« 36. Ha’amaura’a, tauira’a ’e topara’a te i’oa o te mau ’āmuira’a ’āpī », Buka arata’i rahi :Te tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei (2020).

« 36. Ha’amaura’a, tauira’a ’e topara’a i te i’oa o te mau ’āmuira’a ’āpī », Buka arata’i rahi.

Ha’amaura’a, tauira’a ’e topara’a i te i’oa o te mau ’āmuira’a ’āpī

36.0

’Ōmuara’a

Tei roto te mau melo o te ’Ēkālesia i te mau rurura’a ’ia au i tō rātou vāhi nohora’a (hi’o Mosia 25:17–24). E mea tītauhia teie mau rurura’a nō te fa’anahonaho ’e nō te rave i te ’ohipa a te ’Ēkālesia i raro a’e i te ha’amanara’a a te autahu’ara’a ti’a. E hōro’ahia i te feiā fa’atere o te mau rurura’a te mau tāviri o te autahu’ara’a nō te fa’ati’a i te ravera’a i te mau ’ōro’a o te autahu’ara’a. E tauturu ato’a te mau rurura’a i te mau melo ’ia ha’apūai i te fa’aro’o o te tahi ’e te tahi, ’a ha’amori ai rātou i te Atua, ’a ha’api’i mai ai i te mau ha’api’ira’a a Iesu Mesia, ’e ’a tāvini ai.

I roto i te mau rurura’a a te ’Ēkālesia (parau-ato’a-hia e mau ’āmuira’a) tē vai ra te mau titi, te mau mata’eina’a, ’e te mau ’āma’a. E ha’amauhia te reira, e tauihia, ’aore rā, e fa’a’orehia mai tei hina’arohia.

E ’ohipa te feiā fa’atere nō te fa’arahi i te pūai pae vārua o te mau melo hou ’a ani ai e fa’ati’a i te hō’ē ’āmuira’a ’āpī ’aore rā, ’ia taui i te ’ōti’a o te hō’ē ’āmuira’a. E fa’ati’ahia te mau ’āmuira’a ’āpī i te taime noa e mea nava’i te pūai o te mau ’āmuira’a e vai ra.

Nō te pāturura’a i roto i te mau Hau ’Āmui nō Marite ’e Canada, ’a niuniu i te 1-801-240-1007. I rāpae i te fenua Marite ’e Canata, ’a niuniu i te piha tōro’a o te ārea.

36.1

Te ha’amaura’a ’aore rā, te tauira’a i te mau titi ’e te mau mata’eina’a

E ha’amauhia te mau titi mai roto mai i te mau mata’eina’a ’aore rā, nā roto i te vāhira’a i te mau titi e vai ra. E nehenehe te hō’ē peresideni titi ’aore rā, misiōni e ani ’ia ha’amauhia te hō’ē titi ’āpī. Nā mua roa, e ha’apāpū ’oia ē, e pāhonohia te mau tītaura’a raro roa tei fa’a’itehia i roto i te tāpura i muri nei.

Te mau tītaura’a raro roa nō te ha’amau i te hō’ē titi

	Marite ’e Canada	Te tahi atu mau fenua ato’a
Rahira’a melo (itoito ’e te paruparu)	Marite ’e Canada 3 000	Te tahi atu mau fenua ato’a 1 900
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e e nehenehe e tāvini i roto i te mau ti’ara’a fa’atere	Marite ’e Canada 180	Te tahi atu mau fenua ato’a 120
Rahira’a pāroita	Marite ’e Canada 5	Te tahi atu mau fenua ato’a 5

E ha’amauhia te mau titi mai roto mai i te mau ’āma’a i roto i te hō’ē misiōni ’aore rā, i te hō’ē titi e vai ra. ’Aita e nūmera raro roa nō te rahira’a melo ’aore rā, nō te rahira’a ’āma’a e tītauhia nō te ha’amau i te hō’ē mata’eina’a.

