Ola Tutoatasi
O Lo’u Faavae: O Le Ola Tutoatasi O Se Mataupu Faavae o le Faaolataga

O Lo’u Faavae: O Le Ola Tutoatasi O Se Mataupu Faavae o le Faaolataga—Taimi Aofai: 20 Minute

Mafaufau LolotoIoane 10:10 (i le taumatau)

TalanoaO le a le maua atili o le ola?

Maimoa“He Polished My Toe,” o loo maua i le srs.lds.org/videos (Leai se vitio? Faitau le itulau 5.)

He Polished My Toe [Na ia Fufuluina Lo’u Vaematua]

Afai e le mafai ona e matamata i le vitio, faitau le tusiga lenei.

Ata
mai le He Polished My Toe [Na Ia Fufuluina Lou Tamatamaivae]

Elder Enrique R. Falabella: A o ou tuputupu ae, sa le tele ni a matou mea na i ai. Ou te manatua ai se tasi o aso ina ua ou alu atu i lou tama ma fai atu ia te ia, “Papa, ou te manaomia se pea seevae fou. O seevae ia ua leva ona leaga.” Sa tu o ia ma tilotilo i ou seevae ma vaaia ai e moni ua matuai leaga lava ou seevae. Sa ia fai mai, “Ou te manatu o se mea lenei e mafai ona ta faaleleia.” Sa ia ave sina polesi uliuli ma polesi ou seevae, tuua ai ou seevae ua iila ma manaia. Sa ia fai mai ia te au, “Ia ua faaleleia ou seevae, atalii.” Sa ou tali atu, “Leai, e lei faaleleia lava. E mafai lava ona e vaaia lo’u tamatamaivae o loo aliali ifo i fafo o lou seevae.” Sa ia fai mai, “Ia, e mafai ona ta faalelei foi lena mea!” Sa ia ave nisi polesi ma sa ia polesi lou tamatamaivae!

O lena aso sa ou iloa ai o loo i ai se tali i faafitauli uma. Ua ou mautinoa o lenei mataupu faavae o le ola tutoatasi ma lenei taulamua o se auala e faanatinati ai le galuega a le Alii. O se vaega o le galuega o le faaolataga. E mafai e i tatou uma taitoatasi ona atili ona lelei i lo le tulaga o loo tatou i ai nei. E tatau ona e amata popole. I le tele o taimi tatou te mimita ai, ma o lenei mea e faaleagaina ai lo tatou alualu i luma. O aso uma o se aso e mafai ona ou faia ai le faaleleiga pe afai ou te filifili e faia seisi mea e faaleleia ai le mea sa le lelei ona ou faia i le taimi ua tuanai. Afai e te faia ma le faatuatua, faatinoina o le faatuatua ma le faamoemoe ia Keriso o le a Ia i ai iina e fesoasoani ia te oe, o le a e maua le auala e faia ai le faaleleiga i mea faaletino ma mea faaleagaga. Ona o loo soifua le Atua ma o oe o Lona atalii po o le afafine.

Toe foi i le itulau 4.

TalanoaE te talitonu o i ai ni tali i ou faafitauli? E mafai faapefea ona tatou agavaa mo le mana o le Alii e lagolagoina i tatou?

FaitauLe vaega o le Tusitaulima 2 ma le upusii mai ia Elder Dallin H. Oaks (i le taumatau). O le ola tutoatasi e le faapea e mafai ona tatou faia pe maua soo se mea tatou te mafaufau ai. Ae, o le talitonu e ala i le alofa tunoa, po o le mana gafatia, o Iesu Keriso ma lo tatou lava taumafaiga, e mafai ona tatou maua mea uma e manaomia faaleagaga ma faaletino o le olaga tatou te mananao ai mo i tatou lava ma o tatou aiga. O le ola tutoatasi o se faamautinoaga o lo tatou faalagolago po o le faatuatua i le mana o le Atua e mafuli ai mauga i o tatou olaga ma tuu mai ia i tatou le malosi e manumalo ai i tofotofoga ma faigata.

TalanoaNa faapefea ona fesoasoani le alofa tunoa o Keriso ia te oe ia maua mea e manaomia faaleagaga ma faaletino o le olaga?

TalanoaFaitau le upu sii a Peresitene Marion G. Romney (i le taumatau). E faapefea ona e iloa pe o e atili ola tutoatasi?

TautinoTautino atu e faia faatinoga nei i le aluga o le vaiaso. Tuu se togi i pusa pe a e faamaeaina galuega taitasi.

  • Faitau le tusi a le Au Peresitene Sili o loo i totonu o le faavaa o luma, ma vase lalo o faamanuiaga folafolaina. O le a se mea e tatau ona e faia e maua ai? Tusi ou manatu i lalo.

  • Faasoa atu mea na e aoaoina i le aso e uiga i le ola tutoatasi i lou aiga po o uo.