.“18. Ndinam mme Edinam Itie-oku ye mme Edidiɔŋ,” Mme ŋkpɔ se Emekde eto Ofuri Ŋwed Ndutum (2023).
.“18. Ndinam mme Edinam Itie-oku ye mme Edidiɔŋ,” Se Emekde eto Ofuri Ŋwed Ndutum
18.
Ndinam mme Edinam Itie-oku ye mme Edidiɔŋ
18.0
Ntɔŋɔ
Mme Edinam ye edidiɔŋ edi nsasana edinam emi enamde ke odudu-unen itie-oku ye ke enyiŋ Jessus Christ. Mme Edinam ye Edidiɔŋ ɔnɔ usuŋ ndisim odudu Abasi (se Doctrine ye Covenants 84:20
Enam mme edinam ye edidiɔŋ ke mbuotidem ke Ete Heaven ye Jesus Christ ye nte asaŋade ke ndausuŋ Edisana Spirit. Mme adausuŋ ekut ete ke enam mmo ke nnen-nnen unyime (ke nte edide) ye nkem-nkem odudu-unen itie-oku, ke eti usuŋ, ye ke nti mme andibuana (se 18.3).
18.1
Mme Edinam Ikɔ Abasi eke Erinyaŋa-ukpɔŋ ye Edimenede
Itie-oku esine odudu edi-nam mme edinam ikɔ Abasi emi odotde ɔnɔ erinyaŋa-ukpoŋ ye edimenede. Mme owo enam nsasana ediomi ye Abasi ke nte mmɔ ebɔde mme edinam emi. Ebat mme edinam eke erinyaŋa-ukpɔŋ ye edimenede ke idak emi:
-
Baptism
-
Ndori-ubɔk ye enɔ Edisana Spirit
-
Edinɔ Itie-oku Melchizedek ye edimek nsin ke itie-utom (eke irenowo)
-
Endowment eke temple
-
Edidian-kiet eke temple
Edieke eyen emi akamanade ke ediomo akpade mbemiso edisim isua Itiaita, iduhe mme edinam ekeyomde mme ekpenamde. Edieke eyen mikimanake ke edimo, nkokure edinam enye oyomde edi edidian-kiet nno ete ye eka. Ke ntak Erisio-isop eke Andinyaŋa,kpukpru nditɔ-ŋwɔŋ emi ekpade mbemiso edisim isua Itiaita ebo “ubɔhɔ ke obio-ubɔŋ celestial eke heaven” (seDoctrine ye Covenants 137:10; se nko Moroni 8:8–12).
18.3
Edibuana ke Edinam mme Edidiɔŋ
Mbon emi enamde mme ebuuanade ke edinam mme edidiɔŋ ana enyene odudu-unen Itie-oku ndien edidot. Ke ofuri-ofuri, udomo edidot edi eke asangade ye edikama temple reommend. Nte ededi, nte Spierit etemede ye mme item ke ibuot-ŋwed emi, mme bishop ye stake president ekeme ediyak mme ete ye ebe-ndo emi ekamade edikem itie-utom itie-oku enam mme ebuana ke usuk mme edinam ye edidiɔŋ kpa ke mmo minehede idot edika temple. Inaha nte akama itie-oku emi enyenede ikpo idioknkpo eke owo mibiereke abuana.
Edi-nam mme edibo usuk mme edinami ye edidiɔŋ oyom unyime oto adaibuot adausuŋ emi akamade edikem ukpohode itie-oku (se 3.4.1). Nte eyomde, ɔnɔitem emi enye ɔdɔŋde ekeme edino unyime. Se mme ibat-nkpo emi. Abangade mme stake president edi nko ɔnɔ mme mission president. Abangade mme bishop edi nko ɔnɔ mme branch president.
Ewe Adasuŋ Akama mme Ukpohode Edino Unyime man Enam mme Ebo mme Edinam Erinyaŋa-ukpɔŋ ye Edimenede?
|
Edinam Ikɔ Abasi |
Anie-owo Akama mme Ukpohode |
|---|---|
Edinam Ikɔ Abasi Baptism | Anie-owo Akama mme Ukpohode Bishop (eke ndito isua Itiaita ye mbon Ufɔk Abasi eke ŋwed-enyiŋ edide isua Usukkiet mme akande oro emi eketrede baptism oto ke mme unomo ke mfre) Mission president (eke andikabade-esit) |
Edinam Ikɔ Abasi Ndori-ubɔk ye enɔ Edisana Spirit | Anie-owo Akama mme Ukpohode Bishop (eke ndito isua Itiaita ye mbon Ufɔk Abasi eke ŋwed-enyiŋ edide isua Usukkiet mme akande oro emi eketrede baptism oto ke mme unomo ke mfre) Mission president (eke andikabade-esit) |
Edinam Ikɔ Abasi Edinɔ Itie-oku Melchizedek ye edimek nsin ke itie-utom (eke irenowo) | Anie-owo Akama mme Ukpohode stake president |
Edinam Ikɔ Abasi Endowment eke temple | Anie-owo Akama mme Ukpohode Bishop ye stake president |
Edinam Ikɔ Abasi Edidian-kiet eke temple | Anie-owo Akama mme Ukpohode Bishop ye stake president |
Ewe Adasuŋ Akama mme Ukpohode Edino Unyime man Enam mme Ebo mme Edinam Erinyaŋa-ukpɔŋ ye Edimenede?
