Mensahe halin sa Unang Pangulohan

Pinalangga nga mga kauturan,

Daw ano katahum sang inyo oportunidad nga magtudlo sang ebanghelyo ni Jesucristo! Bisan may ara kamo sang partikular nga calling sa pagtudlo ukon wala, isa kamo ka manunudlo. Bilang disipulo sang Punong Manunudlo, si Jesucristo, may mga oportunidad kamo sa pagpaambit sang Iya kasanag bisan diin kamo magkadto—sa puluy-an, sa simbahan, samtang nagaminister kamo sa iban, kag sa inyo mga kaabyanan. Ang pagtudlo sang ebanghelyo isa ka sagrado nga tulumanon. Isa ini ka kinahanglanon nga bahin sang buluhaton sang Ginuo, kag mas epektibo ini kon himuon naton sa Iya pamaagi.

Ginaagda namon kamo nga magtuon pa gid parte kay Jesucristo kag kon paano Niya gintudlo ang ebanghelyo. Tun-i sing mapinangamuyuon ang Iya mga pulong, ang Iya mga aksyon, kag ang Iya mga kinaiya, kag tinguhai nga mas sundon pa gid Sia. Ang Pagtudlo sa Paagi sang Manluluwas mahimo ninyo nga mangin giya.