Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata

Men Ko Kobban
Taitōļ Peij eo
Tukadu in Oktak ko Rekāāl
0. Kadkadin ilo Tukaduin
Pedped in Katak eo
- 1. Karōk eo an Anij im Jerbal eo Am̧ ilo Jerbal in Lo̧mo̧o̧r eo An im Mour Ijo Eutiej Tataata
- 2. Jipan̄ Kajjojo Armej im Baam̧le ko ilo Jerbal in Lo̧mo̧o̧r eo an Anij im Mour Ijo Eutiej Tata
- 2. Pedped in Katak ko an Priesthood
- 4. Ritōl im Ko̧o̧njeļ ko ilo Kabun̄ eo an Jisōs Kraist
Doulul an Kabun̄ in
- 5. Ritōl Utiej im Eria
- 5. Ritōl ro ilo Stake eo
- 7. Bisoprik ro
- Doulul eo an Elder ro
- 9. Doulul eo an Kōrā ro
- Doulul ko an Priesthood eo an Aron
- 11. Doulul eo an Jiron̄ ro
- 12. Būraimere
- 13. Jabōt Jikuuļ
  - 13.1. Jibadbad
  - 13.2. Ritōl ro an Jabōt Jikuuļ ilo Ward
  - 13.3. Kūlaaj ko ilo Jabōt Jikuul
  - 13.4. Kōkōm̧anm̧anļo̧k Ekkatak im Katakin ilo Ward
  - 13.5. Kōkōm̧anm̧anļo̧k Wāween Katakin im Ekkatak ilo M̧ōko
  - 13.6. Ritōl ro an Jabōt Jikuuļ ilo Stake
  - 13.7. Laajrak in Tōl ko Jet
- 14. Membōr ro Ejjeļo̧k Pāleer
- 2 Jemenere ko im Institute ko an Kabun̄ in
Jerbal in Lo̧mo̧o̧r eo an Anij im Mour Ijo Eutiej Tata
- Mour kōn Gospel eo an Jisōs Kraist
  - 16. Mour kōn Gospel eo an Jisōs Kraist
  - 17. Katakin kōn Gospel eo
  - 18. Kōm̧m̧ani Kain̄i ko im Kōjeraam̧m̧an ko an Priesthood
  - 19. Al ko
  - 20. M̧akūtkūt ko
- Kea kōn Ro Riaikuj
  - 21. Jerbal in karejar
  - 22. Leļo̧k Menin Jipan̄ ko an Kanniōk im Kalōk Un̄n̄are Peid Make
- Karuwaineneik Aolep n̄an Bōk Gospel eo
  - 23. Kwaļo̧k gospel eo im Kōkajoorļo̧k Membōr ro Rekāāl im ro Rej Ro̧o̧ltok.
  - 24. Elmakot ko n̄an Mijenede im Jerbal in Jipan̄
- Kobaik Baam̧le ko n̄an Indeeo
  - 25. Tampeļ im Jerbal in Menmenbwij an Baam̧le ilo Ward im Stake eo
  - 26. Peba in Mālim ko N̄an Deļo̧n̄e Tampeļ
  - 27. Kain̄i ko an Tampeļ n̄an eo Emour
  - 28. Kain̄i ko an Tampeļ n̄an eo Emej
Opiij eo an Kabun̄ in
- 29. Kweilo̧k ko ilo Kabun̄ in
- 30. Kūr ko ilo Kabun̄ in
- 31. Intōrpiu ko im Kweilo̧k ko Jet ippān Membōr ro
- 32. Ukweļo̧k im Ko̧o̧njel in Kajim̧we an ro Uwaan Kabun̄ in
- 33. Rekoot ko im Riboot ko
- 34. Jāān ko im Bōnbōn in Etale Jāān ko
- 35. Kea im Kōjerbal Im̧ōnjar ko
- 9. Ejaake, Ukōte, im Leļo̧k Etan Iunit ko Rekāāl
- 37. Stake ko, Ward ko, im Branch ko Rein Juon
- 38. Kakien ko im Unin Tōl ko an Kabun̄ in

13. Jabōt Jikuuļ

“13. Jabōt Jikuuļ,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2020).

“13. Jabōt Jikuuļ,” Bok in Bōk Meļeļe Eļap.

