Dagiti Napili manipud iti Sapasap a Handbook

Dagiti Linaonna
Panid ti Paulo
Panangusar iti Dagiti Napili manipud iti Sapasap a Handbook
Pundasion a Mainaig iti Doktrina
- 0. Pakagupgopan iti Pakauna
- 1. Ti Plano ti Dios ken ti Akemmo iti Aramid ti Pannakaisalakan ken Pannakaitan-ok
- 2. Panagsuporta kadagiti Indibidual ken Pamilia iti Aramid ti Pannakaisalakan ken Pannakaitan-ok
- 3. Dagiti Pagbatayan ti Priesthood
- 4. Panangidaulo ken dagiti Konseho iti Simbaan ni Jesucristo
Pannakabukel ti Simbaan
- 5. Panangidaulo iti Sapasap ken Area
- Panangidaulo iti Stake
- 7. Ti Bishopric
- 8. Korum dagiti Elder
- 9. Relief Society
- 10. Dagiti Korum ti Aaronic Priesthood
- 11. Young Women
- 12. Primary
  - 12.1. Panggep ken Organisasion
  - 12.2. Pannakiraman iti Aramid ti Pannakaisalakan ken Pannakaitan-ok
  - 12.3. Panangidaulo iti Primary iti Ward
  - 12.5. Dagiti Mainayon a Pangiwanwan ken Annuroten
- 13. Sunday School
- 14. Dagiti Miembro nga Awan Asawana
- 15. Dagiti Seminary ken Institute ti Relihion
Ti Aramid ti Pannakaisalakan ken Pannakaitan-ok
- Panagbiag iti Ebanghelio ni Jesucristo
  - 16. Panagbiag iti Ebanghelio ni Jesucristo
  - 17. Panangisuro iti Ebanghelio
  - 18. Panangannong kadagiti Ordinansa ken Panangbendision ti Priesthood
  - 19. Musika
  - 20. Dagiti Aktibidad
- Panangaywan Kadagiti Agkasapulan
  - 21. Ministering
  - 22. Panangipaay kadagiti Temporal a Kasapulan ken Panangbangon iti Panagpannuray iti Bukod a Kabaelan
- Panangawis iti Amin nga Umawat iti Ebanghelio
  - 23. Panangibinglay iti Ebanghelio ken Panangpapigsa kadagiti Baro ken Agsubsubli a Miembro
  - 24. Dagiti Rekomendasion ken Serbisio ti Misionario
- Panamagkaykaysa kadagiti Pamilia para iti Kinaagnanayon
  - 25. Aramid iti Templo ken Family History iti Ward ken Stake
  - 26. Dagiti Temple Recommend
  - 27. Dagiti Ordinansa iti Templo para kadagiti Sibibiag
  - 28. Dagiti Ordinansa iti Templo para kadagiti Pimmusay
Panangimaton iti Simbaan
- 29. Dagiti Miting iti Simbaan
- 30. Dagiti Calling iti Simbaan
- 31. Dagiti Interbyu ken Dadduma Pay a Miting kadagiti Miembro
- 32. Paangbabawi ken dagiti Konseho iti Kinamiembro ti Simbaan
- 33. Dagiti Rekord ken Report
- 34. Dagiti Pakaseknan iti Kuarta ken Awdit
- 35. Panangaywan ken Panangusar kadagiti Balay a Pagmimitingan
- 36. Panagparnuay, Panangbalbaliw, ken Panangnagan kadagiti Baro a Yunit
  - 36.0. Pakauna
- 37. Dagiti Espesialisado a Stake, Ward, ken Branch
- Dagiti Annuroten ken Pangiwanwan iti Simbaan

12. Primary

“12. “Primary,” Dagiti Napili manipud iti Sapasap a Handbook (2023).

“12. Primary,” Dagiti Napili manipud iti Sapasap a Handbook

Ladawan

pamilia nga agig-iggem kadagiti nasantuan a kasuratan

12.

Primary

12.1

Panggep ken Organisasion

Ti Primary ti maysa nga organisasion a naisentro iti pagtaengan, suportado ti Simbaan. Para daytoy kadagiti ubbing nga agtawen iti 18 a bulan agingga iti 11 a tawen.

12.1.1

Dagiti Panggep

Tulongan ti Primary dagiti ubbing a:

Mangrikna iti ayat ti Nailangitan nga Amada ken mangsursuro maipapan iti planona iti kinaragsak.
Mangsursuro maipapan ken ni Jesucristo ken iti akemna iti plano ti Nailangitan nga Ama.
Mangsursuro ken mangibiag iti ebanghelio ni Jesucristo.
Mangrikna, mangbigbig, ken agtignay iti impluensia ti Espiritu Santo.
Agsagana, agaramid, ken agtungpal kadagiti sagrado a katulagan.
Makiraman iti aramid ti pannakaisalakan ken pannakaitan-ok.

