Raatin li Xbʼeenil Awaʼbʼejil

Naqak’e xsahil aach’ool sa’ laa nimla osob’tesinkil re k’anjelak jo’ misioneer choq’ re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan. Maajun chik k’anjel jwal chaab’il chi moko jwal aajel ru chiru lix ch’utub’ankil Israel.

Kik’uub’aman Jultika Lin Evangelio re aatenq’ankil chi wank jo’ jun misioneer kawresinb’il ut kawob’resinb’il chi us sa’ musiq’ej. Jo’kan ajwi’ re aatenq’ankil chi k’utuk chi chaab’il. Naqatz’aama chawu naq chawoksi wulaj wulaj naq nakattzolok sa’ junesal ut rik’in laa wochb’een. Naqatz’aama ajwi’ naq chawoksi sa’eb’ laa ch’utam re distrito ut ch’utub’aj-ib’ re zona. Chatzoleb’ li raqal re li loq’laj hu tz’iib’anb’ileb’ chi sa’, jo’ ajwi’ eb’ li tzol’leb’ ut eb’ li jolomil na’leb’.

Nakatqab’oq chixteneb’ankil aawib’ chi ak’il re xtenq’ankil li qaYuwa’ sa’ Choxa sa’ lix nimla k’anjel. Li junjunq chi misioneer aajel ru xk’anjel re xtenq’ankil li Qaawa’ sa’ lix k’anjel re “xkʼeebʼal chi uxmank lix kolbʼal chiru li kamk ut lix yuʼam chi junelik li winq” (Moises 1:39).

Li Qaawa’ tatrosob’tesi naq sa’ tuulanil nakak’e aawib’ chi k’anjelak chiru. Chik’ehe’q aawe xnimal xsahil aach’ool naq yooqat chi k’anjelak sa’ xyanqeb’ li ralal xk’ajol li qaChoxahil Yuwa’.