Dagiti Handbook ken Takem [Calling]
7. Ti Bishopric

“7. Ti Bishopric,” Dagiti Napili manipud iti Sapasap a Handbook (2023).

“7. Ti Bishopric,” Dagiti Napili manipud iti Sapasap a Handbook

Ladawan
lalaki nga agsarsarita iti pulpito

7.

Ti Bishopric

7.1

Ti Bishop ken dagiti Mamagbagana

Iggem ti bishop dagiti tulbek ti priesthood tapno mangidaulo iti aramid ti Simbaan iti ward (kitaen iti 3.4.1). Isu ken dagiti mamagbagana ti mangbukel iti bishopric.

Addaan ti bishop iti lima a kangrunaan a pagrebbengan:

  • Isu ti mangimatmaton a high priest iti ward.

  • Isu ti presidente ti Aaronic Priesthood.

  • Isu ti sapasap nga ukom.

  • Isu ti mangitunos iti aramid ti pannakaisalakan ken pannakaitan-ok, agraman ti panangaywan kadagiti agkasapulan.

  • Isu ti mangkita kadagiti rekord, pakaseknan iti kuarta, ken ti pannakausar iti balay a pagmimitingan.

Ti kangrunaan a pagrebbengan ti bishop ket iti tumantanor a kaputotan iti ward (dagiti ubbing, agtutubo, ken young adult a saan pay a naasawaan). Tapno maipamaysana ti daytoy a pagrebbengan, ipakumitna ti adu a naituding nga aramiden (kitaen iti 4.2.5).

7.1.1

Mangimatmaton a High Priest

Ti bishop ti kangrunaan a naespirituan a lider ti ward.

7.1.1.1

Dagiti Organisasion iti Ward ken Dagiti Korum iti Priesthood

Addaan ti bishop iti pagrebbengan para kadagiti organisasion ti Relief Society ken Young Women iti ward. Dutokanna dagiti mamagbagana iti pagrebbengan para kadagiti organisasion ti Sunday School ken Primary ken dadduma pay a programa iti ward.

Nabalabala dagiti pagrebbengan ti bishop para kadagiti korum ti Aaronic Priesthood iti 7.1.2. Nabalabala dagiti pagrebbenganna para kadagiti korum dagiti elder iti 8.3.1.

7.1.1.2

Dagiti Ordinansa ken Bendision

Iturong ti bishop ti pannakaannong dagiti sumaganad nga ordinansa ken bendision iti ward:

  • Ti sakramento

  • Panangnagan ken panangbendision kadagiti ubbing

  • Panagbuniag ken kumpirmasion dagiti agtawen iti 8 nga ubbing ti rekord (para kadagiti convert, kitaen iti 31.2.3.2)

  • Panangi-confer iti Aaronic Priesthood ken panangorden kadagiti saad ti deacon, teacher, ken priest

7.1.1.3

Dagiti Konseho ken Miting

Ti bishop ti mangidaulo iti konseho iti ward ken ti konseho dagiti agtutubo iti ward (kitaen iti 29.2.5 ken 29.2.6).

Ti bishopric ti mangplano kadagiti miting ti sakramento ken dadduma pay a miting ti ward a nailista iti kapitulo 29.

7.1.1.4

Dagiti Panagawag ken Panag-release

Nabalabala dagiti pagrebbengan ti bishop para kadagiti panagawag ken panag-release iti kapitulo 30.

7.1.2

Presidente ti Aaronic Priesthood

Addaan ti bishop kadagiti sumaganad a pagrebbengan kas presidente ti Aaronic Priesthood iti ward. Tumulong kenkuana dagiti mamagbagana.

  • Mangsuporta kadagiti nagannak iti panangisuro kadagiti agtutubo.

  • Mangkita kadagiti korum ti Aaronic Priesthood ken klase ti Young Women. Ti bishop ti presidente ti korum dagiti priest (kitaen iti Doktrina ken Katulagan 107:87–88). Addaan ti umuna a mamagbagana iti pagrebbengan para iti korum dagiti teacher. Addaan ti maikadua a mamagbagana iti pagrebbengan para iti korum dagiti deacon.

  • Makiuman iti presidente ti Young Women iti ward.

  • Makipagkita a masansan iti tunggal agtutubo.

7.1.3

Sapasap nga Ukom

Ti bishop ti sapasap nga ukom iti ward (kitaen iti Doktrina ken Katulagan 107:71–74). Addaan isuna kadagiti sumaganad a pagrebbengan:

  • Mangtulong kadagiti agtutubo ken nataengan nga agbalin a kualipikado ken maikari iti temple recommend.

  • Mangiturong kadagiti interbyu kas nabalabala iti 31.2.

  • Makipagkita kadagiti miembro ti ward nga agsapsapul iti naespirituan a pannarabay, nga addaan kadagiti nadagsen a bukod a problema, wenno nakaaramid kadagiti nadagsen a basol, a tumultulong kadakuada a manggun-od iti makaagas a bileg ni Jesucristo.

  • Iti babaen ti direksion ti stake president, mangangay kadagiti konseho iti kinamiembro kas kasapulan. Para kadagiti pangiwanwan, kitaen iti kapitulo 32.

7.1.4

Panangitunos iti Aramid ti Pannakaisalakan ken Pannakaitan-ok

Ti bishop ti mangitunos iti aramid ti pannakaisalakan ken pannakaitan-ok iti ward (kitaen iti kapitulo 1). Tumulong kenkuana dagiti mamagbagana ken dadduma pay a lider ti ward.

7.1.4.1

Panangidaulo kadagiti Panangkagumaan a Mangaywan Kadagiti Addaan iti Temporal a Kasapulan

Para iti ad-adu pay nga impormasion maipapan iti no kasano nga aywanan ti bishop dagiti agkasapulan, kitaen iti 22.6.1.

7.1.5

Dagiti Rekord, Pakaseknan iti Kuarta, ken ti Balay a Pagmimitingan

Para iti ad-adu pay nga impormasion maipapan kadagiti rekord, kitaen iti kapitulo 33. Para iti impormasion maipapan kadagiti pakaseknan iti kuarta, agraman ti apagkapullo, kitaen iti kapitulo 34. Para iti ad-adu pay nga impormasion maipapan kadagiti balay a pagmimitingan, kitaen iti kapitulo 35.

7.3

Executive Secretary iti Ward ken Dagiti Assistant Executive Secretary iti Ward

Irekomenda ti bishop ti maysa a Melchizedek Priesthood holder tapno agserbi kas executive secretary iti ward.

Addaan isuna kadagiti sumaganad a pagrebbengan:

  • Makipagkita iti bishopric ken mangisagana kadagiti agenda kas naituding.

  • Agserbi a kas miembro ti konseho iti ward ken dumar-ay kadagiti miting ti konseho iti ward.

  • Mangiskediul kadagiti appointment para iti bishopric.

7.4

Clerk iti Ward ken dagiti Assistant Clerk iti Ward

Nabalabala dagiti pagrebbengan ti clerk iti ward ken assistant clerk iti ward iti 33.4.2.