“15. Jemenere im Institute ko an Kabun̄,” Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata (2024).
“15. Jemenere im Institute ko an Kabun̄ in,” Bok in Bōk Meļeļe Eļap.
Pija
jiron̄ in ej kajutak pein ilo kūlaaj
15.
Jemenere im Institute ko an Kabun̄ in
15.0
Kadkad In
Jemenere im Institute ko an Kabun̄ in (J&I) ej jipan̄ ro jinen im jemān im ritōl ro an Kabun̄ in n̄an jipan̄ jodikdik ro im rūm̧m̧an ded ro ejjeļo̧k pāleer kam̧wilaļļo̧k oktak eo aer ilo Jisōs Kraist im ilo gospel eo An kar kōjepļaaktok. Menin ej dedeļo̧k ilo ad jipan̄ kōm̧m̧an ekkatak jeje ko rekwojarjar ilo m̧ōko im̧ōd im naan ko an rikanaan ro im ritōl ro jet an Kabun̄ in.
Jemernere im institute būrookraam ko rej kakien jān kien ko kar ejaki jān Board eo an Church Education. Board in ej tōl jān Būreejtōn eo an Kabun̄ in. Stake būreejtōnji eo ej eddoik im loloorjake būrokūraam kein ilo stake im ward ko. Stake im ward ritōl ro rej etale aolep iien jon̄an an jodikdik ro bōk koņaer ilo būrokūraam ko an jemenere im institute.
Juon eo ej represent e J&I rej kappeiki n̄an kajjojo stake n̄an jipan̄ ritōl ro tōl J&I būrokūraam̧.
15.1
Jemenere
Jemenere ej juon būrokūraam emān iiō in eo me jodikdik ro rej ekkatak gospel eo an Jisōs Kraist me ej pād ilo jeje ko rekwojarjar im katak ko an rikanaan ro ilo raan ko āliktata. Rijikuuļ ro an jemenere rej dettan in 14–18 iiō rūttoier.
Kūlaaj ko rej kōm̧m̧an ilo raan ko ilo wiik n̄e jikuuļ ej kōm̧m̧an. Oran raan ko kūlaaj in jemenere ej kōm̧m̧an kajjojo wiik maron̄ in ukukōt n̄an jekjek ko an ijo jokwe ie. (Lale Seminary Class Options n̄an eļapļo̧k meļeļe.) Kūlaaj ko ak jerbal ko ilo online rej aikuj bōk dettan in emen awa ko juon wiik n̄an kadedeļo̧ki.
Bisoprik eo, ritōl ro an jodikdik ro, im būreejtōnji ro an doulul ak kūlaaj rej kapilōk kajjojo jodikdik n̄an lukkuun bōk koņaer ilo jemenere. Bisoprik eo ej rojan̄ pāāren ro n̄an leļo̧k etan ajri ro nejin kajjojo iiō m̧okta jān an kūlaaj ko an jemenere jinoe. N̄an meļeļe ko rellōn̄, lale Seminary Registration ilo ChurchofJesusChrist.org.
Juon board of education ijo jokwe ie maron̄ in ejake ijo jejjo stake ko kōn kūlaaj in jemeneri ko (ekoba kūlaaj ko rej kōm̧m̧an ilo juon em̧) me rej epake doon im n̄ūrbōktak ko im apan̄ reier wōt juon. Lale seminary.ChurchofJesusChrist.org.
15.1.1
Rūkaki ro
Rūkaki ro an Jemener rej aikuj membōr in Kabun̄ in ro ewōr aer tōmak ilo Irooj Jisōs Kraist im ewōr aer naan in kam̧ool kōn gospel eo An em̧ōj an jepļaaktok. Rej aikuj mour kōn pedped in katak ko rej katakin im em̧m̧an aer jerbal ippān jodikdik ro. N̄e emaron̄, ej aikuj wōr juon an rūkaki ro peba in mālim an tampeļ.