12.1.3

Dagiti Klase

No adda umdas nga ubbing, mabingbingayda kadagiti klase a maibatay iti edadda.

Gagangay nga umakar dagiti ubbing manipud iti Primary a mapan iti Young Women wenno iti korum dagiti deacon iti Enero ti tawen nga agtawenda iti 12.

12.1.4

Oras ti Panagkanta

Ti oras ti panagkanta ket mangtulong kadagiti ubbing a mangrikna iti ayat ti Nailangitan nga Ama ken mangsursuro maipapan iti planona iti kinaragsak. Kabayatan ti panagkanta dagiti ubbing maipapan kadagiti pagbatayan ti ebanghelio, paneknekan ti Espiritu Santo maipapan iti kinapudno dagitoy.

Pumili ti panguluen ti Primary ken lider ti musika kadagiti kanta para iti tunggal bulan tapno mapatibker dagiti pagbatayan ti ebanghelio a sursuruen dagiti ubbing kadagiti klaseda ken iti pagtaengan.

12.1.5

Nursery

Ti nursery ti mangtulong kadagiti ubbing a 18 a bulan agingga iti 3 a tawen a mangrikna iti ayat ti Nailangitan nga Ama ken mangsursuro maipapan iti planona iti kinaragsak.

12.2

Pannakiraman iti Aramid ti Pannakaisalakan ken Pannakaitan-ok

12.2.1

Panagbiag iti Ebanghelio ni Jesucristo

12.2.1.2

Panagsursuro iti Ebanghelio

Dagiti Miting ti Primary iti Domingo. Maysa a miembro ti panguluen ti Primary ti mangiturong iti panglukat.

Kastoy ti iskediul:

Paset ti Miting	Kaatiddog
Paset ti Miting Pananglukat (kararag, nasantuan a kasuratan wenno Pagannurotan ti Pammati, ken panagsarita—ited amin dagiti ubbing).	Kaatiddog 5 a minuto
Paset ti Miting Oras ti panagkanta	Kaatiddog 20 a minuto
Paset ti Miting Yaakar kadagiti klase	Kaatiddog 5 a minuto
Paset ti Miting Dagiti klase ken pangrikep a kararag	Kaatiddog 20 a minuto

Nursery para kadagiti ubbing nga agtawen iti 18 a bulan agingga iti 3 a tawen ket agpaut iti 50 a minuto. Behold Your Little Ones ti mangipaay iti naisingasing nga iskediul.

Pabuya dagiti Ubbing iti Miting ti Sakramento. Maangay ti tinawen a pabuya dagiti ubbing iti miting ti sakramento bayat ti maudi a sumagmamano a bulan ti tawen.

Sikakararag a planuen ti panguluen ti Primary ken lider ti musika ti pabuya. Mangted ti bishopric iti direksion. Mabalin dagiti ubbing ti agkanta, agsarita, ken mangibinglay kadagiti estoria, nasantuan a kasuratan, wenno pammaneknek.

Miting iti Panagsagana iti Templo ken Priesthood. Planuen ti panguluen ti Primary ti maysa a miting ti Panagsagana iti Templo ken Priesthood iti tunggal tawen. Mangted ti bishopric iti direksion. Para kadagiti ubbing nga agtawen iti 10 ti miting. Maawis dagiti nagannak.

12.2.1.3

Serbisio ken dagiti Aktibidad

Mangrugi iti Enero ti tawen a panagtawenda iti 8, mabalin a rugian dagiti ubbing ti dumar-ay kadagiti aktibidad ti Primary.

Maangay dagiti aktibidad iti Primary iti dadduma nga oras malaksid kadagiti Domingo wenno rabii ti Lunes.

Maangay dagiti aktibidad iti Primary iti mamindua a daras iti kada bulan no mabalin.
Gagangay nga agsina nga agmiting dagiti ubbing a lallaki ken ubbing a babbai. Nupay kasta, mabalinda nga agtipon para iti sumagmamano nga aktibidad wenno kadagiti lugar a manmano dagiti ubbing.

Siguraduen ti bishopric nga umdas ken patas ti badyet ken aktibidad para kadagiti ubbing a lallaki ken ubbing a babbai iti Primary.

12.2.1.4

Bukod a Panagdur-as

Kadagiti panagkagumaanda nga agbalin nga ad-adda a kas iti Mangisalakan, dagiti ubbing—mangrugi iti tawen a nga agtawenda iti 8—ket maawisda a mangituding kadagiti panggep a tun-oyen a dumur-as iti naespirituan, sosial, pisikal, ken intelektual (kitaen iti Lucas 2:52).

Mabalinda nga usaren ti Bukod a Panagdur-as: Pangiwanwan a Pagbasaan dagiti Ubbing a mangituding ken mangisurat kadagiti panggep a tun-oyen.