Pija

jemenere kūlaaj

13.

Jabōt Jikuuļ

13.1

Un eo

Jabōt Jikuuļ ej jipan̄ kōtōprak jerbal in lo̧mo̧o̧r eo an Anij im mour ijo eutiej tata. Ej kōm̧m̧an menin ilo an jipan̄ ajri ro nejin Anj ekkatak im mour kōn gospel eo an Jisōs Kraist. Ritōl ro an Jabōt Jikuuļ, rūkaki ro, im kūlaaj ko:

Kōkajoorļo̧k tōmak ilo Jemedwōj Ilan̄ im Jisōs Kraist ilo aer katakin kōn “katak ko an aelōn̄ in kiin̄ eo” (Katak im Bujen Ko 88:77).
Rie m̧ōko im kabun̄ in ej rie ekkatak im katakin kōn gospel eo.
Jipan̄ membōr ro katakin ilo wāween eo an Rilo̧mo̧o̧r.

13.2

Ritōl ro an Jabōt Jikuuļ ilo Ward

13.2.1

Bisorpik eo

Bisoprik eo ej eddoiki Jabōt Jikuuļ eo. Ekkā an bisop eo jitōn̄ juon iaan rikakpilōklōk ro n̄an kakūrm̧ool eddo in ium̧win tōl eo an.

Rikakpilōklōk eo me em̧ōj jitōn̄e ej kweilo̧k ippān būeejtōn eo an Jabōt Jikuuļ aolep iien. Rej kapilōk kōn aikuj ko an Jabōt Jikuuļ, wāween an kōttōprak kōttōpar ko, im eddo ko kar kōllaajraki ilo 13.2.2.2.

13.2.2

Būreejtōn eo an Jabōt Jikuuļ

13.2.2.1

Kūr juon Būeejtōn an Jabōt Jikuuļ

Bisop eo ej kūr im kōjeno̧lo̧k juon rikabwijer an Melkisedek Priesthood n̄an erom̧ juon būeejtōn an Jabōt Jikuuļ. Rej ekkōnono kake eļan̄n̄e rikakpilōklōk ro rej aikuj kūr er. Eļan̄n̄e rikakpilōklōk ro rej menin aikuj, innem ebwe em̧m̧aan n̄an jerbal ilo jerbal kein, būeejtōn eo an Jabōt Jikuuļ emaron̄ leļo̧k etan juon ak ruo rikakpilōklōk. Eļan̄n̄e bisoprik eo ej kōmālimi, juon membōr in bisoprik eo ej kūr er.

Juon uwaan bisoprik eo ej kwaļo̧k ro uwaan būreejtōnji eo an Jabōt Jikuuļ ilo kweilo̧k in kwojkwoj eo n̄an rejtak jān ro uwaan ward eo. Juon membōr in bisoprik ej barāinwōt kōjenoļo̧k er.

Ilo juon ward ekilep, bisoprik eo emaron̄ kūr im kōjenoļo̧k juon em̧m̧aan n̄an erom̧ rijeje an Jabōt Jikuuļ. Būeejtōn eo an Jabōt Jikuuļ eo emaron̄ leļo̧k etan armej eo n̄an kūri. Rijeje eo emaron̄ jipan̄ būreejtōnji eo ļo̧oki ijjitōn̄ ko ak ro rej pād eļan̄n̄e kōņaan.

13.2.2.2

Eddo ko

Būreejtōn eo an Jabōt Jikuuļ ewōr ippān eddo kein rej elaajrak: Eļan̄n̄e ewōr an rikakpilōklōk ro, rej jipan̄ e.