Tītauhia i te hō’ē mata’eina’a ’ia roa’a te fāito pūai e hina’arohia nō te hō’ē titi i te roara’a e ono a’e ’āva’e hou e nehenehe ai i te peresideni misiōni e ani ’ia fa’ariro i te reira mata’eina’a ’ei titi.

E pe’e te mau ’ōti’a o te hō’ē titi ’aore rā, o te hō’ē mata’eina’a i te mau ’ōti’a o te mau ’āmuira’a e vai ra i roto i te reira titi. Nō te ani ’ia taui i te mau ’ōti’a o te titi ’aore rā, o te mata’eina’a ’aore rā, nō te tu’u i te hō’ē ’āmuira’a i roto i te hō’ē titi ’aore rā, hō’ē mata’eina’a tāpiri mai, e fa’anaho ’e e fa’a’au te mau peresideni titi ’aore rā, misiōni o te reira mau titi, i te reira anira’a.

E ha’amata te hō’ē peresideni titi ’aore rā, misiōni i te hō’ē anira’a ’āpī i ni’a i te « Boundary and Leadership Proposals ». Mai te mea e’ita tāna e nehenehe e fa’a’ohipa i te rāve’a ’itenati, e nehenehe tāna e fa’auta uira mai i te mau parau nā roto i te patara’a i ni’a i te rēni tūreiara’a.

E fāri’ihia te parau fa’ati’a nō te mau tauira’a titi mai roto mai i te Peresidenira’a Mātāmua ’e te Tino ’Ahuru Ma Piti ’āpōsetolo. Te ti’ara’a mau, e rave rātou i te hō’ē fa’aotira’a i roto e ono hepetoma i muri a’e i te fāri’ira’a i te parau anira’a.

36.2

Te ha’amaura’a ’aore rā, te tauira’a i te mau pāroita ’e te mau ’āma’a i roto i te mau titi

E ha’amauhia te mau pāroita ’e te mau ’āma’a i roto i te mau titi mai roto mai i te mau ’āmuira’a e vai ra. E nehenehe te hō’ē peresideni titi e ani ’ia ha’amauhia te hō’ē pāroita ’aore rā, te hō’ē ’āma’a ’āpī i roto i te titi. E ha’apāpū ’oia nā mua roa ē, e pāhono te ’āmuira’a ’āpī i te mau tītaura’a raro roa tei fa’a’itehia i roto i te tāpura i muri nei.

Te mau tītaura’a raro roa nō te ha’amau i te hō’ē pāroita

	Marite ’e Canada	Te tahi atu mau fenua ato’a
Rahira’a melo (itoito ’e te paruparu)	Marite ’e Canada 300	Te tahi atu mau fenua ato’a 150
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e e nehenehe e tāvini i roto i te mau ti’ara’a fa’atere	Marite ’e Canada 1 nō e 20 melo (itoito ’e te mea paruparu). ’Ia vai te hō’ē fāito raro roa e 20.	Te tahi atu mau fenua ato’a 1 nō e 20 melo (itoito ’e te mea paruparu). ’Ia vai te hō’ē fāito raro roa e 15.

Te mau tītaura’a raro roa nō te ha’amau i te hō’ē ’āma’a i roto i te hō’ē titi

Rahira’a melo (itoito ’e te mea paruparu)	20
Rahira’a taea’e itoito tei mau i te Autahu’ara’a a Melehizedeka, tē ’aufau ra i te tuha’a ’ahuru ti’a, ’e e nehenehe e tāvini i roto i te mau ti’ara’a fa’atere	4

E nehenehe te hō’ē peresideni titi e ani ’ia tauihia te hō’ē ’āma’a ’ei pāroita mai te mea ē, tē pāhono ra te mau tītaura’a raroroa, ’e mai te mea ’ua ’itehia iāna te hō’ē ti’a ’o tē nehenehe e tāvini ’ei ’episekōpo.

