O le Esoto a Isaraelu mai Aikupito ma le Ulufalega i Kanana

O Ramese Sa lafoina ese Isaraelu mai Aikupito (Esoto 12; Numera 33:5).

O Sukota Ina ua tuua e le au Eperu lenei uluai togalauapi, sa faatasi ma i latou le Alii i le puaao i le ao ma le afi faaniutu i le po (Esoto 13:20–22).

O Peairota Sa ui atu Isaraelu i le Sami Ulaula (Esoto 14; Numera 33:8).

O Mara Sa faamagaloina vai o Mara e le Alii (Esoto 15:23–26).

O Ailima Sa tolauapi Isaraelu i tala ane o vaipuna e 12 (Esoto 15:27).

O le Vao o Sina Sa tuuina mai manai ma salu e fafaga ai Isaraelu (Esoto 16).

O Refiti Sa tau Isaraelu ma Amaleki (Esoto 17:8–16).

O le Mauga o Sinai (Mauga o Horepa po o Iepelu Musa) Sa faaalia e le Alii Poloaiga e Sefulu (Esoto 19–20).

O le Vao o Sinai Sa fauina e Isaraelu le fale fetafai (Esoto 25–30).

O Apitaga i le Vao O toeaina e fitugafulu sa valaaulia e fesoasoani ia Mose i le pulea o le nuu (Numera 11:16–17).

O Esiokape Sa ui atu Isaraelu laueleele o Esau ma Amoni i le filemu (Teu. 2).

O Katesapanea Sa aauina atu e Mose sipai i le laueleele folafolaina; sa fouvale Isaraelu ma e lei ulu atu i le laueleele; sa faaaoga Katesa o le togalauapi laumua o Isaraelu i tausaga e tele (Numera 13:1–3, 17–33; 14; 32:8; Teu. 2:14).

O le Vao i Sasaʼe Sa alo ese Isaraelu i le feteenaiga ma Etoma ma Moapi (Numera 20:14–21; 22–24).

O le Vaitafe o Arinona Sa faaumatia e Isaraelu Sa Amori o e sa tau ma i latou (Teu. 2:24–37).

O le Mauga o Nepo Sa vaai e Mose i le laueleele folafolaina (Teu. 34:1–4). Sa tuuina atu e Mose ana lauga mulimuli e tolu (Teu. 1–32).

O Eleele Laugatasi o Moapi Sa faatonuina Isaraelu e le Alii e vaevae le laueleele ma tuli ese tagata sa nonofo ai (Numera 33:50–56).

O le Vaitafe o Ioritana Sa sopoia i le eleele matutu e Isaraelu le Vaitafe o Ioritana. E lata ane i Kilikala, o maa mai le tuloto o le Vaitafe o Ioritana sa tuua e avea ma maa faamanatu e faamanatu ai le vaeluaina o vai o Ioritana (Iosua 3:1–5:1).

O Ieriko Sa mauaina ma faaumatia e le fanau o Isaraelu le aai (Iosua 6).