Jerbal ilo ward ko̧o̧njeļ eo. E ej jerbal āinwōt (1) juon membōr in ko̧o̧njeļ eo me ej jipan̄ ņa mejļan aikuj ko ilo ward im kappukot uwaak ko im (2) juon eo ej jutak ilo etan Jabōt Jikuuļ (lale 29.2.5).
Ej lale kijejeto ko n̄an kōkm̧anm̧anļo̧k wāween katakin im ekkatak kōn gospel eo ilo m̧ōko im ilo m̧ōnjar eo.
Karōke kūlaaj ko an Jabōt Jikuuļ, kōn mālim eo an bisoprik (lale 13.3). Leļo̧k etan membōr ro rerūtto n̄an bisoprik ro n̄an jerbal āinwōt rūkaki ro an Jabōt Jikuuļ.
Rie, kōketak, im katakin rūkaki ro an Jabōt Jikuuļ. Jipan̄ er erom̧ rūkaki ro rewājepdik ilo katakin kōn gospel eo ilo aer ļoor pedped in katak ko ilo jeje ko rekwojarjar im Teaching in the Savior’s Way. Kapilōk er n̄an ekkatak Teaching in the Savior’s Way.
Tōl kweilo̧k ko an Ko̧o̧njeļ eo an rūkaki ro āinwōt an tōl jān bisop eo (lale Teaching in the Savior’s Way, 3).
Kōketak rūkaki ro n̄an tōpar membōr ro me rejjab pād ilo kūlaaj ko.
Jerbal ippān rūkaki ro jeki etan ro rej pād. Reboote attendance eo kajjojo kota n̄an clerk eo an ward eo ak ilo LCR ak ilo Member Tools. Juon rūjeje, eļan̄n̄e kar kūr, maron̄ jipan̄ kōn eddo in.

13.2.3

Rūkaki ro an Jabōt Jikuuļ

Būeejtōn eo an Jabōt Jikuuļ emaron̄ leļo̧k etan membōr ro n̄an jerbal āinwōt rūkaki ro an Jabōt Jikuuļ. N̄e bisoprik eo ej kōmālimi, juon membōr in bisoprik eo ej kūr er, kwaļo̧k etaer ilo kweilo̧k in kwojkwoj eo n̄an rejetak jān ward membōr ro, im kōjenolo̧k er.

Rūkaki ro an Jabōt Jikuuļ rej aikuj jeļā kajjien membōr in kūlaaj eo aer, ekoba ro me rejjab pād ilo kūlaaj ko. Rūkaki ro rej rie membōr ro ilo kijejeto ko aer n̄an ekkatak im mour kōn gospel eo an Jisōs Kraist.

N̄an kōppopo n̄an katakin, rūkaki ro an Jabōt Jikuuļ rej kōjerbal jeje ko rekwojarjar, Itok, Ļoor Eō—N̄an Kajjojo Armej im Baam̧le ko, im Itok, Ļoor Eō—N̄an Jabōt Jikuuļ. Rej ļoor pedped in katak ko ilo Teaching in the Savior’s Way im jebta 17 ilo bok in bōk meļeļe in.

Rūkaki ro an Jabōt Jikuuļ rej pād ilo kweilo̧k ko an ko̧o̧njeļ eo an rūkaki ilo aolep kuwōta (lale 17.4).

13.3

Kūlaaj ko an Jabōt Jikuuļ

Jabōt Jikuuļ kūlaaj ko rej kōm̧m̧an ilo Jabōt juon im jilu ilo kajjojo allōn̄. 50 wōt minut in kūlaaj ko. Kūlaaj ko rej ijjino im kōjjem̧ļo̧k kōn juon jar.

Kōn mālim eo an bisoprik, būeejtōn eo an Jabōt Jikuuļ ej karōke kūlaaj ko n̄an rūtto im jodikdik ro. Eļan̄n̄e ewōr an rikakpilōklōk, rej jipan̄ e.

Oran kūlaaj ko rej pedped wōt ioon (1) jete membōr rej pād ilo ward eo im (2) oran im jon̄an kilep in ruum̧ ko me repojak. Ekkā, kūlaaj ko eiiet kobban rej kapidodoikļo̧k n̄an elōn̄ armej bwe ren bōk koņaer im ekkatak. Ward ko̧o̧njeļ eo emaron̄ jipan̄ būeejtōn eo an Jabōt Jikuuļ kālet jet kūlaaj ko an Jabōt Jikuuļ n̄an karōki ak ejaaki.

Likao ro im jiron̄ ro rej ijjino pād ilo kūlaaj in Jabōt Jikuul an jodikdik ro ilo jinoin iiō eo me enej 12 aer iiō ie. Rej jino pād ilo kūlaaj eo an rūtto n̄e ej 18 aer iiō.