E nehenehe te hō’ē peresideni titi e ani ’ia vai tāmau noa ’aore rā, ’ia fa’a’orehia te mau pāroita ’e te mau ’āma’a mai te mea e tītauhia.

E ha’amata te peresideni titi i te hō’ē anira’a ’āpī i ni’a i te « Boundary and Leadership Proposals ». Mai te mea e’ita tāna e nehenehe e fa’a’ohipa i te rāve’a ’itenati, e nehenehe tāna e fa’auta uira mai i te mau parau nā roto i te patara’a i ni’a i te rēni tūreiara’a.

Te Peresidenira’a Mātāmua ana’e te nehenehe e fa’ati’a i te anira’a. Te ti’ara’a mau, e rave rātou i te hō’ē fa’aotira’a i roto e maha hepetoma i muri a’e i te fāri’ira’a i te hō’ē anira’a hope.

36.3

Te ha’amaura’a ’aore rā, te tauira’a i te mau ’āma’a i roto i te mau misiōni

E nehenehe te peresideni misiōni e ani ’ia ha’amauhia i te mau ’āma’a ’āpī i roto i te hō’ē misiōni. ’Aita i fa’ata’ahia te rahira’a melo raro roa e tītauhia nō te ha’amau i te hō’ē ’āma’a i roto i te misiōni. Terā rā, i roto i te mau ’āma’a ’āpī, te ti’ara’a mau, e mea tano ’ia vai e maha a’e taea’e tei mau i te autahu’ara’a. Hō’ē a’e i roto i teie mau taea’e nō te Autahu’ara’a a Melehizedeka ’o tē ’aufau ti’a nei i te tuha’a ’ahuru.

E ha’amata te hō’ē peresideni misiōni i te hō’ē anira’a ’āpī i ni’a i te « Boundary and Leadership Proposals ». Mai te mea e’ita tāna e nehenehe e fa’a’ohipa i te rāve’a ’itenati, e nehenehe tāna e fa’auta uira mai i te mau parau nā roto i te patara’a i ni’a i te rēni tūreiara’a.

E nehenehe te Peresidenira’a Ārea e hōro’a ’aore rā, e pāto’i i te hō’ē anira’a a te peresideni misiōni nō te :

Ha’amau ’e nō te topa i te i’oa o te hō’ē ’āma’a ’āpī i roto i te misiōni.
Fa’a’ore i te hō’ē ’āma’a i roto i te hō’ē misiōni.
Taui i te mau ’ōti’a o te hō’ē ’āma’a i roto i te hō’ē misiōni mai te mea ’aita te reira tauira’a e ha’afifi i te hō’ē titi, hō’ē mata’eina’a, ’aore rā, i te tahi atu misiōni.

Tītauhia i te Peresidenira’a Ārea e fa’atae atu i te anira’a i fāri’ihia, i te mau pū fa’aterera’a o te ’Ēkālesia hou ’a ha’amauhia ai ’aore rā, ’a tauihia ai te ’āma’a i roto i te mau fa’anahora’a a te ’Ēkālesia.

E nehenehe te Peresidenira’a Ārea e turu ’eiaha rā e hōro’a i te fāri’ira’a hope’a o te anira’a a te hō’ē peresideni misiōni :

’Ia tu’u i te hō’ē ’āma’a i roto i te tahi atu titi, mata’eina’a, ’aore rā, misiōni.
’Ia taui i te i’oa o te hō’ē ’āma’a e vai ra i roto i te misiōni.
’Ia taui i te mau ’ōti’a o te ’āma’a i roto i te hō’ē misiōni mai te mea e ha’afifi te reira tauira’a i te hō’ē titi, hō’ē mata’eina’a, ’aore rā, te tahi atu misiōni.
Nō te ha’amau ’aore rā, nō te taui i te hō’ē ’āma’a a te misiōni nō te feiā ’āpī pa’ari ’ōtahi ’aore rā, te feiā pa’ari ’ōtahi ; nō te mau melo ’aita e paraparau i te reo tumu o te fenua ; te mau melo tei roto i te mau pū ’atu’atura’a, i roto i te mau fa’anahora’a utuutura’a, ’aore rā, i roto i te mau fare tāpe’ara’a ; ’aore rā, te mau melo i roto i te nu’u fa’ehau.

