“15. Seminaries and Institutes of Religion,” Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw (2020).
“15. Seminaries and Institutes of Religion,” Pangkalahatang Hanbuk.
Larawan
dalagitang nagtataas ng kanyang kamay sa klase
15.
Seminaries and Institutes of Religion
15.0
Pambungad
Ang Seminaries and Institutes of Religion (S&I) ay umaalalay sa mga magulang at lider ng Simbahan sa pagtulong sa mga kabataan at young adult na dagdagan ang kanilang pananampalataya kay Jesucristo at sa Kanyang ipinanumbalik na ebanghelyo. Ginagawa ito sa pamamagitan ng pagsuporta sa nakasentro sa tahanan na pag-aaral ng mga banal na kasulatan at mga salita ng mga buhay na propeta at iba pang mga lider ng Simbahan.
Ang mga programa ng seminary at institute ay pinamamahalaan ng mga patakarang itinatag ng Church Board of Education, na pinamamahalaan ng Pangulo ng Simbahan. Ipinatutupad ng stake presidency ang mga programang ito sa mga stake at ward. Regular na nirerebyu ng mga lider ng stake at ward ang partisipasyon ng kanilang mga kabataan sa mga programa ng seminary at institute.
Isang S&I representative ang inaatasan para sa bawat stake para tulungan ang mga lider na pangasiwaan ang mga programa ng S&I.
15.1
Seminary
Ang seminary ay apat na taong programa kung saan pinag-aaralan ng mga kabataan ang ebanghelyo ni Jesucristo na matatagpuan sa mga banal na kasulatan at mga turo ng mga propeta sa mga huling araw. Ang mga estudyante sa seminary ay karaniwang 14–18 taong gulang.
Ang bishopric, mga youth leader, at mga quorum at class presidency ay hinihikayat ang bawat kabataan na lubos na makibahagi sa seminary. Hinihikayat ng bishopric ang mga magulang na irehistro ang kanilang mga anak bawat taon bago magsimula ang mga klase sa seminary. Para sa karagdagang impormasyon, tingnan ang Pagrerehistro sa Seminary sa ChurchofJesusChrist.org.
15.1.1
Mga Guro
Ang mga seminary teacher ay dapat mga miyembro ng Simbahan na may pananampalataya sa Panginoong Jesucristo at may patotoo tungkol sa Kanyang ipinanumbalik na ebanghelyo. Dapat ipinamumuhay nila ang mga alituntunin na itinuturo nila at kayang makitrabaho sa mga kabataan nang mabuti. Kapag maaari, ang mga guro ay dapat mayroong current temple recommend.
Isang miyembro ng stake presidency ang nakikipagsanggunian sa bishop, stake supervisor, at S&I representative tungkol sa mga potensyal na seminary teacher. Isang miyembro ng stake presidency o isang inatasang high councilor ang tumatawag, nagse-set apart, at nagre-release ng mga stake seminary teacher at mga stake supervisor. Matapos matawag at maset apart ng tao, ang S&I representative ang nagbibigay ng training at sumusuporta sa kanya.
Para maprotektahan ang mga guro at estudyante, dalawang adult ang dapat naroroon sa gusali o tahanan kung saan idinaraos ang mga klase sa seminary. Maaaring tumawag ng isang karagdagang guro, o maaaring mag-atas ng isang responsableng adult na pumaroon. Ang pangalawang adult ay maaaring asawa ng guro o magulang ng isang miyembro ng klase. Dapat magkapareho sila ng kasarian ng guro, maliban kung ang taong iyon ay isang adult na miyembro ng pamilya ng guro. Ang isang guro ay hindi kailanman dapat maiwang mag-isa sa isang silid-aralan, gusali, o sasakyan na kasama ang isang estudyante maliban kung ang estudyante ay anak ng guro.
Ang seminary ay pinakanakatutulong kapag nagkaklase ang mga estudyante at guro araw-araw maliban sa mga araw ng Sabado at Linggo. Gayunman, maaaring hindi ito posible dahil sa mga isyung pangkaligtasan, layo ng pagbibiyahe, at iba pang mga kadahilanan. Ang mga lokal na lider ay may sumusunod na mga opsiyon para sa pagdaraos ng seminary.
