemye atac se ma oruh na in oacyac in ahkmuhnahsyelah luhlahlfongi ac mukwikwi luhn mempucr ke Alu uh
Kalweni na in ukwe mwe luti luhn u ma forlah liki ma pwacye finne tukun ahkpwacyeiyucklac sin pisap kuh stek prestuhn
Welah siepacna alu ac pahtok mwe luti la an (Suhkwac wi Alu kuh som wi siepacna alu tiac oraclah forlah liki ma pwacye. Tuhsruhktuh, fin mempucr se el welah na pwacye alu se sahyac ac pahtok mwe luti luhn alu se ingacn, ac sahp enenuh na in itucklac inelos liki alu uh elos in tilac mempucr.)

Mwet Lahngo El luti mwet Nephi ah muh elos enenuh in kalweni na in luti nuh sin sie mwet suc oraclah ma koluk. “Tuhsruhk el fin tiac auliyak el ac fah tiac oacwaclah inmahsrlon mwet Luhk, tuh elan tiac kuhnahoslah mwet Luhk” (3 Nephi 18:31).

32.6.3.3

Pihsre Mani luhn Alu uh

Fin mwet se pihsre mani luhn Alu uh kuh pihsre ma sacohk luhn Alu uh, stek prestuhn elan sramsram nuh sin Prestuhnsi ke Eria lah enenuh in oasr toeni in kahsruh ke ip luhn mempucrlac se kuh fin kuhtuh pac mukwikwi sahyac enenweyuck. Mwet kol an nuhnkwelah:

Luhpah se ma pihsrapasrlah an.
Lah fohlohkihnyac an sikyak.
Luhpan auliyak luhn mwet se ingacn.

Fin mempucr se el pihsre mani luhn Alu uh kuh pihsre ma sacohk luhn Alu uh, ac kuh in sihmihsyucklac ma inge ke ma sihmlac lal an. Ke auliyak an sahflah, stek prestuhn el kuh in siyuck in itucklac ma sihmlac kacn mwet se ingacn 32.14.5).

32.6.3.4

Mwet Ma Ekuhllah Mahnolos

Pisap ac stek prestuhn ma orekma kacn mwet ma ekuhllah mahnolos enenuh in ukwe mwe kolyuck inge ke 38.6.23.

32.6.4

Ke Toeni in Kahsruh ke Ip luhn Mempucrlac se Tiacna Enenweyuck

Tiacna enenuh in oasr toeni in kahsruh ke ip luhn mempucrlac fin sikyak ma inge.

32.6.4.1

Tiacna Fahsr Fal nuh ke Kuhtuh Akwuck luhn Alu uh

Wacngihn toeni in kahsruh ke ip luhn mempucrlac ac orek ke ma tahklac ten inge. Tuhsruhktuh, lohacng nuh ke ma sahflah se ke ma tahklac inge.

Suhkwac Alu
Tiacna oruh kunohkohn la ke Alu
Tiacna moli sie tahfuh singucul
Tiacna fahkwack kwewa ma koluk la
Iri
Tiacna fahsr fal nuh ke Kahs in Lahlmwetmwet
Orekmakihn petsac koluk, sahyacn petsac koluk ke tuhlihk srihsrihk (oacna ke sihmlac ke 38.6.6) kuh orekmakihn yohk kuh koluk orekmakihnyac ke ma oraclah ongaiyac nuh ke sie pahyuck luhn mempucr kuh sucu (oacna ke sihmlac ke 38.6.13).

32.6.4.2

Puhtatlac luhn Pisnis kuh Tiac Elah Misac

Mwet kol an tiac enenuh in orekmakihn toeni in kahsruh ke ip luhn mempucrlac in ahkwoyelah akuhkuhin luhn pisnis. Puhtatlac luhn pisnis ac tiac elah misac la an tiac srihpac fal in oruh toeni in kahsruh ke ip luhn mempucrlac an. Tuhsruhktuh, toeni in kahsruh se enenuh in orek nuh ke mukwikwi kikiacp upac kuh kuhtwena orekma kuhtasrihk upac ke ip luhn mani (liye 32.6.1.3).

32.6.4.3

Akuhkuhin luhn Mwet

Toeni in kahsruh ke ip luhn mempucrlac uh tiacna orek in ahkwoyelah akuhkuhin luhn mwet uh (liye Doctrine and Covenants 134:11).

32.7

Ohiyacn Moul luhn Mwet Se

Leum El fahk, “Paho pahkotwen Luhk ahsroeyucklac nuh yuruwos, ac el suc fah tuhkuh, Nga fah eisacl; ac insewowo elos suc tuhkuh nuh Yuruk” (3 Nephi 9:14). Ohiyacn moul luhn mwet se uh yohk sripac in nuhnkuh in otwelah:

Ohiyac fal in kahsrel in auliyak ke ma koluk upac lal (liye 32.5 ac 32.6).
Sulaclah ma oreklac ke miting nuh ke kahs in kahsruh nuh sin sie mwet kuh toeni in kahsruh ke ip luhn mempucrlac (liye 32.8 ac 32.11).

Pisap ac stek prestuhn uh elos suk nuhnak ac luhngse luhn Leum ke kais sie ohiyac inge. Elos nuhnkuh ke ma tahklac inge in otwelah lah piyac kac ohiyac in orekmakihn ac meac ac tuhkuh kac uh. Ma inge tiacna oraclah sulaclah se. Tuhsruhk, elos kahsreacng nuh ke sie sulaclah ma mwet kol uh enenuh in oraclah ke pruhe ac oacna ke kolyuck sin Nguhn Muhtahl.

32.7.1

Fuhkah Luhpan Upaciyacn Ma Koluk

Upaciyacn ma koluk uh srihkeyucki ke lahpahiyac an. Ma inge kuh in weacng ma koluk oacwaclah ac fususiyacn pacl ma oreklac ma koluk ingacn, ac upaciyacn ongaiyac ma sikyak ke ma koluk inge, ac luhpan mwet ma ongaiyac ke ma inge.

32.7.2

Luhngse luhn Mwet se ma Sikyak ma Ingacn nuh se uh

Mwet kol uh nuhnkwelah luhngse luhn mwet ma ongaiyac ingacn ac mwet sahyac. Mukul tuhmuhn kuh muhtwacn kiacn mwet se ingacn ac sucu an kuh pac in wi. Mwet kol an elos nuhnkuh pac ke upaciyacn ongaiyac sacn.

32.7.3

Mwe Ahkpwacyei Auliyak uh

Kolyuck luhn Nguhn Muhtahl uh enenweyuck in etuh lah mwet se ingacn el auliyak na pwacye. Kain auliyak se inge kahlwem wo ke orekma suwohswohs luhn mwet se ingacn liki na ahsor yohk ke pacl se ma orek kihsensiyuck uh. Ma in nuhnkuh uh pa:

Kuhiyacn luhlahlfongi ke Jisus Kraist.
Atacn taltal koluk.
Luhpan ahsor ke ma koluk se ingacn.
Moli nuh sin mwet kihnet.
Ahkfalye ma enenweyuck luhn masap.
Kuhtanglah uh pa in tiac sifil oruh ma koluk sacn.
Pwacye luhlahlfongi nuh ke ahkos masap tukun ma koluk se.
Pwacye nuh sin mwet kol luhn Alu ac mwet sahyac.
Luhngse ac pwacr in ukwe kahs in kahsruh luhn mwet kol luhn Alu uh.

Petsac

muhtwacn se pruhe

32.7.4

Kuhnausyucklac luhn Olwelah ke Tempuhl

Leum El fahk lah nuh sin sie suc yohk ma ituckyang yohk ma enenweyuck sel (liye Doctrine and Covenants 82:3). Sie mwet ma eis tari mwe sang muhtahl luhn tempuhl el tuh oraclah wuhlweacng lal in moulkihn akwuck fuhlwact. Kuhnausyucklac luhn wuhlweacng inge ac ahkyohkye upaciyacn ma koluk sacn. Ma inge ahkyohkye enenweyacn toeni in kahsruh ke ip luhn mempucrlac uh.

32.7.5

Ip ke Luhlahlfongi kuh Wal

Upaciyacn ma koluk uh yohkwaclihk fin mwet se oraclah ma koluk sacn ke pacl se el oasr ke kunohkohn ma luhlahlfongiyuck el kuh oasr wal lal, oacna ninac kuh pahpah, mwet kol, kuh mwet luti.

32.7.6

Kalweni

Atacn kalweni luhn ma koluk sacn kuh in fahkwack ke elah kuh liyac ma ac tulokihn auliyak na pwacye uh. In weacng ma sahp enenweyuck in tiac lwelah mempucr an in oruh, prokracm in kahsruh liyac ac kahs in kahsruh luhn mwet professional uh kuh in kahsruh (liye 32.8.2).

32.7.7

Matwac, Kapwack, ac Etuh

Mwet kol uh nuhnkuh ke matwac, kapwack, ac etuh ke pacl se elos sang kahs in kahsruh nuh sin mwet se kuh sule lah meac ac sikyak ke toeni in kahsruh ke ip luhn mempucrlac uh. Pahkomuhta uh kwacna fal nuh sin mwet ma srwackna srihk etuh la ke wosasuc uh. In srihkasrakkihn, pahkomuhta uh kuh in fal nuh ke mempucr fuhsr ma oraclah ma koluk se fin elos tui ke oruh uh ac ahkkahlwemye auliyak pwacye uh. Tuhsruhktuh, kaiyuck upac enenuh in orek fin elos kalweni na in oruh ma se ingacn.

32.7.8

Kuhiyacn Nuhnak

Mas ke mwe nuhnak, liyac, kuh muhnahs ke kuhiyacn mwe nuhnak tiacna sang sukohsohklah nuh sin mwet ma oraclah ma koluk upac se. Tuhsruhk, ma inge ma in nuhnkweyuck. Ipin kahsruh mwet se in auliyak, mwet kol uh suk kolyuck luhn Leum ke kahlwem luhn mwet se inge ke ip yohk luhn wosasuc ac luhpan mwactacl ke ma el oraclah.

32.7.9

Sifacna Fahkwack ke Ma Koluk

Sifacna fahkwack ke ma koluk la ac ahsor luhlahp ke ma el oraclah ahkkahlwemye kena lal in auliyak.

32.7.10

Pacl Inmahsrlon Ma Koluk ac Fahkwack

Fahkwack ke tahfonglac la el ipin auliyak ac tiac enenuh in kohtlah nuh ke pacl se tok. Kuhtuh pacl uh tukun ma koluk se oreklac uh, oasr lusen pacl se mwet se el kuh in tui tiac oruh ma koluk ac kampare ke moul in luhlahlfongi. Fin mempucr se el fahkwack ke tahfonglac lal ac tiac sifil oruh, ma sacn kuh in ahkkahlwemye lah el forlah liki ma koluk sacn ac tilac oruh. Ke pacl se na ingacn, fahkwack ke tahfonglac kuh in sahflah na insacn liki na in oruh in muhtwacwacack auliyak uh.

SANG KAHS IN KAHSRUH NUH SIN SIE MWET

32.8

Kahs in Kahsruh ac Tulokihnyac Kuhtuh ma mempucr se Kuh in Oruh

Sramsram in kahsruh kwacna fal in kahsruh karihngihn mwet sahyac ac kahsruh mwet se in eis kuh luhn molwelah ke Iwaclah luhn Jisus Kraist ke auliyak. Kain kahs in kahsruh inge kuh pac in kahsruh mempucr uh in karuhnguhnuhlosyang liki ma koluk upac. Ke sramsram in sang kahs in kahsruh nuh sin mwet se, mwet kol uh kuh pac in tulokihnyac kuhtuh ma mempucr se muhta oruh in kahsruh mempucr sacn in auliyak ke kuhtuh ma koluk upac (liye 32.8.3).

Ma koluk luhlahp uh enenuh in tiac srihkkihnyuck. (liye Doctrine and Covenants 1:31). Kuhnahoslah luhn wuhlweacng luhn tempuhl uh ahkyohkye in oasr enenweyacn toeni kuh miting luhn uh kahsruh ke ip luhn mempucrlac (liye 32.7.4).

