Edibuana Ikɔ Abasi nyuŋ Nsɔŋɔ Mbufa owo ye Mbon Ufɔk Abasi emi Efiakde-edi Idem

Usuŋ kiet emi nnyin iwutde ima nnyin inɔ Abasi edi ke ndima nyuŋ nwam nditɔ Esie (se Matthew 22:36–39; 25:40). Nnyin idomo edima nyuŋ ŋwam ke nte Jesus Christ akanamde. Ima emi anam nnyin inwam mme owo ke ofuri mme edu-ukpono, uduot, ye ido-uwem (se Acts 10:34; 2 Nephi 26:33).

Koro nnyin imima Abasi ye nditɔ Esie, nnyin inehede iyom edibuana mme edidiɔŋ emi Enye ɔkɔnɔde nnyin (se John 13:34–35) inyuŋ inwam editaŋ Israel mbok. Nnyin iyom ndinwam mme owo man ekop idara emi nnyin ikopde (se Alma 36:24). Nnyin itiŋ anwa-anwa ibaŋa Andinyaŋa ye odudu Esie ke uwem nnyin (se Doctrine ye Covenants 60:2). Nnyin ibuana emme ŋkpɔ emi ke eti ye mmem-mmem usuŋ nte ubak eke idem owo, ŋkpɔ-ofim, ye ke mme ndaha ebuana efen.

Nnyin ibɔŋ-akam iyom ifiɔk-Abasi ye ndausuŋ ke nte ikpikotde mbon efen man:

• Edi enyuŋ edikut mme edidiɔŋ emi odude oto Jesus Christ, ikɔ Abasi Esie, ye ke Ufɔk Abasi Esie.(se John 1:37–39, 45–46).

• Edi enyuŋ enwam nnyin ndinwam mbon emi edude ke unana.

• Edi enyuŋ edidu ke mfiak-men-ndi Ufɔk Abasi Jesus Christ.

Ediwak ini, edikot enehede oworo edi-sin ufɔkemana, mme ufan, ye mbɔhɔiduŋ nnyin ke ŋkpɔ eke nnyin inamde idahaemi.

Stake president akama ukpɔhɔde ke stake ke edibuana ikɔ Abasi nyuŋ nsɔŋɔ mbufa owo ye mbon Ufɔk Abasi emi efiakde-edi. Enye ye mme ɔnɔitem esie enɔ ofuri ndausuŋ ke mme utom emi.

Ewakde edi-nam ke ofuri ɔfiɔŋ, stake president eyesobo ye mission president man ese mme utom ke ufot mme adausuŋ ke stake ye ward ye mme full-time missionary.

Stake presidency ekeme edidɔŋ mme high councilor ete eteme enyuŋ enwam mme presidency eke eboho elders ye adausuŋ ke ward mission. Ekeme edidong kiet mme ediwak high councilor ete eda usuŋ ke mme utom emi. Nte ededi, ofuri mme high councilor enyene mme ubiɔŋ-utom emi ke mme ward ye eboho emi enode mmɔ ubiɔŋ.

Ke idak ndausuŋ eke stake president, stake Relief Society presidency eteme enyuŋ enwam mme ward Relief Society presidency ke ubiɔŋ-utom mmɔ eke edibuana ikɔ Abasi nyuŋ nsɔŋɔ mbufa owo ye mbon Ufɔk Abasi emi efiakde-edi idem.

Bishopric enam utom ye mme presidency eke eboho elders ye Relief Society ke nte mmɔ edae usuŋ ke utom ward ke edibuana ikɔ Abasi nyuŋ nsɔŋɔ mbufa owo ye mbon Ufɔk Abasi emi efiakde-edi. Mme adausuŋ emi esineme ɔtɔkiet kini-kini.

Bishopric ekut ete ke eneme enyuŋ enam mme utom emi ke esop ward ye esop iwaad ke ward.

Bishop eyeduŋɔre mbufa mbon ufɔk Abasi eke edikem isua mmɔ ɔnɔ recommend temple man ekanam mme baptism ye ndori-ubɔk ke ibuot mbon efen (se 26.4.2). Enye nko oduŋɔre nditɔ-ete eke edikem isua mmɔ man ebɔ Itie-oku Aaron. Enye esinehede anam mme nduŋɔre emi ke esit-ini udua emi owo oro ɔbɔde ndori-ubɔk.