|
Edinam ye Edidiɔŋ |
Anie-owo Akama mme Ukpohode |
|---|---|
Edinam ye Edidiɔŋ Edinɔ-enyiŋ ye edidiɔŋ nditɔ-ŋwɔŋ | Anie-owo Akama mme Ukpohode Bishop |
Edinam ye Edidiɔŋ Udia-ɔbɔŋ | Anie-owo Akama mme Ukpohode Bishop |
Edinam ye Edidiɔŋ Edino Itie-oku Aaron ye edimek nsin ke itie-utom (eke mkparawa iren ye irenowo) | Anie-owo Akama mme Ukpohode Bishop |
Edinam ye Edidiɔŋ Edisio mbon ufɔk Abasi mek-nim man enam-utom ke mme ikoot | Anie-owo Akama mme Ukpohode Se 30.8 |
Edinam ye Edidiɔŋ Edidiɔŋ aran | Anie-owo Akama mme Ukpohode Iyomke unyime |
Edinam ye Edidiɔŋ Edinɔ mbon udɔŋɔ akam-unwam | Anie-owo Akama mme Ukpohode Iyomke unyime |
Edinam ye Edidiɔŋ Mme edidiɔŋ eke ndɔŋesit ye item, esinede mme edidiɔŋ eke Ete | Anie-owo Akama mme Ukpohode Iyomke unyime |
Edinam ye Edidiɔŋ Edidiɔŋ ufɔkiduŋ | Anie-owo Akama mme Ukpohode Iyomke unyime |
Edinam ye Edidiɔŋ Edidiɔŋ udi | Anie-owo Akama mme Ukpohode Adaibuot itie-oku emi edide-ibuot ke utom-unwam |
Edinam ye Edidiɔŋ Mme edidiɔŋ eke Patriarch | Anie-owo Akama mme Ukpohode Bishop |
18.4
Mme Edinam eke Mkpri Nditɔ-ŋwɔŋ
Ekeme edidiɔŋ ekpri eyen, enim-baptism, edori-ubok, emekenim ke itie-utom itie-oku, mme edisio-nim nno ikoot kpot ye unyime eke (1) ete ye eka emi enyenede unen mbet edibuana ke ubiere oro mme (2) mme andikpeme-ke-mbet.
18.6
Edinɔ-enyiŋ ye Edidiɔŋ Nditɔ-ŋwɔŋ
Esino enyuŋ ediong ndito-owong kini esop utre-udia ye ikɔ ntiense ke ward emi ete ye eka mmo edungde.
18.6.1.
Anie owo Edinɔ Edidiɔŋ oro
Mme akama Itie-oku Melchizedek esinam edinam edino eyen-enyiŋ ye edidiɔŋ, nte ekemede ye Doctrine ye Covenants 20:70.
Owo mme ufɔkemana oyomde ete eyen ↄbↄ eying ye edididong edisobo ye bishop man enam edinam oro. Enye akama mme ukpohode itie-oku ke edino enyiŋ ye edidiɔŋ nditɔ-ŋwɔŋ ke ward.
Bishop ekeme ediyak ete emi akamade Itie-oku Melchizedek ɔnɔ eyen esie enyiŋ onyuŋ odiong ekpedi ete idotke ikem edika temple (se 18.3). Mme bishop eteme mme ete man ebeŋe-idem mmo man ediong ndito mmo.
18.6.2.
Mme Item
Ke idak ndausuŋ bisopric, mme akama Itie-oku Melchizedek eboho ke ekara man eno eyen enyiŋ enyuŋ ediong. Mmo esin ubok mmo ke idak nsek-eyen oro, mme mmo edori ubok mmo mfefere ke ibuot eyen emi okponde. Ekem owo emi edide uyo:
-
Okot Ete Heaven nte ↄbↄŋde akam.
-
Etiŋ ete ke enam edidiɔŋ emi ke odudu-unen eke Itie-oku Melchizedek.
-
Ↄnɔ eyen oro enyiŋ
-
Etiŋ-iko ɔnɔ eyen oro.
-
Ↄnɔ eyen oro edidiɔŋ ke nte Spirit etemede.
-
Editre ke enyiŋ Jesus Christ.
18.6.3.
Ŋwed Ewetde Enyiŋ Eyen ye Ŋwed-itoro Edidiɔŋ Eyen
Mbemiso ediong eyen, clerk ada Mme Nkpoutom eke mme Adausuŋ ye Clerk (LCR) man anam Ŋwed Ediwet Eyen-enyiŋ. Ke ediongde ekure, enye enim ŋwed-enyiŋ owo ufɔk Abasi ke computer oro onyuŋ anam Ŋwed-itoro Edidiɔŋ. Bishop enim-idiongo ke ŋwed-itoro oro ndien eyak eno ete ye eka eyen oro.
Enyiŋ emi odude ke ŋwed-enyiŋ ufɔk Abasi ye ŋwed-itoro ana edi ukem ye ŋwed usen-emana, ŋwed itie-emana, mme ata enyiŋ eke idahaemi.
18.7
Baptism
Baptism eke edibuk ke mmɔŋ nto owo emi enyenede odudu-unen odot ɔnɔ owo man akabare edi owo ufɔk Abasi onyuŋ ↄbↄ Edisana Spirit. Kpukpru mbon emi eyomde edimenede ana etiene uwutnkpo Andinyanga ke edibo mme edinam emi.
18.7.1.
Edinyime man Owo ɔbɔ Baptism ye Ndori-ubɔk
18.7.1.1
Ndito-owong Emi Edide Mbon Ufɔk Abasi eke Ŋwed
Bishop akama mme ukpohode edinim baptism nno mbon ufɔk Abasi ke ŋwed emi edide isua Itiaita. Ndito-owong emi ana ena baptism enyuŋ ebo ndori-ubok ke mme usop-usop ke ebede usen-emana isua Itiaita mmo nte edide ntre (se Doctrine ye Covenants 68:27). mmɔ emi nditɔ-ŋwɔŋ emi mme ŋwed-enyiŋ owo ufɔk Abasi mmɔ ama okododu (se 33.6.2). Ini emi mmo esimde isua Itiaita, bishop okut ete ke mmo enyene ofuri eti-ifet edinyime iko Abasi ndien ena baptism enyuŋ ebo ndori-ubok.
Bisop mme ɔnɔitem emi edɔŋde eyedungo ndito-owong eke ŋwed-enyiŋ ɔnɔ baptism ye ndori-ubok. Mme item odu ke 31.2.3.1.
Ke oyomde etop kabanga ediwet Ŋwed Baptism ye Ndori-ubok, se 18.8.3.
18.7.1.2
Mme Andikabade-esit
Mission president akama ukpohode itie-oku eke edinim mme andikabade-esit ke mission. Ke ntak emi, mbon full-time missionary edungo mme andikabade-esit eno baptism ye ndoro-ubok.
