Jemenere im Institute ko an Kabun̄ in

Rūkaki ro an Jemener rej aikuj membōr in Kabun̄ in ro ewōr aer tōmak ilo Irooj Jisōs Kraist im ewōr aer naan in kam̧ool kōn gospel eo An em̧ōj an jepļaaktok. Rej aikuj mour kōn pedped in katak ko rej katakin im em̧m̧an aer jerbal ippān jodikdik ro. N̄e emaron̄, ej aikuj wōr juon an rūkaki ro peba in mālim an tampeļ.

Juon membōr in stake būreejtōnji eo ej ko̧o̧njeļ ippān bisop eo, stake supervisor eo, im eo ej represent e J&I kōn rūkaki ro rekkar n̄an rūkaki n̄an jemenere. Juon membōr in stake būreejtōnji ak juon high ko̧onjeļ ej kūr, kōjeņoļo̧k, im kōtļo̧k rūkaki ro an jemenene ilo stake im stake supervisor ro. Ālkin an armej ro bōk kūr in im m̧ōj kōjeno̧lo̧k e, J&I eo ej lale ej leļo̧k kamminene im jipan̄ n̄an rūkaki eo.

N̄an kōjparok rūkaki im rijikuuļ ro, ruo rūtto rej aikuj pād ilo em̧ eo ak m̧weo ijo juon kūļaaj in jemenere ej kōm̧m̧an ie. Juon bar rūkaki maron̄ kūri, ak bar juon eo ebwe an rūtto maron̄ kappeik n̄an an pād. Rūtto eo kein karuo emaron̄ eo pāleen rūkaki eo ak jinen ak jemān juon iaan rijikuuļ ro ilo kūlaaj eo. Ļeo ak lieo ej aikuj bwe en kōrā n̄e rūkaki eo ej kōrā, em̧m̧aan n̄e rūkaki eo ej em̧m̧aan, ijjeļo̧kin wōt n̄e rūtto eo ej uwaan baam̧le eo an rūkaki eo. Juon rūkaki ejjab aikuj make iaan ilo juon kūlaajruum̧, em̧, ak lowaan wa ippān juon rijikuuļ ijjeļo̧kin wōt n̄e rijikuuļ eo ej nejin rūkaki eo.

Jemenere elukkuun ļap an jipan̄ n̄e rijikuuļ ro remaron̄ tōparn rūkai eo juon raan ilo kajjojo wiik. Ijoke, menin emaron̄ jab bōk jikin kōn jekjek ko rejelet kōjparok, ettoļo̧k in jikin, im jekjek ko jet. Ritōl ro ilo jikin eo ewōr aer kāālet ko ijin ilaļ n̄an kōm̧m̧ani kūlaaj in jemenere ko.

Ritōl ro an Kabun̄ in rej kapilōk eo ej lale J&I n̄an kāālet ewi wōt kāālet in enaaj:

• Lukkuun em̧m̧an an jipan̄ rijikuuļ ro ekkatak kōn gospel eo im eddōkļo̧k ilo jetōb.

• Kōjparok rijikuuļ ro.

• Jab kadodoik baam̧le ko kōn men ko ejjeļo̧k tokjāer.

Eļan̄n̄e kweilo̧k ippān rūkaki ilowaan wiik eo eapan̄, kōjerbal technology n̄an kweilo̧k lo mejatoto ebar em̧m̧an.

Kūlaaj ko rej aikuj jab kōm̧m̧an ilo raan in Jabōt. Oktak ko jet remenin aikuj n̄an bōk mālim jān Church Board of Education Juon stake būreejtōn emaron̄ leļo̧k an ļōmņak n̄an eo ej represent e J&I oktak ko n̄an kālet ko an jemenere me stake ej kōjerbali. Eo ej represent e J&I ej bōk ļōmņak in im leļo̧k n̄an Opij in tōl eo an Jemenere im Institute ko. Kōmālim jān opij in tōl eo an Jemenere im Institute emenin aikuj m̧okta jān kōjerbale oktak eo.

Juon board of education ilo jikin eo emaron̄ in jutak ijo jejjo stake ko rej kōm̧m̧ani kūlaaj in jemenere ko, kūlaaj in ekkatak ilo m̧ōko, ak jim̧or ijo epaak im juon wōt kain apan̄ im māllijon̄ ko rej jelm̧aeiki (lale seminary.ChurchofJesusChrist.org).

