Faia o ni Fetuunaiga mo Tamaiti Aoga e le Atoatoa le Malosi
O le faamoemoega o fetuunaiga o le Aafiaga o le Siitia le Aoaoina (ASA) ina ia mafai ai e tamaiti aoga e i ai manaoga faapitoa, le atoatoa le malosi, po o tulaga e faatatau i le soifua maloloina ona auai i le ASA i se tulaga talitutusa ma isi tamaiti aoga. E tatau i faiaoga ona faia ni fetuunaiga talafeagai e taulimaina ai manaoga faapitoa, le atoatoa o le malosi, ma tulaga e faatatau i le soifua maloloina o a latou tamaiti aoga. O taiala nei e te mafaufau i ai ao e faia ni fetuunaiga mo au tamaiti aoga:
-
Ia iloa po o ai tamaiti aoga o i ai ni manaoga faapitoa po o le le atoatoa o le malosi. Talanoa na o oe ma le tamaitiiti aoga e faailoa lona (ona) manaoga faapitoa. Faalogo ma le totoa, ma vaai i le itu lelei.
-
Galulue ma matua ma taitai o le Ekalesia e faia ni fuafuaga e talafeagai lelei le fetuunaiga ma (le)manaoga faapitoa o tamaiti aoga. A o auina atu le ASA i le fale ma tamaiti aoga o se tasi o filifiliga, ia silafia le mamafa o le avega i matua. Ia fai le mea sili e fuafua ai le filifiliga e sili le aoga mo tamaiti aoga ma matua.
-
Faatino ni fetuunaiga. E tatau ona le faalauaiteleina ia fetuunaiga mo tagata taitoatasi. E le mafai ona lisiina atu ia fetuunaiga uma e mafai ona i ai; ae peitai, o nisi nei o faataitaiga o fetuunaiga e mafai ona fai:
-
Aoaoga: Saunia mo le tamaitiiti aoga se vaega faalogologo o le ASA, tuuina atu faatonuga ma le ASA i upu, pe saunia se vaega e lolomiina faamatatetele o le ASA.
-
Tali: Faataga le tamaitiiti aoga e tali mai i upu i lana ASA, pe faatagaina ni tali e faalau atu i se failautusi po o se laau pueleo.
-
-
Aloese mai le faia o ni fetuunaiga e suia ai pe faaitiitia ai faamoemoega o le aoaoina o le tamaitiiti.
-
Ia maua le alofa faaKeriso mo tamaiti aoga taitasi, ma mulimuli i uunaiga a le Agaga ao e faia ni fetuunaiga e fetaui ma manaoga o tamaiti aoga.
-
Alu i le lds.org/topics/disability e sue ai faamatalaga lautele e faatatau i le fesoasoani atu i tagata e i ai tulaga le atoatoa.