Mwe kolyuck uh kahsruh mwet kol in etuh lah ngac ac fal in sang kahs in kahsruh ac akwuck in tulokihnyac pa sihmlac ten inge (liye pac 32.7):

Sie mwet el tiac oraclah ma koluk se ma ac enenuh sie toeni luhn un kahsruh ke ip luhn mempucrlac (liye 32.6.1).
Sie mwet el fahkwack ke tahfonglac lal ac el ke auliyak na pwacye.
Sie mwet el auliyak ke ma koluk luhlahp se ma el tiac oraclah met.
Ma koluk se ma oreklac inge tiac kuhnahoslah akwuck luhn tempuhl.
Ma sikyak nuh sin mwet se inge ma ke srihpen ahkkohsyeyuck el.

32.8.1

Sang Kahs in Kahsruh

Mwe kolyuck inge ma nuh ke pacl se ma pisap kuh prestuhn luhn stek se el sramsram nuh sin mempucr se in kahsrel in auliyak.

Siyuck na ma fal in etweyuck in kahsruh nuhnuhnkuh (1) puhla luhn mempucr se ke mukwikwi koluk se ac (2) ohiyac, fususiyac, ac puhluhn pacl se ma elah se inge orek uh. Tiac siyuck ke ma suc tiac enenuh in siyuckyuck sahyacn ma enenuh in etweyuck in kahlwem ke ma sikyak uh. Tiac siyuck kihsensiyuck ma ac oruh mwet se in inloal.
Siyuck lah ma se oreklac inge puhlakihn fuhkah sin mwet sahyac.
Lohacng yohk nuh ke ohiyac ma ac pahtok eklac luhn mempucr se ac oaru lal nuh sin Leum. Pahtok mempucr se in oruh mukwikwi fal in ahkfahsrye eklac nuh ke elah lal ac eklac luhn insiyacl in auliyak. Suhloacl in fototo nuh sin Mwet Lahngo, in suk kuh Lal ac in puhla luhngse in molwelah Lal.
Pahtok mukwikwi wowo suc oacna pruhe, lutlut ke ma suhmuhslah, ac wi toeni luhn Alu uh. Luti lah ma mahtuh luhn sucu ac orekma ke tempuhl kuh in ahksrihkyelah mokleyuck luhn Setuhn. Ahkkweye elan kuhlwacnsapuh mwet sahyac ac akacsruhi ke wosasuc uh.

Pahtok in fohlohkohnwacng molo nuh sin mwet ma ongaiyac ke ma koluk la ac siyuck selos ke nuhnak muhnahs
Pahtok mwet uh in forlah liki ohiyac koluk Kahsruh mempucr uh in oruh orekma ma ac tulokihnyac mwe sruhf uh.
Akihlen lah kom mwet kol se ke alu, tiac mwet orekma counselor se. In weacng kahs in kahsruh ma kom muhta sang nuh sin mempucr, kuhtuh sin mempucr uh ac eis ma wo ke elos ac eis kahs in kahsruh nuh ke elah kuh mukwikwi. Kuhtuh mwet uh maskihn insifaclos. Ke enenweyuck uh, fahk nuh sin mempucr uh in suk kahsruh sin mwet ma oasr pwepuh la ke ono ac karihngihnyacn mwe nuhnak uh.
Pruhe ke pacl nuhkwewa ac suk kolyuck sin Nguhn met liki kom tulokihn sukohsohk luhn mempucr se. Kuhtuh mempucr uh kuh in eis ma wo kac ke elos ac orekmakihn kuh lalos ke Alu uh pacl puhs liki na ke ac tulokihnyucki sukohsohk lalos uh.
Sifilpac ahkkweye, ahkkweye moul in nguhn, ac liye eklac luhn mwet se lah oasr lac ac oyac.

Tukun mempucr el fahkwack ke tahfonglac lal nuh sin pisap kuh prestuhn luhn stek, mwe kahsruh nuh sin mempucr sacn kuh in sikyak ke kain in atac puhkantwen. Mwet kol se ingacn sifacna kuh in sang mwe kahsruh an. Kuh, ke lwelah luhn mempucr sacn, el kuh in sang sie counselor ah in sang kahsruh sacn.

Ke insese luhn mempucr sacn, pisap se kuh prestuhn luhn stek se kuh in sang sie mwet ke u luhn elder ah kuh Rilif Sosaiti in kahsruh ke kain in ohiyac. Nuh ke mwet fuhsr, el kuh in sang mwet kol luhn Muhtwacn Fuhsr kuh mwet kol ke u luhn Aaronic Pristut in kahsruh. Mwet ma kuneyucki in kahsruh inge elos fal in eis mokleyuck in ahkfalyelah ma kunaclos (liye 4.2.6).

Ke mwet kol se el sang kunohkohn nuh sin sie mwet in sifil irongyac mwet se, mwet kol sacn fahk muhkwena ma fal ac enenweyuck nuh sel in sang kahsruh mempucr se inge. Mwet se ma kuneyucki in kahsruh inge enenuh in tiac sruhmuhn nuh sin oacna sie mwet ma tiac enenuh in etuh kac. El oacyacpac fahk nuh sin pisap lah auliyak luhn mempucr se inge oasr lac ac oyac ac ma mempucr se inge enenuh.

32.8.2

Kahsruh Mwet ma oasr Liyac Yohk la

Kuhtuh pacl uh kolyuck uh tuhkuh ke kahsreyacn mempucr se in auliyak ke ma koluk ma kuhpahsr nuh kac kuh oreklac ke srihpen liyac yohk. Liyac yohk inge kuh in oasr ke kain in elah puhkantwen. Liyac yohk uh sang ongaiyac nuh sin mwet, pahyuck, ac sucu uh. Pisap uh kuh in sang kahs in kahsruh nuh sin mempucr in suk kahsruh ke program in ahkwoyelah luhn Alu uh ac sin mwet ma oasr pwepuh la ke ono nuh ke mwe nuhnak uh.

Liyac se ma upaclah na uh pa orekmakihnyen petsac koluk uh. Finne liyac yohk se inge kuh elah se ma orek ke kais kuhtuh na pacl, orekmakihnyacn petsac koluk uh arulacna koluk. Orekmakihnyac uh luhslah Nguhn. Ma se inge ahkmuhnahsyelah kuh lom in eis kuh se ma tuhkuh ke liyacacng wuhlweacng uh. Ma se inge oacyacpac ahkkolukye inmahsrlon mwet uh.

Kolyuck ac tulokihnyacn kuh luhn mempucr se kwacna fal in sang kahsruh mwet se in auliyak ke orekmakihnyacn petsac koluk uh. Toeni luhn un mwet kahsruh ke mempucrlac tiac kwacna orek. Nuh ke ma sahyac an, liye 38.6.6 ac 38.6.13. Kolyuck sin mwet ma oasr pwepuh la kuh in kahsruh.

Prestuhn luhn ac pisap uh ahkkweye sucu oacna ke enenweyuck uh. Ninac ac Pahpah an kuh in wi ke pacl se ma kolyuck uh ituckyang nuh sin mwet fuhsr se ke orekmakihnyacn petsac koluk. Muhtwacn kiacn kuh mukul tuhmwacn mwet se inge kuh in wi ke pacl se ma kolyuck uh ituckyang nuh sin mwet sacn.

Nuh ke kuhtuh pac ma enenuh in etweyuck ke kahsreyacn mempucr ma wi orekmakihn petsac koluk uh, liye 38.6.13.

32.8.3

Tulokihn Sukohsohk luhn Mempucr

Sahyacn pahtok orekma wowo ke pacl se el sang kahs in kahsruh uh, pisap se kuh prestuhn luhn stek se kuh in tulokihnyac sukohsohk luhn mempucr se inge in tiac oruh kuhtuh ma ke puhluhn pacl se. Ma tulokihnyucki inge kuh in kahsruh ke auliyak luhn mwet se ac fohlohkohnma nguhn nuh sel, ac nuhnuhnkweyucklac wo fah orek. Ma inge ma nuh ke kihtin pacl mweyen tiacna sihmihsyucklac ke ma sihmlac luhn mempucr se.

Tulokihnyuck inge kuh in sahflah na ke wik se, kuh mahlwem puhkantwen, kuh paht liki fin enenuh, nuh ke mwet se inge in auliyak pwacye. Nuh ke kuhtuh ma tiacna kwacna sikyak, pacl uh kuh in paht liki yac se.

Mwet kol uh suk kolyuck sin Nguhn lah piyac ma fal in tulokihnyucklac mwet se inge in tiac oruh in kahsrwel auliyak. Ma inge kuh in pa eslah kuh la in kuhlwacnsap ke pahng la ke Alu uh, orekmakihn pristut, kuh utyak nuh lun tempuhl. Mwet kol se kuh pac in tiac lwelah mwet se inge in sramsram ke alu, oruh lutlut lal, kuh pruhe ke toeni luhn Alu uh. Fin mwet kol se el eslah kuh in utyak nuh lun tempuhl, el fosyekuhnlah pwepuh in lwelah nuh tempuhl ke Leader and Clerk Resources (LRC) ah.

Eis kuhfa luhn Leum uh pa ip yohk se ke auliyak. Enenuh in tiac pa inge tulokihnyuck se emet ma ituckyang nuh sin mwet se ma srihke in auliyak ma toasr ac kena in auliyak na pwacye. Tuhsruhktuh, fin mwet se el oraclah ma koluk na upac, mwet kol se kuh in eslah kuh se inge ke puhluhn pacl se.

Mwet kol uh tiac sruhmuhn ke ma inge nuh sin mwet sahyac sahyacn fin ma enenweyuck se (liye 32.12.2).

Pisap se kuh prestuhn luhn stek kuh in eslah ma tulokihn inge oacna ke Nguhn kohlohlos ke pacl se ma mwet el fahsr fal nuh ke ipin auliyak lal uh. Fin mempucr se inge kalweni na in oruh ma koluk inge, ac kuh in fal in oruh sie toeni ah.

Petsac

muhtwacn se pruhe

ORUH TOENI LUHN MEMPUCR KE ALU UH

Toeni luhn alu in sramsramkihn mempucr orek ke pacl se ma pisap kuh prestuhn luhn stek nuhnkuh lah ac kahsruh kuh enenuh sin masap luhn Alu uh (liye 32.6). Toeni inge orek ke ward, stek, pracns, tistrik, kuh lacfuhl ke misin ah. Ip se inge sruhmuhn lah ac ahkfahsryeyucklac fuhkah ma inge.

32.9

Wi ac Kunohkohn

Ma se inge fahkwack lah suc kac wi toeni luhn mempucrsrip uh.

	Mwet ma wi Toeni luhn mempucrsrip
Toeni luhn Ward Mempucrsrip	Mwet ma wi Toeni luhn mempucrsrip Mwet se ma toeni se inge orek kac uh Pisap ac Counselor lal an Mwet liyacacng ke ma sihmlac luhn Ward Mwet kol ke U luhn Elder an kuh prestuhn luhn Rilif Sosaiti (oacna sie; liye 32.10.1)
Toeni luhn Mempucrsrip ke Stek	Mwet ma wi Toeni luhn mempucrsrip Mwet se ma toeni se inge orek kac uh Prestuhn luhn stek ac counselor lal an Mwet liyacacng ke ma sihmlac luhn stek Counselor fuhlwact (ke pacl ma ahkuhtweyucki ke 32.9.2) Pisap luhn mwet se ma toeni se inge orek kac uh (oacna sie; liye 32.9.3) Mwet kol ke U luhn Elder an kuh prestuhn luhn Rilif Sosaiti (oacna sie; liye 32.10.1)

32.9.1

Prestuhn luhn Stek

Prestuhn luhn stek se:

Oasr kuh lal ke toeni luhn mempucrsrip ke stek se; tuhsruhktuh, inkaiyacn toeni inge orek sin pisap uh.
Enenuh in sang lwelah nuh sin pisap se met liki el ahkfahsrye toeni luhn mempucrsrip se.
Oruh sie toeni luhn mempucrsrip fin mukul se kuh muhtwacn se suc eis tari mwe sang muhtahl lal lun tempuhl ma ac itucklac ine liki alu uh.
Kuh in oruh sie toeni luhn mempucrsrip ah fin mempucr se el luhngse.
Enenuh in ahkkweyeyucklac met liki toeni luhn ward mempucrsrip uh fahk in eslah inen mwet se inge.