18.7.2.
Mme Mbono edinam Baptism
Mbono edinam baptism akpana edi ndimem, ibio-ibio, ye edinem ke nkpo Abasi. Oro ekeme edisine se itene emi:
-
Ebeiso ikwo
-
Ekpri edikom otode eyeneka eren emi akamade ndutum mbono oro
-
Ikwo ntongo ye akam
-
Ibio-ibio etop kiet mme iba abangade nkpo iko Abasi, oruk nte baptism ye eno Edisana Spirit.
-
Mme ikwo emi emekde ekwo
-
Baptism oro
-
Ini utenge kini mbon emi ekenamde baptism ekpuhode esine nsat ofong (ekeme edibre mme edikwo mme ikwo mme ikwo eke Primary kini emi)
-
Edidori mbon ufɔk Abasi eke ŋwed edide isua Itiaita ubɔk; ndori-ubɔk eke mme andikabade-esit edike bishop enyimede (se 18.8).
-
Edino iko ntiense otode mbufa mme andikabade-esit, edieke eyomde.
-
Ikwo usuana ye akam
-
Ekpe-edem ikwo
Ini emi ebeŋeke-idem edinim eyen eke ŋwed baptism, owo bishopric kiet ye Primary presidency eyeneme ye ufɔkemana man enam enyuŋ enim-ini mbono edinam baptism. Owo bishopric kiet eyekama-ndutum mbono oro. Edieke edide eyewak akan eyen kiet edina baptism ke ukem ofiong oro, mmo ekeme edibuana mbono baptism oro.
Ke mme stake enyenede ediwak ndito-owong eke ŋwed, ndito-owong etode ediwak ward ekeme edibuana ukem mbono baptism oro. Owo eke stake presidency mme high councilor ekenode ubiong eyekama ndutum ke mbono oro.
Inaha ebiat-ini ke ednim owo ufɔkemana baptism tutu ete ekeme edibo itie-oku ndien edinam baptism ke idemesie.
Ke idak ndausuŋ bishop, adausuŋ ke ward mission (edieke ekekotde kiet) mme owo presidency eke eboho elders emi esede utom ukworo-iko ke ward eyenam onyuŋ akama-ndutum ke mme mbono baptism ɔnɔ mbufa-owo. Mmo ediana-kiet ye mme full-time missionary enam emi.
18.7.3.
Anie owo Edi-nam Edinam oro
Edi priest mme andikama Itie-oku Melchizedek anam edinam baptism. Owo emi anamde baptism ana ↄbↄ unyime oto bishop (mme oto mission president edieke full-time missionary edinamde baptism oro).
Bishop ekeme ediyak ete emi edide priest mme akamade Itie-oku Melchizedek anam baptism ɔnɔ eyen esie ekpedi ete idotke ikem edika temple (se 18.3). Mme bishop eteme mme ete ndibenge-idem mmo man enam baptism eno ndito mmo.
18.7.4.
Ebiet eke Edinamade Edinam oro
Enyene edi-nam baptism ke font baptism edieke kiet odude. Edieke font kiet miduhe, ekeme edinam ke mmong emi ifure odude.
Man ediboho, eti akamba-owo enyene didu kini eyohode mmong ke font kiet onyuŋ odu do tutu edisio mmong, ediyet, enyuŋ eyid-enim. Ana esio mmong ke font ke mdo-ndo oro ekuredembono baptism kiet-kiet. Ana eyid mme enyin-usuŋ edukde font oro ke owo midaha inam nkpo.
18.7.5.
Ɔfɔŋ-edisinede
Owo emi anamde baptismye owo emi edinamde baptism inoeyesine mfia ofong emi minwangake kini ebitde. Owo emi akanamde endowment eyesine garment temple ke idak ofong emi kini anamde baptism. Mme nkɔk ufɔk Abasi edep ofong baptism ye okuk ekenimde inyuŋ iboho okuk ke edida ofong oro nam-nkpo.
18.7.6.
Mme Ntiense
Mme ntiense iba, emi owo andida-ibuot enyimede, eyese baptism kiet-kiet man okut ete ke enam oro nnen-nnen. Mbon ufɔk Abasi emi ema ekena bpatism, esinede ndito-owong ye iwaad ekeme edidi mme ntiense.
Eyefiak enam baptism edieke owo mikotke mme iko oro nte enehede odu ke Doctrine ye Covenants 20:73 Eyefiak nko ekot mmo edieke ubak eke idem owo, idet, mme ofong iminyinike ofuri-ofuri.
18.7.7.
Mme Item
Man enam edinam baptism, priest kiet mme andikama Itie-oku Melchizedek:
-
Ada ke mmong ye owo emi edinamde baptism ino.
-
Omum itong-ubok nnasia owo oro ke ubok ufien esie (eke ifure ye uboho). Owo eke edinamde baptism ino omum ada ubok ufien esie omum ubok ufien eke akama itie-oku oro.
-
Emenede ubok udom esie enim ke square.
-
Okot ofuri enyiŋ owo oro ndien etiŋ ete, “Ke mma nkↄbↄ-odudu nto Jesus Christ, ami mmenim fi baptism ke enyiŋ Ete, ye ke enyiŋ Eyen, ye ke eke Edisana Spirit. Amen” (Doctrine ye Covenants 20:73).
-
Anam owo oro omum ibuo esie ye ubok udom esie (eke ifure); ekem emenede ubok udom esie enim ke edem owo oro ndien enyiin owo oro ofuri-ofuri, ye ofong nko.
-
Anwam owo oro ediworo ndi ke mmong.
18.8
Ndori-ubɔk ye Enɔ Edisana Spirit
Ke ema ekenim owo baptism ekure, eyesongo enye nte owo ufɔk Abasi onyuŋ ↄbↄ Edisana Spirit ke edidori ubok (se Doctrine ye Covenants 20:41; Acts 19:1–6). Owo oro akabare edi owo ufɔk Abasi ke am ekekure edinam mbiba emi ofuri-ofuri enyuŋ enehede ewet-enim (se John 3:5; Doctrine ye Covenants 33:11; 3 Nephi 27:20
Bishop akara ke edi-nam mme ndori-ubok. Esisongo ndito-nwong isua Itiaita ke usen emi ekenimde mmo baptism. Esisongo mbufa owo ke esop udia-ɔbɔŋ ekededi ke ward emi mmo edungde, akpan-akpan ke Sunday anditiene usen baptism mmo.