Opsiyon
Bilang ng mga Weekly In-Class Lesson
Bilang ng mga Weekly Home Study o Online Lesson
Opsiyon
A
Bilang ng mga Weekly In-Class Lesson
5 (50 minuto)
Bilang ng mga Weekly Home Study o Online Lesson
Wala
Opsiyon
B
Bilang ng mga Weekly In-Class Lesson
4 (60 minuto)
Bilang ng mga Weekly Home Study o Online Lesson
Wala
Opsiyon
C
Bilang ng mga Weekly In-Class Lesson
4 (50 minuto)
Bilang ng mga Weekly Home Study o Online Lesson
1
Opsiyon
D
Bilang ng mga Weekly In-Class Lesson
3 (50 minuto)
Bilang ng mga Weekly Home Study o Online Lesson
2
Opsiyon
E
Bilang ng mga Weekly In-Class Lesson
2 (90 minuto)
Bilang ng mga Weekly Home Study o Online Lesson
1
Opsiyon
F
Bilang ng mga Weekly In-Class Lesson
2 (50 minuto)
Bilang ng mga Weekly Home Study o Online Lesson
3
Opsiyon
G
Bilang ng mga Weekly In-Class Lesson
1 (50 minuto)
Bilang ng mga Weekly Home Study o Online Lesson
4
Ang mga lider ng Simbahan ay sumasangguni sa kanilang S&I representative upang magpasiya kung aling opsiyon ang:
Pinakamainam na makatutulong sa mga estudyante na matutuhan ang ebanghelyo at umunlad sa espirituwal.
Magpapanatili sa kaligtasan ng mga estudyante.
Hindi magdudulot ng hindi kailangang pasanin sa mga pamilya.
Kung mahirap magklase kasama ang guro sa buong linggo, ang paggamit ng teknolohiya para sa mga virtual meeting ay maaaring isaalang-alang.
Hindi dapat idaos sa araw ng Linggo ang mga klase. Ang eksepsyon ay nangangailangan ng pag-apruba mula sa Church Board of Education. Ang stake president ay maaaring magrekomenda sa S&I representative na palitan ang opsiyon sa klase na ginagamit ng stake. Ipinapasa ng S&I representative ang rekomendasyon sa Seminaries and Institutes of Religion administration. Ang pag-apruba ng administration ay kinakailangan bago ipatupad ang pagbabago.
Maaaring lumikha ng isang lokal na board of education kung saan mayroong ilang stake na may mga seminary class at/o mga home-study class na magkakalapit at may magkakatulad na problema at hamon (tingnan sa seminary.ChurchofJesusChrist.org).
15.1.3
Mga Gusali, Kagamitan, at Materyales
Tinitiyak ng mga lider ng stake at ward na may mga lugar tulad ng meetinghouse o bahay ng mga miyembro na magagamit para sa mga klase sa seminary. Hindi maaaring umupa ng mga gusali o silid para sa mga klase sa seminary. Kung nagkaklase sa isang meetinghouse, ang mga guro ay dapat magkaroon ng access sa mga kagamitan sa resource center.
Ang S&I representative ang nagbibigay ng mga materyal para sa mga guro at mga estudyante sa bawat klase. Dapat magdala ang mga estudyante ng sarili nilang mga banal na kasulatan, nakalimbag o digital.
15.1.4
Mga Class Officer at Aktibidad
Ang mga seminary teacher ay maaaring pumili ng mga class officer, tulad ng president, vice president, at secretary. Unang kokontakin ng guro ang mga magulang at bishop ng bawat estudyante para humingi ng pahintulot. Ang mga class officer ay hindi sinasang-ayunan o sineset apart. Tinutulungan nila ang mga guro sa mga regular na tungkulin sa klase at hinihikayat ang iba pang mga estudyante na dumalo at makibahagi.
Ang mga seminary teacher ay hindi dapat magdaos ng mga aktibidad sa labas ng karaniwang oras ng klase o sa labas ng silid-aralan. Ang mga eksepsyon ay nangangailangan ng pag-apruba mula sa mga lokal na priesthood leader.