32.9.2

Kaunsuhl Fuhlwact

Mwet ma wi kaunsuhl fuhlwact uh tiacna wi toeni luhn stek mempucrsrip uh. Tuhsruhktuh, kaunsuhl fuhlwact inge kuh in wi ke pacl ma upac uh (liye Doctrine and Covenants 102:2). In srihkasrakkihn, prestuhnsi luhn stek se kuh in suli mwet ke kaunsuhl fuhlwact in wi ke pacl:

Ma amackihnyuck.
Elos sang kalmeac ac luhpah fal.
Mempucr se siyuck elos in wi.
Mwet se ma wi inge ma puhtatyang nuh ke ma se inge el mwet kol se kuh sucu lal wi (liye 32.9.7).

32.9.3

Pisap (kuh Prestuhn luhn Pracns ke Stek se)

Pisap se:

Oasr kuh la ke toeni luhn ward mempucrsrip.
Sramsram nuh sin prestuhn luhn stek ac eis ahkkweyeyucklac lal met liki el oruh toeni se.
Kuh in tiac oruh toeni fin mukul se kuh muhtwacn se ma eis mwe sang muhtahl in tempuhl ac itucklac ine liki Alu uh. Toeni kuh miting luhn stek mempucrsrip enenuh in ahkfahsryeyuck ke ohiyac inge.
Kuh in suliyuck in wi miting se luhn mempucr se ma mempucrsrip la uh lohlngohkkihnyuck. Wi lal uh enenuh in ahkkweyeyucklac sin prestuhn luhn stek se ac mwet se inge.

mempucrsrip luhn ward kuh pracns se kuh in fahk in itucklac inen mwet se liki Alu uh fin el soenna eis mwe sang muhtahl in tempuhl. Tuhsruhktuh, ahkkweyelah lal prestuhn luhn stek se enenweyuck met liki sulaclah se ingacn oreklac uh.

Kuhtuh pacl uh toeni in ward mempucrsrip orek luhn mwet se ma eis tari mwe sang muhtahl in tempuhl ac ma sikyak uh ahkkahlwemye lah mempucr se inge el tilac mempucr ke alu uh. Ke ma inge, pisap se el sramsramkihn ma inge nuh sin prestuhn luhn stek se.

32.9.4

Misin Prestuhn

Misin prestuhn se:

Oasr kuh la ke toeni kuh miting ke pracns ac tistrik.
Enenuh in sang ahkkweyelah nuh sin pisap se met liki el ahkfahsrye toeni luhn mempucrsrip se.
Oruh sie toeni luhn mempucrsrip fin mukul se kuh muhtwacn se ma eis tari mwe sang muhtahl lal lun tempuhl ma ac itucklac ine liki Alu uh. Fin pacl kuh loesiyacn acn se tulokihn ma se inge, el kuh in sang sie sin mwet kahsruh lal ah in kol toeni se inge. El kuneyac pac mwet luo ma oasr Melchizedek Pristut se in wi.
Fin kuh, oruh toeni luhn mwet ma soenna eis mwe sang muhtahl in tempuhl. Fin pacl kuh loesiyacn acn se tulokihn ma se inge, el kuh in kuneyac tolu sin Melchizedek Pristut ah in oruh. Ke ohiyac se inge, tistrik prestuhn se luhn mempucr sacn kuh pracns prestuhn se pa ahkfahsrye toeni se inge.
Kuh in oruh sie toeni luhn mempucrsrip ah fin mempucr se suleyucklac sin toeni luhn tistrik kuh pracns.
Ke lwelah luhn Mwet Kol Fuhlwact ke Ohfuhs luhn Misinacri, oruh sie toeni ah fin misinacri se el oraclah ma koluk upac se ke pacl se el oruh misin lal (liye 32.9.8). El akacsruhi ke ohiyac se inge nuh sin sie mwet luhn Eria Prestuhnsi ac sramsram nuh sin stek prestuhn ke stek luhn misinacri se inge.
Enenuh in ahkkweyeyucklac met liki toeni luhn pracns kuh tistrik mempucrsrip fahk in eslah inen mwet se inge fin el soenna eis mwe sang muhtahl in tempuhl.

Fin misinacri se el fahkwack ke ma koluk se ma el oraclah met liki misin lal, misin prestuhn se elac sruok mwet ma usacl ke Ohfuhs luhn Misinacri nuh ke kolyuck.

Ke pacl se ma misin prestuhn se el oruh toeni se uh, el kuneyac mwet luo ma sruok Melchizedek Pristut in weluhl kahsrwel. Pacl elyah muhkwena el enenuh in kune misinacri fuhsr in kahsruh. El ukwe ma enenuh in ukweyuck oacna ke toeni kuh miting luhn stek mempucrsrip uh (liye 32.10). Tuhsruhktuh, mwet kahsruh fuhlwact se kuh mwet in kahsruh ke tistrik se tiac wi.

32.9.5

Prestuhn ke Tistrik kuh Pracns Prestuhn se ke Misin se

Tistrik kuh pracns prestuhn se ke misin se kuh in oruh miting luhn mempucrsrip se ke pacl utuckyang kuh nuh selos sin misin prestuhn. Mwet kahsruh ke tistrik se tiacna wi.

mempucrsrip luhn tistrik kuh pracns se kuh in fahk in itucklac inen mwet se liki Alu uh fin el soenna eis mwe sang muhtahl in tempuhl. Tuhsruhktuh, ahkkweyeyucklac lal misin prestuhn se enenweyuck met liki sulaclah se ingacn oreklac uh.

32.9.6

Clerk luhn Stek kuh Ward

Clerk luhn stek kuh ward se el:

Sruokyac na ma sihmlac ke miting se ne ke na pacl in enenuh in sang nuh sin pwepuh in Report of Church Membership Council.
Ahkolah pwepuh fin siyuckyuck sin mwet kol se ma oruh miting se inge.
Tiac na wi sramsram kuh oruh sulaclah ke toeni kuh miting se.

32.9.7

Wi ke Pacl Elyah

Fin mwet kahsruh se ke prestuhn luhn stek se tiac kuh in wi toeni se, prestuhn luhn stek se el siyuck mwet kahsruh fuhlwact se kuh sie pac mwet ma oasr pristut la in aholuhl. Fin prestuhn luhn stek se el tiac kuh in wi, Prestuhnsi se Met kuh in kuneyac sie sin mwet kahsruh lal ah in aholuhl ahkfahsrye.

Fin mwet kahsruh luhn pisap se tiac kuh in wi toeni se inge, pisap se kuh in siyuck mwet se ma oasr pristut la ke ward se in aholuhl. Fin pisap se el tiac kuh in wi, el fahk srihpac nuh sin prestuhn luhn stek, na prestuhn luhn stek el fah oruh toeni luhn mempucrsrip ke stek. Pisap se kuh in tiac kuneyac mwet kahsruh lal in oruh toeni se.

Fin toeni se orek nuh sin sucu se luhn pisap se kuh mwet kahsruh se, ac orek ke lacfuhl luhn stek. Fin orek luhn sie sucu luhn mwet kahsruh lal prestuhn luhn stek uh, prestuhn luhn stek el kuneyac sie pacna prist fuhlwact in ahollah acn luhn mwet in kahsruh se inge. Fin toeni se ma luhn sucu se luhn prestuhn luhn stek, el suk kahsruh sin Ohfuhs luhn Prestuhnsi se Met.

Fin mempucr se sruhnga pisap kuh mwet kahsruh inge in wi, toeni se inge ac orek ke lacfuhl luhn stek. Fin orek luhn sie sucu luhn mwet kahsruh lal prestuhn luhn stek uh, prestuhn luhn stek el kuneyac sie pacna prist fuhlwact in ahollah acn luhn mwet in kahsruh se inge. Fin Mempucr se sruhnga prestuhn luhn stek se in wi, kuh fin stek prestuhn el puhla muh el tiac kuh in oruh wo, el siyuck ke kahsruh sin Ohfuhs luhn Prestuhnsi se Met.

32.9.8

Nuhnkwaclah lah Piyac kac Mwet Kol ac Oruh Toeni se ke Kain Pacl ma Siena liki Atac Nuhkwewa

Toeni luhn mempucrsrip uh apkuhran in muhta orek ke lohm alu se ma mwet se inge wi uh ke pacl nuhkwewa.

Kuhtuh pacl uh toeni se enenweyuck in orek ke mwet se ma ac som liki acn el muhta we uh. Fin som se inge ac oan pacna ke stek sac pacna, prestuhn luhn stek se el sramsram nuh sin pisap ke kwewana ward an ac sulaclah lah ac orek oyac.

Fin mempucr se inge el som liki stek se inge, prestuhn luhn stek ke kwewana stek inge sramsram ac sulaclah lah toeni kuh miting se inge ac orek oyac. Fin elos sulaclah muh enenuh in orek ke acn se el muhta kac met ah, ma sihmlac luhn mempucr se inge ac oan na ke ward se inge ne ke na toeni se inge sahflah. Sahyac na, ma sihmlac se inge ac suhpweyucklac nuh ke ward sasuc se inge. Pisap se kuh prestuhn luhn stek se el fahk nuh sin pisap kuh prestuhn luhn stek se ingena luhn mempucr se lah efuh toeni se enenweyuck.

Kuhtuh pacl uh toeni se enenweyuck nuh sin mempucr se ma tiac ke lohm sel ke pacl fototo se. In mwe srihkasrakkihnyuck, toeni se kuh in enenweyuck nuh sin tuhlihk lutlut se kuh mempucr se ma wi solse. Pisap se ke acn se ma mempucr se inge muhta we ingena uh kuh in sang kahs in kahsruh ac kahsrwel. Tuhsruhktuh, el tiac enenuh in oruh toeni luhn mempucrsrip ne ke na ma sihmlac luhn mempucr se inge oasr yohrohl ac el sramsram nuh sin pisap luhn mwet se inge ke acn sel fah el kuh in oruh.

Kuhtuh pacl uh misinacri se oraclah ma koluk na upac se ke pacl se el oruh misin lal ma tiac na etweyuck ne ke na tukun el fihliyucklac liki misin lal. Pisap ac prestuhn luhn stek sramsramkihn lah suc kac selos enenuh in oruh miting se inge uh. Sie selos sramsram nuh sin misin prestuhn met liki el ac tuhfah oruh miting se inge.

32.10

Step nuh ke Miting in mempucrsrip

32.10.1

Sang Ahkkahlwemye ac Ahkolah nuh ke Miting se

Pisap kuh prestuhn luhn stek sang mwe ahkkahlwemye nuh ke miting se inge nuh sin mempucr se la uh. El sainiyac lwacta sac. Pa inge koanon lwacta sac:

“[Pisap kuh prestuhnsi luhn stek] ac tuhfah oruh sie miting ke srihpom. Miting se inge ac tuhfah orek ke [lwen ac pacl] ac ke [acn se inge].

“Miting se inge ac tuhfah nuhnuhnkuh [ahkfototoyelah ma suhfal ke kahs fototo, tuhsruhk tiacna sang ip srihsrihk kuh mwe ahkpwacye].

“Suliyuck kom in tuhkuh wi miting se inge in fahk top lom nuh kac uh. Kom kuh in sang mwe fahkwack sin mwet ma ac kuh in sruhkwack ma fal. Kom kuh in suli kain mwet inge in sramsram ke miting se inge ahol kom fin sa na ahkkweyeyucklac sin prestuhn luhn stek kuh pisap. Kom kuh pac in suli [prestuhn luhn Rilif Sosaiti ke ward kuh prestuhn ke u luhn elder an] in wi ac ahkkweye kom.

“Kuhtwena mwet ma wi miting se inge enenuh in ukwe ac ahkfuhlwactye masap ke miting se inge, weacng ohiyacn ahkfahsryeyac an ac lukmaciyac an. Mwet in kahsruh ac mwet sang ahkkweye sahyacn mwet ma fwackyuck luhng inge tiac kuh in wi.”

Mwe fahk sahflah se kuh in ahkkahlwemyeyuck ke luhngse, finsrak, ac elyah.

Mwe kahsruh nuh ke mwet ma mwet se kuh in suli nuh ke miting se oasr ke 32.10.3, nacmpuh ahk 4.

Fin lwacta se inge tiac kuh in ituckyang nuh sin mwet sac sifacna, na ac kuh in suhpweyucklac ke mail ah, wi risit in fohlohk se.

Pisap kuh prestuhn luhn stek el oraclah pacl nuh ke miting se inge in fal nuh ke pacl mwesahs luhn mwet se inge. El oacyacpac lwelah in oasr pacl in eis fahk luhn mwet ma ongaiyac ke ma koluk sac fin elos luhngse sang (liye 32.10.2).

