1 Nephi

Mga Banal na Kasulatan

Ang Aklat ni Mormon

Mga Content
Pambungad at mga Saksi
1 Nephi
2 Nephi
Jacob
Enos
Jarom
Omni
Mga Salita ni Mormon
Mosias
Alma
Helaman
3 Nephi
4 Nephi
Mormon
Eter
Moroni

1 Nephi

Kabanata 1
Sinimulan ni Nephi ang tala ng kanyang mga tao—Nakita ni Lehi sa pangitain ang isang haliging apoy at bumasa siya mula sa isang aklat ng propesiya—Pinuri niya ang Diyos, ibinadya ang pagparito ng Mesiyas, at ipinropesiya ang pagkawasak ng Jerusalem—Inusig siya ng mga Judio. Mga 600 B.C.
Kabanata 2
Dinala ni Lehi ang kanyang mag-anak patungo sa ilang na malapit sa Dagat na Pula—Iniwan nila ang kanilang ari-arian—Si Lehi ay nag-alay ng isang hain sa Panginoon at tinuruan ang kanyang mga anak na sumunod sa mga kautusan—Sina Laman at Lemuel ay bumulung-bulong laban sa kanilang ama—Si Nephi ay masunurin at nanalangin nang may pananampalataya; ang Panginoon ay nakipag-usap sa kanya, at pinili siya na mamahala sa kanyang mga kapatid. Mga 600 B.C.
Kabanata 3
Bumalik sa Jerusalem ang mga anak ni Lehi upang kunin ang mga laminang tanso—Tumanggi si Laban na ibigay ang mga lamina—Pinayuhan ni Nephi at pinalakas ang loob ng kanyang mga kapatid—Ninakaw ni Laban ang kanilang ari-arian at pinagtangkaan silang patayin—Hinampas nina Laman at Lemuel sina Nephi at Sam at kinagalitan sila ng isang anghel. Mga 600–592 B.C.
Kabanata 4
Pinatay ni Nephi si Laban sa utos ng Panginoon at pagkatapos ay kinuha ang mga laminang tanso sa pamamagitan ng pakana—Pinili ni Zoram na sumama sa mag-anak ni Lehi sa ilang. Mga 600–592 B.C.
Kabanata 5
Dumaing si Saria laban kay Lehi—Kapwa sila nagalak sa pagbabalik ng kanilang mga anak—Nag-alay sila ng mga hain—Ang mga laminang tanso ay naglalaman ng mga sulat ni Moises at ng mga propeta—Tinukoy ng mga lamina si Lehi bilang isang inapo ni Jose—Nagpropesiya si Lehi hinggil sa kanyang mga binhi at sa pangangalaga sa mga lamina. Mga 600–592 B.C.
Kabanata 6
Isinulat ni Nephi ang mga bagay ng Diyos—Ang layunin ni Nephi ay hikayatin ang mga tao na lumapit sa Diyos ni Abraham at maligtas. Mga 600–592 B.C.
Kabanata 7
Ang mga anak ni Lehi ay nagbalik sa Jerusalem at inanyayahan si Ismael at ang kanyang sambahayan na sumama sa kanila sa kanilang paglalakbay—Naghimagsik si Laman at ang iba pa—Pinayuhan ni Nephi ang kanyang mga kapatid na magkaroon ng pananampalataya sa Panginoon—Siya ay kanilang iginapos ng lubid at binalak ang kanyang kamatayan—Nakalaya siya sa pamamagitan ng kapangyarihan ng pananampalataya—Humingi ng kapatawaran ang kanyang mga kapatid—Si Lehi at ang kanyang mga kasama ay nag-alay ng hain at mga handog na susunugin. Mga 600–592 B.C.
Kabanata 8
Nakakita si Lehi ng isang pangitain ng punungkahoy ng buhay—Kinain niya ang bunga nito at ninais niyang gayundin ang gawin ng kanyang mag-anak—Nakakita siya ng isang gabay na bakal, isang makipot at makitid na landas, at ng abu-abo ng kadiliman na bumabalot sa mga tao—Sina Saria, Nephi, at Sam ay kumain ng bunga, subalit tumanggi sina Laman at Lemuel. Mga 600–592 B.C.
Kabanata 9
Gumawa si Nephi ng dalawang uri ng talaan—Tinawag ang bawat isa na mga lamina ni Nephi—Ang malalaking lamina ay naglalaman ng kanilang sekular na kasaysayan; ang maliliit naman ay mas tumatalakay sa mga sagradong bagay. Mga 600–592 B.C.
Kabanata 10
Ibinadya ni Lehi na dadalhing mga bihag ng mga taga-Babilonia ang mga Judio—Sinabi niya ang tungkol sa pagdating sa mga Judio ng isang Mesiyas, isang Tagapagligtas, isang Manunubos—Sinabi rin ni Lehi ang tungkol sa pagdating ng isang tao na siyang magbibinyag sa Kordero ng Diyos—Sinabi ni Lehi ang tungkol sa kamatayan at pagkabuhay na mag-uli ng Mesiyas—Inihalintulad niya ang pagkalat at pagkatipon ng Israel sa isang punong olibo—Si Nephi ay nangusap tungkol sa Anak ng Diyos, sa kaloob na Espiritu Santo, at sa pangangailangan para sa katwiran. Mga 600–592 B.C.
Kabanata 11
Nakita ni Nephi ang Espiritu ng Panginoon at pinakitaan siya ng pangitain ng punungkahoy ng buhay—Nakita niya ang ina ng Anak ng Diyos at nalaman ang pagpapakababa ng Diyos—Nakita niya ang pagbibinyag, ministeryo, at pagkakapako sa krus ng Kordero ng Diyos—Nakita rin niya ang pagtawag at ministeryo ng Labindalawang Apostol ng Kordero. Mga 600–592 B.C.