Juon membōr in stake būreejtōnji eo ej ko̧o̧njeļ ippān bisop eo, stake supervisor eo, im eo ej represent e J&I kōn rūkaki ro rekkar n̄an rūkaki n̄an jemenere. Juon membōr in stake būreejtōnji ak juon high ko̧onjeļ ej kūr, kōjeņoļo̧k, im kōtļo̧k rūkaki ro an jemenene ilo stake im stake supervisor ro. Ālkin an armej ro bōk kūr in im m̧ōj kōjeno̧lo̧k e, J&I eo ej lale ej leļo̧k kamminene im jipan̄ n̄an rūkaki eo.
N̄an kōjparok rūkaki im rijikuuļ ro, ruo rūtto rej aikuj pād ilo em̧ eo ak m̧weo ijo juon kūļaaj in jemenere ej kōm̧m̧an ie. Juon bar rūkaki maron̄ kūri, ak bar juon eo ebwe an rūtto maron̄ kappeik n̄an an pād. Rūtto eo kein karuo emaron̄ eo pāleen rūkaki eo ak jinen ak jemān juon iaan rijikuuļ ro ilo kūlaaj eo. Ļeo ak lieo ej aikuj bwe en kōrā n̄e rūkaki eo ej kōrā, em̧m̧aan n̄e rūkaki eo ej em̧m̧aan, ijjeļo̧kin wōt n̄e rūtto eo ej uwaan baam̧le eo an rūkaki eo. Juon rūkaki ej aikuj jab makeļo̧k iaan ippān juon rijikuuļ ijello̧kin rijikuuļ eo ej nejin rūkaki eo. Menin ej jerbal ilo jabdewōt jikin ko, ko āinwōt juon kūlaajruum̧, em̧, koba ilo intōrnet, ak waan ettōr.
15.1.2
Em̧ ko, Kein Jerbal ko, im Kein jipan̄ jerbal ko jet
Stake im ward ritōl ro rej lukkuun lale bwe jikin ko āinwōt im̧ōn jar ko ak m̧ōn membōr ro repeļļo̧k n̄an kūlaaj ko an jemenere. Em̧ ko ak ruum̧ ko rejjab aikuj rent i n̄an kūlaaj ko an jemenere. Eļan̄n̄e kūlaaj ko rej kōm̧m̧an ilo m̧ōnjar eo, rūkaki ro rej aikuj wōr aer maron̄ n̄an deļo̧n̄e kein jerbal ko ilo resource center.
Eo ej represent e J&I ej leļo̧k kein ekkatak ko n̄an rūkaki ro im rijikuuļ ro ilo kajjojo kūlaaj. Rijikuuļ ro rej aikuj boktok aer make jeje ko rekwojarjar, emaron̄ ilo bok ak digital.
15.1.3
Opija ro an Kūlaaj im M̧akūtkūt ko
Juon rūkaki in jemenere emaron̄ kāālet opija ro an kūlaaj eo, āinwōt juon būreejtōn, vice būreejtōn ro, im juon rijeje. Rūkaki eo ej m̧oktata kepaak kajjojo jinen im jemān rijikuuļ im bisop n̄an bōk mālim. Opija ro an Kūlaaj rejjab rejtake ak kōjeno̧lo̧k er. Remaron̄ jipan̄ rūkaki eo kōn jikejuuļ in eddo ko an ilo kūlaajruum̧ im rojan̄ rijikuuļ ro jet n̄an pād im bōk koņaer.
Rūkaki ro an jemenere rejjab aikuj kōm̧m̧an m̧akūtkūt ilikin awa in kūlaaj ko ak etal ettoļo̧k jān kūlaajruum eo. Oktak ko jet emenin aikuj n̄an bōk mālim jān ritōl ro an priesthood ilo jikin eo.
15.1.4
Credit im Kadiwōjļo̧k
Rijikuuļ ro an jemenere remaron̄ wājepdikļo̧k aer ekkatak im m̧wūlaļ aer oktak eļan̄n̄e rej niknik ilo kūlaaj ko, bōk koņaer, im ekkatak jeje ko rekwojarjar ilikin kūlaaj eo. Ilo aer kōm̧m̧ane men kein, rej barāinwōt wōr aer credit ilo jemenere kajjojo iiō im maron̄ kadiwōjļo̧k jān jemenere.
