Dagiti Napili manipud iti Sapasap a Handbook

Dagiti Linaonna
Panid ti Paulo
Panangusar iti Dagiti Napili manipud iti Sapasap a Handbook
Pundasion a Mainaig iti Doktrina
- 0. Pakagupgopan iti Pakauna
- 1. Ti Plano ti Dios ken ti Akemmo iti Aramid ti Pannakaisalakan ken Pannakaitan-ok
- 2. Panagsuporta kadagiti Indibidual ken Pamilia iti Aramid ti Pannakaisalakan ken Pannakaitan-ok
- 3. Dagiti Pagbatayan ti Priesthood
- 4. Panangidaulo ken dagiti Konseho iti Simbaan ni Jesucristo
Pannakabukel ti Simbaan
- 5. Panangidaulo iti Sapasap ken Area
- Panangidaulo iti Stake
- 7. Ti Bishopric
- 8. Korum dagiti Elder
- 9. Relief Society
  - 9.1. Panggep ken Organisasion
    - 9.1.1. Panggep
    - 9.1.2. Kinamiembro iti Relief Society
  - 9.2. Pannakiraman iti Aramid ti Pannakaisalakan ken Pannakaitan-ok
  - 9.3. Dagiti Lider ti Relief Society
  - 9.4. Panangtulong kadagiti Agtutubo a Babbai nga Agsagana a Makiraman iti Relief Society
  - 9.6. Dagiti Mainayon a Pangiwanwan ken Annuroten
- 10. Dagiti Korum ti Aaronic Priesthood
- 11. Young Women
- 12. Primary
- 13. Sunday School
- 14. Dagiti Miembro nga Awan Asawana
- 15. Dagiti Seminary ken Institute ti Relihion
Ti Aramid ti Pannakaisalakan ken Pannakaitan-ok
- Panagbiag iti Ebanghelio ni Jesucristo
  - 16. Panagbiag iti Ebanghelio ni Jesucristo
  - 17. Panangisuro iti Ebanghelio
  - 18. Panangannong kadagiti Ordinansa ken Panangbendision ti Priesthood
  - 19. Musika
  - 20. Dagiti Aktibidad
- Panangaywan Kadagiti Agkasapulan
  - 21. Ministering
  - 22. Panangipaay kadagiti Temporal a Kasapulan ken Panangbangon iti Panagpannuray iti Bukod a Kabaelan
- Panangawis iti Amin nga Umawat iti Ebanghelio
  - 23. Panangibinglay iti Ebanghelio ken Panangpapigsa kadagiti Baro ken Agsubsubli a Miembro
  - 24. Dagiti Rekomendasion ken Serbisio ti Misionario
- Panamagkaykaysa kadagiti Pamilia para iti Kinaagnanayon
  - 25. Aramid iti Templo ken Family History iti Ward ken Stake
  - 26. Dagiti Temple Recommend
  - 27. Dagiti Ordinansa iti Templo para kadagiti Sibibiag
  - 28. Dagiti Ordinansa iti Templo para kadagiti Pimmusay
Panangimaton iti Simbaan
- 29. Dagiti Miting iti Simbaan
- 30. Dagiti Calling iti Simbaan
- 31. Dagiti Interbyu ken Dadduma Pay a Miting kadagiti Miembro
- 32. Paangbabawi ken dagiti Konseho iti Kinamiembro ti Simbaan
- 33. Dagiti Rekord ken Report
- 34. Dagiti Pakaseknan iti Kuarta ken Awdit
- 35. Panangaywan ken Panangusar kadagiti Balay a Pagmimitingan
- 36. Panagparnuay, Panangbalbaliw, ken Panangnagan kadagiti Baro a Yunit
  - 36.0. Pakauna
- 37. Dagiti Espesialisado a Stake, Ward, ken Branch
- Dagiti Annuroten ken Pangiwanwan iti Simbaan

9. Relief Society

“9. Relief Society,” Dagiti Napili manipud iti Sapasap a Handbook (2023).

“9. Relief Society,” Dagiti Napili manipud iti Sapasap a Handbook

Ladawan

babbai nga agad-adal kadagiti nasantuan a kasuratan

Relief Society

9.1

Panggep ken Organisasion

9.1.1

Panggep

Insuro ni Propeta Joseph Smith a ti panggep ti Relief Society ket tapno mangisalakan kadagiti kararua ken mangpabang-ar iti panagsagaba.

