Kōjerbale Bok In

Pija eo ilo bok in ej ekkar ilo jiljino m̧ōttan ko: Kallimm̧ur M̧o̧kta, Kallim̧ur Ekāāl, Bok in Mormon, Bwebwenato kōn Kabun̄, Makūtkūt ko ilo Gospel, im Rikanaan Ro ilo Raan Kein Āliktata. Komaron̄ kōjerbal pija kein n̄an ekkatak im katakin ilo m̧weo ak ilo kabun̄ eo. Laajrak in ilaļ ej letok juon taitōļ eo emļeļe n̄an kajjojo pija barāinwōt kein kam̧ool ko im bar jet eoon ko me remarōn̄ in jerbal n̄an katak kake im kōmeļeļeik pija ko. Etale jeje kein rōkwojarjar rej rejtak eoon ko renaaj kam̧ūlaļ ļo̧k am meļeļe kōn iien ko im katak ko kōn gospel:

• Kūr kajojo armej n̄an etale jeje ko rōkwojarjar ak eoon ko jet rej pād ilo juon pija. Kajitkin er n̄an riiti ak kōmeļeļeik ilo tu kadu in pija eo ilo iien kōnono kōn pija eo.

• Kajitkin baam̧le eo ak ro uwaan kilaaj eo n̄an kōmleleik ta eo rej loe ilo pija eo ak ekōjkan an pija eo kōm̧m̧an aer en̄jake. Ta katak ko ilo gospel pija eo ej katakin? Ta kōm̧m̧an ko remaron̄ kōm̧m̧an n̄an mour ko ad rainin?

• Kūr kajojo armej n̄an lale pija ko aer make. Remaron̄ kālōt ruo pija ko n̄an keidi im lale oktakier. Etale ko aer im kajjitōk ko kōn ta eo rej loe emaron̄ kar tōl n̄an kōnono ko kōn jeje ko rōkwojarjar im kōn katak kōn gospel.