Owo bishopric kiet etiene mme item ke 29.2.1.1 kini emende mbufa owo owut.
18.8.1.
Anie owo Edi-nam Edinam oro
Andikama itie-oku Melchizedek kpot emi odotde edika temple ekeme edidi nte uyo ke ndori-ubok. Nte ededi, bishop ekeme ediyak ete emi akamade Itie-oku Melchizedek ɔnɔ eyen esie enyiŋ onyuŋ odiong ekpedi ete idotke ikem edika temple (se 18.3).
Ntre ana owo bishopric kiet abuana ke edinam emi. Ekpedi missionary elders ekekpepde obufa-owo emi iko Abasi, bishop eyekot mmo man edibuana.
18.8.2.
Mme Item
Ke idak ndausuŋ bishopric, akama Itie-oku Melchizedek kiet mme ewakde ekeme edibuana ke ndori-ubok oro. Mmo edori mme ubok mmo suŋ-suŋ ke ibuot owo oro. Ekem owo emi edide uyo:
-
Okot owo oro ke ofuri enyiŋ esie.
-
Etiŋ ete ke enam edinam emi ke odudu-unen eke Itie-oku Melchizedek.
-
Osongo owo oro nte owo eke Ufɔk Abasi Jesus Christ Ndisana Owo Ekpere Edem Usen.
-
Odoho “bo Edisana Spirit” (idihe “bo eno Edisana Spirit”).
-
Ↄnↄ mme iko edidiɔŋ ke nte Spirit etemede.
-
Editre ke enyiŋ Jesus Christ.
18.8.3.
Ŋwed-ediwet ye Ŋwed-itoro Baptism ye Ndori-ubɔk
Mbemiso eduŋɔre eyen emi edide owo ufɔk Abasi emi enyiŋ odudeke ŋwed eno baptism, clerk ada LCR anam Ŋwed Baptism ye Ndori-ubɔk. Bishop mme ɔnɔitem eke edɔŋde eyenam nduŋↄre oro onyuŋ enim-idiongo ke nwed oro. Ke ekurede baptism ye ndori-ubok, clerk ada ŋwed emi man enehede ŋwed enyiŋ eyen oro ke LCR.
Kini full-time missionary odungore obufa-owo ɔnɔ baptism, enye ewet ke Ŋwed Baptism ye Ndori-ubok adade Area Book Planner Area (ABP) app. Ke elurede baptism ye ndori-ubok, missionary oro ewet ntot oro ke ABP onyuŋ ɔnɔ oro esok ward clerk ke nkpo-ofim. Ward clerk ndien afiak-ese ntot oro ke LCR ndien anam ŋwed enyiŋ eke owo oro.
Ke ema ekenam ŋwed enyiŋ ekure, clerk edinam Ŋwed-itoro eke Baptism ye Ndori-ubok. Bishop enim-idiongo ke ŋwed-itoro oro ndien eyak eno owo oro.
Enyiŋ emi odude ke ŋwed-enyiŋ ufɔk Abasi ye ŋwed-itoro ana edi ukem ye ŋwed usen-emana, ŋwed itie-emana, mme ata enyiŋ eke idahaemi.
18.9
Udia-ɔbɔŋ
Mbon ufɔk Abasi esisobo ke usen Sabbath man ekpono Abasi enyuŋ ebuana ke udia-ɔbɔŋ (se Doctrine ye Covenants 20:75; 59:9; Moroni 6:5–6). Kini edinam emi, mmo ebuana ke uyo ye mmong nditi nwaidem Andinyanga eke ikpokidem Esie ye iyip nyuŋ mfiak-nam nsasana ediomi mmo (se Matthew 26:26–28; Joseph Smith Translation, Mark 14:20–25; Luke 22:15–20; 3 Nephi 18; Moroni 6:6).
18.9.1.
Edinyime man Enam Udia-ɔbɔŋ
Bishop akama mme ukpɔhɔde itie-oku eke edi-nam udia-ɔbɔŋ ke ward. Kpukpru mme andibuana ke edibenge, ndiong, nyung ndeme udia-ɔbɔŋ ana ebo unyime eto enye mme owo eke andidu ke ndausuŋ esie.
18.9.2.
Anie owo Edi-nam Edinam oro
-
Mme teacher, priest, ye mme andikama Itie-oku Melchizedek ekeme edi-nam udia-ɔbɔŋ.
-
Mme priest ye mme andikama Itie-oku Melchizedek ekeme edidiɔŋ udia-ɔbɔŋ.
-
Mme deacon, teacher, priest, ye mme andikama Itie-oku Melchizedek ekeme edideme udia-ɔbɔŋ.
18.9.3.
Mme Item eke Udia-ɔbɔŋ
Ke ntak edisana ndaha eke udia-ɔbɔŋ, mme adasuŋ itie-oku ana enehede enam man enyene ukpono ye utenge.
Mbon emi enamde udia-ɔbɔŋ enyene edi-nam oro ke edu ukpono, ediogno ke mmo eda-eno Jehovah.
Edideme udia-ɔbɔŋ enyene edi-di ke ediye-edu inyuŋ idihe ke usuŋ ewuho.
Okposuk nte udia-ɔbɔŋ edide ɔnɔ mbon ufɔk Abasi, iduhe se ekpenamde ndikpan mbon efen ete ekubuana ke enye.
18.9.4.
Mme Item
-
Akpa-nkpo mbon sinam, ediong, mme edideme udia-ɔbɔŋ ana eyet ubok ye suop mme nkpo ediyet efen.
-
Mme teachet, priest, mme andikama Itie-oku Melchizedek ekut ete ke mme usan uyo ye edibugo uyo;, usan mmong ye mme iduo eke nsasana mmong, ye mme nsasana ofong-okpokoro odu ke itie mbemiso editongo esop.