Ti pagsasao [motto] ti Relief Society ket “Ti asi awan pagkamtudanna” (1 Taga Corinto 13:8).

9.1.2

Kinamiembro iti Relief Society

Mabalin a mangrugi a dumar-ay iti Relief Society ti maysa nga agtutubo a babai no agtawen iti 18. Inton agtawen iti 19 wenno no umakar manipud iti pagtaengan, kas no agadal iti unibersidad wenno agserbi iti mision, nasken a makiraman isuna iti Relief Society

Miembro pay ti Relief Society dagiti naasawaan a babbai nga awan pay 18 ti tawenda.

9.2

Pannakiraman iti Aramid ti Pannakaisalakan ken Pannakaitan-ok

9.2.1

Panagbiag iti Ebanghelio ni Jesucristo

9.2.1.2

Panagsursuro iti Ebanghelio kadagiti Miting iti Relief Society

Maangay dagiti miting iti maikadua ken maikapat a Domingo ti bulan. Agpautda iti 50 a minuto. Ti panguluen ti Relief Society ti mangplano kadagitoy a miting. Ti maysa a miembro ti panguluen ti mangiturong.

Maipamaysa kadagiti miting ti Relief Society dagiti topiko iti maysa wenno ad-adu pay a mensahe manipud iti kaudian a sapasap a komperensia.

9.2.1.3

Dagiti Aktibidad

Mabalin a planuen dagiti panguluen ti Relief Society dagiti aktibidad. Maangay ti kaaduan nga aktibidad iti dadduma nga oras malaksid kadagiti Domingo wenno rabii ti Lunes.

9.2.2

Panangaywan Kadagiti Agkasapulan

9.2.2.1

Ministering

Umawat dagiti kakabsat a babbai kadagiti ministering assignment manipud iti panguluen ti Relief Society. Para iti ad-adu pay nga impormasion, kitaen iti kapitulo 21.

9.2.2.2

Dagiti Kasapulan iti Ababa a Panawen

Kalikaguman nga awaten ken sungbatan dagiti ministering sister dagiti kasapulan dagiti pagserbianda. Mabalin a kasapulan dagiti miembro ti ababa a tulong iti panawen ti panagsakit, panagpasngay, ipapatay, pannakapukaw ti trabaho, ken dadduma pay a kasasaad.

No kasapulan, agpatulong dagiti ministering sister iti panguluen ti Relief Society.

9.2.2.3

Dagiti Kasapulan iti Napaut a Panawen ken Panagpannuray iti Bukod a Kabaelan

Kas itunos ti bishop, tumulong dagiti panguluen ti Relief Society ken korum dagiti elder kadagiti miembro nga addaan iti napaut a kasapulan ken panagpannuray iti bukod a kabaelan.

Ti presidente ti Relief Society, presidente ti korum dagiti elder, wenno sabali pay a lider ti mangtulong iti tao wenno pamilia a mangparnuay iti Plano iti Panagpannuray iti Bukod a Kabaelan [Self-Reliance Plan].

9.2.2.4

No Matay ti maysa a Miembro ti Ward

No matay ti maysa a miembro ti ward, mangidiaya iti liwliwa ken tulong dagiti panguluen ti Relief Society ken korum dagiti elder. Babaen ti panangiwanwan ti bishop, makatulongda iti pamumpon.

Para iti ad-adu pay nga impormasion, kitaen iti 38.5.8.

9.2.3

Panangawis iti Amin nga Umawat iti Ebanghelio

Dutokan ti presidente ti Relief Society ti maysa a miembro ti panguluen tapno tumulong a mangidaulo iti aramid ti misionario ti miembro iti ward. Makipagtrabaho isuna iti natudingan a miembro ti panguluen ti korum dagiti elder tapno mangitunos kadagitoy a panagkagumaan (kitaen iti 23.5.1).

9.2.4

Panamagkaykaysa kadagiti Pamilia para iti Kinaagnanayon

Dutokan ti presidente ti Relief Society ti maysa a miembro ti panguluen tapno tumulong a mangidaulo iti aramid iti templo ken family history iti ward. Makipagtrabaho isuna iti natudingan a miembro ti panguluen ti korum dagiti elder tapno mangitunos kadagitoy a panagkagumaan (kitaen iti 25.2.2).

9.3

Dagiti Lider iti Relief Society

9.3.1

Bishop

Gagangay a binulan a makipagkita ti bishop iti presidente ti Relief Society. Pagsaritaanda iti aramid ti pannakaisalakan ken pannakaitan-ok, agraman ti serbisio dagiti ministering sister.

9.3.2

Panguluen ti Relief Society

9.3.2.1

Panangawag iti Panguluen ti Relief Society

Mangawag ti bishop iti maysa a babai nga agserbi kas presidente ti Relief Society ti ward, No umdas ti kadakkel ti yunit, irekomendana kenkuana ti maysa wenno dua a babbai nga agserbi a kas mamagbagana.

Mabalin nga awanan dagiti sumagmamano a babassit a yunit iti maysa a presidente ti Young Women wenno Primary. Kadagitoy a yunit, mabalin a tulongan ti presidente ti Relief Society dagiti nagannak a mangplano iti instruksion para kadagiti agtutubo ken ubbing.

9.3.2.2

Dagiti Pagrebbengan

Addaan ti presidente ti Relief Society kadagiti sumaganad a pagrebbengan. Tumulong kenkuana dagiti mamagbagana.

Agserbi iti konseho iti ward.
Mangidaulo kadagiti panangkagumaan ti Relief Society a makiraman iti aramid ti pannakaisalakan ken pannakaitan-ok (kitaen iti kapitulo 1).
Mangurnos ken mangkita iti serbisio dagiti ministering sister.
Babaen ti panangiwanwan ti bishop, makiuman kadagiti nataengan a miembro iti ward.
Mangitunos kadagiti panagkagumaan ti Relief Society a mangpapigsa kadagiti young adult a kakabsat a babbai, agpadpada nga awanan asawa ken naasawaan.
Saggaysa a makipagkita iti tunggal miembro ti Relief Society iti uray maminsan iti makatawen.
Mangkitkita kadagiti rekord, report, ken pakaseknan iti kuarta ti Relief Society (kitaen iti LCR.ChurchofJesusChrist.org).

9.3.2.3

Miting ti Panguluen

Regular nga agkita ti panguluen ti Relief Society ken secretary. Ti presidente ti mangiturong kadagitoy a miting. Mabalin a karaman iti agenda dagiti sumaganad a banag:

Mangplano no kasano a papigsaen dagiti kakabsat a babbai ken dagiti pamiliada.
Mangitunos iti aramid ti misionario ken aramid iti templo ken family history.
Sumungbat kadagiti naituding nga aramiden manipud kadagiti miting ti konseho iti ward.
Mangrebyu iti impormasion manipud kadagiti interbyu iti ministering.
Mangibilang kadagiti kakabsat a babbai nga agserbi kadagiti calling ken naituding nga aramiden iti Relief Society.
Mangplano kadagiti miting ken aktibidad ti Relief Society.

9.3.3

Secretary

Mabalin ti panguluen ti Relief Society a mangirekomenda iti maysa a kabsat a babai tapno agserbi kas secretary iti Relief Society.

9.4

Panangtulong kadagiti Agtutubo a Babbai a Makiraman iti Relief Society

Makipagtrabaho ti panguluen ti Relief Society kadagiti agtutubo a babbai, dagiti nagannakda, ken dagiti lider ti Young Women tapno matulongan dagiti agtutubo a babbai nga agsagana a makiraman iti Relief Society.

Mangipaay pay dagiti lider kadagiti agtultuloy a gundaway para kadagiti agtutubo a babbai ken kakabsat a babbai iti Relief Society a mangpadur-as iti relasion. Ti panagserbi a sangsangkamaysa kas ministering sisters ket maysa a napateg a wagas tapno makaaramid kadagiti koneksion.

9.6

Dagiti Mainayon a Pangiwanwan ken Annuroten

9.6.2

Kabaelan nga Agbasa ken Agsurat

Kas kasapulan, makipagtrabaho ti panguluen ti Relief Society iti bishop, panguluen ti korum dagiti elder, ken konseho ti ward tapno matulongan dagiti miembro nga agsursuro nga agbasa ken agsurat.