15.1.5
Credit at Pagtatapos
Ang mga estudyante sa seminary ay matututo nang mas mabisa at mapalalalim ang kanilang pagbabalik-loob kung regular silang dadalo sa klase, makikibahagi, at mag-aaral ng mga banal na kasulatan sa labas ng klase. Sa paggawa nila ng mga bagay na ito, nagkakaroon din sila ng credit para sa seminary bawat taon at maaaring magtapos sa seminary.
Ang ilang mga estudyante ay maaaring mahirapang makakuha ng seminary credit dahil sa mga hamon sa pagbabasa o iba pang mga kadahilanan. Dapat iangkop ng mga guro ang mga requirement ayon sa mga pangangailangan ng mga estudyanteng ito. Ang mga pag-aangkop para sa kabuuan ng isang programa ay maaaring hilingin ng S&I representative. Ang mga pag-aangkop na ito ay nangangailangan ng pag-apruba mula sa S&I Central Office.
Para makapagtapos sa seminary, dapat makakuha ng credit para sa apat na taon ang isang estudyante at tumanggap ng ecclesiastical endorsement mula sa isang miyembro ng bishopric. Ang endorsement na ito ay nagpapatunay na ang isang estudyante ay karapat-dapat at tapat sa pamumuhay ng mga pamantayan ng ebanghelyo.
Bawat taon ay nagdaraos ang stake ng seminary graduation. Ito ay pinaplano ng isang miyembro ng stake presidency o ng isang high councilor. Maaaring tumulong ang S&I representative. Para sa karagdagang impormasyon, tingnan ang Gabay para sa Seminary at Institute Graduation Exercises.
Sa ilang lugar sa Estados Unidos at Canada, ang mga lokal na batas ay pinahihintulutan ang mga mag-aaral na lumabas ng paaralan at dumalo sa seminary sa oras ng klase. Ang Church Board of Education ang nag-aapruba kung saan isasagawa ang ganitong uri ng seminary. Para sa karagdagang impormasyon tungkol sa released-time seminary, tingnan ang Released-Time Seminary sa ChurchofJesusChrist.org.
Ang institute ay naglalaan ng mga klase sa pag-aaral ng ebanghelyo sa mga karaniwang araw na nagpapalakas ng pananampalataya at patotoo kay Jesucristo at sa Kanyang ipinanumbalik na ebanghelyo. Lahat ng young single adult na edad 18-30 ay dapat hikayating dumalo sa mga klase sa institute, pumapasok man sila sa paaralan o hindi.
Ang mga campus-based na klase sa institute ay hindi naisasagawa sa maraming lugar. Sa ganitong mga sitwasyon, maaaring magtatag ang mga stake president ng mga stake-based na klase sa institute. Nagsasanggunian ang mga priesthood leader at S&I personnel kung paano ito isasagawa.
Ang karagdagang mga tuntunin para sa pagtatatag at pagpapatakbo ng mga stake-based na klase sa institute, pagpaplano para sa mga pasilidad, pagtawag sa mga institute teacher, at pagkilala sa mga nakamit ng mga estudyante ay makukuha sa Stake Institute sa ChurchofJesusChrist.org.
15.2.1
Iba pang mga Klase sa Relihiyon
Maaaring naisin ng mga stake presidency na maglaan ng mga klase sa relihiyon para sa mga adult edad 31 pataas. Ang mga klaseng ito ay hindi gawain ng S&I at hindi tinatawag na mga klase sa institute. Gayunman, ang mga materyal sa kurikulum ng institute ay maaaring gamitin sa mga klase.
Mga Paaralan ng Simbahan at Church Educational System
Para sa impormasyon tungkol sa mga primary at secondary na paaralan ng Simbahan, BYU–Pathway Worldwide, at mga institusyon ng mas mataas na edukasyon, tingnan ang CES.ChurchofJesusChrist.org. Ang impormasyon tungkol sa pagkumpleto sa mga ecclesiastical endorsement upang makadalo ang mga estudyante sa mga paaralang ito ay makukuha rin doon.
Bukod pa rito, ang impormasyon tungkol sa mga ecclesiastical clearance sa trabaho sa pamamagitan ng CES Ecclesiastical Clearance Office ay matatagpuan sa help.ChurchofJesusChrist.org.