Wóltaʼii 6
Nephi Diyin God bídéétʼiʼígíí yaa nináʼádzoh—Nephi bílaʼashdlaʼii Abraham biDiyin God yaa hidookah dóó yisdáhidookah biniiyé naʼadzo. Díí tʼah doo Jesus biʼdichíhę́ędą́ą́ʼ 600–592 yihahą́ądą́ą́ʼ nahalzhiishgo ádahóótʼįįd.
1 Dóó kʼad shí, Nephi, ałkʼidą́ą́ʼ nihizhéʼé yę́ę oochííł yaa dahalneʼígíí doo shí shinááháasdzooígíí biyiʼ ádeeshłíił da; doo ndóʼ ndi éí baa haneʼ náásgóó haaʼída bikááʼ ádeeshłíił da; háálá éí naʼasdzooígíí shizhéʼé tʼáá bí neiʼáhígíí biyiʼ bikááʼ; ákohgo, díí haneʼ áshłéhígíí doo biiʼ nááhídéesoh da.
2 Áko Joseph bitsʼą́ą́dóó dahosiidlį́į́ʼ lá dishní.
3 Dóó índa tʼáá ałtso shizhéʼé baa haneʼ nááháasdzooígíí doo alą́ąjįʼ baa ntséskees da, háálá eii díí béésh óola tʼą́hí bikááʼ nááhídóodzohgo doo bóhóoghah da, háálá tʼáá bikááʼ hazʼánígi éí Diyin God bídéétʼiʼígíí bee akʼiʼdeeshchííł nisin.
4 Háálá díí tʼéí biniiyé shinaanish íishłaa éí nihookááʼ dineʼé, Abraham biDiyin God, dóó Isaac biDiyin God, dóó Jacob biDiyin God yaa nínáhidookah, dóó yisdánáhidookah nisingo.
5 Ákohgo, nihookááʼ dineʼé bił yáʼádaatʼéhígíí éí doo bikʼeʼeshchíi da, Diyin God dóó nihookááʼ dineʼé Diyin God bił yáʼátʼéhígíí tʼéiyá bikʼeʼeshchí.
6 Ákohgo, náásgóó shaʼáłchíní danilį́į dooleełígíí, nihookááʼ dineʼé tʼáadoo leʼé doo bá yáʼátʼéhígíí díí béésh óola tʼą́ʼhí tʼáadoo bikʼeʼdaʼołchíhí bidideeshniił.