Kabanata 12
Nakita ni Nephi sa pangitain ang lupang pangako; ang kabutihan, kasamaan, at pagbagsak ng mga naninirahan dito; ang pagparoon ng Kordero ng Diyos sa kanila; kung paano hahatulan ng Labindalawang Disipulo at ng Labindalawang Apostol ang Israel; at ang nakaririmarim at maruming kalagayan ng mga yaong nanghina sa kawalang-paniniwala. Mga 600–592 B.C.
Kabanata 13
Nakita ni Nephi sa pangitain ang simbahan ng diyablo na nakatatag sa mga Gentil, ang pagkakatuklas at pananakop sa Amerika, ang pagkawala ng maraming malinaw at mahalagang bahagi ng Biblia, ang kalagayang ibinunga ng apostasiya ng mga Gentil, ang pagpapanumbalik ng ebanghelyo, ang paglitaw ng banal na kasulatan ng huling araw, at ang pagtatatag ng Sion. Mga 600–592 B.C.
Kabanata 14
Sinabi ng isang anghel kay Nephi ang tungkol sa mga pagpapala at pagsusumpang ipapataw sa mga Gentil—May dalawang simbahan lamang: ang Simbahan ng Kordero ng Diyos at ang simbahan ng diyablo—Ang mga Banal ng Diyos sa lahat ng bansa ay inuusig ng makapangyarihan at karumal-dumal na simbahan—Ang Apostol na si Juan ang susulat hinggil sa katapusan ng daigdig. Mga 600–592 B.C.
Kabanata 15
Matatanggap ng mga binhi ni Lehi ang ebanghelyo mula sa mga Gentil sa mga huling araw—Inihalintulad ang pagtitipon ng Israel sa isang punong olibo na ang mga likas na sanga ay ihuhugpong na muli—Binigyang-kahulugan ni Nephi ang pangitain ng punungkahoy ng buhay at nangusap tungkol sa katarungan ng Diyos sa paghihiwalay ng masasama sa mga matwid. Mga 600–592 B.C.
Kabanata 16
Ang masasama ay tinatanggap ang katotohanan nang may kahirapan—Pinakasalan ng mga anak na lalaki ni Lehi ang mga anak na babae ni Ismael—Ang Liahona ang pumapatnubay sa kanilang landas sa ilang—Ang mga mensahe mula sa Panginoon ay nasusulat sa Liahona sa pana-panahon—Namatay si Ismael; ang kanyang mag-anak ay bumulung-bulong dahil sa mga paghihirap. Mga 600–592 B.C.
Kabanata 17
Inutusan si Nephi na gumawa ng isang sasakyang-dagat—Sinalungat siya ng kanyang mga kapatid—Kanyang pinayuhan sila sa pamamagitan ng muling pagsasalaysay ng pakikipag-ugnayan ng Diyos sa Israel—Napuspos si Nephi ng kapangyarihan ng Diyos—Pinagbawalan ang kanyang mga kapatid na siya ay hawakan, sapagkat baka sila ay matuyo na katulad ng tuyong tambo. Mga 592–591 B.C.
Kabanata 18
Ang sasakyang-dagat ay natapos—Ang pagsilang kina Jacob at Jose ay binanggit—Lumulan ang pangkat patungo sa lupang pangako—Ang mga anak na lalaki ni Ismael at ang kanilang mga asawa ay nakiisa sa maingay at magulong pagsasaya at paghihimagsik—Si Nephi ay iginapos, at ang sasakyang-dagat ay itinaboy pabalik ng isang nakasisindak na bagyo—Pinalaya si Nephi at sa pamamagitan ng kanyang panalangin ay tumigil ang bagyo—Dumating ang mga tao sa lupang pangako. Mga 591–589 B.C.
Kabanata 19
Si Nephi ay gumawa ng mga laminang yari sa inang mina at itinala ang kasaysayan ng kanyang mga tao—Paparito ang Diyos ng Israel sa loob ng anim na raang taon mula sa panahong lisanin ni Lehi ang Jerusalem—Nangusap si Nephi tungkol sa Kanyang mga pagdurusa at pagkakapako sa krus—Ang mga Judio ay kamumuhian at ikakalat hanggang sa mga huling araw, kung kailan sila magbabalik sa Panginoon. Mga 588–570 B.C.
Kabanata 20
Ipinahayag ng Panginoon ang kanyang mga layunin sa Israel—Napili ang Israel sa hurno ng paghihirap at hahayo mula sa Babilonia—Ihambing sa Isaias 48. Mga 588–570 B.C.
Kabanata 21
Magsisilbing ilaw sa mga Gentil ang Mesiyas at palalayain ang mga bihag—Sa kapangyarihan titipunin ang Israel sa mga huling araw—Mga hari ang kanilang magiging mga tagakandiling ama—Ihambing sa Isaias 49. Mga 588–570 B.C.
Kabanata 22
Ikakalat ang Israel sa lahat ng dako ng mundo—Aalagaan at pakakainin ng mga Gentil ang Israel sa pamamagitan ng ebanghelyo sa mga huling araw—Ang Israel ay matitipon at maliligtas, at masusunog ang masasama na parang pinaggapasan—Wawasakin ang kaharian ng diyablo at si Satanas ay igagapos. Mga 588–570 B.C.