Faaaogaina o Lenei Tusi

O ata o loo i lenei tusi ua faatulagaina i ni vaega se ono: Feagaiga Tuai, Feagaiga Fou, Tusi a Mamona, Talafaasolopito o le Ekalesia, Talalelei i Lona Faatinoga, ma Perofeta o Aso e Gata Ai. E mafai ona e faaaogaina nei ata mo le aoaoina ma le aoao atu i le fale po o le lotu. O le lisi o loo i lalo ua tuuina atu ai se faamatalaga o le autu mo ata taitasi faapea ma mau e faatatau i ai ma isi punaoa e mafai ona faaaogaina e aoao ai ma talanoaina ai ata. O le sailia o nei mau ma punaoa faatasi, o le a faalolotoina ai lou malamalama i mea na tutupu ma mataupu faavae o le talalelei o loo faaalia ai. Mafaufau i manatu nei mo le faaaogaina o ata ma mau:

• Valaaulia tagata taitoatasi e sue ia mau po o isi punaoa e o faatasi ma se ata patino. Fai atu ia i latou e faitau pe otooto mea nei i le taimi e talanoaina ai le ata.

• Fai i le aiga po o tagata o le vasega e faamatala mea o loo latou vaaia i le ata po o a ni o latou lagona e uiga i le ata. O a aoaoga faavae o loo aoao mai i le ata? O le a se faatatauga e mafai ona faia i o tatou olaga i aso nei?

• Valaaulia tagata taitoatasi e matamata le tagata lava ia i ata. Atonu latou te filifilia ni ata se lua e faatusatusa mea e tutusa ma eseese ai. O a latou sailiiliga ma fesili i mea latou te vaaia e mafai ona oo atu ai i ni talanoaga e uiga i mau ma mataupu faavae o le talalelei.