Pisap se kuh prestuhn luhn stek se el fahk nuh sin mempucr se lah efuh toeni se enenweyuck. El oacyacpac ahkuhtweyac srihpac ma miting sac kuh in oraclah ac wi pac ma sikyak kac uh. Fin mempucr se fahkwack ke ma koluk lal, mwet kol se el ahkuhtweyac lah fahkwack lal enenuh in orekmakihnyuck ke miting luhn mempucrsrip uh.

32.10.2

Eis Mwe Fahkwack sin Mwet ma Puhla Ongaiyac

Ke mempucr luhn Alu uh el puhlakihn ongaiyac ke (pihkasr, ahkkolukye tuhlihk, acnwuck luhn mwet pahyuck, kuh kuhtasrihk), pisap kuh prestuhn luhn stek ac pahngonwack pisap kuh prestuhn luhn stek luhn mwet se ingena uh. Mwet kol inge nuhnkuh lah ac kahsruh mwet se ma ongaiyac inge in sang pacl wowo lal in oraclah sie mwe fahkwack ah ke sihm ke ma koluk ac ma sikyak kac. Mwe fahk inge kuh in ritiyuck ke miting se inge (liye 32.10.3, nacmpuh ahk 3). Mwet kol ke Alu uh tiac oasr kuh la in pahngon mwet ma tiac mempucr ke Alu uh.

Miting nuhkwewa ma mwet se ma puhla ongaiyac nuh ke srihpac se inge kolyuck sin pisap kuh prestuhn luhn stek se lal ingena uh. Fin mwet se ma puhla ongaiyac inge sang mwe fahkwack, mwet kol se inge ac sang nuh sin pisap kuh prestuhn luhn stek in oruh sie miting ah. Mwet kol uh enenuh in lohacng ahkwoyac in kahingkihn fohsack luhlahp.

Kihsensiyuck kacn mwet ongaiyac se ma srihk liki yac 18 orek sin ninac ac pahpah luhn tuhlihk sacn, mwet liyaclwacng, tuh fin ac kuh in sang mwe ongaiyac nuh sin mwet se inge ac tiac orek.

Nuh ke kahs in kahsruh ke ma ma pisap ac prestuhn luhn stek an ac enenuh in oruh ke elos etwacack ke kuhtwena kain in ahkkoluk uh, liye 32.4.5 ac 38.6.2.1.

32.10.3

Ahkfahsrye Miting se

Met liki miting se muhtwacwacack uh, pisap kuh prestuhn luhn stek se el ac silahklahk na fahk nuh sin mwet ma wi miting se lah luhn suc miting se ac meac ma koluk se oreklac uh. Fin enenuh, el ac ahkuhtweyac step nuh ke miting se.

Mwet se ma orek miting kac uh, fin el oasr, painyuck nuh ke rum se. Fin pisap sac el suliyuck in wi miting luhn stek mempucrsrip se inge, el oacyacpac suliyuck in utyak nuh ke rum se inge ke pacl se inge. Fin mwet se ma suli prestuhn luhn Rilif Sosaiti ke ward kuh prestuhn ke u luhn elder in wi ac sang ahkkweye el oasr, el oacyacpac lweyucklac in utyak nuh ke rum se.

Ke toeni kuh miting luhn mempucrsrip se, pisraprik kuh prestuhnsi luhn stek elos ahkfahsrye miting se ke nguhn in luhngse, oacna ke tahkuhnyucklac ten inge.

El suli sie mwet in ikucslah ke pruhe.
El fahk ke ma koluk se ma fwackyuck muh sikyak uh. El sang nuh sin mwet sac (fin el oasr) pacl wowo lal in ahkkweye, lahfwekihn, kuh ahkkohnye fahk se inge.
Fin mempucr se inge el ahkkweye ma koluk se ma sikyak ah, pisap kuh prestuhn luhn stek el ac som nuh ke nacmpuh ahklimekohsr. Fin mempucr se lahfwekihn, pisap kuh prestuhn luhn stek elac sruhkwack kwewa ma etweyuck ke ma se sikyak inge. Ma inge kuh in sikyak ke ohiyac in olwack kwewa pwepuh ac riti in yohk mwet uh in lohng fahk ma oreklac sin mwet ma puhlakihn ongaiyac ke srihpen ma koluk se (liye 32.10.2). Fin el riti kain mwe fahk se inge, el karihngihn inen mwet se ma puhlakihn ongaiyac inge ac tiac fahk inel.
Fin mempucr se lahfwekihn, el kuh in sruhkwack mwe etweyuck nuh sin mwet ke miting se inge. Ma se inge kuh in sihmlac. Kuh mempucr sacn kuh in siyuck mwet ma kuh in sruhkwack mwe etweyuck fal in sramsram nuh sin mwet ke miting se, kais sie. Kain mwet inge enenuh in mempucr ke Alu uh sahyacn na fin pisap kuh prestuhn luhn stek el sa na nuhnkwaclah ac sulaclah mwet se ma tiac mempucr in wi. Elos sano ke sie na rum ne ke na pahng elos in sramsram. Kais sie mwet el tifoklac liki rum in miting se fin el tari. Kuhtwena mwet ma wi miting se inge enenuh in ukwe ac ahkfuhlwactye masap ke miting se inge, weacng ohiyacn ahkfahsryeyac an ac lukmaciyac an. Mempucr an tiac enenuh in us mwet in kahsruh lalos nuh ke miting se inge. Mwet in kahsruh ac mwet in ahkkweye sahyacn mwet ma fwackyuck ke paragraph ahkluo ke section tiac enenuh in wi.
Pisap se kuh prestuhn luhn stek se kuh in siyuck kihsensiyuck ke mempucr se ke ohiyac kuhlwacng ac ahkfuhlwact se. El kuh pac in siyuck kihsensiyuck ke mwet sahyac ma mempucr se siyuck in sruhkwack ma etweyuck. Mwet in kahsruh lal pisap kuh prestuhn luhn stek kuh pac in kihsensiyuck. Kihsensiyuck nuhkwewa enenuh in fototo ac fal nuh ke ma etweyuck uh.
Tukun ma etweyuck uh nohfohn tohuyak, pisap kuh prestuhn luhn stek el fuhlwelah mempucr sac in som. Mwet in sihm sac el oacyacpac fihliyucklac in som, fin kaunsuhl fuhlwact se el wi miting luhn stek mempucrsrip. Fin pisap luhn mempucr se el oasr ke miting ke stek mempucrsrip, el fihlfihllac in som. Fin mwet se ma suli prestuhn luhn Rilif Sosaiti ke ward kuh prestuhn ke u luhn elder in wi in kahsruh ahkkweye, el oacyacpac lweyucklac in tufoki som.
Pisap se kuh prestuhn luhn stek se el siyuck lah oasr mwe fahk kuh nuhnak sin mwet in kahsruh lal. Fin council fuhlwact el wi stek miting se inge, el siyuck lah oasr fahk lalos kuh nuhnak lalos.
Pisap kuh prestuhn luhn stek el suk luhngse luhn Leum ke pruhe wi mwet in kahsruh lal. Prestuhn luhn stek ac mwet in kahsruh lal kuh pisap ac mwet in kahsruh lal muhkwena enenuh in muhta ke rum se inge ke pacl se inge. Fin stek miting se oasr council fuhlwact se kac, u luhn prestuhnsi ke stek kwacna som nuh ke ohfuhs lal prestuhn luhn stek.
Pisap se kuh prestuhn luhn stek se fahk nuh sin mwet in kahsruh lal ke sulaclah lal ac siyuck selos in ahkkweye. Fin stek miting se oasr council fuhlwact se kac, u luhn prestuhnsi ke stek se fohlohk nuh ke rum sac in siyuck sin council fuhlwact in ahkkweye. Fin siena nuhnak luhn mwet in kahsruh kuh council fuhlwact, pisap kuh prestuhn luhn stek el lohng ac suk in ahkwoyelah nuhnak in tiac insese lalos inge. Kunohkohn nuh ke sulaclah an oan ye poun mwet se ma kol miting se.
El suli mwet se in fohlohkoh nuh lun rum sac. Fin mwet in sihm sac tifoklac tari, el sulpac suliyuck in utyak. Fin pisap luhn mempucr se el oasr ke miting in stek mempucrsrip, suliyuck elan utyak pac. Fin mwet se ma suli prestuhn luhn Rilif Sosaiti ke ward kuh prestuhn ke u luhn elder in wi ac sang ahkkweye la el oasr, el oacyacpac painyuck in utyak.
Pisap kuh prestuhn luhn stek el akacsruhi ke sulaclah luhn council ke nguhn in luhngse. Fin pakiyucki tuh in tulokihnyucki kuh ac suwohs luhn mempucr se kuh in itucklac inel liki Alu uh, el ahkuhtweyac ke ma el oasr kac uh (liye 32.11.3 ac 32.11.4). El oacyacpac ahkuhtweyac in kuhtanglah fuhkah ma tulokihn inge ac sang kuhtuh kahs in kolyuck ac kahsruh ah. Pisap kuh prestuhn luhn stek el kuh in tulokihnyac miting se inge ke puhluhn pacl se in suk kolyuck kuh ma etweyuck in orekmakihn in oraclah sulaclah lal. Ke srihpac se inge, el ahkuhtweyac ma se inge.
El ahkuhtweyac kuh luhn mwet se in sifil suk kahsruh (liye 32.13).
El suli sie mwet in kaliyac ke pruhe.

Lah mwet se inge el oasr kuh el wacngihn, pisap kuh prestuhn luhn stek se el ahkkahlwemye nuh sel ke sulaclah lal oacna ke ahkuhtweyucki ke 32.12.1.

Tiac fihliyucklac nuh sin kuhtwena mwet wi an in sruok ke miting se ke puhsra, petsac, kuh sihm. Mwet in sihm se el kuh in sihmihs ma nuh ke srihpac in sang ahkoo ripohrt miting ke alu uh. Tuhsruhktuh, ma sihmlac inge in tiac sihmlac ke nohfohnna ma sramsramkihnyuck ah. Tukun ripohrt se inge ahkoeyucklac uh, el kuhnahoslah ma sihmihsyucklac inge ke pacl sac na.

32.11

Sulaclah ke Miting in Mempucrsrip

Sulaclah ma oreklac ke miting in mempucrsrip uh enenuh in ma tuhkuh sin Nguhn me. Ma inge enenuh in ahkkahlwemye luhngse ac finsrak ma utuckuh sin Mwet Lahngo nuh sin mwet ma auliyak. Kuhtuh sin sulaclah inge pa ahkuhtweyucki ten inge. Ke elos oruh sulaclah lalos uh, mwet kol uh nuhnkwelah ma ac sikyak uh ma tahkihnyucklac ke 32.7.

Tukun miting nuhkwewa, pisap kuh prestuhn luhn stek se el silahklahk na uslah ripohrt ke miting se nuh LCR (liye 32.14.1).

Sulaclah ma oreklac ke miting in mempucrsrip uh tahkihnyucklac ke ip ten inge.

32.11.1

Srwackna Wo

Ke kuhtuh pacl uh, mwet se kuh in wo ac muhta na ke ma wo. Ke kuhtuh pacl uh, mwet se kuh in oraclah ma koluk se, auliyak pwacye, ac muhta ke ma wo. Pisap se kuh prestuhn luhn stek se el kuh in sang kahs in kahsruh ac sensenkackuhnuhl ke ohiyac ma ac sikyak ke pacl fahsruh uh. Tukun miting se, el kalweni na in ahkkweiyacl oacna ke enenweyuck uh.

Petsac

siyacnyacn se tuhkweni muhta

32.11.2

Eis Kahsruh sin Pisap kuh Prestuhn luhn Stek

Ke kuhtuh miting luhn mempucrsrip uh, mwet kol uh kuh in nuhnkwelah lah mempucr se el tiac muhta ke ma wo—tuhsruhk tiacna ituckyang tulokihnyuck nuh sel. Ke kain pacl inge, miting uh kuh in sulaclah lah mwet se inge enenuh in eis kahsruh ac ahksuwohs sin pisap kuh prestuhn luhn stek. Kahs in kahsruh kuh in sang ma tiac lwelah mempucr se in oruh suc pa tahkihnyucklac ke 32.8.3.

Kahsruh ac tiac tulokihn sukohsohk luhn mempucr in oruh ma tiac oasr fin miting se orek ke ma koluk ma sihmlac ke 32.6.1.

32.11.3

Tulokihn Kuh luhn Mempucr

Ke kuhtuh miting in mempucrsrip inge, mwet kol uh kuh in tulokihnyac kuh luhn mempucr se inge in tiac oruh kuhtuh ma ke puhluhn pacl se. Tulokihn kuh luhn mempucr se kuh in fal nuh kac nohfohn tuhsruhk nuh ke ma koluk kuh ohiyac upac an, enenuh in itucklac inen mwet se inge liki alu uh elan tilac ekihn mempucr se (liye 32.11.4).

Mwet ma tulokihnyuck in tiac lwelah elos in oruh elos srwackna mempucr ke alu uh. Tuhsruhktuh, kuh lalos ke alu uh tulokihnyucki oacna ke ma tahklac inge:

Elos tiac kuh in utyak nuh lun tempuhl. Tuhsruhk, elos kuh in tahfwelah na in nukum karmacn ke tempuhl uh fin elos eis tari akwuck muhtahl lalos lun tempuhl uh. Fin mempucr se inge oasr pwepuh in lwelah nuh tempuhl lal, mwet kol lal ac foskackuhnlah ke LCR.
Elos tiac kuh in orekmakihn pristut.
Elos tiac kuh in eis kuhfa luhn Leum kuh wi ahkkweye mwet kol ke Alu uh.
Elos tiac kuh in oruh sramsram, mwe lutlut, kuh pruhe ke toeni luhn alu uh. Elos tiac kuh pac in kuhlwacnsap ke alu uh.

Kwacfeyuck elos in wi miting ac toeni luhn Alu uh fin mukwikwi lalos uh fal. Kwacfeyuck pac elos in moli sie tahfuh singucul ac mwe sang ke lalo lalos.

Pisap se kuh prestuhn luhn stek se kuh in sang kuhtuh ohiyac pac sahyac ah in wi, pa nuh ke kahingkihn petsac koluk ac ma koluk pac sahyac. El kwacna sang ohiyac wo in wi. Ma inge kuh in pa wi Alu pacl nuhkwewa, pruhe pacl nuhkwewa, ac riti ma suhmuhslah ac kuhtuh pac ma sahyac ma ke Alu uh.

Fin kuh luhn mempucr se tulokihnyuck in tiac oruh kuhtwena ma, ac sihmlac ke ma sihmlac luhn Alu uh.

Pacl nuh ke tulokihnyuck ke kuh luhn sie mempucr uh kwacna oasr ke yac se kuh ac kuh in paht liki. Ke mempucr se el oraclah auliyak lal uh, pisap kuh prestuhn luhn stek se ac oruh sie miting ah in nuhnkuh lah ac tui tulokihn kuh luhn mempucr se inge uh (liye 32.16.1). Fin mempucr se inge kalweni na in oruh ma koluk inge, ac kuh in fal mwet kol se in oruh sie toeni ah in nuhnkwelah kuhtuh ohiyac sahyac ah.

32.11.4

Itucklac luhn Inen Mwet Se liki Alu uh

Ke kuhtuh miting luhn mempucrsrip uh, mwet kol uh kuh in nuhnkwelah lah ac wo in eislah inen mwet se liki alu uh ke puhluhn pacl se (liye Mosiah 26:36; Alma 6:3; Moroni 6:7; Doctrine and Covenants 20:83).

Enenuh in itucklac inen mwet se liki alu uh fin el uniyac sie mwet (oacna ke ahkuhtweyucki ke 32.6.1.1) ac pahyuck puhkantwen (oacna ke ahkuhtweyucki ke 32.6.1.2). Apkuhran in enenweyuck ke pacl nuhkwewa ma mwet uh pihkasr uh oacna ke ahkuhtweyucki ke 32.6.1.2 ac 38.6.10.

In oacna ke kolyuck sin Nguhn uh, in itucklac inen mwet se liki alu uh kuh pac in enenuh oacna ke ma tahklac inge:

Nuh sin mwet suc ma kol lalos uh oraclah mwe sensen nuh sin mwet sahyac uh.
Nuh sin mwet suc ma oraclah ma koluk na upac uh.
Nuh sin mwet suc ma tiacna oruh auliyak lalos ke ma koluk upac ma elos oraclah (liye mwe nuhnak ke 32.7).
Nuh sin mwet suc ma oraclah ma koluk upac ma sang ongaiyac nuh ke Alu uh.

Miting nuh ke mempucrsrip luhn ward, pracns, kuh tistrik kuh in fahk in itucklac inen mwet se ma soenna eis akwuck muhtahl luhn tempuhl liki alu uh. Tuhsruhktuh, lwelah lal stek prestuhn se enenweyuck met liki sulaclah se ingacn oreklac uh.

Mwet suc ma itucklac ine liki alu uh tiac kuh in wi puhlakihn kuh ac suwohs luhn mempucr uh.

Elos tiac kuh in utyak nuh lun tempuhl kuh nukum karmacn nuh ke tempuhl uh. Fin mwet se inge oasr tempuhl recommend la, mwet kol se ac tulokihnyac lun ohfuhs luhn LCR.
Elos tiac kuh in orekmakihn pristut.
Elos tiac kuh in eis kuhfa luhn Leum kuh wi ahkkweye mwet kol ke Alu uh.
Elos tiac kuh in oruh sramsram, mwe lutlut, kuh pruhe ke Alu kuh kol toeni se ke alu uh. Elos tiac pac kuh in kuhlwacnsap ke alu uh.
Elos tiac kuh in moli sie tahfuh singucul ac mwe sang.

Elos kwacfeyuck in wi alu ac toeni luhn alu uh fin mukwikwi lalos uh fal.

Mwet suc ma itucklac ine liki alu uh kuh in sifil wi alu uh ke pacptais ac ahkkweyeyucklac. Inkaiyacn pacl uh, elos enenuh in ahkkahlwemye met auliyak pwacye lalos in sun yac se. Pisap se kuh stek prestuhn se el oruh sie pac miting ah in nuhnkwelah lah mwet se inge ac fohlohk nuh ke alu uh kuh meac (liye 32.16.1).

Sulaclah ac Ma Sikyak ke Miting nuh ke Mempucrsrip

Sulaclah	Ma Sikyak
Sulaclah Srwackna Wo (liye 32.11.1)	Ma Sikyak Wacngihn
Sulaclah Kahsruh sin Pisap kuh Stek Prestuhn (liye 32.11.2)	Ma Sikyak Kuh in oasr kuh ac suwohs luhn mempucr ma ac tilokuh in tiac oruh uh. Tilokuh ke kuh ac suwohs luhn mempucr se wacna tiac sun yac se; ke ohiyac siena, ac kuh in paht liki na yac se. Tilokuh ke kuh ac suwohs luhn mempucr se itucklac tukun mwet se el auliyak pwacye. Ohiyac se tiac sihmlac ke ma suhmuhslah luhn mempucrsrip.
Sulaclah Ma Tiac Lwelah mempucr Se In Oruh (liye 32.11.3)	Ma Sikyak Kuh ac suwohs luhn mempucr se tulokihnyucki. Tilokuh ke kuh ac suwohs luhn mempucr se wacna sun yac se kuh ac kuh in paht liki na. Ohiyac se inge sihmlac ke ma suhmuhslah luhn mempucrsrip. Ma tilokuh inge itucklac tukun auliyak pwacye, miting luhn mempucrsrip, ac, fin enenuh, lwelah luhn Prestuhnsi se Met. Mwe akucl luhn ma suhmuhslah se ac tuhfah itucklac fin ma tilokuh inge itucklac tukun miting uh (sahyacn mwe ahkuhtweyac fototo ma enenuh; liye 32.14.5).
Sulaclah Itucklac luhn inen mwet se liki alu uh (liye 32.11.4)	Ma Sikyak Akwuck nuhkwewa fosyackihnyucklac. Nohfohn kuh ac suwohs luhn mempucr se tilokuh, sun yac se. Mwet se el kuh in sifil ilyak nuh ke alu uh ke pacptaislac ac ahkkweyeyucklac muhkwena tukun auliyak pwacye, miting nuh ke mempucrsrip, ac, fin enenuh, lwelah luhn Prestuhnsi se Met. Mwet se ma eis akwuck muhtahl lal lun tempuhl ke pacl somlah kuh in sifil eis fohlohkyak luhn mwe insewowo muhkwena ke lwelah luhn Prestuhnsi se Met ac tukun yac fohn se el fohlohk nuh ke alu uh (liye 32.17.2). Nuh sin mwet suc ma eis akwuck muhtahl la lun tempuhl met, mwe ahkuhtweyac nuh ke “Fohlohkyak luhn Mwe Insewowo Enenuh” tuh itucklac liki rackuhrt muhkwena tukun akwuck uh oreklac (mwe ahkuhtweyac fototo enenuh oan na; liye 32.14.5).

32.11.5

Kihsensiyuck ke Sulaclah Ma Upac

Pisap uh sang kihsensiyuck ke puk in kolyuck nuh ke miting in mempucrsrip uh nuh sel stek prestuhn.

Ke ohiyac upac, stek prestuhn se el kuh in suk kahs in kahsruh sin Mwet Itngucul luhn Eria. Stek prestuhn se el enenuh in sramsram nuh sin Prestuhnsi luhn Eria ke ma muh sihmlac ke 32.6.3. Tuhsruhktuh, stek prestuhn se el tiacna enenuh in siyuck sin Mwet Itngucul luhn Eria kuh Mwet kol luhlahp lah ac fuhkah oruh sulaclah lal ke ma upac uh. Stek prestuhn el sulaclah lah fin enenuh in orek sie miting in sramsramkihn ma se sikyak uh. Fin toeni se orek, stek prestuhn se kuh pisap se el sulaclah lah meac ac tuhkuh tok.

32.11.6

Mwet Kol ke Prestuhnsi Se Met

Prestuhnsi se met pa ac oruh sulaclah sahflah lalos ke tulokihnyuck nohfohn luhn mempucr se ac in itucklac inel liki alu uh.

32.12

Mwe Ahkkahlwemye ac Mwe fahkwack

Sulaclah luhn miting in mempucrsrip se ahkkahlwemyeyuck nuh sin mwet se—ac nuh sin mwet sahyac fin enenweyuck—oacna ke ahkuhtweyucki ten inge.

32.12.1

Ahkkahlwemye Mwet Se ke Sulaclah Se

Pisap se kuh stek prestuhn se fahk nuh sin mwet se ma sikyak ke miting se ke ac tari uh. Tuhsruhktuh, el kuh in kohtwaclah miting se nuh ke sie pacl in suk kolyuck yohk kuh ma etweyuck met liki el oraclah sulaclah lal.

Pisap se kuh stek prestuhn se el ahkuhtweyac ma ac kuh in tuhkuh ke sulaclah uh oacna ke tahklac ke 32.11. El oacyacpac sang kahs in kahsruh ke ohiyac ke auliyak tuh tulokihnyac an kuh in itucklac kuh mwet se inge in kuh in sifil fohlohk nuh ke alu uh.

Pisap kuh stek prestuhn el sang nuh sin mwet se mwe ahkkahlwemye nuh sel ke sulaclah ma oreklac ac ke ma ac tuhkuh kac uh. Mwe ahkkahlwemye se inge oasr mwe fahkwack yohk kac ma fahk lah mukwikwi sac oreklac in lain masap ac akwuck luhn Alu. Kuh pac in oasr kahs in kahsruh nuh kac in itucklac tulokihnyuck la kuh in sifil fohlohk nuh ke alu uh. Enenuh in ahkkahlwemye nuh sin mwet se inge lah el kuh in lain sulaclah se inge (liye 32.13).

Fin mwet se inge tiac wi miting se inge, kuh in ituckyang sie lwacta ah in ahkkahlwemye nuh sel ke sulaclah sac. Pisap kuh stek prestuhn se kuh pac in ohsun nuh sin mwet se inge.

Pisap kuh stek prestuhn se tiac sang nuh sin mwet sac kapi nuh ke ripohrt nuh ke miting sac.

32.12.2

Ahkkahlwemye nuh sin Mwet Sahyac ke Sulaclah Sac

Fin pisap kuh stek prestuhn el tulokihnyac kuh ac suwohs luhn mempucr se ke sramsram lalos, el tiac fahk nuh sin kuhtwena mwet sahyac (liye 32.8.3). Tuhsruhktuh, mwet kol inge sramsram nuh sin sie sin sie ke tilokuh inge ke elos kahsruh mempucr uh.