-
Nte mbon ward oro ekwode ikwo udia-ɔbɔŋ, mbon emi edidiɔŋde udia-ɔbɔŋ edaha-eda ke utenge, efuhode ofong emi okofukde usan uyo, eyung ebung uyo oro esin ke mbai-mbai emi ekpetade.
-
Ke ikwo okurede, owo emi odiongde uyo otongo-edong onyuŋ okot akam udia-ɔbɔŋ eke uyo (se Doctrine ye Covenants 20:77).
-
Bishop ana okut ete ke enehede ekot mme akam udia-ɔbɔŋ inwang-inwang, nnen-nnen, ye ke ukpono. Edieke owo anamde ndudue ke iko onyuŋ enehede idemesie, iduhe edinehede efen emi eyomde. Edieke owo oro minehede ndudue esie oro, bishop ke ima odoho enye ete afiak okot akam oro.
-
Ke ekurede akam oro, mme akama itie-oku ke utenge edeme uyo oro eno mbon ufɔk Abasi. Adausuŋ etie-ibuot eyebo akpa, ekem iduhe ewuho ke edideme. Inikiet eke enyande usan eno mbon Abasi, mmo eyenyan eno kiet eken.
-
Mbon ufɔk Abasi ebuana ke edida ubok nnasia mmɔ nsio-nta nte odotde.
-
Ini emi ema ekedeme uyo ino ofuri mbon ufɔk Abasi, mbon ekedemede udia-ɔbɔŋ eda mme usan ekenim ke okpokoro udia-ɔbɔŋ. Mbon edionge udia-ɔbɔŋ efuk ofong ke usan uyo ndien ekubore usan mmong.
-
Owo emi odiongde mmong otongo-edong onyuŋ okot akam udia-ɔbɔŋ eke mmong (se Doctrine ye Covenants 20:79). Enye okpuho iko oro mmong ke itie wine.
-
Ke ekurede akam oro, mme akama itie-oku ke uteŋe edeme mmɔŋ oro enɔ mbon ufɔk Abasi. Adausuŋ etie-ibuot eyebo akpa, ekem iduhe ewuho ke edideme.
-
Ini emi ema ekedeme mmɔŋ ino ofuri mbon ufɔk Abasi, mbon ekedemede udia-ɔbɔŋ eda mme usan ekenim ke okpokoro udia-ɔbɔŋ. Mbon ekediɔŋde udia-ɔbɔŋeda ofong efuk ke mme usan, ndien mbon se ikidiong ye ikideme udia-ɔbɔŋ suŋ-suŋ ekeda itie mmo.
-
Ke esop okurede, mbon se ikideme udia-ɔbɔŋ ekwohode, efut ofong okpokoro, ndien esio uyo eke mikitaha efep.
18.10
Edinɔ Itie-oku ye Edimek-nsin ke Itie-utom
Ndaha itie-oku iba odu: eke Aaron ye Melchizedek (se 3.3; Doctrine ye Covenants 107:1, 6). Ini emi enode owo itie-oku, eyemek enye esin ke itie-utom kiet ke itie-oku oro. Ke ema ekeno kiet kotu mme itie-oku emi, enyene edimek erenowo esin ke mme itie-utom eken ke itie-oku oro.
18.10.1.
Itie-oku Melchizedek
Stake president akama mme ukpohode itie-oku eke edino Itie-oku Melchizedek nyuŋ mek-nsin ke mme itie-utom eke elder ye akwa oku. Nte ededi, bishop esiwak edino eke edikotde isin ke mme edimek emi.
18.10.1.1
Mme Elders
Nti ndito-ete ekeme edibo Itie-oku Melchizedek enyuŋ emek nte mme elders kini mmo edide isua Efureta mme akande oro. Edide ke ndaha owo kiet-kiet, bishop edibiere mme eyenyime edimek akparawa eren nte elder ke enye ebede usen emana isua Efureta esie mme eyeyak enye odu ye mme eboho mme priest ebighe.
Ke edinam ubiere emi, bishop akpa osobo ye akparawa eren oro ye mme ete ye eka mme ese-enyin esie. Akpana emek nti irenowo nte mme elders ke isua Efurenaŋ mme mbemiso mmɔ ekpoŋ ufɔkiduŋ ekeka ufɔkŋwed, eka mission, eka utom ekoŋ, mme edinyime nam utom.
Eyemek irenowo isua Efureta emi ekenade baptism mmi-mmi emi nte elders ke mmo ema:
-
Ekebo Itie-oku Aaron enyuŋ enam-utom nte priest.
-
Enyene ediwak ifiok eke iko Abasi.
-
Ewut udong edidot mmo.
.Ene-nim ini iduhe nte edidi owo ufɔk Abasi.
18.10.1.2
Akwa Oku
Emek irenowo nte akwa oku kini ekotde mmo esin ke stake presidency, high council, mme bishopric.
18.10.1.3
Nduŋↄre ye Edimenede-ubok nnyime
Ke unyime eke stake presidency, bishop odungo eyeneka-eren nte etemede ke Ŋwed Edimek Itie-oku Melchizedek. Ekem owo eke stake presidency odungore enye nko. Y unyime eke mission president, district president ekeme edidungo eyeeka-eren man emek nte elder (se 6.3).
18.10.2.
Itie-oku Aaron
Bishop akama mme ukpohode itie-oku eke edino Itie-oku Aaron nyuŋ mek-nsin ke mme itie-utom eke daecon, teacher, ye priest. Esimek ntindito-ete esin ke mme itie-utom emi ke mme isua anditiene emi, edi ibake-bak:
-
Deacon ke ntongo isua emi mmo edidide isua Duopeba.
-
Teacher ke ntongo isua emi mmo edidide isua Duopenang.
-
Priest ke ntongo isua emi mmo edidide isua Efurekiet.
Bishop mme ɔnɔitem emi edɔŋde eyedungore mbon emi edimekde nte deacon mme eacher man ese mme mmoebeŋe-idem ke nkpo Abasi. Bishop eyedungore ndito-ete emi edimekde nte priest.