I roto i teie mau huru tupura’a, e hi’opo’a te Peresidenira’a Ārea i te anira’a, ’e mai te mea e turu rātou i te reira, e hāpono ïa rātou i te reira nō te fāri’ira’a. Te Peresidenira’a Mātāmua ana’e te nehenehe e hōro’a i te parau fa’ati’a hope’a. Te ti’ara’a mau, e rave rātou i te hō’ē fa’aotira’a i roto e maha hepetoma i muri a’e i te fāri’ira’a i te hō’ē anira’a hope.

36.4

Te topara’a i te i’oa o te mau ’āmuira’a a te ’Ēkālesia

E tauturu te i’oa o te hō’ē ’āmuira’a ’ia fa’a’ite i te reira i te feiā e ora ra i roto i te reira vāhi. Te ti’ara’a mau, e’ita e tauihia te mau i’oa o te mau ’āmuira’a e vai nei.

Mai te mea e hina’aro te hō’ē peresideni titi ’aore rā, misiōni e taui i te i’oa ana’e o te hō’ē ’āmuira’a, ’aita e tītauhia iāna ’ia fa’a’ohipa i te fa’anahora’a ’itenati. E fa’atae ’oia i te anira’a nā roto i te niuniura’a i te 1-801-240-1007. I rāpae i te fenua Marite ’e Canata, e niuniu ’oia i te piha tōro’a o te ārea.

Mai te mea e tītauhia e taui i te i’oa o te hō’ē ’āmuira’a nō te mea, ’ua fa’anaho-fa’ahou-hia te ’ōti’a, e ha’amata te peresideni titi ’aore rā, misiōni, i te hō’ē anira’a ’āpī nā roto i te fa’a’ohipara’a te fa’anahora’a ’itenati Boundary and Leadership Proposals. Mai te mea e’ita tāna e nehenehe e fa’a’ohipa i te rāve’a ’itenati, e nehenehe tāna e fa’auta uira mai i te mau parau nā roto i te patara’a i ni’a i te rēni tūreiara’a.

Te Peresidenira’a Mātāmua ana’e te nehenehe e fa’ati’a i teie mau anira’a.

E nehenehe te mau peresidenira’a ārea e fāri’i i te mau anira’a nō te fa’ati’a ’e nō te topa i te i’oa o te mau ’āma’a ’āpī i roto i te mau misiōni (hi’o 36.3).

36.4.1

Te topara’a i te i’oa o te mau titi ’e te mau mata’eina’a

Te ta’o mātāmua i roto i te i’oa o te hō’ē titi ’aore rā, te hō’ē ’āma’a, o te hō’ē ïa i muri nei :

Te ’oire i reira te pū fa’aterera’a o te titi ’aore rā, o te mata’eina’a e vai ai
Te tahi atu ’oire o te titi ’aore rā, o te mata’eina’a mātau-maita’i-hia e te mau melo
Hō’ē i’oa nō te hō’ē vāhi i roto i te mau ’ōti’a o te titi ’aore rā, o te mata’eina’a

I te fenua Marite ’e i Canada, te piti o te ta’o, o te tuha’a fenua ïa ’aore rā te mata’eina’a tei reira te titi ’aore rā, te mata’eina’a i te vaira’a. I roto i te tahi atu mau fenua, tei ’itehia, te piti o te ta’o, ’o te i’oa ïa o te fenua.

