አክቲቪቲዎች

የአጥቢያ አክቲቪቲዎች የአካባቢ ፍላጎቶችን መሰረት በማድረግ ከሚከተሉት በማንኛቸውም መንገዶች ሊታቀዱ ይችላሉ፦

• የአጥቢያው ምክር ቤት ዕቅዱን በበላይነት ሊመራው ይችላል።

• የአጥቢያ ምክር ቤቱ አንድ ወይም ከአንድ በላይ አክቲቪቲዎችን ለማቀድ የሚረዱ የተለዩ ድርጅቶችን ሊመድብ ይችላል።

• አስፈላጊ ሲሆን እና በቂ አባሎች ሲኖሩ የኤጲስ ቆጶስ አመራሩ የአጥቢያ አክቲቪቲዎች ኮሚቴ ሊያዋቅር ይችላል።

ስለወጣቶች አክቲቪቲዎች ዕቅድ መረጃ ለማግኘት፣ 10.2.1.3 እና 11.2.1.3ይመልከቱ።

አክቲቪቲዎችን የሚያቅዱ፣ ሁሉንም በተለይ አዳዲስ አባላትን፣ ንቁ ተሳታፊ ያልሆኑትን አባላት፣ ወጣቶችን፣ ያላገቡ ጎልማሶችን፣ አካል ጉዳተኞችን እና የሌሎችን ኃይማኖት ተከታዮችን ማካተት አለባቸው፡፡

አክቲቪቲዎች በመሪዎች እና በአባላት ላይ አላስፈላጊ ጫና መፍጠር የለባቸውም።

የቤተክርስቲያን አክቲቪቲዎች የሚያነሳሱ እና “ምግባረ መልካም፣ የሚያስደስ[ቱ] ወይም መልካም የሚነገርላቸው ወይም ምስጋና“ (የእምነት አንቀጾች 1፥13) በማምጣት ላይ የሚያተኩሩ መሆን አለባቸው። አክቲቪቲዎቸ የቤተክርስቲያን ትምህርቶችን የሚቃረኑ ነገሮችን ማካተት የለባቸውም።

ብዙዎቹ አክቲቪቲዎች ቀላል እንዲሁም አነስተኛ ወይም ምንም ወጪ የማይጠይቁ መሆን አለባቸው። ማናኛቸውም ወጪዎች በኤጲስ ቆጶስ ወይም ከካስማ አመራሩ መፈቀድ አለባቸው፡፡

አባላት በአክቲቪቲዎች ላይ ለመሳተፍ አብዛኛውን ጊዜ መክፈል አይኖርባቸውም። ለአክቲቪቲዎች ገንዘብ የመመደብ ፖሊሲዎች እና መመሪያዎች 20.6ይመልከቱ።

ለማንኛውም የንግድ ወይም የፖለቲካ ዓላማ አክቲቪቲዎች አይፈቀዱም ( 35.5.2ይመልከቱ)።

ሁሉም ውዝዋዜዎች፣ አለባበሶች፣ አጋጌጥ፣ የመብራት አጠቃቀም፣ የውዝዋዜ ስልቶች፣ የዘፈን ግጥሞች እና ሙዚቃዎች የጌታ መንፈስ ሊገኝ የሚችልበትን ሁኔታ ለመፍጠር የበኩላቸውን አስተዋፅኦ ማድረግ አለባቸው።

አባላት ሰኞ ወይም በሌላ ጊዜ የቤተሰብ አክቲቪቲዎችን እንዲያደርጉ ይበረታታሉ። ሰኞ ከምሽቱ 1 ሰዓት ጀምሮ ምንም ዓይነት የቤተክርስቲያን አክቲቪቲዎች፣ ስብሰባዎች ወይም የጥምቀት ስርዓቶች መከናወን የለባቸውም።

የወጣት ወንዶች እና የወጣት ሴቶች የተዋሃዱ ቡድኖች የቤተክርስቲያን የአዳር አክቲቪቲዎች በኤጲስ ቆጶሱ እና በካስማ ፕሬዚዳንቱ መፈቀድ አለባቸው። ያላገቡ ወንድ እና ሴት አባላት ለሚያደርጓቸው አክቲቪቲዎችም ተመሳሳይ ነው።