Mbemiso edidudngore akparawa eren eno edimek itie-oku, owo bishopric kiet eyebo unyime oto ete ye eka mme ese-enyin eke akparawa eren oro. Edieke ete ye eka ekeworode-ke-ndo, enye eyebo unyime oto (mme) ete ye eka emi enyenede mbet edise-enyin.
18.10.3.
Edimen Owo Ufɔk Abasi Nwut man Edinyime mbemiso Emek Enye Enim
Ke ema ekedungo eyenete ekure ekut ke odot edimek nsin ke itie-utom eke itie-oku, eyewut enye man emenede-ubok enyime (se Doctrine ye Covenants 20:65, 67). Owo stake presidency eyewut ndito-ete emi edimekde elders mme akwa oku ke akwa ikpehe eke mbon stake (se 6.3 bo item eke mme district president). Owo bishopric eyewut ndito-ete emi edimekde nte mme deacon, teacher, mme priest ke esop udia-ɔbɔŋ.
Owo andikama-ndutum odoho eyeneka eren oro ete ada-da. Enye eyesian uduak oroke edino Itie-oku Aaron mme Melchizedek (edieke eyomde) enyuŋ emek eyeneka eren esin ke itie-utom eke itie-oku. Enye ndien okot mbon ufɔk Abasi ete enyime uduak oro. Nte uwutnkpo, ke ediwut eyeneka eren man edimek nte elder, enye ekeme edikot mme iko ebietde ntem:
“Nnyin imiduak ete [enyiŋ] ↄbↄ Itie-oku Melchizedek enyuŋ emek nte elder. Mbon se inyime ekeme ediwut oro ke edimenede ubok. [Odop esisit.] Mbon eke minyimeke, edieke odude, nko ekeme ediwut oro. [Odop esisit.]”
Edieke owo ufɔk Abasi emi odude ke eti ndaha afangade edimek oro, etie-ibuot adausuŋ mme adasusuŋ itie-okuemi ekedongde edisobo ye enye ke ndedibeke sop okurede. Adasusuŋ oro oyom edifiok ntak eke owo ufɔk Abasi akafaŋake. Enye ekpep ediekeowo ufɔk Abasi ofiokde ido emi ekemede edinam oeo oro okudot ke edimek nsin ke itie-utom eke itie-oku.
K ubak ndaha, ekeme edimek eyeneka eren nte elder mme akwa oku mbemiso ekeme ediwut enye ke mbono stake. Kini emi etibede, eyewut owo oro ke esop udia-ɔbɔŋ eyom edinyime. Ekem eyemen enye ewut ke udiana mbono eke stake man esongo edimek oro (ekemde usuŋ eke edinyime, ewutde ke enyong emi).
18.10.4.
Anie owo Edi-nam Edinam
Stake president mme akama Itie-oku Melchizedek ke idak ndausuŋ esie ekeme edimek erenowo nno itie-utom eke elder. Ke unyime otode mission president, district president mme owo efen ke idak ndausuŋ esie ekeme edi-nam edimek oro (se 6.3). Mme andikama Itie-oku Melchizedek kpot ekeme edida ke ekara oro.
Stake president mme akwa oku kiet ke idak ndausuŋ esie ekeme edimek erenowo nno itie-utom eke akwa oku. Mme akwa oku kpot ekeme edida ke ekara oro.
Owo emi edimekde erenowo isin ke itie-utom eke Itie-oku Melchizedek ana odot edika temple. Stake president mme owo emi enye ɔdɔŋde enyene edidu do.
Priest kiet mme akama Itie-oku Melchizedek ekeme edimek eyeneka-eren nno itie-utom eke deacon, teacher, mme priest. Ana bishop esie ɔnɔ enye odudu-unyime. Bishop mme owo emi enye ɔdɔŋde enyene edidu do.
Man abuana ke edimek eke Itie-oku Aaron, owo ana edi priest mme akama Itie-oku Melchizedek.
Bishop ekeme ediyak ete emi edide priest mme akamade Itie-oku Melchizedek man emek eyeneren esie ɔnɔ itie-utom eke daecon, teacher, mme priest kpa ekpedi ke ete idotke ikem edika temple (se 18.3). Mme bishop eteme mme ete ndibenge-idem mmo man emek ndito iren mmo mmo.
18.10.5.
Mme Item
Man eno itie-oku enyuŋ emek owo esin ke itie-utom, ke mme ediwak mme enyene-unen akama itie-oku edori ubok mmo suŋ-suŋ ke ibuot owo oro. Ekem owo emi edide uyo:
-
Okot owo oro ke ofuri enyiŋ esie.
-
Asiak odudu-unen emi enye akamade man anam edinam oro (ekpedi Itie-oku Aaron mme Melchizedek).
-
Ↄnↄ Itie-oku Aaron mme Melchizedek, ibohoke ema eno-no ke akpa.
-
Emek owo oro esin ke itie-utom kiet ke Itie-oku Aaron mme Melchizedek onyuŋ ono mme unen, odudu, odudu-unen eke itie-utom oro.
-
Ↄnↄ mme iko edidiɔŋ ke nte Spirit etemede.
-
Editre ke enyiŋ Jesus Christ.
Man emek owo esin ke itie-utom itie-oku ke enye ama ekeyak nnen-nnen itie-oku ino enye, owo eke edinamde oro eyekpↄŋ ido-edinam ↄyↄhↄ ita.
18.10.6.
Ŋwed-enyiŋ Edimek-nim ye Ŋwed-itoro
Mbemiso edungore eyeneka eren man emek eno itie-utom ke Itie-oku Aaron, clerk eyeda LCR man anam Ŋwed Edimek eke Itie-oku Aaronkiet. Bishop mme ɔnɔitem eke edɔŋde eyenam nduŋↄre oro onyuŋ enim-idiɔŋɔ ke ŋwed oro edieke enamde kpukpru ŋkpɔ ɔfɔn ekem.
Ke emekde ekure, bishop mme ɔnɔitem eke edɔŋde eyekure ŋwed oro ndien ayak enye ɔnɔ clerk. Enye eyewet edimek oro ke LCR onyuŋ anam ŋwed-itoeo edimek kiet.
Ana ewet ata enyiŋ eke owo oro ke ŋwed edimek-nim ye ŋwed-itoro.