Fin kuh ac suwohs luhn mwet se tilokuh na pwacye kuh fin itucklac inel ke miting se, pisap kuh stek prestuhn el fahk ke sulaclah se inge nuh sin mwet ma enenuh in etuh muhkwena. Mwe kolyuck inge fal in orekmakihnyuck.

El nuhnkwaclah enenuh luhn mwet ma puhlakihn ongaiyac ac mwet ma ac kuh in puhla ongaiyac ke srihpen ma koluk luhn mwet se ac ke puhla luhn sucu luhn mwet se inge.
El tiacna sruhmuhn ke sulaclah se fin mwet se lain. Tuhsruhktuh, el kuh in sruhmuhn ma lainyuck fin el puhla ma enenuh in sang karihngihn mwet ma ac kuh in puhla ongaiyac kac. El kuh pac in sruhmuhn in sang ahkkweye onweyuck luhn mwet ma puhtatyang nuh ke ongaiyac (finne el tiac fahk inen mwet se inge) kuh in karihngihn wolacnaiyacn Alu uh.
In oacna ke enenweyuck uh, pisap el sruhmuhn sulaclah se inge ke nuhnak kuh nuh sin mwet ma wi toeni luhn ward se uh. Ma se inge ma in ahkkahlwemye nuh sin mwet kol ma ac sahp nuhnkuh mwet se lah el mwesahs in kuhlwacnsap ke alu uh, luti, kuh pruhe kuh sramsram. Ma se inge ma pac in sang kwacfe mwet kol in sang karihngihnyuck ac ahkkweyeyuck nuh sin mempucr se ac sucu lal.
Ke lwelah lal stek prestuhn, pisap el kuh in sruhmuhn ke sulaclah ke u luhn elder ac miting luhn Rilif Sosaiti fin oasr ohiyac se inge:
- Elah ahksahngweng ma ac kuh in ahksahngwengye mwet sahyac kac.
- Luti ke ma kikiacp ac kuhtuh pac mwe lutlut tiac pwacye.
- Ma koluk na upac kain se ke pahyuck puhkantwen kuh orekmakihn mwe lutlut tiacna wo in oruh mwet in ukwe kom.
- Lain orekma kuh luti luhn mwet kol ke Alu uh in walihl.
Ke kain ohiyac inge, stek prestuhn ac enenuh pac in lwelah sramsram inmahsrlon mempucr ke ward sahyac ke stek se.
Ke kuhtuh ohiyac, pisap kuh prestuhn luhn stek se kuh in puhla muh ac kahsruh fin ahkkahlwemyeyuck nuh sin kuhtuh kuh nohfohnna mwet ma puhlakihn ongaiyac ac sucu lalos lah miting se ac orek luhn mwet se. El oruh ma se inge sin pisap lalos kuh prestuhn luhn stek.

Fin elah koluk luhn mwet se sang mwe sensen nuh sin mwet sahyac, pisap kuh prestuhn luhn stek se kuh in sang mwe sensen in kahsruh karihngihn mwet sahyac. El tiac fahkwack ke ma mwet uh tiac enenuh in etuh ac el tiac suk in nuhnkuh yohk kac.
Ke ohiyac nuhkwewa sahyac, pisap kuh stek prestuhn se el pauni sramsram nuhkwewa nuh ke mwe fahkwack yohk se fanna. El fahk muhkwena lah kuh ac suwohs luhn mwet se tilokuh kuh itucklac in tiac orekmakihnyuck ma lain masap ac akwuck ke alu uh. El siyuck sin mwet suc ma oasr in tiac sruhmuhn kac. El tiacna siyuck in ahkkweyeyuck.
Fin mempucr se el oasr ke ohiyac wo tukun miting luhn mempucrsrip (liye 32.11.1), pisap kuh stek prestuhn el kuh in sruhmuhn kac in tulokihnyac sramsram kikiacp.

32.12.3

Sramsram ke Itucklac luhn Inen Mwet se liki Alu uh

Ke kuhtuh ohiyac, pisap se kuh in sruhmuhn muh mwet se sifacna eslah inel liki alu uh elan tilac mempucr (liye 32.14.9). Pisap se el tiacna fahk kuhtwena ma sahyac.

32.13

In Lain Sulaclah

Mempucr se kuh in lain kuh uswack sulaclah luhn miting in mempucrsrip ke ward nuh sin prestuhn luhn stek tiac paht liki lwen 30. Prestuhn luhn Stek el oruh sie stek miting nuh ke mempucrsrip in nuhnkuh ke ma lainyuck uh. El kuh pac in siyuck sel pisap in sifilpac oruh sie miting ah ac in sifil nuhnkuh ke sulaclah sac, fin oasr ma etweyuck sasuc konweyuckyak kac.

Mempucr se kuh in lain sulaclah luhn stek mempucrsrip miting se ke sie lwacta nuh sin Prestuhnsi Se Met tiac paht liki lwen 30. Mempucr se inge el sang lwacta se inge nuh sel stek prestuhn in sang nuh sin Prestuhnsi Se Met.

Ke misin se, mempucr se kuh in lain kuh uswack sulaclah luhn miting in mempucrsrip ke pracns kuh tistrik nuh sel prestuhn luhn misin tiac paht liki lwen 30. Prestuhn luhn misin elac fah oruh sie miting nuh ke mempucrsrip in nuhnkuh ke lain se inge. Fin pacl kuh loesiyacn acn se tulokihnyac ma se inge, el ukwe mwe ahkuhtweyac ke 32.9.4.

Fin misin prestuhn se pa kol miting se uh, mempucr se kuh in lain sulaclah ke sihm lwacta nuh sin Prestuhnsi Se Met tiac paht liki lwen 30. Mempucr se inge el sang lwacta se nuh sin prestuhn luhn misin in sang nuh sin Prestuhnsi Se Met.

Mwet se ma lain sulaclah uh el ahkkahlwemye ke sihm lal uh tahfonglac kuh tiac wo luhn orekma kuh sulaclah sac.

Fin miting in mempucrsrip se orek in nuhnkuh ke lain se, oasr ma se kuh luo kuh in sikyak:

Fuhlwelah sulaclah sac in oan na tiac ikihlyucklac.
Ahkwoyelah sulaclah sac.

Sulaclah luhn Prestuhnsi Se Met sahflah ac tiac kuh in sifil oasr lainyac.

32.14

Ripohrt ac Ma Sihmlac ke Mempucrsrip

32.14.1

Ripohrt ke Miting luhn Mempucrsrip ke Alu

Tukun oacna sie miting luhn mempucrsrip uh, pisap kuh prestuhn luhn stek el silahklahk na sang ripohrt ke miting luhn mempucrsrip ke alu uh sin LCR. El kuh in siyuck sin mwet sihm in ahkolah ripohrt se inge. El liye ahkwoye lah wacngihn kapi ke ripohrt se inge tuhuyak. El oacyacpac liye ahkwoye lah nohfohn ma sihmlac ke ripohrt se inge sa na kuhnahosyucklac.

32.14.2

Tilokuh ke Kuh ac Suwohs luhn Mempucr

Ma tiac lwelah mempucr uh in oruh sihmlac ke rackucrt luhn mempucr se inge. Ohfuhs luhlahp luhn alu uh oraclah mwe ahkkahlwemye tukun elos eis ripohrt ke miting luhn mempucrsrip ke alu uh. Ke mempucr se el auliyak uh, mwet kol se enenuh in oruh pac sie miting ah in nuhnkuh lah ac itucklac ma tilokuh ke kuh ac suwohs luhn mempucr se inge (liye 32.16.1).

32.14.3

Ma Sihmlac Tukun Mempucrsrip Luhn Mwet Se Itucklac Liki Alu Uh

Fin mempucrsrip luhn mwet se itucklac liki alu uh, ohfuhs luhlahp luhn alu uh ac eislah ma suhmuhslah lal tukun elos eis ripohrt ke miting luhn mempucrsrip ke alu uh. Fin mwet se inge luhngse, mwet kol uh kuh in kahsrwel in ahkolah in sifil fohlohk nuh ke Alu uh ke pacptais ac ahkkweyeyucklac (liye 32.16.1).

32.14.4

Ma Sihmlac Tukun Sifil Fohlohkyang Nuh Ke Alu Uh

Tukun mwet se el sifil sroacng nuh ke Alu uh, pisap se el sang Ripohrt ke Miting luhn Mempucrsrip ke Alu. Certificate ke Pacptais ac Ahkkweyeyuck tiac oreklac. Tuhsruhk, pacptais ac ahkkweyeyucklac se inge sihmlac ke rackucrt ke Ripohrt ke Miting luhn Mempucrsrip ke Alu uh.

Fin mempucr se inge soenna eis akwuck muhtahl lun tempuhl, ohfuhs luhlahp luhn Alu uh ac oraclah sie rackucrt ma ahkkahlwemye pacl se ma el eis pacptais se met lal ac akwuck pac sahyac. Rackucrt se inge tiac oruh kuhtwena ma nuh ke wacngihnlac luhn mempucrsrip ke Alu uh.

Fin mempucr se inge el eis tari akwuck muhtahl lun tempuhl, ohfuhs luhlahp luhn alu uh ahksasucyelah rackucrt lal in ahkkahlwemye pacl nuh ke pacptais ac ahkkweyeyucklac luhn mwet se inge. Ma Suhmuhslah se inge oasr mwe fahkwack se kac ma fahk muh “Fohlohkyak luhn Mwe Ahkinsewowo Enenweyuck.” Tukun mwe insewowo luhn mempucr se inge fohlohkyak (liye 32.17.2), ahksasucyeyucklac mempucrsrip rackucrt in ahkkahlwemye pacl na pwacye nuh ke pacptais ac kuhtuh pac akwuck sahyac uh. Wacngihn orekma la nuh ke wacngihnlac luhn mempucrsrip ke Alu uh.

32.14.5

Rackucrt luhn Mempucr Wi Mwe Ahkuhtweyac Fototo

Oacna ke Prestuhnsi se met lwelah uh, ohfuhs luhlahp luhn alu uh sang mwe ahkuhtweyac fototo nuh ke rackucrt luhn mempucr ma puhtatyang nuh ke oacna sie ohiyac sihmlac ten inge.

Pisap kuh prestuhn luhn stek el sang Ripohrt ke Miting luhn Mempucrsrip ke Alu in fahk lah mempucrsrip luhn mwet se tilokuh kuh itucklac ma ke srihpen ma inge:
1. Pihkasr
2. Fin sie mwet el ahkkolukyelah sie tuhlihk srihsrihk kuh tuhlihk fuhsr ke sruhnkuh, kuh ahkkolukyelah na upac sie tuhlihk srihsrihk kuh tuhlihk fuhsr ke ma puhlakihnyuck kuh ke acnwuck, pwepuh in mempucr lal an ac sihmihsyucklac kac
3. Petsac koluk ke tuhlihk srihsrihk oacna ke sihmlac ke 38.6.6
4. Pahyuck puhkantwen
5. Ohiyac suhfal ac kosro luhn mwet mahtuh
6. In ekuhllah atac nuh ke mukul kuh muhtwacn ma siena liki atac se el isuslac kac ah (liye 38.6.23)
7. Pihsre mani kuh ma luhn Alu uh
8. Ahkkolukye mwe sang nuh sin mwet suhkahsruhp luhn alu uh
9. Mukwikwi koluk (oacna kosro, acnwucki, kuh ma ke mani) ma ac kuh in sang elyah nuh ke Alu uh
Pisap ac prestuhn luhn stek elos sang sie lwacta in ahkkahlwemye ah nuh sin mwet se inge:
1. Lah el utuckyak ke ohiyac koluk sin sie ohiyac ma sihmlac lucng inge.
2. Sukokyak tuh mwet se inge el puhtatyang nuh ke orekma kikiacp oacna sie sin ma sihmlac lucng inge.

Ke pisap se el eis rackucrt se tuh oasr mwe ahkuhtweyac fototo kac, el ukwe ma sihmlac ke mwe ahkuhtweyac inge.