በቤተክርስቲያን የመሰብሰቢያ አዳራሾች ወይም በመሰብሰቢያ አዳራሾች ግቢ ውስጥ የአዳር አክቲቪቲዎችን ማድረግ አይፈቀድም።

እሁድ ዕለት ምንም የቤተክርስቲያን ካምፖችን፣ የስፖርት ዝግጅቶችን ወይም የመዝናኛ ዝግጅቶችን ለማድረግ መርሃግብር አይያዝም። እንዲሁም የወጣት ቡድኖች እና ሌሎች በእሁድ ወደ ካምፖች ወይም ወደ ወጣት ጉባኤዎች መጓዝ ወይም ከዚያ መመለስ የለባቸውም።

የቤተመቅደስ ጉብኝቶች በተመደበው የቤተመቅደስ አውራጃ ውስጥ በአጥቢያ ወይም በካስማ ደረጃ የተደራጁ ናቸው።

በ 20.6.2ሥር ለተጠቀሱት ሊሆኑ ከሚችሉ ልዩ ሁኔታዎች በስተቀር፣ የአጥቢያ ወይም የካስማ የበጀት ገንዘብ የአክቲቪቲዎችን ወጪ ለመሸፈን ጥቅም ላይ መዋል አለበት።

የአጥቢያው ወይም የካስማው በጀት ከዚህ በታች ለተዘረዘሩት አክቲቪቲዎች በቂ ገንዘብ ከሌለው፣ መሪዎች ተሳታፊዎች ክፍያውን በከፊል ወይም ሙሉ በሙሉ እንዲሸፍኑ ሊጠይቋቸው ይችላሉ፦

• አንድ ትልቅ ዓመታዊ የአሮናዊ ክህነት ካምፕ ወይም ተመሳሳይ አክቲቪቲ።

• አንድ ትልቅ ዓመታዊ የወጣት ሴቶች ካምፕወይም ተመሳሳይ አክቲቪቲ።

• ዕድሜያቸው ከ8 እስከ 11 ለሆኑ የመጀመሪየያ ክፍል ልጆች አንድ ዓመታዊ የቀን ካምፕ ወይም ተመሳሳይ አክቲቪቲ።

ለዓመታዊ ካምፕ ወይም ለጉዞዎች የሚደረጉ ወጪዎች ከመጠን በላይ መሆን የለባቸውም። የግለሰብ የገንዘብ እጥረት ማንኛውንም አባል ከመሳተፍ ሊያግደው አይገባም።

ወጣቶች በለወጣቶች ጥንካሬ (ኤፍኤስዋይ) ጉባኤዎች ላይ ለመሳተፍ ገንዘብ እንዲያዋጡ ሊጠየቁ ይችላሉ። ወጪው አንድን ወጣት ከመሳተፍ የሚያግደው ከሆነ፣ ኤጲስ ቆጶሱ ክፍያውን በሙሉ ወይም በከፊል ለመሸፈን የአጥቢያ በጀት ገንዘብን ሊጠቀም ይችላል 20.6.5 FSY.ChurchofJesusChrist.orgይመልከቱ

ለካስማ እና ለአጥቢያ አክቲቪቲዎች የሚደረጉ ወጪዎች ብዙውን ጊዜ የሚሸፈኑት በበጀት ገንዘብ ነው። ሆኖም አንድ የካስማ ፕሬዚዳንት ወይም ኤጲስ ቆጶስ በእያንዳንዱ ዓመት ለሚከተሉት አአላማዎች ብቻ የሚውል አንድ የገንዘብ ማሰባሰቢያ ዝግጅት እንዲደረግ ሊፈቅድ ይችላል።