18.11
Edisio Owo Ufɔk Abasi man Anam-utom ke mme Ikoot
Ana esio mbon ufɔk Abasi emi ekotde enyuŋ enyimede esin ke mme ata itie ikoot ke ufɔk Abasi enim man enam-utom ke itie oro (se John 15:16; Doctrine ye Covenants 42:11; se nko 3.4.3.1 ke ŋwed-ndutum emi). Kini edisio-nim emei, eno owo oro (1) odudu-unen ndinam-nkpo ke ikoot oro ye (2) mme iko edididong ke nte Spirit etemede.
Mme stake president, bishop, adaibuot eboho ebo mme ukpohode prsidency kini ekesiode mmo enim (se 3.4.1.1). Nte ededi, inaha etiŋ ikɔ oro ukpohode kini esiode mbon ufɔk Abasi enim man enma-utom ke mme ikoot efen, esinede mme ɔnɔitem ke mme presidency.
18.11.1.
Anie owo Edi-nam Edisio-nim oro
Akama Itie-oku Melchizedek edi-nam edimek-nim. Ana enye ↄbↄ unyime oto adausuŋ emi akamade mme ukem ukpohode itie-oku oro. Ewut mbon emi ekedɔŋde ete enam mek-nim ke 30.8. Elder inaha nte edi uyo mme ada ke ekara kini emekde erenowo enim ke itie-utom emi oyomde enye edi akwa oku.
Ke idak ndausuŋ etie-ibuot adausuŋ, akama Itie-oku Melchizedek kiet mme ewakde ekeme edibuana ke edimek-nim kiet. Eyebem iso emek mme president enim mbemiso mme ɔnɔitem esie.
Nte ededi, etie-ibuot adausuŋ ekeme ediyak ebe-ndo mme ete emi akamade Itie-oku Melchizedek ada ke ekara ke edimek nwan mme ndito esie nim ekpedi ke enye idotke ikem edika temple (se 18.3).
18.11.2.
Mme Item
Kiet mme ediwak mme akama Itie-oku Melchizedek edori ubok mmo suŋ-suŋ ke ibuot owo oro. Ekem owo emi edide uyo:
-
Okot owo oro ke ofuri enyiŋ esie.
-
Etiŋ ete ke enye anam ke odudu-unen eke Itie-oku Melchizedek.
-
Emek owo oro enim ke ikoot eke stake, ward, eboho, mme class.
-
Ↄnↄ mme ukpohode edieke anade nte ↄbↄ mmo.
-
Ↄnↄ mme iko edidiɔŋ ke nte Spirit etemede.
-
Editre ke enyiŋ Jesus Christ.
18.12
Edidiɔŋ Aran
Mme andikama Itie-oku Melchizedek ana ediong aran olive mbemiso eda aran oro eduok owo udɔŋɔ mme mbon nkpo-nam (se James 5:14). Inaha nte ekama aran efen.
Inaha nte mbon ufɔk Abasi eda-dia ɔdɔdiɔŋ aran mme edidori ke mme nde unan ke idem.
18.12.1.
Anie owo Edi-nam Edinam
Kiet mme ediwak mme akama Itie-oku Melchizedek ekeme edidiɔŋ aran. Inaha nte mmo ebo unyime eto adausuŋ itie-oku.
18.12.2.
Mme Item
Man ediong aran, akama Itie-oku Melchizedek:
-
Eyemum iduo aran olive emi ekubore.
-
Okot Ete Heaven nte ↄbↄŋde akam.
-
Etiŋ ete ke enye anam ke odudu-unen eke Itie-oku Melchizedek.
-
Odiong aran oro (idihe iduo) onyuŋ emek aran enim ɔŋɔ ediduɔk nyuŋ ndiong mbon udɔŋɔ ye mbon nkpo-nam.
-
Editre ke enyiŋ Jesus Christ.
18.13
Edibɔŋ-akam nnɔ Mbon-udɔŋɔ
Edibɔŋ-akam nno mbon udɔŋɔ “ke edidori mme ubok” enyene ikpehe iba: ediduɔk-aran ye edisɔŋɔ ediduɔk-aran oro ye edidiɔŋ. Edieke aran emi ediongde miduhe, ekeme edino edidiɔŋ ke odudu-unen eke Itie-oku Melchizedek ke miduokke aran.
18.13.1.
Anie owo Edinɔ Edidiɔŋ oro
Mme akama Itie-oku Melchizedek kpot ekeme edibɔŋ-akam nnɔ mbon-udɔŋɔ mme mbon nkpo-nam. Inaha nte mmo ebo unyime eto adausuŋ itie-oku. Edieke odotde, ete emi akamade Itie-oku Melchizedek eyebɔŋ-akam ɔŋɔ mbon udɔŋɔ eke ufɔkemana esie.
Ntem, mme akama Itie-oku Melchizedek iba mme ewakde eyebong-akam eno mbon udɔŋɔ. Nte ededi, owo kiet ekeme edi-nam mbiba ke ediduɔk-aran ye edisɔŋɔ.
18.13.2.
Mme Item
Owo kiet eke akamade Itie-oku Melchizedek edi-nam ediduɔk aran. Enye:
-
Esin ntoi odo-diong aran kiet ke ibuot owo oro.
-
Odori ubok esie suŋ-suŋ ke ibuot onyuŋ okot owo oro ke ofuri enyiŋ esie.
-
Etiŋ ete ke enye anam ke odudu-unen eke Itie-oku Melchizedek.
-
Eting ete ke enye oduok aran oro ema ekediɔŋ enim eno ediduɔk ye edidiɔŋ mbon udɔŋɔ ye mbon nkpo-nam.
-
Editre ke enyiŋ Jesus Christ.
Man esongo ediduɔk aran oro, kiet mme ediwak mme akama Itie-oku Melchizedek edori ubok mmo suŋ-suŋ ke ibuot owo oro. Ekem enye emi edisɔŋɔde ediduɔk aran oro:
-
Okot owo oro ke ofuri enyiŋ esie.
-
Eting ete ke enye osongo ediduɔk aran oro ke odudu-unen eke Itie-oku Melchizedek.