Mai te mea ’ua hau atu i te hō’ē titi ’aore rā, mata’eina’a i roto i te hō’ē ā ’oire, te toru o te ta’o o te hō’ē ïa tāpa’o fa’a’itera’a i roto i te mau ’ōti’a o te ’āmuira’a. ’Ua fa’a’itehia i raro nei te tahi mau tāpa’o fa’a’ite nō te mau i’oa o te titi ’e te mata’eina’a :

Te mau vāhi o te ’avei’a (apato’erau, apato’a, hiti’a o te rā, ’aore rā to’o’a o te rā)
Te orara’a huira’atira ’aore rā, te vāhi
Fa’a’itera’a fenua

’Ua fa’a’itehia i raro nei te tahi mau tāpa’o fa’a’itera’a ’aita e fa’ati’ahia nō te i’oa o te titi ’e o te mata’eina’a :

Te tahi atu mau ta’o nō te fa’a’ite i te vāhi (’ei hi’ora’a, apato’a to’o’a o te rā)
Te mau i’oa o te ta’ata

Mai te mea hō’ē ā i’oa tō te ’oire ’e tō te tuha’a fenua, te mata’eina’a ’aore rā, te fenua, e’ita e fa’ahiti-fa’ahou-hia i roto i te i’oa. ’Ei hi’ora’a :

Te titi nō Idaho Falls Taylor Mountain, ’eiaha ïa te titi nō Idaho Falls Idaho Taylor Mountain
Te titi nō México City Azteca, ’eiaha ïa te titi nō México City México Azteca

36.4.2

Topara’a i te i’oa o te mau pāroita ’e te mau ’āma’a

E topahia te i’oa o te pāroita ’aore rā, o te ’āma’a nā roto i te hō’ē fa’a’itera’a nō roto i tōna mau ’ōti’a. ’Ua fa’a’itehia i raro nei te tahi mau tāpa’o fa’a’itera’a nō te mau i’oa o te pāroita ’e te ’āma’a :

’Oire
Te orara’a huira’atira ’aore rā, te vāhi fa’aeara’a
Te purumu
Vāhi orira’a
Ha’api’ira’a
Fa’a’itera’a fenua

’Ua fa’a’itehia i raro nei te tahi mau tāpa’o fa’a’itera’a ’aita e fa’ati’ahia nō te i’oa o te pāroita ’e te ’āma’a :

Te mau vāhi o te ’avei’a (’ei hi’ora’a, hiti’a o te rā ’aore rā, apato’erau to’o’a o te rā)
Te mau i’oa o te ta’ata
Te mau i’oa tei niuhia i ni’a i te hō’ē « view » [vāhi māta’ita’ira’a] (’ei hi’ora’a, Temple View, Mountain View, e ’aore rā River view)
Te ’āpitira’a e piti i’oa nō te hāmani hō’ē i’oa ’āpī

E fa’a’ohipahia te i’oa o te hō’ē noa iho tāpa’o fa’a’itera’a i roto i te i’oa nō te pāroita ’aore rā, nō te ’āma’a. Mai te mea ’ua hau atu i te hō’ē pāroita ’aore rā ’āma’a e topahia i te hō’ē ā i’oa, e tu’uhia ïa te hō’ē nūmera i roto i te i’oa, mai teie : Pāroita 1 nō Preston ’e pāroita 2 nō Preston.

Te i’oa o te pāroita ’aore rā o te ’āma’a, e i’oa ïa nā roto i te reo o terā vāhi. Mai te mea ’aita terā reo e fa’a’ohipa i te pī’āpā roma, e ’āpitihia te ’īritira’a o te reira i’oa ’e ’ia pāpa’ihia i te pī’āpā roma.