Būreejtōn eo an Jabōt Jikuuļ ej karōk ak ejaak elōn̄ kūlaaj ko an jodikdik ro n̄e remenin aikuj. Jodikdik ro rej aikuj jitōn̄ er n̄an kūlaaj ko ekkar n̄an iiō ko aer. Eļan̄n̄e jejjo wōt jodikdik ilo kurup in iiō eo aer, remaron̄ koba ippān doon ilo juon kūlaaj eo me jon̄an wōt juon ilo iiō ko aer. Rej pād wōt ilo ejja kūlaaj eo wōt m̧ae Jānwōde iiō eo tok juon.

Diktata ruo rūtto me rej lōke er rej aikuj pād ilo kajjojo kweilo̧k in kūlaaj eo im m̧akūtkūt eo. Rūtto rein ruo remaron̄ in ruo em̧m̧aan, ruo kōrā, ak juon ripālele ro me em̧ōj aer m̧are. N̄an tōpar menin aikuj in, kūlaaj ko remaron̄ koba.

Aolep rūtto ro rej jerbal ippān jodikdik ro rej aikuj kadedeikļo̧k kaminene eo n̄an kōjparok ajri ro im jodikdik ro ilowaan juon allōn̄ jān iien eo kar rejtake er (ProtectingChildren.ChurchofJesusChrist.org). Rej āliji kaminene eo ļo̧kin jilu iiō tokālik.

Pija

Kūlaaj in Jabōt Jikuuļ an jodikdik ro

13.3.1

Branch ko reddik

Ilo juon branch jidikdik, būreejtōn eo an Jabōt Jikuuļ emaron̄ juon wōt ritōl im rūkaki an Jabōt Jikuuļ. E ej katakin juon kūlaaj an Jabōt Jikuuļ n̄an aolep jodikdik im rūtto ro ilo branch eo.

13.3.2

Kūlaaj ko an Jabōt Jikuuļ n̄an Kurup ko Kajjojo

Āinwōt an menin aikuj, būreejtōn eo an Jabōt Jikuuļ emaron̄ karōke im ejaake kūlaaj ko n̄an kurup ko kajjojo. Laajrak in kein katak ko n̄an kūlaaj kein ej Itok, Ļoor Eō—N̄an Jabōt Jikuuļ.

Kurup ko me rej bōk jeraam̧m̧an jān kūlaaj in jabōt jikuuļ ko aer make ekoba:

Rūm̧m̧an ded ro ejjeļo̧k pāleer.
Membōr ro me rejjab kōnono ilo kajin eo an laļ eo.
Membōr ro rekāāl, membōr ro rej kab bar ro̧o̧ltok, im ro me rej ekkatak kōn Kabun̄ in.
Kurup ko jet, āinwōt kar kalikkar jān bisop eo.

13.4

Kōkōm̧anm̧anļo̧k Ekkatak im Katakin ilo Ward eo

Ritōl ro an ward eo rej eddoik n̄an kōkm̧anm̧anļo̧k ekkatak im katakin ilo doulul ko aer make. Menin ekoba kajineet rūkaki ro rekāāl me ej kab m̧ōj kūr er (lale Teaching in the Savior’s Way,, 38). Remaron̄ kajjitōk ippān būreejtōn eo an Jabōt Jikuuļ n̄an jipan̄ n̄e emenin aikuj.

Kweilo̧k ko an Ko̧o̧njeļ eo an Rūkaki rej kōm̧m̧an aolep kuwōta ium̧win 50 minit in kūlaaj ilo Jabōt (lale 17.4). Jibadbad eo aer ej n̄an jipan̄ kōkm̧anm̧anļo̧k wāween ekkatak im katakin. Teaching in the Savior’s Way ej kein jipan̄ eo m̧oktata n̄an kweilo̧k kein.

Ward ko̧o̧njeļ eo ej eddoiki im jikejuuļi kweilo̧k ko an ko̧o̧njeļ eo an rūkaki ro. Būeejtōn eo an Jabōt Jikuuļ ekkā an tōl kweilo̧k ko. Ijoke, bisoprik ro remaron̄ kajjitōk ippān bar juon membōr n̄an tōl er.

N̄an meļeļe ko reļļapļo̧k, lale Teaching in the Savior’s Way,, 3, ak teaching.ChurchofJesusChrist.org.