Prestuhnsi Se Met muhkwena kuh in lwelah in itucklac mwe ahkuhtweyac inge liki rackucrt luhn mempucr se. In fahk in eislah mwe ahkuhtweyac fototo uh, prestuhn luhn stek el orekmakihn LCR. Ohfuhs luhn Prestuhnsi Se Met ahkkahlwemye nuh sel lah ahkkweyeyucklac kuh tiac.

32.14.6

Fahkwack Ke Pihsrapasrlah Luhn Mani Luhn Alu Uh

Fin kuh ac suwohs luhn mwet se tilokuh na pwacye kuh fin itucklac inel ke srihpen el pihsre mani luhn alu uh, pisap kuh stek prestuhn elac ahkkahlwemye oacna ke ahkuhtweyucki ke 34.9.5.

32.14.7

Molwelah Ma Tiac Lwelah Luhn Mempucr Se Ke Rackucrt

Kuhtuh pacl uh mempucr se ke Alu uh el som nuh sahyac ke pacl se ma orekma nuh ke rackucrt in mempucrsrip lal uh soenna tari. Kuhtuh pacl uh pisap se el enenuh in akacsruhi ke ma etweyuck uh nuh sin pisap sasuc se met liki el suhpwaclah rackucrt luhn mempucr se nuh ke alu se el som nuh kac uh. Ke ma inge, pisap (kuh clerk fin ituckyang kuh lal) kuh in sang muh itucklac ma tiac lwelah ke rackucrt luhn mempucr se. Rackucrt se oan na ke alu sac yurin pisap sac (kuh clerk fin ituckyang kuh lal) eislah ma tiac lwelah uh. Ma se inge sang pacl wowo luhn pisap se in sramsram ke elyah ac ma etweyuck uh.

32.14.8

Rackucrt Luhn Mwet Ma Kaclpous

Kuhtuh mempucr uh elos kaclpous ke srihpen elos oraclah ma koluk upac. Pisap kuh prestuhn luhn stek ke alu se ma mwet se inge wi uh ke pacl se ma el oraclah ma koluk se inge elos ahkfahsryelah in sang tulokihnyuck nuh ke kuh ac suwohs luhn mempucr se inge. Fin kuh ac suwohs luhn mempucr se inge tilokuh, mwet kol (kuh clerk fin ituckyang kuh lal) el suhpwaclah rackucrt luhn mwet se inge nuh ke acn se ma mwet se inge oasr kac uh. Fin inen mwet se inge itucklac liki alu uh, pisap kuh prestuhn luhn stek el sruokyac mwet kol ke acn se ingacn. (Liye 32.15.)

32.14.9

Nguhsr In Eslah Ine Liki Alu Uh

Fin mempucr se siyuck in eislah inel liki Alu uh, pisap se el ac liye lah el luhngse in sruhmuhn ke elyah ma oasr uh ac srihke in ahkwoyelah. Pisap ac mempucr se kuh in pac in sramsram nuh sin prestuhn luhn stek. Mwet kol se el liye ahkwoye lah mempucr se el kahlwem ke ma ac sikyak fin el eislah inel liki Alu uh:

El tulokihnyac akwuck nuhkwewa.
El eislah nohfohn kuh ac suwohs luhn mempucr se.
Mwet se el kuh in sifil pacptais muhkwena fin el interview, ac ke ohiyac puhs, miting luhn mempucrsrip (liye 32.16.2).
Mwet se ma eis akwuck muhtahl lal lun tempuhl ke pacl somlah kuh in sifil eis fohlohkyak luhn mwe insewowo muhkwena ke lwelah luhn Prestuhnsi Se Met ac tukun yac fohn se el fohlohk nuh ke alu uh (liye 32.17.2).

Fin mempucr se srwackna ke eslah inel liki alu uh, el ac fah sang nuh sel pisap sie lwacta ma ngihsre ke ohiyac se inge. Pisap el ac tuhfah sang puhsrwen nguhsr luhn mempucr se inge nuh sel prestuhn luhn stek ke LCR. Prestuhn luhn stek elac riti na elac sang nguhsr sie inge nuh ke system luhn alu uh. Mwet kol uh enenuh in silahklahk mukwikwi nuh ke nguhsr uh.

Mwet se el kuh pac in eslah inel liki alu uh ke elac sainiyac pwepuh se ac suhpwaclah nuh ke ohfuhs luhlahp luhn alu uh.

Tuhlihk se ma ke srolah liki alu uh el ukwe pacna ma mwet mahtuh se ukwe uh, sahyacn na ma se: pwepuh se inge enenuh in sainiyucki sin tuhlihk se inge (fin el ahluhkwelah yac 8) ac enenuh pac in sain sin ninac ac pahpah kuh mwet ma liyacacng tuhlihk se inge.

Fin mempucr se ma eslah ine liki alu uh el uswack Alu uh kuh mwet kol ke alu uh, prestuhn luhn stek el tuhfah ukwe ma ahkuhtweyucki ke 38.8.27.

Nguhsr in srolah uh enenuh in oreklac finne mwet oasr pristut se oasr etweyac ke ma koluk na upac se. Kuhtwena ma etweyuck ke ma koluk se el sihmlac ke pacl se ma nguhsr uh sun mwet kol ac mwet sihm uh. Ma se inge el lwelah mwet kol uh in ahkwoyelah ohiyac inge ke pacl fahsruh uh fin mwet se inge el ke sifilpac fohlohkoh nuh ke alu uh (liye 32.16.2).

Mwet kol se ma oasr pristut se el tiac enenuh in fahk mwet se in srolah liki alu uh fin el sruhnga in orek sie miting ah.

Mwet kol uh tahfwelah na in luti mwet ma srolah liki alu uh sahyacn elos siyuck in tiac sifil ohsun.

FOHLOHKOHNWACNG SUWOHS LUHN MEMPUCR

Fin kuh ac suwohs luhn mempucr se tulokihnyucki kuh itucklac, mwet kol uh wi, kahsruh, ac ahkkweye mwet se inge oacna ke el lwelah uh. Ip se inge ahkuhtweyac lah suwohs inge ac kuh in fohlohk fuhkah.

32.15

Tahfwelah Na In Luti

Kunohkohn luhn pisap kuh prestuhn luhn stek se in ekihn mwet nuhnuhnkuh se tiacna sahflah ke pacl se mempucr se el eis tilokuh ke suwohs lal kuh ke pacl se ma el srolah liki alu uh. El tahfwelah na in luti, oacna ke mwet se inge lwelah uh, tuh elan sifilpac kuh in pwacrkihn mwe insewowo ke ekihn mempucr se ke alu uh. Pisap se el ohsun sin mwet se inge ke lwen pacl nuhkwewa ac, ke pacl ma ac kahsruh ac enenweyuck uh, muhtwacn kuh mukul tuhmwacl. Mwet Lahngo El luti Mwet Nephite:

“kowos fah tiac luhsuhllah liki … acn in alu lowos, tuh nuh sin kain mwet se inge kowos fah tahfwelah in luti; tuh kowos tiac etuh fin elos fah fohlohk ac auliyak, ac tuhkuh nuh Yuruk ke inse pwacye, ac Nga fah unweloslac; ac kowos fah inkacnek in acse molwelah nuh selos.” (3 Nephi 18:32).

Pacl se na tukun mempucr se el tilac wi alu uh arulacna upac ac yohk srihpac nuh sel ac sucu lal uh. Mwet kol uh enenuh in lohacng ahkwoyac nuh ke enenuh inge ac pahtok ac kahsruh sucu inge.

Pisap uh el fahk na pwacye lah mempucr muh elyah uh ac ituckyang nuh se in luti mwet se ma tilac wi Alu uh oacna ke mwet se inge lwelah uh. Elos oacyacpac karihngihn nuh sin sucu sahyac. Mwet ma oasr ke ohiyac in tilokuh luhn suwohs lalos kuh in eis wo kac ke elos wi ke indexing (liye 25.4.3).

Fin mwet se som liki ward se, pisap se el fahk nuh sin pisap sasuc se ac ahkuhtweyac ma enenuh in sikyak met liki tilokuh ke suwohs lal kuh in itucklac. Fin mwet se inge tilac wi Alu uh, pisap el oruh pacna ma se inge fin mwet se inge luhngse mwet kol ke Alu uh in kahsrwel.

32.16

Eslah Mwe Tulokihnyuck Kuh Sifil Fohlohk Nuh Ke Alu Uh

32.16.1

Miting In Mempucrsrip In Eislah Mwe Tulokihnyuck Kuh In Sifil Eis Mwet Se

Fin kuh ac suwohs luhn mwet se tilokuh na pwacye kuh fin itucklac inel ke miting se, sie pac miting ah enenuh in orek in nuhnkuh lah ac itucklac mwe tilokuh kuh in sifil eis mwet se inge nuh ke Alu uh. Miting se inge enenuh pac in oasr kuh la oacpacna (kuh fuhlwact liki) ke miting se met ah. In orekmakihn sie mwe srihkasrak, fin stek kuh prestuhn luhn misin el pa kol miting se met ah, na stek kuh prestuhn luhn misin pa ac kol miting se nuh ke nuhnkweyacn eislah mwe tilokuh kuh in sifil eis mwet se nuh ke alu uh.

Pisap se ke pacl se kuh prestuhn luhn stek pa oruh miting se inge uh. Met liki na el liye na pwacye lah mwet se inge el auliyak ac ahkolah ac nwacsnwacs in puhlakihn mwe insewowo ke in ekihn mempucr se ke alu uh.

Elos suc tilokuh kuh ac suwohs lalos wacna enenuh in ahkkahlwemye auliyak pwacye ke lusen yac se met liki nuhnuhnkweyuck in itucklac mwe tulokihnyuck uh luhkwel. Elos suc ma srolah liki Alu uh wacna enenuh in ahkkahlwemye auliyak pwacye ke lusen yac se met liki nuhnuhnkweyuck in itucklac mwe tulokihnyuck uh luhkwel. Nuh ke mempucr se ma sruok wal fuhlwact se ke pacl se ma el oraclah ma koluk upac sac, puhluhn pacl se nuh kac uh ac loeslac (liye 32.6.1.4).

Miting se ma nuhnkuh in eislah tilokuh kuh in sifil eis mwet se nuh ke Alu uh ukwe pacna mwe ukohk oacna ke miting sahyac uh oruh uh. Pisap se el enenuh lwelah sin prestuhn luhn stek in oruh miting se. Ke misin se, pracns kuh tistrik prestuhn se enenuh lwelah sin prestuhn luhn misin.

Mwe ahkuhtweyac inge ma nuh ke pacl se ma miting uh orek uh in nuhnkuh in eislah mwe tilokuh kuh in sifil eis mwet nuh ke Alu uh. Tiac mwe ahkuhtweyac inge nohfohn kuh in orekmakihnyuck nuh ke kais sie ma sikyak uh.