• በ 20.6.2ሥር ለተዘረዘሩት አክቲቪቲዎች ክፍያ በመሸፈን ድጋፍ ለማድረግ።

• ክፍሉ ለዓመታዊ ካምፖች የሚያስፈልገውን መሳሪያ በመግዛት ለመርዳት።

ወጣቶች ወይም ልጆች በሚካፈሉባቸው በሁሉም የቤተክርስቲያን አክቲቪቲዎች ቢያንስ ሁለት አዋቂዎች መገኘት አለባቸው። እንደ ቡድኑ የትልቀነት መጠን፣ ለአክቲቪቲው የሚያስፈልጉ የክህሎት ዓይነቶች ወይም ሌሎች ነገሮች ተጨማሪ ጎልማሶች ያስፈልጉ ይሆናል። ወላጆች እንዲረዱ ተጋብዘዋል።

ከልጆች እና ከወጣቶች የሚሰሩ ሁሉ የልጆች እና የወጣቶች ጥበቃ ስልጠናን ማጠናቀቅ አለባቸው። 20.7.2 ProtectingChildren.ChurchofJesusChrist.orgይመልከቱ

ወጣቶች 12 ዓመት በሚሞላቸው ዓመት ውስጥ ካለው ጥር ጀምሮ በወላጆች ፈቃድ በአዳር ካምፕ መሳተፍ ይችላሉ። 14 ዓመት በሚሞላቸው ዓመት ውስጥ ካለው ጥር ጀምሮ በውዝዋዜዎች፣ በወጣቶች ጉባኤዎች፣ እና በኤፍኤስዋይ ጉባኤዎች መሳተፍ ይችላሉ።

ልጆች እና ወጣቶች ያለወላጆቻቸው ወይም ያለአሳዳጊዎቻቸው ፈቃድ በቤተክርስቲያኗ አክቲቪቲዎች ላይ መሳተፍ አይችሉም። የአዳር ቆይታን፣ ረጅም ጉዞን ወይም ከተለመዱት የበለጡ ስጋቶችን ለሚያካትቱ የቤተክርስቲያኗ አክቲቪቲዎች የፅሁፍ ፍቃድ አስፈላጊ ነው።

ወላጆች ወይም አሳዳጊዎች የPermission and Medical Release form [ፈቃድ እና የህክምና ፈቃድ ቅፅን]በመፈረም ይህንን ፈቃዳቸውን ይሰጣሉ።

በቤተክርስቲያን አክቲቪቲ ወቅት የሚደርስ ማንኛውም ጥቃት ለህግ አካላት ሪፖርት መደረግ አለበት። በአፋጣኝ ኤጲስ ቆጶሱን ማነጋገር ያስፈልጋል። የአባላት መመሪያዎች በ38.6.2.7 ውስጥ ይገኛሉ። የኤጲስ ቆጶሳት መመሪያዎች በ38.6.2.1 ውስጥ ይገኛሉ።

በቤተክርስቲያኗ አክቲቪቲዎች የሚደረግ ጉዞ በኤጲስ ቆጶሱ ወይም በካስማ ፕሬዚዳንቱ መፈቀድ አለበት። ይህ ጉዞ በአባላት ላይ አስፈላጊ ያልሆነ ጫና መፍጠር የለበትም። ለአክቲቪቲዎች ሲባል ረዥም ርቀት መጓዝ አይበረታታም።

የቤተክርስቲያን ቡድኖች ረዥም ርቀት የሚጓዙ ከሆነ የሚቻል ሲሆን የንግድ መጓጓዣን መጠቀም አለባቸው። ፈቃድ የተሰጠውና በሌሎች ይዞታ ውስጥ በመሆን ለሚደርስ አደጋ የዋስትና ሽፋን ያለው ሊሆን ይገባል።

የቤተክርስቲያን ቡድኖች በግል ተሽከርካሪዎች ከተጓዙ እያንዳንዱ ተሽከርካሪ ደህንነቱ በተጠበቀ የአሰራር ሁኔታ ውስጥ መሆን አለበት። እያንዳንዱ ግለሰብ የመቀመጫ ቀበቶ ማሰር አለበት። እያንዳንዱ ሾፌር መንጃ ፈቃድ ያለው፣ ኃላፊነት የሚሰማው ጎልማሳ መሆን አለበት።