12.3

Panangidaulo iti Primary iti Ward

12.3.1

Bishopric

Ti kangrunaan a pagrebbengan ti bishop ket para iti tumantanor a kaputotan, agraman dagiti ubbing. Mabalin ti bishop ti mangdutok iti maysa a mamagbaga a tumulong iti pagrebbenganna para iti Primary. Regular a makipagkita ti bishop wenno ti nadutokan a mamagbaga iti presidente ti Primary.

Regular a dumar-ay iti Primary ti bishop ken dagiti mamagbagana.

12.3.2

Panguluen ti Primary

Mangawag ken mang-set apart ti bishop iti maysa a nataengan a babai nga agserbi kas presidente ti Primary iti ward.

Iti bassit a yunit, mabalin a ti presidente ti Primary laeng ti maawagan a lider iti Primary. Iti daytoy a kaso, makipagtrabaho isuna kadagiti nagannak a mangurnos kadagiti adalen, oras ti panagkanta, ken dagiti aktibidad. No umdas ti kadakkel ti yunit, mabalin a mapunnuan kadagiti nayon a calling iti kastoy nga urnos: dagiti mamagbaga, lider ti musika, dagiti mannursuro ken lider ti nursery, secretary, ken dagiti lider ti aktibidad.

Tulongan ti panguluen ti Primary dagiti nagannak a mangisagana kadagiti ubbing a sumrek ken dumur-as iti dana ti katulagan.

Tapno maipatungpal daytoy, mabalin ti presidente ti Primary ti mangdutok iti maysa a miembro ti panguluen tapno tumulong kadagiti nagannak a mangisagana kadagiti ubbing a mabuniagan ken makumpirmaan. Mabalin ti presidente ti Primary ti mangdutok iti sabali pay a miembro ti panguluen tapno tumulong kadagiti nagannak iti panagsagana iti templo ken priesthood para kadagiti annakda.

Addaan ti presidente ti Primary kadagiti sumaganad a mainayon a pagrebbengan. Tumulong kenkuana dagiti mamagbagana.

Agserbi iti konseho iti ward.
Regular a mangangay kadagiti miting ti panguluen ti Primary ken makipagkita iti bishop wenno ti naidutok a mamagbagana.
Tumulong a mangplano kadagiti serbisio ti panagbuniag para kadagiti annak ti rekord no makiddaw (kitaen iti 18.7.2).
Mangplano ken mangiturong kadagiti panglukat a miting iti Primary iti Domingo.
Agminister a saggaysa kadagiti ubbing, mannursuro, ken lider iti Primary.
Mangisuro kadagiti lider ken mannursuro iti Primary dagiti pagrebbenganda ken mangsuporta kadakuada kadagita a pagrebbengan babaen ti panangiturong kadakuada kadagiti calling-da (kitaen iti Panangisuro iti Wagas ti Mangisalakan [2016], 38).
Mangimaton kadagiti rekord, report, badyet, ken pakaseknan iti kuarta ti Primary.

12.3.4

Lider ti Musika ken Pianista

Isuro ti lider ti musika ken pianista kadagiti ubbing ti ebanghelio ni Jesucristo babaen ti musika bayat ti oras ti panagkanta.

No awan ti pianista wenno piano, mabalin nga agusar dagiti lider kadagiti rekording.

12.3.5

Dagiti Mannursuro ken dagiti Lider ti Nursery

Irekomenda ti panguluen ti Primary iti bishopric dagiti lallaki ken babbai nga agserbi kas mannursuro iti Primary ken lider iti nursery. Maawagan dagitoy a miembro a mangisuro ken agminister kadagiti maitudo a ragup-ti-tawen dagiti ubbing.

Mangisuro dagiti mannursuro iti Primary ken lider ti nursery manipud iti Umaykayo, Sumurot Kaniak—Para iti Primary (agtawen iti 3–11) ken Behold Your Little Ones (nursery).

12.3.6

Dagiti Lider ti Aktibidad

Agminister dagiti lider ti aktibidad iti Primary kadagiti ubbing bayat ti panagplanoda iti serbisio ken dagiti aktibidad mangrugi iti Enero ti tawen nga agtawen dagiti ubbing iti 8 (kitaen iti 12.2.1.3). Maipamaysa ti serbisio ken dagiti aktibidad iti aramid ti pannakaisalakan ken pannakaitan-ok. Makaay-ayo ken makaawis dagitoy.

12.5

Dagiti Mainayon a Pangiwanwan ken Annuroten

12.5.1

Panangsaluad kadagiti Ubbing

No makilanglangen dagiti nataengan kadagiti ubbing kadagiti setting ti Simbaan, nasken nga adda uray dua laeng a responsable a nataengan.

Amin a nataengan a makipagtrabaho kadagiti ubbing wenno agtutubo ket nasken a leppasenda ti training iti panangsaluad kadagiti ubbing ken agtutubo iti uneg ti makabulan a pannakakanunongda (ProtectingChildren.ChurchofJesusChrist.org).