36.5

Fa’aohipara’a i te mau tauira’a i ’ōpuahia

36.5.1

Te mau tauira’a nō te titi ’e te mata’eina’a

I roto i te rata fāri’ira’a nō te fa’ati’a ’aore rā, nō te fa’a’ore i te hō’ē titi ’aore rā, te hō’ē mata’eina’a, e fa’a’itehia te tai’o mahana e ravehia ai te mau tauira’a. ’Eiaha e fa’a’ara i teie tai’o mahana e tae roa atu i te taime e paraparau te huimana fa’atere rahi i te peresideni titi ’aore rā, misiōni. ’Aita te mau tauira’a e fa’a’arahia e tae roa atu i te ’āmuira’a titi ’aore rā, mata’eina’a.

E fa’a’ite te mau peresideni titi ’aore rā, misiōni i te pū fa’aterera’a o te ’Ēkālesia ’aore rā, i tō rātou piha tōro’a nō te ārea i muri a’e i te ravera’ahia te mau tauira’a.

36.5.2

Te mau tauira’a o te pāroita ’e te ’āma’a

’Ia fāri’i te peresideni titi ’aore rā, misiōni i muri iho i te parau fa’ati’a nō te mau tauira’a o te pāroita ’aore rā, o te ’āma’a, e hōro’ahia iāna e 90 mahana nō te fa’a’ite i te mau tauira’a i te mau melo nō te pāturura’a. Mai te mea e tītauhia ’ia maoro atu ā i te 90 mahana, e ani ’oia i te parau fa’ati’a i te piha tōro’a o te Peresidenira’a Mātāmua.

E fa’a’ite te mau peresideni titi ’aore rā, misiōni i te pū fa’aterera’a o te ’Ēkālesia ’aore rā, i tō rātou piha tōro’a nō te ārea i muri a’e i te ravera’ahia te mau tauira’a. ’Aita te mau tāpura fenua ’e te mau ’āmuira’a e tauihia e tae roa atu ē, ’ua tāpa’ohia te reira i te pū fa’aterera’a o te ’Ēkālesia.

36.6

Fa’anahora’a niu nō te ’āmuira’a

’Ua hāmani te ’Ēkālesia i te fa’anahora’a niu nō te ’āmuira’a nō te fa’a’ohipa i roto i te tahi mau ’āma’a na’ina’i ’aore rā, te tahi mau putuputura’a o te mau melo tei fa’ati’ahia, tei parauhia, e mau pupu (hi’o 37.7 nō te mau ha’amāramaramara’a hau atu nō ni’a i te mau pupu). E nehenehe te hō’ē peresidenira’a ārea e fa’ati’a e fa’a’ohipa i te fa’anahora’a niu nō te ’āmuira’a i roto i te mau ’āma’a ’e te mau pupu na’ina’i mai te mea e ’itehia te mau tītaura’a i muri nei :

Tei te fāito ha’amatara’a noa te ’Ēkālesia.
E mea purara haere te mau melo.
E mea iti te rahira’a melo, ’e nō ha’amata noa atu ra te feiā fa’atere i te tupu i te rahi.
E hina’aro ta’a ’ē tō te mau melo ’aore rā, tei roto i te mau pū ’atu’atura’a, te mau fa’anahora’a utuutura’a ; ’aore rā tei roto i te mau fare tāpe’ara’a.

E nehenehe ato’a te hō’ē peresideni ārea e fa’ati’a ’ia fa’a’ohipahia te fa’anahora’a nō te fa’anahora’a niu nō te ’āmuira’a i roto i te mau misiōni ’aore rā, i te mau titi e ’itehia teie mau huru tupura’a.

’Ua hōro’ahia te mau arata’ira’a nō teie fa’anahora’a i roto i te Buka arata’i nō te fa’anahora’a niu nō te ’āmuira’a. Tē vai ato’a ra te tahi atu mau ha’amāramaramara’a i roto i te Buka arata’i nā te ’āma’a, te Buka arata’i nā te feiā fa’atere autahu’ara’a ’e te pupu tauturu, te Buka arata’i nā te ’utuāfare, ’e te Buka arata’i nō te ha’api’ira’a.