13.5

Kōkm̧anm̧anļo̧k Wāween Katakin im Ekkatak ilo M̧ōko

Jinen im jemān ajri ro rej eddoik wāween ekkatak im katakin kōn gospel eo n̄an ajri ro nejier. Remaron̄ kajjitōk ippān būreejtōn eo an Jabōt Jikuuļ n̄an jipan̄ er kōkm̧anm̧aniļo̧k āinwōt rūkaki ro.

Ward ko̧o̧njeļ eo emaron̄ karōk kweilo̧k ko an ko̧o̧njeļ eo an rūkaki n̄an pāāren ro n̄an jipan̄ er kōkōm̧anm̧anļo̧k wāween katakin kōn gospel eo ilo m̧weo. Āinwōt kweilo̧k ko jet an ko̧o̧njeļ eo an rūkaki, rej kōm̧m̧an ilo iien kūlaaj eo ilo Jabōt 50 minit. Teaching in the Savior’s Way ej kein jipan̄ eo m̧oktata n̄an kweilo̧k kein.

Pija

Kūlaaj in Jabōt Jikuuļ an rūtto

13.6

Ritōl ro an Stake ilo Jabōt Jikuuļ

Stake būreejtōn eo ej jitōn̄ juon iaan rikakpilōklōk ro an n̄an eddoik Jabōt Jikuuļ eo ilo stake. Ej barāinwōt kūr im kōjenolo̧k juon riko̧o̧njeļ eutiej n̄an erom̧ juon būreejtōn an Jabōt Jikuuļ.

Eddo ko an būreejtōn eo an Jabōt Jikuuļ ilo stake eo rej elaajrak ilo 6.7.1 im 6.7.3. Eļan̄n̄e rikakpilōklōk ro kar kūr er, rej jipan̄ e.

13.7

Unin Tōl ko Jet

13.7.1

Membōr ro ewōr Utam̧we ko ilo Ānbwinnier

Rūkaki ro an Jabōt Jikuuļ rej leļo̧k eļap kea n̄an ro uwaan kūlaaj eo me ewōr wōtam̧we ilo ānbwinnier. N̄an meļeļe ko kōn katakin membōr ro ewōr utam̧we in ānbwin ippāer, lale disability.ChurchofJesusChrist.org; bar lale 38.8.27 ilo bok in bōk meļeļe in.

13.7.2

Jikin Bōk Kein Jipan̄

Kajjojo im̧ōn kweilo̧k ej aikuj wōr juon an ļaibrāre me jentōr in kein jipan̄ ko n̄an jipan̄ membōr ro ekkatak im katakin kōn gospel eo. Būreejtōnji eo an Jabōt Jikuuļ ilo ward eo ej lale jikin resoure center eo. Ward ko me rej jeere juon wōt im̧ōn jar rej barāinwōt jeere jikin bōk kein jipan̄ ko. Kūlaaj ko an jemenere im institute im FamilySearch center ko rej jimor kōjerbale resource center eo ippān ward ko.

Ilo im̧ōn jar ko me ewōr juon resource center ie, bisoprik eo ej kūr juon specialist n̄an resource center eo. Būeejtōn eo an Jabōt Jikuuļ emaron̄ leļo̧k etan juon armej n̄an kūri. Ak bisoprik eo emaron̄ kajjitōk ippān juon membōr in būreejtōnji eo an Jabōt Jikuuļ n̄an erom̧ specialist. Armej in:

Karōke im kea kōn kein jipan̄ kein.
Jipan̄ ritōl ro, rūkaki ro, im membōr ro jet me rej bōk im kōjerbal kein jipan̄ kein.

Būreejtōn eo an Jabōt Jikuuļ ej kapilōk ippān specialist eo an resource center eo n̄an kāālet eļan̄n̄e juon bajōt n̄an juon iiō emenin aikuj n̄an resource center eo. Innem rej leļo̧k ļōmņak n̄an bisoprik eo.

Specialist eo an resource center eo rej aikuj pād ilo iien kweilo̧k ko kajjojo wiik im kweilo̧k ko jet an Jabōt Jikuuļ aolep iien. N̄e ekkar, bisoprik eo ej kūr juon rijipan̄ specialist eo.

N̄an meļeļe reļļapļo̧k, lale “Resource Centers” ilo ChurchofJesusChrist.org.