.“12. Primary,” Mme ŋkpɔ se Emekde eto Ofuri Ŋwed Ndutum (2023).
.“12. Primary,” Mme ŋkpɔ se Emekde eto Ofuri Ŋwed Ndutum
12.
Primary
12.1
Ntak ye Nka
Primary edi nka emi ebehede-ufɔkiduŋ, Ufɔk Abasi-enwamde. Edi ɔnɔ nditɔ-ŋwɔŋ tɔŋɔde ke ɔfiɔŋ Efureta kesim isua Duopekiet.
12.1.1.
Mme Ntak
Primary anwam nditɔ-ŋwɔŋ:
-
Ekop ima eke Ete Heaven enyuŋ ekpep ebaŋa uduak inemesit Esie.
-
Ekpep ebaŋa Jesus Christ ye utom Esie ke uduak eke Ete Heaven.
-
Ekpep enyuŋ enam Ikɔ Abasi Jesus Christ.
-
Ekop, ediɔŋɔ, ndien enam-nkpɔ ke odudu Edisana Spirit.
-
Ebeŋe-idem enɔ, enam, enyuŋ enim ndisana ediomi.
-
Ebuana ke utom erinyaŋa-ukpɔŋ ye edimenede.
12.1.3.
Mme Class
Ini emi ediwak nditɔ-ŋwɔŋ edude, eyebahare mmɔ esin ke mme class nte ekemde ye isua mmɔ.
Nditɔ-ŋwɔŋ esiwak ediwɔrɔ ke Primary nkoduk Nkaiferi Iban mme eboho mme deacon ke January eke isua emi mmɔ esimde isua Duopeba.
12.1.4.
Ini Ikwɔ
Ini ikwɔ anwam nditɔ-ŋwɔŋ ekop ima eke Ete Heaven enyuŋ ekpep ebaŋa uduak inemesit Esie. Nte nditɔ-ŋwɔŋ ekwɔde ebaŋa mme ido-mbet eke ikɔ Abasi, Edisana Spirit edi ntiense abaŋa mme akpanikɔ mmɔ.
Primary Presidency ye adausuŋ ikwɔ esimek ikwɔ ke ɔfiɔŋ kiet-kiet man -afiak-ɔsɔŋɔ ido-mbet ikɔ Abasi emi nditɔ-ŋwɔŋ ekpepde ke claas mmɔ ye ke ufɔkiduŋ.
12.1.5.
Nursery
Nursery anwam nditɔ-ŋwɔŋ ɔfiɔŋ Efureta kesm isua Ita edikop ima eke Ete Heaven enyuŋ ekpep ebaŋa uduak inemesit Esie.
12.2
Edibuana ke Utom Erinyaŋa-ukpɔŋ ye Edimenede
12.2.1.
Ndinam Ikɔ Abasi Jesus Christ
12.2.1.2
Edikpep Ikɔ Abasi
Mme Mbon eke Prmary ke Sunday Owo presidency Primary oro esikama-ndutum edibere.
Se edi-nam edi emi:
|
Ubak eke Mbon oro |
Ini |
|---|---|
Ubak eke Mbon oro Edibere (akam, nwed Abasi mme Ikɔ Mbuɔtidem, mme utetiŋ-ikɔ-kpukpru emi nditɔ-ŋwɔŋ enam) | Ini Minit Ition |
Ubak eke Mbon oro Ini Ikwɔ | Ini Minit Edip |
Ubak eke Mbon oro Edibahare nka mme class | Ini Minit Ition |
Ubak eke Mbon oro Me class ye akam editre | Ini Minit Edip |
nursery eke ndito-ŋwɔŋ ofion Efureta kesim isua Ita ebihe ke minit Aba-ye-duop. Sese Mkpri Nditɔ Mbufo ɔnɔ ekikere ke se edinamde.
Se Nditɔ-ŋwɔŋ Ediwutde ke Esop Udia-ɔbɔŋ Esinim Men-nwu Esop Udia-ɔbɔŋ eke Nditɔ-ŋwɔŋ kpukpru isua ke mme esisit akpatre ɔfiɔŋ eke isua oro.
Primary Presidency ye adausuŋ ikwɔ eda akam ebaŋe men-nwut emi. Bishopric esinɔ ndausuŋ. Nditɔ-ŋwɔŋ ekeme edikwɔ-ikwɔ, enɔ utiŋ-ikɔ, enyuŋ ebuana mbuk, nwed Abasi, mme ikɔ ntiense.
Temple ye Esop Mbeŋe-idem Itie-oku Primary Presidency ebeŋe esop eke Temple ye Mbeŋe-idem Itie-oku ke isua kiet-kiet. Bishopric esinɔ ndausuŋ. Esop oro edi ɔnɔ nditɔ-ŋwɔŋ isua Duop. Ekot mme ete ye eka.
12.2.1.3
Utom-unwam ye mme Edinam
Tɔŋɔde ke January eke emi mmɔ esimde isua Itiaita nditɔ-ŋwɔŋ ekeme nditɔŋɔ edika mme edinam eke Primary.
Enim mme edinam eke Primary ke mme ini emi midihe ke mme Sunday ye mbubreyo Monday.
-
Enim mme edinam primary akaŋ mbiba ke ɔfiɔŋ kini ekemede.
-
Mkpri-iren ye mkpri-iban esobo nsio-nsio. Nte ededi, mmɔ ekeme edibuana ke mme usuk edinam mme ke ebiet emi esisit nditɔ-ŋwɔŋ edude.
Bishopric ekut ete ke okuk ye mme edinam eke mkpri-iren ye mkpri-iban ke Primary ekem onyuŋ odot.
12.2.1.4
Nkɔri Idem-owo
Ke utom mmɔ man ekabare etie nte Andinyaŋa, nditɔ-ŋwɔŋ—tɔŋɔde ke isua emi mmɔ esimde isua Itiaita—ekot mmo ete enam mme uduak man ekɔri ke nkpo-spirit, ebuana-mbre, ke idaha, ye ke ikikke (se Luke 2;52)
Mmɔ ekeme edikama Nkɔri Idem-owo: Nwed-iem eke Nditɔ-ŋwɔŋ man eda etɔŋɔ enyuŋ ewet mme uduak.
12.3
Ndausuŋ eke Primary ke Ward
12.3.1.
Bishopric
Ata akpa- akpa ubiɔŋ-utom eke bishop edi ɔnɔ mbufa emana, esinede nditɔ-ŋwɔŋ. Bishop ekeme edidɔŋ ɔnɔitem esie edinwam ke ubiɔŋ-utom esie ke Primary. Bisop mme ɔnɔitem emi edɔŋde osobo mini-kini ye Primary president.
Bishop ye mme ɔnɔitem Esie esika Primary kini-kini.
12.3.2.
Primary Presidency
Bishop okot onyung emek akama ŋwan kiet enim ete edi president eke Primary ke ward.
Ke ekpri nkɔk ufɔk Abasi, Primary president ekeme edidi nkokure adausuŋ edikotde ke Primary. Ke ndaha ntem, enye eyenam-utom ye mme ete ye eka man enim mme ukpepŋkpɔ, ini ikwɔ ye mme edinam. Edieke ufɔk Abasi enehede ewak-owo, ekeme edinɔ mme ndadian ikoot efen ke ido ntem: mme ɔnɔitem, adausuŋ ikwɔ, mme andikpep ye adausuŋ ke nursery, ewet-nwed, ye adausuŋ ke edinam.
Primary president esinwam mme ete ye eka edibeŋe nditɔ-ŋwɔŋ man eduk enyuŋ ekɔri ke usuŋ ediomi.
Man enam emi, primary President ekeme edidɔŋ owo presidency kiet man anwam mme ete ye eka ebeŋe nditɔ mmɔ idem man ena baptism ye ndori-ubɔk. Primary president ekeme ndidɔŋ owo presidency efen man anwa mme ete ye eka ke mbeŋe-idem eke temple ye itie-oku ɔnɔ nditɔ mmɔ.
Primary president enyene mme ndadian ubiɔŋ-utom emi. Mme ɔnɔitem esie enwam enye.
-
Anam-utom ke mbono eke ward.
-
Kini-kini enim esop eke Primary presidency onyuŋ osobo ye bishop mme ɔdɔdɔŋ ɔnɔitem esie.
-
Anwam edibeŋe mbono baptism nnɔ nditɔ-ŋwɔŋ eke enyiŋ odude kini eyomde (se 18.7.2).
-
Ebeŋe onyuŋ akama-ndutum edibe-re mme mbono eke Prmary ke Sunday.
-
Ɔnɔ nditɔ primary, mme andikpep, ye mme adausuŋ kiet-kiet ke Primary unwam.
-
Ekpep mme adausuŋ ye andikpep Primary mme ubiɔŋ-utom mmɔ onyuŋ anwam mmɔ ke mme ubiɔŋ-utom oro ke editi mmɔ nnɔ ikoot mmɔ (se Edikpep ke Usuŋ eke Andinyaŋa [2016] 38).
-
Etie-ese mme nwed, etop, budget, ye nkpɔ-okuk eke Primary.
12.3.4.
Adausuŋ Ikwɔ ye Ebre-ndido
Adausuŋ Ikwɔ ye Ebre-ndido ekpep nditɔ-ŋwɔŋ ikɔ Abasi Jesus Christ ke ikwɔ kini ekwɔde ikwɔ.
Edieke ebre-ndido miduhe, mme adausuŋ eyekama mme oko-kop ikwɔ.
12.3.5.
Mme Andikpep ye Adausuŋ ke Nursery
Primary presidency esiak enɔ bishopric irenowo ye iban man enam-utom nte mme andikpep ye adausuŋ ke nursery. Edikot mbon ufɔk Abasi emi man ekpep enyuŋ esin-uwam enɔ asaŋa-asaŋa eboho-isua eke nditɔ-ŋwɔŋ.
Mme andikpep ye adausuŋ ke nursery ekpep mmɔ eto Edi, Etiene Mi—Eke Primary (eke isua 3–11) ye Sese Mkpri Nditɔ-ŋwɔŋ Mbufo nursery.
12.3.6.
Mme Adausuŋ ke Edinam
Mme adausuŋ edinam ke Primary enɔ nditɔ-ŋwɔŋ unwam ke nte mmɔ eduakde utom-unwam ye mme edinam tɔŋɔde ke January isua nditɔ-ŋwɔŋ esimde isua Itaita (se 12.2.1.3). Utom-unwam ye mme edinam ɔwuhɔ ke utom erinyaŋa-ukpɔŋ ye edimenede. Mmɔ edi nkpɔ-mbre onyuŋ ɔfɔn-ndinam.
12.5
Ndidian Item ye Ido-mbet
12.5.1.
Edikpeme Nditɔ-ɔwɔŋ
Ini emi ikpɔ-owo enemede nkpɔ ye nditɔ-ŋwɔŋ ke Ufɔk Abasi, nte ededi nti ikpɔ-owo iba enyene edidu do.
Ofuri ikpɔ-owo emi enamde utom ye nditɔ-ŋwɔŋ akpana ekure ubɔ-ukpep edikpeme nditɔ-ŋwɔŋ ye iwaad ke ufaŋ ɔfiɔŋ kiet emi ekenyimede mmɔ (ProtectingChildren.ChurchofJesusChrist.org).