Mme presidency eke eboho elders ye Relief Society eda usuŋ ke utom usen-ke-usen eke ward man ebuana ikɔ Abasi enyuŋ esɔŋɔ mbufa owo ye mbon Ufɔk Abasi emi efiakde-edi idem (se 8.2.3 ye 9.2.3).

Mme adausuŋ emi enyene mme ubiɔŋ-utom emi:

• Enwam editeme mbon ufɔk Abasi ete ema nditɔ Abasi, ebuana ikɔ Abasi, enyuŋ ekot mbon efen man edibɔ mme edididɔŋ eke Andinyaŋa.

• Edɔŋ mme ɔnɔ-unwam nditɔ-eka irenowo ye iban enɔ mbufa owo ye mbon ufɔk Abasi emi efiakde-edi 21.2.1

• Eda usung ke utom eke adausuŋ ke ward mission.

Mme president eke eboho elders ye Relief Society kiet-kiet enɔ owo presidency ubiɔŋ man anwam adausuŋ ke utom emi. Mbon presidency iba emi enam utom ɔtɔkiet. Mmɔ eduk mme esop edise-utom ke ofuri udua (se 23.5.7).

Bishopric eyesobo ye stake president man ebiere mme eyekot adasuŋ ke ward mission. Owo emi ana edi andikama Itie-oku Melchizedek. Edieke mikotke adausuŋ emi, owo presidency eke eboho elders eyenam utom emi.

Adausuŋ ward mission esinwam mme presidency eke eboho elders ye Relief Society ke mme ibiɔŋ-utom ukwɔrɔ-ikɔ mmɔ. Enye nko enyene mme ubiɔŋ-utom emi:

• Edise utom eke mbon ward ye mme adausuŋ ke ward, mme ward missionary, ye mme full-time missionary.

• Adausuŋ ke esop edise-utom ke ofuri udua (se 23.5.7).

Mme ward missionary enwam mbon ufɔk Abasi ke ward ekop idara eke edibuana ikɔ Abasi nte emende-ewut ke 23.1. Mmo enam-utom ke idak ndausuŋ eke adausuŋ ward mission mme eke owo presidency eke eboho elders emi anamde utom emi.

Ana eneme edibuana ikɔ Abasi nyuŋ nsɔŋɔ mbufa owo ye mbon Ufɔk Abasi emi Efiakde-edi idem kini-kini ke mme mbono esop eke ward. Bishop ekeme ndikot adausuŋ ke ward mission man oduk mme mbono esop eke ward.

Mme ŋwed ntem ekeme edinwam ke mme nneme emi:

• Ŋwed Nkaiso Ukwɔrɔ-ikɔ Abasi.

• Nkaiso eke Mbufa ye Mbon Ufɔk Abasi Efiakde-edi.

Ke enemede mme unana eke iwaad emi edude ke ward, mbono iwaad eke ward enɔ akpan ntinŋ-enyin kabaŋa mbufa ye mbon ufɔk Abasi emi efiakde-edi ye mme iwaad emi mme missionary ekpede iko Abasi.

Ofuri udua, esinim mme esisit esop man ese utom edibuana ikɔ Abasi nyuŋ nsɔŋɔ mbufa owo ye mbon Ufɔk Abasi emi efiakde-edi idem. Edieke ekotde adausuŋ eke ward mission, enye akama-ndutum eke mme esop emi. Midihe ntre, owo presidency eke eboho elders emi anamde utom emi akama-ndutum.

Mbon efen se edikotde esine:

• Mbon presidency eke Relief Society ye eboho elders eke enɔde ubiɔŋ emi.

• Mme ɔkwɔrɔ-ikɔ eke ward.

• Andinwam ke eboho mme priest (mme president eke eboho mme teacher mme eboho mme deacon ekedude ke ward).

• Owo presidency eke mkpon-nkan class eke Nkaiferi Iban.

• Mme full-time missionary.