Stake im ward ritōl ro rej lukkuun lale bwe jikin ko āinwōt im̧ōn jar ko ak m̧ōn membōr ro repeļļo̧k n̄an kūlaaj ko an jemenere. Em̧ ko ak ruum̧ ko rejjab aikuj rent i n̄an kūlaaj ko an jemenere. Eļan̄n̄e kūlaaj ko rej kōm̧m̧an ilo m̧ōnjar eo, rūkaki ro rej aikuj wōr aer maron̄ n̄an deļo̧n̄e kein jerbal ko ilo resource center.

Eo ej represent e J&I ej leļo̧k kein ekkatak ko n̄an rūkaki ro im rijikuuļ ro ilo kajjojo kūlaaj. Rijikuuļ ro rej aikuj boktok aer make jeje ko rekwojarjar, emaron̄ ilo bok ak digital.

Juon rūkaki in jemenere emaron̄ kāālet opija ro an kūlaaj eo, āinwōt juon būreejtōn, vice būreejtōn ro, im juon rijeje. Rūkaki eo ej m̧oktata kepaak kajjojo jinen im jemān rijikuuļ im bisop n̄an bōk mālim. Opija ro an Kūlaaj rejjab rejtake ak kōjeno̧lo̧k er. Remaron̄ jipan̄ rūkaki eo kōn jikejuuļ in eddo ko an ilo kūlaajruum̧ im rojan̄ rijikuuļ ro jet n̄an pād im bōk koņaer.

Rūkaki ro an jemenere rejjab aikuj kōm̧m̧an m̧akūtkūt ilikin awa in kūlaaj ko ak etal ettoļo̧k jān kūlaajruum eo. Oktak ko jet emenin aikuj n̄an bōk mālim jān ritōl ro an priesthood ilo jikin eo.

Rijikuuļ ro an jemenere remaron̄ wājepdikļo̧k aer ekkatak im m̧wūlaļ aer oktak eļan̄n̄e rej niknik ilo kūlaaj ko, bōk koņaer, im ekkatak jeje ko rekwojarjar ilikin kūlaaj eo. Ilo aer kōm̧m̧ane men kein, rej barāinwōt wōr aer credit ilo jemenere kajjojo iiō im maron̄ kadiwōjļo̧k jān jemenere.

Jet rijikuuļ remaron̄ pen aer bōk credit ilo jemenere itok jān apan̄ ko aer ikkijeen riit ak un ko jet. Rūkaki eo emaron̄ ukukot menin aikuj ko ekkar n̄an aikuj ko an rijikuuļ rein. Okoktak ko n̄an aolepān būrokūraam eo maron̄ kajjitōk kake jān eo ej lale J&I. Okoktak kein emenin aikuj n̄an bōk mālim jān Opij eo Ioļap an J&I.

N̄an kadiwōjļo̧k jān jemenere, juon rijikuuļ ej aikuj bōk credit ilowaan emen iiō im bōk juon pepa in kōmālim jān bisoprik eo. Kōmālim in ej kwaļo̧k bwe juon rijikuuļ erreo im ej niknik ilo an mour kōn jon̄ak ko an gospel in.

Kajjojo iiō stake eo ej kōm̧m̧an juon iien kadiwōjļo̧k an jemenere. M̧akūtkūt in ej karōkin ro uwaan stake būreejtōnji eo ak juon riko̧o̧njeļ eutiej. Eo ej lale J&I emaron̄ jipan̄. N̄an meļeļe ko reļļapļo̧k, lale A Guide to Seminary and Institute Graduation Exercises.

Ilo jet jikin ko ilo United States im Canada, kakien ko ilo jikin eo ej kōtļo̧k an rijikuuļ ro etal jān jikuuļ im pād ilo jemenere ilo awa in jikuuļ ko. Church Board of Education ej kōmālim ijo jekjek rōt in rej kōjerbale n̄an jemenere. N̄an meļeļe ko reļļapļo̧k kōn awa in kōtļo̧k n̄an jemenere, lale Released-Time Seminary ilo ChurchofJesusChrist.org.

Stake būreejtōnji emaron̄ kōņaan kōm̧m̧an kūlaaj ko an Kabun̄ n̄an rūtto ro me 31 aer iiō lōn̄ļo̧k. Kūlaaj kein rejjab pād ium̧win J&I im ejjab etaer in institute kūlaaj. Ijoke, laajrak in kein ekkatak ko an institute maron̄ in kōjerbali n̄an kūlaaj kein.

Pija

kōrā ro rej je meļeļe ko ilo kūlaaj eo