Jet rijikuuļ remaron̄ pen aer bōk credit ilo jemenere itok jān apan̄ ko aer ikkijeen riit ak un ko jet. Rūkaki eo emaron̄ ukukot menin aikuj ko ekkar n̄an aikuj ko an rijikuuļ rein. Rijerbal eo an J&I emaron̄ kajjitōk kōn okoktak ko n̄an aolepān būrookraam̧ eo. Okoktak kein rej menin aikuj n̄an bōk mālim jān opiij eo an J&I.
N̄an kadiwōjļo̧k jān jemenere, juon rijikuuļ ej aikuj bōk credit ilowaan emen iiō im bōk juon pepa in kōmālim jān bisoprik eo. Kōmālim in ej kwaļo̧k bwe juon rijikuuļ erreo im ej niknik ilo an mour kōn jon̄ak ko an gospel in.
Kajjojo iiō stake eo ej kōm̧m̧an juon iien kadiwōjļo̧k an jemenere. M̧akūtkūt in ej karōkin ro uwaan stake būreejtōnji eo ak juon riko̧o̧njeļ eutiej. Eo ej lale J&I emaron̄ jipan̄. N̄an meļeļe ko reļļapļo̧k, lale A Guide to Seminary and Institute Graduation Exercises.
Ilo jet jikin ko ilo United States im Canada, kakien ko ilo jikin eo ej kōtļo̧k an rijikuuļ ro etal jān jikuuļ im pād ilo jemenere ilo awa in jikuuļ ko. Church Board of Education ej kōmālim ijo jekjek rōt in rej kōjerbale n̄an jemenere. N̄an elōn̄ļo̧k meļeļe ko lale Released-Time Seminary ilo ChurchofJesusChrist.org
Institute ej kōm̧m̧an kūlaaj in ekkatak gospel eo ilo juon raan ilo juon wiik eo me ej kōkajoorļo̧k tōmak im naan in kam̧ool ilo Jisōs Kraist im kōn gospel eo An me em̧ōj an jepļaaktok. Ritōl ro an stake rej kanooj lale bwe en wōr institute n̄an aolep rūm̧m̧an ded ro ejjeļo̧k rejtaer iiō ko 18–30.
Aolep rūm̧m̧an ded ro ejjeļo̧k rejtaer rej kōketak n̄an pād ilo kūlaaj in institute ko, men̄e rej pād ilo jikuuļ ak jaab. Rej maron̄ pād ilo kūlaaj in institute ko rej pād ilo kāāmbōj (eļan̄n̄e ewōr). Rej maron̄ barāinwōt pād ilo online institue kūlaaj ko ak kūlaaj ilo stake.
Stake būreejtōnji ro remaron̄ kōņaan kōm̧m̧ani kūlaaj in religion ko n̄an rūtto ro 31 iiō ak rūttoļo̧k. Kūlaaj kein rejjab pād ium̧win J&I im ejjab etaer in institute kūlaaj. Ijowōt ke, kein katakin ko an insititue maron̄ kōjerbali n̄an er.
Jikuuļ ko an Kabun̄ im Church Educational System eo
N̄an meļeļe ko reļļapļo̧k ikkijeen jikuuļ ko an Kabun̄ in elementary im high school ko, BYU–Pathway Worldwide, im jikuuļ ko jet n̄an bōk pepa ko routiejļo̧k, lale CES.ChurchofJesusChrist.org. Meļeļe kōn kadedeļo̧k rejtak ko an ritōl ro an Kabun̄ n̄an rijikuuļ ro n̄an pād ilo jikuuļ kein ej barāinwōt litok ijōņ.
Ilo kakkobaba, meļeļe ko kōn kōmālim jān ritōl ro n̄an jerbal kōn CES Ecclesiastical Clearance Office eo maron̄ loe ilo help.ChurchofJesusChrist.org.