Sifil liye miting se met ah. Pisap kuh prestuhn luhn stek el liye ripohrt ke miting luhn mempucrsrip ke pwepuh sac. El ngihsre sie kapi ah sin LCR. Tukun el liye pwepuh se inge uh, el kuh in sruokyac pisap kuh prestuhn luhn stek ke acn se ma miting sac orek we uh ac suk in kahlwemwack kac.
Kihsensiyuck sin mwet se. Pisap kuh prestuhn luhn stek el kihsensiyuck sin mwet se in wo in liye kuhiyacn luhlahlfongi lal ke Jisus Kraist ac luhpan fahlac luhn auliyak sac. El oacyacpac nuhnkuh lah mwet se inge el sun ma fal ma sihmlac ke ma oreklac in ukweyuck uh.
Nuhnkuh ke luhpan orekma koluk kuh mukwilac luhn kohrt. Kuhtuh pacl uh mwet se el fahkuhlwack kuh utuckyak el ke ma koluk se. Kuhtuh pacl uh mwet se el sukokyak tuh el oraclah orekma tiacna pwacye se kuh kuhtuh pac orekma ma tiac lwelah uh. Ke ma inge, mwet kol se el tiac oruh miting se nuh ke na mwet se inge el ahkfalyelah nohfohn ma sapkihnyuck elan sin mwet kol ke acn se inge. Ma inge kuh in pa kaclpous, tiac kaclpous tuhsruhk karihngihnyuck sin polis, ac moli ke mani. Ma sahyacn ma inge enenuh in eis lwelah sin prestuhn luhn stek met liki orek sie toeni kuh miting luhn mempucrsrip ah. Ma inge kuh in pa sie mwet ma ahkfalyelah ma enenweyuck sel ac ahkkahlwemye auliyak pwacye tuhsruhk el oasr ke kaiyuck kuh oasr luhpah ke mani se el enenuh in molwelah.
Sramsram nuh sin mwet kol ke pristut ke mwet ma puhlakihn ma upac. Pisap se kuh prestuhn luhn stek se el fahk nuh sin pisap kuh prestuhn luhn stek se luhn mwet ma puhlakihn ma upac uh. (liye 32.10.2).
Sang etwacack ke miting sac. El ahkkahlwemye mwet se inge ke lwen, pacl, ac acn ma miting se inge ac orek we uh.
Kol miting uh. El kol miting uh oacna ke ma sihmlac ke 32.10.3. El siyuck mwet se inge lah meac el oraclah in auliyak uh. El oacyacpac siyuck ke oaru lal nuh sel Jisus Kraist ac Alu uh. Ke ma enenweyuck nuhkwewa uh sramsramkihnyuck tari, el tuhfah fuhlwelah mempucr sac in som. El pruhe wi mwet in kahsruh lal in nuhnkuh lah mukwikwi fuhkah fal in orek uh. Sulaclah tolu ma oasr uh pa:
1. Tahfwelah na in tulokihnyac suwohs luhn mempucr se kuh eslah mwet se inge liki.
2. Eislah ma tilokuh kuh lwelah mwet se inge in sifil fohlohk nuh ke alu uh.
3. Ahkkahlwemye nuh sin Prestuhnsi Se Met lah mwe tilokuh ac itucklac kuh in lwelah in sifil fohlohk nuh ke alu uh (fin enenuh oacna ma fal ke “Orekmakihn lwelah luhn Prestuhnsi Se Met” ten).
Akacsruhi ke sulaclah sac. Tukun un mwet miting uh oraclah sulaclah uh, mwet se kol uh akacsruhi nuh sin mwet sac. Fin lwelah sin Prestuhnsi Se Met enenuh, el ahkuhtweyac lah sulaclah se inge ma ac tuhkuh sin Prestuhnsi Se Met.
Sang ripohrt. Pisap kuh prestuhn luhn stek sang ripohrt Report of Church Membership Council ke miting sac nuh sin LCR. El kuh in siyuck sel mwet sihm in ahkolah ripohrt se inge. El liye ahkwoye lah wacngihn kapi ke ripohrt se inge tohuyak. El oacyacpac liye ahkwoye lah nohfohn ma sihmlac ke ripohrt se inge sa na kuhnahosyucklac.
Orekmakihn lwelah luhn Prestuhnsi Se Met (fin enenuh). Ke ohiyac sihmlac inge, lwelah luhn Prestuhnsi Se Met enenuh in nuhnkuh in eslah mwe tilokuh kuh in sifil eis mwet nuh ke Alu uh. Lwelah se inge enenuh finne ma koluk se inge ma sikyak tukun mempucrsrip luhn alu uh tulokihnyucki kuh itucklac.
1. Ahkmas
2. Pihkasr
3. Ohiyac sakihrihk ke tuhlihk srihsrihk se kuh mwet fuhsr se, kuh kuhtwena ma suhfal koluk ma orek nuh sin tuhlihk se kuh tuhlihk fuhsr se sin mwet mahtuh se kuh sin tuhlihk fuhsr se ma mahtuh.
4. Wi petsac koluk ke tuhlihk srihsrihk ke oasr ma utuckyak kac
5. Forlah liki ma pwacye
6. Pahyuck puhkantwen
7. Oasr kunohkohn ke Alu ma kom oraclah ma koluk upac se
8. In ekuhllah atac nuh ke mukul kuh muhtwacn ma siena liki atac se el isuslac kac ah (liye 38.6.23)
9. Pihsre mani luhn Alu kuh ma luhn alu uh
Sang etwacack ke miting sac. Pisap kuh prestuhn luhn stek el liye ahkwoyac lah mwet se inge el sa na eis mwe ahkkahlwemye nuh ke sulaclah ac ma ac sikyak kac uh.
Pacptais ac ahkkweyeyucklac Fin itucklac mwet se liki alu uh ke miting se, el enenuh in pacptaislac ac sifilpac ahkkweyeyucklac. Fin lwelah luhn Prestuhnsi Se Met enenuh, akwuck inge kuh in orek muhkwena tukun elos eis lwelah. Certificate ke Pacptais ac Ahkkweyeyuck tiac oreklac (Liye 32.14.4).

32.16.2

Sifil Fohlohkyang Tukun Srolah Liki Alu Uh

Fin mwet se el eislah inel liki Alu uh, el enenuh in pacptaislac ac ahkkweyeyucklac in sifilpac sroacng nuh ke Alu uh. Nuh sin mwet mahtuh an, in sifil fohlohk nuh ke Alu uh ac fah tiac nuhnkweyuck nuh ke in sun tukun yac se el srolah liki Alu uh.

Ke mwet se el siyuck in sifil fohlohkoh nuh ke Alu uh, pisap kuh prestuhn luhn stek el eis sie kapi ke Ripohrt ke Mukwikwi luhn Ohfuhs ah ma wi lwacta in nguhsr nuh ke srolah sac. El kuh in eis ma se inge sin LCR me.

Pisap ac prestuhn luhn stek uh tuhfah oruh ohiyac in kihsensiyuck lal nuh sin mwet se inge. El siyuck ke srihpac lal ke nguhsr lal ac ke kena lal in sifil fohlohk nuh ke Alu uh. Ke nguhn in luhngse, el siyuck ke ma koluk upac ma mwet se inge ac kuh in oraclah met kuh tukun el srolah liki Alu uh. Mwet kol se inge el tiacna tahfwelah in sifil eis mwet se inge nuh ke Alu uh nuh ke na el etuh na pwacye lah mwet se inge el auliyak ac ahkolah ac nwacsnwacs in wi puhlakihn mwe insewowo ke in ekihn sie mempucr ke Alu uh.

Mwe kolyuck nuh ke sifil fohlohk nuh ke alu uh tukun srolah la tahklac ohinge:

Miting se orek fin mempucrsrip luhn mwet se tui ke pacl se el eislah inel ah.
Miting se orek fin mwet se inge oraclah ma koluk upac se, wi pac forlah liki ma pwacye, met liki el srolah liki alu uh.

Ke kuhtuh ohiyac sahyac, ac tiacna orek miting uh sahyacn pisap kuh prestuhn luhn stek el liye muh enenweyuck.

Fin miting se enenuh nuh ke mwet se ma eis mwe sang muhtahl lal lun tempuhl, prestuhn luhn stek el oruh. Fin miting se enenuh nuh ke mwet se ma tiacna eis mwe sang muhtahl lal lun tempuhl, pisap el oruh, ke lwelah lal prestuhn luhn stek.

Fin mwet se el puhtatyang nuh ke oacna sie sin mukwikwi ke 32.16.1, nacmpuh 9, lah ma met kuh ma tukun el srolah liki alu uh, enenuh lwelah luhn Prestuhnsi Se Met tuhfah el sifil fohlohkyang nuh ke Alu uh. Fin mwet se el puhtatyang nuh ke oacna sie sin mukwikwi ke 32.14.5, nacmpuh 1, lah ma met kuh ma tukun el srolah liki alu uh, mwe ahkuhtweyac fototo ac tuhfah oreklac ke ma suhmuhslah lal uh.

Mwet se ma siyuck in sifil fohlohk nuh ke Alu uh enenuh in sun kwewa ma enenweyuck sel oacna ke ma enenweyuck sin mwet sahyac ma pacptaislac uh. Ke pisap kuh prestuhn luhn stek el falkihn muh mwet se el nwacsnwacs ac pwacye ke luhngse lal in sifil fohlohk nuh ke Alu uh, mwet se inge el kuh in pacptaislac ac ahkkweyeyucklac. Certificate ke Pacptais ac Ahkkweyeyuck tiac oreklac (liye 32.14.4).

32.17

Toeni Luhn Alu, Akmuhsra, Ac Fohlohkihnyuckyak Luhn Mwe Insewowo Tukun Sifil Fohlohkyang Nuh Ke Alu Uh

32.17.1

Toeni luhn Alu ac Akmuhsra

Ma sihmlac ten inge ahkkahlwemye luhpah fal luhn mwet se ma sifil sroacng ke pacptais ac ahkkweyeyucklac ke toeni luhn Alu uh.

	Tiacna Eis Mwe Sang Muhtahl Lun Tempuhl Ke Pacl Met	Eis Mwe Sang Muhtahl Lun Tempuhl Ke Pacl Met
Elos Suc Oasr Pristut La Ke Pacl Met Ah	Tiacna Eis Mwe Sang Muhtahl Lun Tempuhl Ke Pacl Met Kena tukun na pacptais ac ahkkweyeyucklac uh, kuh in ituckyang pristut nuh selos ac ituckyang kuh in wal nuh selos ma elos oruh ke pacl se ma elos tilac wi Alu ah. Tiacna enenuh fot in ahkkweyeyuck se. Kuh in ituckyang pacl srihsrihk nuh ke tempuhl.	Eis Mwe Sang Muhtahl Lun Tempuhl Ke Pacl Met Kuh in tiac sang kuh nuh ke oacna sie ohfuhs luhn pristut uh. Ke pacl se ma pristut lalos ac mwe insewowo in tempuhl lalos uh fohlohkihnyuckyak uh, wal in pristut lalos uh tuhfah fohlohkyak oacna ke sihmlac ke 32.17.2. Elos kuh in tiac oruh akmuhsra uh nuh ke na pacl se inge. Kuh in wi oacna sie toeni luhn alu uh ma lwelah nuh sin mempucr se ma soenna eis mwe sang lal lun tempuhl ma tiac oasr pristut se. Kuh in tiac nukum karmacn nuh ke tempuhl kuh eis tempuhl rackuhmacn la nuh ke na mwe insewowo lalos uh fohlohkihnyuckyak.
Mempucr Sahyac	Tiacna Eis Mwe Sang Muhtahl Lun Tempuhl Ke Pacl Met Kuh in wi toeni luhn Alu uh oacna mempucr sasuc uh. Kuh in ituckyang pacl srihsrihk nuh ke tempuhl.	Eis Mwe Sang Muhtahl Lun Tempuhl Ke Pacl Met Kuh in wi oacna sie toeni luhn Alu uh ma lwelah nuh sin mempucr se ma soenna eis mwe sang lal lun tempuhl ma tiac oasr pristut se. Kuh in tiac nukum karmacn nuh ke tempuhl kuh eis tempuhl rackuhmacn la nuh ke na mwe insewowo lalos uh fohlohkihnyuckyak (liye 32.17.2).

32.17.2

Fohlohkihnyuckyak Luhn Mwe Insewowo

Mwet ma eis tari akwuck muhtahl la in tempuhl met ac sifil sroacng nuh ke Alu uh ke pacptais ac ahkkweyeyucklac kuh in eis pristut lalos ac mwe insewowo luhn tempuhl ke akwuck luhn fohlohkihnyuckyak luhn mwe insewowo muhkwena (liye Doctrine and Covenants 109:21). Elos tiac aluiyucklac nuh ke pristut kuh sifil eis akwuck muhtahl. Mwe insewowo inge fohlohkyak ke akwuck. Mukul uh elos fohlohkyang nuh ke wal lalos, sahyacn wal luhn Mwet Itngucul, pisap, kuh patriarch.

Prestuhnsi Se Met muhkwena kuh in lwelah fahlac luhn akwuck ke fohlohkyak luhn mwe insewowo. Elos tiacna nuhnkuh in sa liki yac se tukun mwet se inge sifil sroacng nuh ke Alu uh ke pacptais ac ahkkweyeyucklac. Pisap se kuh prestuhn luhn stek se pa ac fahk in fohlohkyak mwe insewowo uh sin LCR uh.

Fin Prestuhnsi Se Met lwelah fohlohkyak luhn mwe insewowo, elos fah kuneyac mwet kol luhlahp se kuh stek prestuhn in interview mwet se inge. Fin mwet se inge nwacsnwacs, mwet kol se inge el oraclah akwuck in fohlohkohnma mwe insewowo luhn mwet se inge.

Nuh ke kuhtuh pac ma enenuh in etweyuck ke kahsreyacn mempucr ma wi orekmakihn petsac koluk uh, liye 32.14.4.

Petsac

mukul se eis kuhfa luhn Leum