Helaman

Mga Banal na Kasulatan

Ang Aklat ni Mormon

Mga Content
Pambungad at mga Saksi
1 Nephi
2 Nephi
Jacob
Enos
Jarom
Omni
Mga Salita ni Mormon
Mosias
Alma
Helaman
3 Nephi
4 Nephi
Mormon
Eter
Moroni

Helaman

Kabanata 1
Ang ikalawang Pahoran ay naging punong hukom at pinaslang ni Kiskumen—Nanungkulan si Pacumeni sa hukumang-luklukan—Pinamunuan ni Coriantumer ang hukbo ng mga Lamanita, sinakop ang Zarahemla, at pinatay si Pacumeni—Natalo ni Moronihas ang mga Lamanita at nabawi ang Zarahemla, at si Coriantumer ay napatay. Mga 52–50 B.C.
Kabanata 2
Si Helaman, ang anak na lalaki ni Helaman, ay naging punong hukom—Pinamunuan ni Gadianton ang pangkat ni Kiskumen—Pinatay ng tagapagsilbi ni Helaman si Kiskumen, at ang pangkat ni Gadianton ay nagsitakas patungo sa ilang. Mga 50–49 B.C.
Kabanata 3
Maraming Nephita ang dumayo sa lupaing pahilaga—Sila ay nagtayo ng mga bahay na semento at nag-ingat ng maraming talaan—Sampu-sampung libo ang nagbalik-loob at nabinyagan—Inaakay ng salita ng Diyos ang mga tao tungo sa kaligtasan—Si Nephi, ang anak na lalaki ni Helaman, ay nanungkulan sa hukumang-luklukan. Mga 49–39 B.C.
Kabanata 4
Ang mga tumiwalag sa mga Nephita at ang mga Lamanita ay nagsanib ng lakas at sinakop ang lupain ng Zarahemla—Dumating ang mga pagkatalo ng mga Nephita dahil sa kanilang kasamaan—Nanghina ang Simbahan, at naging mahihina ang mga tao na tulad ng mga Lamanita. Mga 38–30 B.C.
Kabanata 5
Ginugol nina Nephi at Lehi ang kanilang sarili sa pangangaral—Hinihikayat sila ng kanilang mga pangalan na itulad ang kanilang mga buhay sa kanilang mga ninuno—Tinutubos ni Cristo ang mga yaong nagsisisi—Sina Nephi at Lehi ay maraming napabalik-loob at ibinilanggo, at pinaligiran sila ng apoy—Nililiman ng isang ulap ng kadiliman ang tatlong daang katao—Ang lupa ay nayanig, at isang tinig ang nag-utos sa mga tao na magsisi—Nakipag-usap sa mga anghel sina Nephi at Lehi, at pinaligiran ng apoy ang maraming tao. Mga 30 B.C.
Kabanata 6
Nangaral ang mga matwid na Lamanita sa masasamang Nephita—Kapwa sila umunlad sa isang panahon ng kapayapaan at kasaganaan—Pinukaw ni Lucifer, ang tagapagpasimula ng kasalanan, ang mga puso ng masasama at ang mga tulisan ni Gadianton sa pagpaslang at kasamaan—Inagaw ng mga tulisan ang pamahalaang Nephita. Mga 29–23 B.C.
Kabanata 7
Si Nephi ay tinanggihan sa hilaga at nagbalik sa Zarahemla—Nanalangin siya sa kanyang tore sa halamanan at pagkatapos, nanawagan sa mga tao na magsisi o masawi. Mga 23–21 B.C.
Kabanata 8
Naghangad na udyukan ng mga tiwaling hukom ang mga tao laban kay Nephi—Sina Abraham, Moises, Zenos, Zenok, Ezias, Isaias, Jeremias, Lehi, at Nephi ay nagpatotoong lahat tungkol kay Cristo—Sa pamamagitan ng inspirasyon, ipinahayag ni Nephi ang pagpaslang sa punong hukom. Mga 23–21 B.C.
Kabanata 9
Natagpuang patay ng mga tagapagbalita ang punong hukom sa hukumang-luklukan—Ikinulong sila at hindi naglaon ay pinakawalan—Sa pamamagitan ng inspirasyon, kinilala ni Nephi si Seantum na siyang mamamatay-tao—Si Nephi ay tinanggap ng ilan bilang isang propeta. Mga 23–21 B.C.
Kabanata 10
Ibinigay ng Panginoon kay Nephi ang kapangyarihang makapagbuklod—Binigyan siya ng kapangyarihang makapagbuklod at makapaghiwalay sa lupa at sa langit—Inutusan niya ang mga tao na magsisi o masawi—Dinala siya ng Espiritu sa bawat pagtitipun-tipon ng maraming tao. Mga 21–20 B.C.
Kabanata 11
Nahikayat ni Nephi ang Panginoon na palitan ang kanilang digmaan ng isang taggutom—Maraming tao ang nasawi—Sila ay nagsisi, at humiling si Nephi ng ulan sa Panginoon—Nakatanggap sina Nephi at Lehi ng maraming paghahayag—Ipinaligid ng mga tulisan ni Gadianton ang kanilang sarili sa lupain. Mga 20–6 B.C.
Kabanata 12
Ang mga tao ay mahihina at hangal at mabilis gumawa ng masama—Pinarurusahan ng Panginoon ang Kanyang mga tao—Ang kawalang-kabuluhan ng tao ay inihambing sa kapangyarihan ng Diyos—Sa araw ng paghuhukom, matatamo ng tao ang buhay na walang hanggan o walang hanggang kapahamakan. Mga 6 B.C.
Kabanata 13
Ipinropesiya ni Samuel, ang Lamanita, ang pagkalipol ng mga Nephita maliban kung magsisisi sila—Isinumpa sila at ang kanilang mga yaman—Kanilang tinanggihan at binato ang mga propeta, napaligiran sila ng mga demonyo, at naghangad ng kaligayahan sa paggawa ng kasamaan. Mga 6 B.C.
Kabanata 14
Ibinadya ni Samuel ang pagliwanag sa oras ng gabi at ang isang bagong bituin sa pagsilang ni Cristo—Tutubusin ni Cristo ang tao mula sa temporal at espirituwal na kamatayan—Kasama sa mga palatandaan ng kanyang kamatayan ang tatlong araw ng kadiliman, ang pagkabiyak ng mga bato, at malalaking pagkakagulo ng kalikasan. Mga 6 B.C.
Kabanata 15
Pinarusahan ng Panginoon ang mga Nephita dahil mahal Niya sila—Ang mga nagbalik-loob na mga Lamanita ay matibay at matatag sa kanilang pananampalataya—Ang Panginoon ay magiging maawain sa mga Lamanita sa mga huling araw. Mga 6 B.C.
Kabanata 16
Bininyagan ni Nephi ang mga Nephita na naniwala kay Samuel—Si Samuel ay hindi mapatay ng mga palaso at bato ng mga hindi nagsisising Nephita—Pinatigas ng ilan ang kanilang mga puso, ang iba ay nakakita ng mga anghel—Sinabi ng mga hindi naniniwala na hindi makatwirang maniwala kay Cristo at sa Kanyang pagparoon sa Jerusalem. Mga 6–1 B.C.