-
Ↄnↄ mme iko edidiɔŋ ke nte Spirit etemede.
-
Editre ke enyiŋ Jesus Christ.
18.14
Edidiɔŋ eke Ndɔŋesit ye Item, Esinede mme Edidiɔŋ eke Ete
18.14.1.
Anie owo Edinɔ Edidiɔŋ oro
Mme akama Itie-oku Melchizedek ekeme edinɔ mme edidiɔŋ eke ndɔŋesit ye item nno mbon ufɔkemana ye mbon efen emi eyomde mmɔ.
Ete emi akamade itie-oku Melchizedek ekeme edino ndito esie mme edidiɔŋ eke ete. Mme ete ye eka eteme ndito mmo ete eyom mme edidiɔŋ eke ete ke mme ini unana. Ekeme ediwet mme edidiɔŋ eke ete enim eno edikama ke idem mmo.
Inaha nte akama Itie-oku Melchizedek oyom edibo unyime oto adaisuot itie-oku man ono edidiong eke ndongesi ye item mme edidiong eke ete.
18.14.2.
Mme Item
Man eno edidiɔŋ eke ndɔŋesit ye item mme edididong eke ete, kiet mme ediwak mme akama Itie-oku Melchizedek edori ubok mmo suŋ-suŋ ke ibuot owo oro. Ekem owo emi edide uyo:
-
Okot owo oro ke ofuri enyiŋ esie.
-
Etiŋ ete ke enam edidiɔŋ emi ke odudu-unen eke Itie-oku Melchizedek.
-
Ono mme iko edidiɔŋ, ndɔŋesit, ye item ke nte Spirit etemede.
-
Editre ke enyiŋ Jesus Christ.
18.15
Edidiɔŋ Ufɔkiduŋ
Mbon ufɔk Abasi ekeme edidiɔŋ ufɔkiduŋ mmɔ ke odudu-unen eke itie-oku Melchizedek.
18.15.2.
Mme Item
Man ediɔŋ ufɔkiduŋ, akama Itie-oku Melchizedek kiet:
-
Okot Ete Heaven nte ↄbↄŋde akam.
-
Etiŋ ete ke enye anam ke odudu-unen eke Itie-oku Melchizedek.
-
Odiɔŋ ufɔkiduŋ nte di nsasana ebiet emi Edisana Spirit ekemede ediduŋ onyuŋ ono mme iko efen ke nte Spirit etemede.
-
Editre ke enyiŋ Jesus Christ.
18.16
Edidiɔŋ Udi
18.16.1.
Anie owo Edi-diɔŋ Udi oro
Owo emi odiongde udi ana enyene Itie-oku Melchizedek onyuŋ ↄbↄ unyime oto adausuŋ itie-oku emi ekekamade-ndutum edinam oro.
18.16.2.
Mme Item
Man ediong udi, akama Itie-oku Melchizedek kiet:
-
Okot Ete Heaven nte ↄbↄŋde akam.
-
Etiŋ ete ke enye anam ke odudu-unen eke Itie-oku Melchizedek.
-
Odiong onyuŋ emek itie udi oro enim nte ebiet nduok-odudu ono ikpokidem eke owo-mkpa oro.
-
Ebeŋe ete yak ebiet oro asana onyuŋ ↄbↄ-ukpeme tutu Eriset-ke-mkpa (ke ebiet odotde)
-
Ebeŋe Ete Heaven yak ɔdɔŋ ufɔkemana oro esit onyuŋ ono edidiɔŋ ke nte Spirit etemede.
-
Editre ke enyiŋ Jesus Christ.
Edieke ekefɔpde ikpokidem eke owo ufɔk Abasi oro, etie-ibuot adausuŋ eyeda ifiɔk esie ebiere mme ekpediong ebiet emi ekenimde mme ntɔŋ-edifɔp oro.
18.17
Mme Edidiɔŋ eke Patriarch
Ofuri nti, mbon ufɔk Abasi emi ekenade baptism edot edibɔ edidiɔŋ eke patriarch, emi ɔnɔde eti-ifiɔk ndausuŋ otode Ete Heaven (se Genesis 48:14–16; 49; 2 Nephi 4:3–11).
Bishop mme ɔnɔitem emi edɔŋde oduŋɔre mbon ufɔk Abai emi eyomde edibɔ edidiɔŋ eke patriarch. Edieke owo ufɔk Abasi odotde, owo-anam nduŋↄre oro eyenam Ŋwed Edidiɔŋ eke Patriarch. Enye eyeno ŋwed oro ke Ŋkpo-utom Edidiɔŋ eke Patriarch ke ChurchofJesusChrist.org.
Owo emi ɔnɔde Ŋwed Edidiɔŋ eke Patriarch okut ete ke owo ufɔk Abasi okpon ekesim edidiɔŋɔ ufon ye ndaha nsasana edidiɔŋ oro.
18.17.1.
Edibɔ Edidiɔŋ eke Patriarch
Ke ama ↄkↄbↄ ŋwed oro, owo ufɔk Abasi edisobo ye patriarch man enim ini edibɔ edidiɔŋ eke patriarch. Ke usen emi ekenimde, owo ufɔk Abasi oro eyeka ebine patriarch ke ido akam ye ke ɔfɔŋ usen Ederi.
Edidiɔŋ eke patriarch kie-kiet edi nsasana, ndedibe, ye eke idem owo. Mmɔdo, eno enye ke ndibe ke mibɔhɔke eno esisit ibat mbon ufɔkemana emi ekpedude do.
Owo emi ↄbↄ edidiɔŋ eke patriarch ana ekpeme mme iko esie, ekere mmo, onyuŋ odu uwem man odot edibɔ mme edidiɔŋ emi ekenwongode ke uwem emi ye ke uwem nsinsi.
Mbon ufɔk Abasi inaha nte edomo mme edidiɔŋ inyuŋ inaha ebuana mmɔ ke mibɔhɔke ye ata mbon ufɔkemana. Inaha nte ekot mme edidiɔŋ eke Patriarch ke mme esop ufɔk Abasi mme ke mme mboho anwa-anwa efen.