Միսիոներական նախապատրաստության ուսուցչի ձեռնարկի նախաբան (Կրոն 130)

Յուրաքանչյուր դասը սկսվում է կարճ նախաբանով, որտեղ ամփոփվում է դասում պարունակվող վարդապետությունները, սկզբունքները և կարևոր գաղափարները:

Այս բաժինը պարունակում է ուսումնասիրության համար կարևոր աղբյուրներ և նաև թվարկում է աղբյուրներ (օրինակ՝ տեսանյութեր, օժանդակ նյութեր և այլն), որոնք օգտագործվում են յուրաքանչյուր դասի ժամանակ և որոնք դուք պետք է նախապես պատրաստեք: Օրինակ, եթե դասն առաջարկում է դիտել տեսանյութ, ճիշտ կլինի նախօրոք ներբեռնել կամ այլ կերպ պատրաստել այն՝ դասին դիտելու համար:

Այս բաժինն առաջարկներ է տալիս, թե ինչպես ուսուցանել դասընթացում սահմանված թեմաները: Որպես ուսուցիչ, դուք պետք է մանրակրկիտ ուսումնասիրեք այս բաժինը: Այս ձեռնարկի ուսուցման առաջարկները համապատասխանում են գլուխ 3 Gospel Teaching and Learning-ում սահմանված կարգին: Դրանք ցույց են տալիս, թե ինչպես կարելի է ընդգրկել Gospel Teaching and Learning-ի հիմունքները ձեր դասերում, որպեսզի օգնեք ուսանողներին հասկանալ և կիրառել ավետարանի սկզբունքները և ամրապնդել իրենց անձնական դարձի գալու ընթացքը:

Յուրաքանչյուր դասի կառուցվածքում դուք կտեսնեք մի քանի կարևոր վարդապետություններ, սկզբունքներ և ճշմարտություններ, որոնք գրված են հաստ տառերով: Այս վարդապետություններն ու սկզբունքներն ընդգրկված են ուսումնական ծրագրում, քանի որ` 1) դրանք ներկայացնում են սուրբ գրություններում և Քարոզիր Իմ Ավետարանը ձեռնարկում պարունակվող կարևոր ճշմարտությունները, 2) դրանք մասնավորապես համապատասխանում են ապագա միսիոներների կարիքներին և պայմաններին կամ 3) դրանք կարևոր ճշմարտություններ են, որոնք կարող են օգնել ուսանողներին` խորացնել իրենց հարաբերությունները Տիրոջ հետ և կպատրաստեն նրանց լիաժամկետ միսիայի ծառայությանը: Առաջին Նախագահությունից Նախագահ Հենրի Բ. Այրինգը խորհուրդ է տվել. «Երբ դաս եք պատրաստում, փնտրեք այնտեղ՝ դարձի բերող սկզբունքներ … Դարձի բերող սկզբունքն այն է, որը նպաստում է Աստծո կամքին հնազանդվելուն» (“Converting Principles” [address to CES religious educators, Feb. 2, 1996], 1; si.lds.org): Տեղյակ եղեք, որ այս ձեռնարկը չի փորձում դիտարկել բոլոր վարդապետություններն ու սկզբունքները, որոնք կարող են ուսուցանվել դասին, և դուք կարող եք առաջնորդվել Հոգով՝ ուսուցանելու սկզբունքներ և վարդապետություններ, որոնք չեն դիտարկվում դասի նյութերում: Դասերի կիրառմանը վերաբերող լրացուցիչ գաղափարներ կարող եք գտնել ստորև՝ «Որոշեք, թե ինչ եք ուսուցանելու և ինչպես» բաժնում:

Օգնությունն ուսուցչին հայտվում է վանդակներում՝ բոլոր դասերում և այն առաջնորդություն է առաջարկում ուսուցանման տարբեր մեթոդների, հմտությունների և տեխնիկայի վերաբերյալ: Դրանք նախատեսված են կրոնական կրթության հիմնական սկզբունքների հետ կապված լրացուցիչ մտքեր հաղորդելու համար: Աշխատեք մշտապես և արդյունավետորեն օգտագործել այս օգնության առաջարկները ձեր ուսուցման ժամանակ:

Տասներկու Առաքյալների Քվորումից Երեց Դեյվիդ Ա. Բեդնարն ուսուցանել է. «[Ապագա միսիոներներ], իմ անկեղծ ցանկությունն է ձեզանից յուրաքանչյուրի համար, որ դուք ոչ թե պարզապես գնաք միսիա, այլ որ դուք միսիոներ դառնաք մինչև միսիոներական թղթերը ներկայացնելը, մինչև ծառայելու կանչը ստանալը, մինչև ձեր ցցի նախագահի կողմից ձեռնադրվելը և ՄՊԿ մուտք գործելը» («Միսիոներ դառնալ», Ensign կամ Լիահոնա, նոյ. 2005, 45): Այս գաղափարի համաձայն, յուրաքանչյուր դաս պարունակում է առաջարկվող վարժություններ՝ խրախուսելու ապագա միսիոներներին մտածել, գործել, և ծառայել միսիոներների նման, մինչև նրանց միսիոներների պատրաստման կենտրոն մտնելը: Այս բաժնում ընդգրկված վարժությունները քաջալերում են ուսանողներին տանը վարժվել նրա վրա, ինչ սովորեցին դասարանում: Այս վարժությունները հանձնարարելու կամ առաջարկելու տարբեր եղանակներ կան: Օրինակ, դուք կարող եք առաջին դասի ժամանակ բաժանել օժանդակ նյութը, որտեղ պարունակվում են առաջարկվող վարժություններ կիսամյակի յուրաքանչյուր շաբաթվա համար: Դուք կարող եք նաև գրել շաբաթական վարժությունների ցանկը գրատախտակին, կամ ամեն շաբաթ ուղարկել ձեր ուսանողներին այն տեքստի ձևով կամ է-փոստի միջոցով:

Երբ պատրաստվում եք ուսուցանելու, կարող եք ինքներդ ձեզ այսպիսի հարցեր ուղղել. Ո՞ր մեթոդները կամ ուսուցանող վարժությունները կօգնեն իմ ուսանողներին հասկանալ այն, ինչի կարիքը նրանք ունեն: Ի՞նչը կօգնի իմ ուսանողներին բացահայտել, հասկանալ և բացատրել հիմնական վարդապետություններն ու սկզբունքները: Ի՞նչ ես կարող եմ անել, որպեսզի օգնեմ ուսանողներին զգալ ճշմարտությունը և այդ վարդապետությունների և սկզբունքների կարևորությունը: Ինչպե՞ս ես կարող եմ օգնել ուսանողներին կիրառել իրենց կյանքում այդ վարդապետություններն ու սկզբունքները:

Այս ձեռնարկը նախատեսված է օգնելու ձեզ դասերի նախապատրաստման ընթացքում: Մանրակրկիտ ուսումնասիրեք դասի նյութը: Ընտրեք այն ուսուցանման գաղափարները, որոնք լավագույնս են համապատասխանում ձեր ուսանողների կարիքներին և հարմարեցրեք դրանք ձեր ուսուցանման անձնական ոճին: Սուրբ Հոգին կառաջնորդի ձեզ այս գործընթացում: Դուք կարող եք օգտագործել ուսումնական ծրագրի վերաբերյալ բոլոր առաջարկները կամ դրանցից մի մասը, կամ էլ կարող եք հարմարեցնել առաջարկված մտքերը ձեր դասարանի կարիքներին ու պայմաններին: Երբ որոշելու լինեք, թե ինչպես հարմարեցնել դասերի նյութերը, հիշեք, որ մանրակրկիտ պատրաստվեք և նաև թույլ տաք Հոգուն, որ առաջնորդի ձեզ: Կիսվեք Տասներկու Առաքյալների Քվորումից Երեց Դալլին Հ. Օուքսի հետևյալ խորհրդով. «Մենք առաջինը ընդունում ենք, ապա՝ հարմարվում: Եթե մենք ամբողջությամբ խորասուզված ենք նշանակված դասի մեջ, որը պետք է ուսուցանենք, ապա մենք կարող ենք հետևել Հոգուն, որ հարմարեցնենք այն» (“A Panel Discussion with Elder Dallin H. Oaks” [Seminaries and Institutes of Religion satellite broadcast, Aug. 7, 2012], 6; si.lds.org):

Որպես այս դասընթացի ուսուցիչ ամենակարևոր բաներից մեկը, որ դուք կարող եք անել, ուսանողներին բազմիցս հնարավորություն տալն է, որ վարժվեն ուսուցանել և վկայություն տան դասի ժամանակ, քանի որ շատ երիտասարդներ ավետարանի վարդապետություններն ու սկզբունքները վստահությամբ չեն ուսուցանում: Ուսանողներին հնարավորություն տվեք պատասխանելու հարցերին, ավետարանի ճշմարտությունները բացատրելու դասարանի մյուս անդամներին և ուսուցանելու միսիոներական դասերը՝ Քարոզիր Իմ Ավետարանը ձեռնարկից: Երբ ապագա միսիոներները սկսեն հասկանալ, թե ինչպես են ավետարանի վարդապետությունները և սկզբունքները տանում փրկության, նրանք ավետարանը կուսուցանեն ավելի անկեղծորեն և ավելի մեծ զորությամբ:

Բացի սովորելուց, թե ինչ ասել և ինչ անել, ապագա միսիոներները պետք է սովորեն ուշադրություն դարձնել ունկնդիրների կարիքներին և Հոգու օգնությամբ կռահեն, թե յուրաքանչյուր ունկնդիր ինչի կարիք ունի, որպեսզի շարունակի դարձի գալու ճանապարհը: Օգնեք ուսանողներին հասկանալ, որ ունկնդրի տևական դարձի գալը ավելի քիչ է կախված միսիոների ասածից և արածից, քան նրանից, թե արդյոք ունկնդիրը հավատքով է գործում: Առավել արդյունավետ միսիոներները մեծ ուշադրություն են դարձնում ունկնդիրների ասածներին և արածներին և, ապա, սիրով օգնում են նրանց առաջադիմել դեպի դարձի գալը:

Դասին նախապատրաստվելիս և այն ուսուցանելիս ձեզ համար օգտակար կլինեն հետևյալ առաջարկները.

• Ուսանողներին հանձնարարեք յուրաքանչյուր դասից առաջ կարդալ Քարոզիր Իմ Ավետարանը ձեռնարկի կիրառման բաժինները կամ գերագույն համաժողովի ուղերձները: Դասընթացը սկսելուց առաջ ուսանողներին կարող եք տրամադրել ուսումնական կամ դասընթացի ծրագիրը, որտեղ բացատրվում է, թե ինչ է ուսուցանվելու դասերին և ինչ պետք է ուսանողները կարդան նախապատրաստվելով յուրաքանչյուր դասին: Այն ուսանողները, ովքեր նախօրոք պատրաստվում են, ավելի լավ կուսուցանվեն Սուրբ Հոգու կողմից դասերի ժամանակ:

• Ակնկալեք ուսանողներից, որ կատարեն իրենց դերը որպես սովորողներ (see Gospel Teaching and Learning, 6, 15, 55):

• Թույլ տվեք, որ ուսանողներն ինքնուրույն բացահայտեն ավետարանի ճշմարտությունները: Ուսանողները կատարելագործվում են, երբ դուք առաջնորդում եք նրանց ուսուցողական գործընթացի միջով, որը նման է նրան, ինչ դուք եք զգացել դասին նախապատրաստվելիս: Երբ ուսանողներն ինքնուրույն բացահայտեն վարդապետություններն ու սկզբունքները, նրանց հնարավորություն տվեք բացատրել այս ճշմարտություններն իրենց սեփական բառերով և թող կիսվեն ու վկայեն նրա մասին, ինչ գիտեն, ինչ զգացումներ ունեն և ինչ են պլանավորում անել:

• Ստեղծեք մթնոլորտ, որտեղ ուսանողները կզգան Տիրոջ Հոգին, երբ նրանք ուսուցանում են մեկը մյուսին և սովորում միմյանցից (տես ՎևՈւ 88.78, 122):

• Քաջալերեք ուսանողներին յուրաքանչյուր դասին իրենց հետ բերել սուրբ գրությունները, Քարոզիր Իմ Ավետարանը ձեռնարկի իրենց օրինակը և ուսումնասիրության օրագիրը: Բացատրեք, թե ինչ է ուսումնասիրության օրագիրը և ինչպես այն օգտագործել:

Բացատրեք գաղափարներն ու հմտությունները, որոնք ուսանողները պետք է իմանան, և ուսուցանեք նրանց, թե այդ հմտություններն ու գաղափարներն ինչպես կօգնեն իրականացնել միսիոներական նպատակը:

Օրինակ ցույց տվեք, թե ուսանողներն ինչ պետք է անեն: Դրան կարելի է հասնել կենդանի ցուցադրումների, տեսաֆիլմերի կամ այլ միջոցների շնորհիվ:

Խնդրեք ուսանողներին կիրառել հմտությունները զույգերով կամ խմբերով:

Երբ ուսանողները կիրառեն, բացահայտեք այն, ինչ նրանք լավ են կատարում և թե ինչպես կարող են բարելավել իրենց հմտությունները: Քաջալերեք նրանց:

Հնարավորության դեպքում ժամանակ տրամադրեք, որ կրկնեն կիրառումը: